ಇತ್ತೀಚೆಗೆ ಸೇರಿಸಿದ ಪುಟಗಳು

ಬಂಧ ಅದುವೆ ಅನುಬಂಧ..

 
 
ಎಷ್ಷೊಂದು ಚಂದವಲ್ಲವೇ ಈ ಬಂಧ
ನೋಡಲು ಬಲು ಆನಂದ
ಒಬ್ಬರನ್ನೊಬ್ಬರು ಅರಿಯುವುದೇ ಮಹದಾನಂದ
ಅದೇ ಅಲ್ಲವೇ ಅನುಬಂಧ
 
ತನಗರಿವಿಲ್ಲದಂತೆ 
ಕಳಚಿಕೊಳ್ಳುತ್ತಿದೆಯೇನೋ ಈ ಬಂಧ
ದ್ವೇಷ -ಅಸೂಯೆ ಮೇಲು-ಕೀಳು
ಬಡವ-ಬಲ್ಲಿದ ಎಂಬ ಭಾವನೇ
ಇರುವಲ್ಲಿ ಸಂಬಂಧವೇ !!!
 
ಅಣ್ಣ-ತಮ್ಮ ಅಕ್ಕ-ತಂಗಿ 
ತಂದೆ-ತಾಯಿ ಬಂಧು-ಬಳಗ
ಎಲ್ಲವೂ ಮರೆಯಾಗುತ್ತಿದೆ.
ಏಕೆ ಈ ಅಗಲಿಕೆ ಕಂದ!!!
 
ಮಾನವ ತನ್ನ ಸುಖವನ್ನಷ್ಟೆ ನೋಡುತ್ತಾನೆ ಹೊರತು
ಪರರ ಸುಖವನ್ನ ನೋಡುತ್ತಾನೆಯೇ
ತಾನು ಸಂಪಾದಿಸಿದ್ದು ಅನ್ಯರಿಗೇಕೆ ಸಹಾಯ
ಎನ್ನುವ ಕಠೋರ ಮನಸ್ಸು!!!
 
ಸಂಬಂಧ ಬಿಡಿಸಲಾಗದ ಅನುಬಂಧ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 2.5 (2 votes)
To prevent automated spam submissions leave this field empty.

ಸುಂದರ ಶ್ರೀಮಂತ

ಸುಂದರ ಶ್ರೀಮಂತ
------------------------
ಸುಂದರ ಶ್ರೀಮಂತ
ಶಿಲ್ಪಕಲೆ ಬಲೆಯೊಳು ನಿಂತ
ಶ್ರೀ ಚನ್ನಕೇಶವಾ....|
ನಿತ್ಯ ನೂತನ ನಿತ್ಯ ಚೇತನ
ನಿತ್ಯ ವೈಭವವೀ ದೈವಸನ್ನಿದಾನ|
ಗಂಟೆ ಜಾಗಟೆಗಳಿಲ್ಲದ
ಅಪರೂಪದ ದೇವಸ್ಥಾನ||

ಕಲೆಯೋ ಇದು
ಕವಿಯ ಕಲ್ಪನೆಯೊ ಇದು
ಕಲ್ಲಲರಳಿದ ತರತರದ ಹೂಮಾಲೆಯೊ|
ಯುಗ ಯುಗಾಂತರದ
ಕಥಾ ಹಂದರದ ಅರಮನೆಯೊ|
ಮಹಾಕಾವ್ಯ
ರಾಮಾಯಣ, ಮಹಾಭಾರತದ
ಕಾವ್ಯವಾಚನವೊ|
ಹರಿಯ ಹತ್ತುಅವತಾರವ
ಚಿತ್ತಾರ ಮೂಡಿರುವ ಬ್ರಹ್ಮಾಂಡವೊ ಇದು
ಸನಾತನಧರ್ಮದ ಕೈಗನ್ನಡಿಯೊ||

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (1 vote)
To prevent automated spam submissions leave this field empty.

ಬೆಳಕೆಂದರೆ...

 
ಪುಟ್ಟ ಮಗು ತೊಟ್ಟಿಲಲ್ಲಿ
ಬೊಚ್ಚು ಬಾಯಿ ಬಿಚ್ಚಿ 
ಮೊಳೆವ ಕೈಯ ತಟ್ಟಿ ನಕ್ಕಿತು
ಬೆಳಕು ಬೆಳೆದು ಹರಡಿತು
 
ಚಿಕ್ಕ ಇರುವೆ ಸಾಲಿನಲ್ಲಿ
ಸಣ್ಣ ಸಿಹಿಯ ಅಚ್ಚು ಕಚ್ಚಿ
ಗೂಡಿನೆಡೆಗೆ ಸಾಗಿತು
ಬೆಳಕು ಶಿಸ್ತು ಎನಿಸಿತು
 
ಕಾಗೆ ಮರದ ಅಂಚಿನಿಂದ
ಕಾಳ ಕಂಡು ಕರೆಯಿತು
ಬಳಗ ಸೇರೆ ಹಂಚಿತು
ಬೆಳಕು ಒಲವು ಆಯಿತು 
 
ಗೋವು ತನ್ನ ಮಂದೆಯಲಿ
ಕರುಳ ಬಳ್ಳಿಗೆಳಸಿ ಸಾಗಿ
ಹಾಲನೂಡಿ ತಣಿಯಿತು
ಬೆಳಕು ಹಸಿವ ನುಂಗಿತು  
 
ಬೆವರಾಗಿ ರೈತ ದುಡಿದು
ಹಸಿರ ಹಾಸಿನಲ್ಲಿ ದಣಿದು
ಮುಗುಳಾಗಿ ಮಲಗಿದಲ್ಲಿ 
ಬೆಳಕು ನೆರಳು ಕಲೆಯಿತು
 

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 3.5 (2 votes)
To prevent automated spam submissions leave this field empty.

ಬಾವತೀರ

ಬಾವಗಳಿಂದ ಉಕ್ಕಿ ಹರಿದ
ಆ ಕಡಲಿಗೆ ಕರೆದ
ಬಾವತೀರದ ಕೆನ್ನಾಲಿಕೆಗೆ
ಅಪ್ಪಳಿಸಿದ ಅಲೆಗೂ ಅರಿವಿಲ್ಲ

ಕಡಲ ತೀರದಲ್ಲೇ
ಓಣಗಿದ ಮರಕ್ಕೆ
ಬಾಯಾರಿಕೆ ಎಂದರೆ
ಅದು ನೀರಲ್ಲೇ ಸತ್ತುಹೋಗಿತ್ತು

ವೈಯಾರದಿಂದ ಸಿಂಗಾರಗೊಂಡು
ಆ ಕಡಲ ಕೆನ್ನಾಲಿಕೆಗೆ
ನೀನು ಕೊಟ್ಟ ಮಾತು
ಕಡಲಲ್ಲಿ ದೊರೆತ ಮುತ್ತು
ಅವೆರಡಕ್ಕೂ ಈಗ ವೈಯಾರ

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.
ಬ್ಲಾಗ್ ವರ್ಗಗಳು: 

Pages