ಇತ್ತೀಚೆಗೆ ಸೇರಿಸಿದ ಪುಟಗಳು

ನಾನು ನೋಡಿದ ಚಿತ್ರ- ಇಂಪ್ರೆಶನೆನ್ ಉಂಟರ್ ವಾಸರ್(ಜರ್ಮನ್)

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.5 (2 votes)
To prevent automated spam submissions leave this field empty.

ಕನ್ಯಾನದ ಕುಟುಂಬದ ಕೃಷಿಕಾಯಕ

ಜೂನ್ ೨೬, ೨೦೧೬ರಂದು ನಾವು ಹೊರಟದ್ದು ಕನ್ಯಾನದ ಗೋಪಾಲಕೃಷ್ಣ ಶರ್ಮರ ಮನೆಗೆ. ಮಂಗಳೂರಿನಿಂದ ಕಾರಿನಲ್ಲಿ ಮುಡಿಪು, ಬಾಕ್ರಬೈಲು ಹಾದಿಯಲ್ಲಿ ಸಾಗಿ ಒಡಿಯೂರು ಸಂಸ್ಥಾನದ ಪ್ರವೇಶದ್ವಾರದಲ್ಲಿ ಎಡಕ್ಕೆ ತಿರುಗಿ ಕನ್ಯಾನ ತಲಪಿದೆವು. ಅಲ್ಲಿಂದ ಅರ್ಧ ಕಿಲೋಮೀಟರ್ ಮುಂದಕ್ಕೆ ಹೋಗಿ, ವಿಷ್ಣುಮೂರ್ತಿ ದೇವಸ್ಥಾನದ ರಸ್ತೆಗೆ ಬಲಕ್ಕೆ ತಿರುಗಿದೆವು. ಅನಂತರ ಎಡಕ್ಕೆ ತಿರುಗಿ ಇಳಿಜಾರಿನ ಕಚ್ಚಾ ಹಾದಿಯಲ್ಲಿ ಸಾಗಿ ಶರ್ಮರ ಮನೆ ಮುಟ್ಟಿದೆವು. ಅವರ ತಂದೆ ಕಟ್ಟಿಸಿದ ೮೦ ವರುಷಗಳ ಹಳೆಯ ಮನೆ. ಹಂಚಿನ ಚಾವಣಿ. ಮನೆಯ ಎಡಪಕ್ಕದಲ್ಲಿ ಹಟ್ಟಿ – ದನಗಳು. ಹಟ್ಟಿಯ ಹಿಂಭಾಗದಲ್ಲಿ ಒಂದು ದೇಸಿ ಹೋರಿ ಮತ್ತು ಗೋಬರ್ ಗ್ಯಾಸ ಘಟಕ. ಪಕ್ಕದಲ್ಲಿ ಸ್ಲರಿ ಟ್ಯಾಂಕ್.

ಆಮದು ವೆಚ್ಚ ರೂ.೧.೪ ಲಕ್ಷ ಕೋಟಿ: ರೈತರ ಕೈತಪ್ಪಿತೇ?

೨೦೧೫ – ೧೬ನೇ ವರುಷದಲ್ಲಿ ನಮ್ಮ ದೇಶ ಆಮದು ಮಾಡಿಕೊಂಡ ಕೃಷಿ ಉತ್ಪನ್ನಗಳ ಮೌಲ್ಯ ರೂ.೧.೪ ಲಕ್ಷ ಕೋಟಿ. ಇದರಿಂದಾಗಿ ಹುಟ್ಟುವ ಸಂದೇಹ: ಆಹಾರ ಉತ್ಪಾದನೆಯಲ್ಲಿ ಸ್ವಾವಲಂಬಿ ಆಗಿರಬೇಕೆಂಬ ಧೋರಣೆಯನ್ನು ನಮ್ಮ ದೇಶ ಕ್ಷಿಪ್ರವಾಗಿ ಬದಲಾಯಿಸುತ್ತಿದೆಯೇ? ಈ ಸಂದೇಹಕ್ಕೆ ಕಾರಣ, ಇತ್ತೀಚೆಗಿನ ವರುಷಗಳ ಬೆಳವಣಿಗೆ: ಇತ್ತ ಬಂಪರ್ ಬೆಳೆ ಬೆಳೆದಿದ್ದೇವೆ ಎಂದು ಘೋಷಿಸುವ ಸರಕಾರ, ಅತ್ತ ಕೃಷಿ ಉತ್ಪನ್ನಗಳ ಆಮದಿಗೆ ಉತ್ತೇಜನ ನೀಡುತ್ತಿರುವುದು. ಮುಖ್ಯವಾಗಿ, ಗೋಧಿ, ಜೋಳ ಮತ್ತು ಅಕ್ಕಿ (ಬಸುಮತಿ ಹೊರತಾಗಿ) ಇಂತಹ ಏಕದಳ ಧಾನ್ಯಗಳ ಆಮದಿಗೆ ಅವಕಾಶ ನೀಡಿರುವುದು. ಈ ಆಹಾರಧಾನ್ಯಗಳ ಆಮದು ಪರಿಮಾಣ ೨೦೧೪ರಿಂದ ೨೦೧೭ರ ಅವಧಿಯಲ್ಲಿ ೧೧೦ ಪಟ್ಟು ಹೆಚ್ಚಾಗಿದೆ.

ಕೃಷಿಕಪರ ವಿಜ್ಞಾನಿಗಳು ಮೌನವಾಗಿದ್ದಾರೆ, ಯಾಕೆ?

“ಕಾಳುಮೆಣಸು ಬಳ್ಳಿಯನ್ನು ಆಧಾರ ಮರಕ್ಕೆ ಹಬ್ಬಿಸುತ್ತೀರಲ್ಲಾ. ಒಂದೂವರೆಯಿಂದ ಎರಡು ಮೀಟರ್ ಎತ್ತರ ಬೆಳೆಯಲಿ. ನಂತರ ಮೇಲ್ಭಾಗದಿಂದ ಬಳ್ಳಿಯನ್ನು ಬಿಡಿಸುತ್ತಾ ಬನ್ನಿ. ಇದನ್ನು ನೆಲಮಟ್ಟದಿಂದ ಒಂದಡಿ ಎತ್ತರದ ವರೆಗೆ ಆಧಾರ ಮರಕ್ಕೆ ಸುತ್ತಿ. ಜಾರದಂತೆ ಬಳ್ಳಿಗಳನ್ನು ಹಗ್ಗದಿಂದ ಸಡಿಲವಾಗಿ ಕಟ್ಟಿ. ಕೊನೆಗೆ ತುದಿ ಭಾಗವನ್ನು ಮೇಲ್ಮುಖವಾಗಿ ದಾರದಿಂದ ಕಟ್ಟಿ. ಇದರಿಂದಾಗಿ ಕಾಳುಮೆಣಸಿನ ಬಳ್ಳಿಯ ಗಂಟುಗಳು ಬೇರುಬಿಟ್ಟು ನೆಲಕ್ಕಿಳಿಯುತ್ತವೆ. ಭೂಮಿಯಿಂದ ಹೆಚ್ಚು ಪೋಷಕಾಂಶ ಹೀರಲು ಸಹಾಯ ಮಾಡುತ್ತದೆ. ಪ್ರತಿ ಗಂಟುಗಳು ಚಿಗುರಿ ಆಧಾರ ಮರದ ಸುತ್ತ ಮೇಲೇರುತ್ತವೆ. ಬಳ್ಳಿಯು ವಿಶಾಲವಾಗಿ ಹಬ್ಬುತ್ತದೆ. ಇದರಿಂದ ಇಳುವರಿ ಹೆಚ್ಚು.” ಪುತ್ತೂರು (ದ.ಕ.) ತಾಲೂಕಿನ ಕೃಷಿಕ ನರಿಮೊಗ್ರು ಎಂ. ಮೋಹನ ರೈವರು ತನ್ನ ಅನುಭವವನ್ನು ಕೃಷಿಕರೊಂದಿಗೆ ಹಂಚಿಕೊಂಡರು.

ಕರಿಬಸರಿಯ ಹಸಿರು ಹೆರಿಗೆ

"ಹೆಸರು ಗುರುತಿಸುವಾಗ ಯಾವತ್ತೂ 'ಅವಳು ಬಸುರಿ' ಎಂದು ಕರಿಬಸರಿಯನ್ನು ತಮಾಷೆಗೆ ಕರೆಯುತ್ತಿದ್ದೆವು. ಬಸುರಿಯಾದವಳು ಹೆರಬೇಕು. ಇದು ನಿಸರ್ಗ ನಿಯಮ. ಈಗ ಕರಿಬಸರಿ ಹೆಸರಿಗೆ ತಕ್ಕಂತೆ ಹಸಿರು ಹೆರಿಗೆಯ ಸಾರ್ಥಕ ಕೆಲಸ ಮಾಡುತ್ತಿದೆ. “ ಕರಿಬಸರಿ ಮರ ನೋಡಿದಾಗ ವಿಚಿತ್ರ ಕಾಣುತ್ತಿದೆ. ಎಳ್ಳಿನ ಗಾತ್ರದ ಇದರ ಬೀಜಕ್ಕೆ ನೇರ ನೆಲಕ್ಕೆ ಬಿದ್ದರೆ ಹುಟ್ಟುವುದಕ್ಕೆ ತಾಕತ್ತಿಲ್ಲ. ಪಕ್ಷಿಗಳು ಹಣ್ಣು ತಿಂದು ಅವುಗಳ ಹೊಟ್ಟೆಸೇರಿ ಬೀಜೋಪಚಾರ ಪಡೆದು ಹಿಕ್ಕೆಯ ಮೂಲಕ ಹೊರಬರಬೇಕು. ಯಾವುದೋ ಮರದ ಟೊಂಗೆಗಳ ಮೇಲೆ ಹಕ್ಕಿಯ ಹಿಕ್ಕೆಯ ಜೊತೆ ಬಿದ್ದು ಮೊಳಕೆಯೊಡೆಯಬೇಕು. ವೃಕ್ಷದ ಟೊಳ್ಳು ಜಾಗಗಳಲ್ಲಿ ಕಷ್ಟಪಟ್ಟು ಬೆಳೆದು ಕೊನೆಗೆ ತನಗೆ ಆಶ್ರಯ ನೀಡಿದ ಮರವನ್ನು ಬಿಗಿದಪ್ಪಿ ಹತ್ಯೆ ಮಾಡುವ ಚಾಳಿ ಇದರದು! ಸಸ್ಯಲೋಕದ ಖಳನಾಯಕನಂತೆ ತಕ್ಷಣಕ್ಕೆ ಮರ ಕಾಣಿಸಬಹುದು.

ಮಕೈಬಾರಿ ಟೀ ಎಸ್ಟೇಟ್: ದುಬಾರಿ ಚಹಾದ ತವರು

ಒಂದು ಕಿಲೋಕ್ಕೆ ರೂಪಾಯಿ ೧.೧೦ ಲಕ್ಷ ಬೆಲೆಯ ಚಹಾ ಬಗ್ಗೆ ಕೇಳಿದ್ದೀರಾ? ಅದುವೇ ಜಗತ್ತಿನ ಅತ್ಯಂತ ದುಬಾರಿ ಚಹಾ. ಅದರ ತವರು ಡಾರ್ಜಿಲಿಂಗಿನ ಮಕೈಬಾರಿ ಟೀ ಎಸ್ಟೇಟ್. ೧೮೫೯ರಲ್ಲಿ ಗಿರೀಶ್ ಚಂದ್ರ ಬ್ಯಾನರ್ಜಿ ಆರಂಭಿಸಿದ ಈ ಎಸ್ಟೇಟಿಗೆ ೧೫೮ ವರುಷಗಳ ದೀರ್ಘ ಇತಿಹಾಸ. ೧,೬೫೦ ಎಕ್ರೆ ವಿಸ್ತಾರದ ಮಕೈಬಾರಿ ಟೀ ಎಸ್ಟೇಟಿನಲ್ಲಿ ಸುತ್ತಾಡುವಾಗ ಅಲ್ಲಿ ಮೂರನೆಯ ಎರಡು ಭಾಗ ಪ್ರದೇಶದಲ್ಲಿ (೧,೧೦೦ ಎಕ್ರೆ) ಅರಣ್ಯವೇ ಕಾಣಿಸುತ್ತದೆ. ಉಳಿದ ಮೂರನೆಯ ಒಂದು ಭಾಗ ಪ್ರದೇಶದಲ್ಲಿ (೫೫೦ ಎಕ್ರೆ) ಮಾತ್ರ, ಅರಣ್ಯದ ನಡುನಡುವೆ ಚಹಾ ಗಿಡಗಳ ಉದ್ಯಾನಗಳಿವೆ. ಇಲ್ಲಿ ಅತ್ಯುತ್ತಮ ಗುಣಮಟ್ಟದ ಟೀ ಉತ್ಪಾದನೆಯಾಗಲು ಇದುವೇ ಪ್ರಧಾನ ಕಾರಣ, ಎನ್ನುತ್ತಾರೆ ಮಕೈಬಾರಿ ಟೀ ಎಸ್ಟೇಟಿನ ಮಾಲೀಕ ರಾಜಾ ಬ್ಯಾನರ್ಜಿ (೭೦).

ಹೀಗಿರಬೇಕು ಆಫೀಸು!

ಅಂದದ ಚೆಂದದ ಹೆಣ್ಣಿರಬೇಕು
ಲಕ್ಷಣ ಸುಂದರ ಕಾಣಿಸಬೇಕು
ಹುಡುಗರಿಗಾಗ ಇರುವುದು ಸ್ಫೂರ್ತಿ
ಬಿಡದೆ ಬರುವರು ವರುಷ ಪೂರ್ತಿ

ಬಂದ ಕೂಡಲೇ ನಗೆಯ ಬೀರಲು
ಹುಡುಗರಿರುವರು ಹಗಲೂ ಇರುಳೂ
ಹೇಗಿರುವೇ ಎಂದಾಕೆ ಕೇಳಲು
ಸಾರ್ಥಕ ಜೀವನ ಎಂದೆಣಿಸುವರು

ತುಂಟ ನೋಟವ ಅವಳು ತೋರಲು
ಹುಚ್ಚು ತಳಮಳ ಮನದಲಿ ಎನುವರು
ಕಾಡಿಗೆ ಹಚ್ಚಿದ ಕಂಗಳು ಕಾಣಲು
ಅವಳೇ ಗುರಿಯೆಂದಂದುಕೊಳುವರು

ಕಾಫಿಗೆ ನನ್ನ ಜೊತೆ ಬರಬೇಕು
ಊಟದ ಸಮಯದಿ ಕಂಡರೆ ಸಾಕು
ಹೋಗವ ಮುನ್ನ ಮುಗುಳ ತೋರಿದರೆ
ದಿನವ ಕಳೆಯಲದೆ ಸಾಕೆಂದೆನುವರು

- ಸಚಿನ್. ಎಲ್. ಎಸ್

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (8 votes)
To prevent automated spam submissions leave this field empty.

Pages