ನಂ ನಂ ತನುವ ಸಂತೈಸಿಕೊಂಡ ಮೇಲೆ
ಅಥವಾ ಅದಕ್ಕೆ ಕಾಯದೆ - ನಮ್ನಮ್ಮ ಡೊಂಕನ್ನು ಮೊದಲು ತಿದ್ದುಕೊಳ್ಳುವಷ್ಟು ಸ್ವಾರ್ಥಿಯಾಗದೆ

ಲೋಕದ ಡೊಂಕನ್ನು ಏಕೆ ತಿದ್ದಲು ಹೊರಡಬಾರದು ?

"ಕನ್ನಡದ ಪುಲ್ಲೆನಗೆ ಪರಮ ಪಾವನ ತುಳಸಿ"

"ಲೋಕದ ಡೊಂಕ ನೀವೇಕೆ ತಿದ್ದುವಿರಿ? ನಿಮ್ಮ ನಿಮ್ಮ ತನುವ ಸಂತೈಸಿಕೊಳ್ಳಿ" - ಬಸವಣ್ಣ

ನೀವು ಹೇಳೋದು ನಿಜ, ಆದರೇ....

ನಮ್ಮನ್ನು ನಾವು ತಿದ್ದಿಕೊಳ್ಳುತ್ತಲೇ ನಮ್ಮ ವಿಚಾರವನ್ನು ಹಂಚಿಕೊಂಡರೆ ತಪ್ಪಿಲ್ಲ ಅಲ್ವಾ? ಒಳ್ಳೆಯ ವಿಚಾರವನ್ನು ಜೀವನದಲ್ಲಿ ಅಳವಡಿಸಿಕೊಂಡವರು ಸ್ಥಿತಪ್ರಜ್ಞರಂತೆ ಸುಮ್ಮನಾಗಿಬಿಟ್ಟರೆ ಅವರಿಂದ ಸಮಾಜಕ್ಕೆ ಕೆಡುಕಾಗದಿದ್ದರೂ, ಅವರಂತೆ ಹತ್ತಾರು ಜನ ಒಳ್ಳೆಯವರಾಗುವುದಕ್ಕೆ ಅವಕಾಶ ತಪ್ಪಿದಂತಾಗುತ್ತದಲ್ಲವೇ? ಅಲ್ಲದೆ ಸುಮ್ಮನೆ ಪ್ರಚಾರಕ್ಕಾಗಿ ಬರೆಯುವವರು ಸಮಾಜಕ್ಕೆ ಬೇಡವಾದ ಸಮಾಜದ ಸ್ವಾಸ್ಥ್ಯ ಕೆಡಸುವ ಅನೇಕಸಂಗತಿಗಳನ್ನು ಬರೆದು,ಗೊಂದಲಕ್ಕೆ ಕಾರಣ ವಾಗುತ್ತಾರೆ. ಇಂತಹ ಸಮಯದಲ್ಲಿ ನಿಜವಾಗಿ ಸಮಾಜಕ್ಕೆ ಒಳಿತಾಗಬಲ್ಲ ಸಂಗತಿಗಳು ಒಬ್ಬರಲ್ಲಿದ್ದರೆ ಅದನ್ನು ಹಂಚಿಕೊಂಡರೆ ತಪ್ಪಾ?
ನನ್ನ ವಿಚಾರವನ್ನು ಹಂಚಿಕೊಳ್ಳುವುದರಲ್ಲಿ ನನಗೆ ಸಂಕೋಚವಿಲ್ಲ. ನಮ್ಮ ಪೂರ್ವಜರು ನಮಗೆ ಒಂದು ಒಳ್ಳೆಯ ಸಂಸ್ಕೃತಿಯನ್ನು ಕೊಟ್ಟಿದ್ದಾರೆಂಬ ಹೆಮ್ಮೆ ಇದ್ದರೂ ಹಿಂದು ಸಮಾಜದಲ್ಲಿ ಕೆಲವರನ್ನು ದೂರವಿಟ್ಟ ಪರಿಣಾಮವಾಗಿ ಇಂದು ಹಿಂದು ಸಮಾಜದಲ್ಲಿ ದೊಡ್ಡ ಕಂದಕ ನಿರ್ಮಾಣ ವಾಗಿದೆ. ನನ್ನ ಐದು ದಶಕಗಳ ಜೀವನದಲ್ಲಿ ಕಣ್ಣಾರೆ ಅದೆಲ್ಲವನ್ನೂ ಕಂಡಿರುವುದರಿಂದ ನಿಸ್ಸಂಕೋಚವಾಗಿ ಸಮಾಜದ ಹಿತದೃಷ್ಟಿಯಿಂದ ಜಾತಿ-ಜಾತಿಗಳ ನಡುವಿನ ಕಂದಕ ಅಳಿಸಲು ಪ್ರಾಮಾಣಿಕವಾಗಿ ಮನಸ್ಸು ಬಯಸುತ್ತದೆ. ನಾನೇನೂ ರಾಜಕಾರಣಿಯಲ್ಲ. ಯಾರ ಬೆಂಬಲಕ್ಕಾಗೂ ಮಾತನಾಡಬೇಕಿಲ್ಲ. ಆದರೆ ಮುಂದಿನ ನಮ್ಮ ಮಕ್ಕಳು ಸುಖ ,ಶಾಂತಿ, ನೆಮ್ಮದಿಯಿಂದ ಇರಬೇಕಾದರೆ, ನಾವು ಜಾತಿ ಮಾತು ಬಿಡಲೇ ಬೇಕು. ಯಾರೂ ಶ್ರೇಷ್ಠರೂ ಅಲ್ಲ. ಯಾರೂ ಕನಿಷ್ಠರೂ ಅಲ್ಲ. ಎಲ್ಲಾ ಜಾತಿಗಳಲ್ಲೂ ಉತ್ತಮ ಸಂಸ್ಕಾರ ವಿರುವ ಜನರಿದ್ದಾರೆ.ಅದರಂತೆಯೇ ಸಂಸ್ಕಾರವಿಲ್ಲದವರೂ. ನಾನು ರಾಮಕೃಷ್ಣಾಶ್ರಮದ ಅನೇಕ ಭಕ್ತರ ಮನೆಗಳಿಗೆ, ಅಂತೆಯೇ ಅನೇಕ ಆರ್.ಎಸ್.ಎಸ್. ಕಾರ್ಯಕರ್ತರುಗಳ ಮನೆಗೆ ಹೋಗಿದ್ದೇನೆ.ಹುಟ್ಟಿನಿಂದ ಯಾವುದೇ ಜಾತಿ ಇರಬಹುದು, ಆದರೆ ಆ ಮನೆಗಲ್ಲಿರುವ ಸಂಸ್ಕಾರದಿಂದ ಎಂತಹಾ ಉತ್ತಮ ಕುಟುಂಬಗಳಾಗಿವೆ ಎಂದರೆ ನೂರಾರು ಜನರಿಗೆ ಆದರ್ಶವಾಗಿರುವ ಕುಟುಂಬಗಳನ್ನು ನೋಡಿ ಆನಂದಿಸಿದ್ದೇನೆ, ಅಂತಹಾ ಕುಟುಂಬಗಳ ಸಂಖ್ಯೆ ಹೆಚ್ಚ ಬೇಕೆಂಬುದು ನನ್ನ ಗುರಿ.