ನನಗೆಒಬ್ಬರಿಗೊಬ್ಬರು ಇಶ್ಟಪಟ್ಟು ಮೆಚ್ಚಿಕೊಂಡು ನಡೆಯುವ ಮದುವೆಗೆ ಒಪ್ಪಿಗೆ ಮತ್ತು ನಲವಿದೆ.

( ಸದ್ಯಕ್ಕೆ ಗಂಡು-ಗಂಡು, ಹೆಣ್ಣು-ಹೆಣ್ಣುಗಳ ನಡುವೆಗಳ ಮದುವೆ ಬಿಟ್ಟು ಉಳಿದ ಎಲ್ಲಾ )

ನನ್ನಿ
-ಮಾಯ್ಸ

ಪ್ರೇಮ ವಿವಾಹ ಮತ್ತು ಅಂತರ್ಜಾತೀಯ ವಿವಾಹಕ್ಕೆ ಬಹಳ ಸಂಬಂಧವಿದೆ. ಪ್ರೇಮ ವಿವಾಹಗಳಲ್ಲಿ ಹೆಚ್ಚಿನದು ಅಂತರ್ಜಾತೀಯ ಅಂತರ್ಧರ್ಮೀಯ.

ಆದರೆ "ಏರ್ಪಾಡು ಮದುವೆಗಳು" ಅಂತರ್ಜಾತೀಯ ಬಹಳ ಕಡಿಮೆ.

ಯಾವುದೇ ಜಾತಿಯವನಾಗಲಿ ಬೇರೊಂದು ಜಾತಿಯ ಹೆಣ್ಣನ್ನೇ ಮದುವೆಯಾಗಬೇಕೆಂದು ಏರ್ಪಡಿಸಲು ತೊಡಗಿದರೆ ಅವನಿಗೆ ಸೋಲಾಗುವುದು ಹೆಚ್ಚು.
ಎಲ್ಲ ಜಾತಿಗಳವರೂ ತಮ್ಮ ಜಾತಿ ಬಿಟ್ಟು ಹೊರಗಡೆ ಕೂಡು ಕಟ್ಟು ಮಾಡಿಕೊಳ್ಳಲು ಇನ್ನೂ ತಯಾರಿಲ್ಲ.

ನನ್ನ ಮಗನಿನ್ನೂ ಚಿಕ್ಕವ. ಆದರೆ ಮುಂದೊಂದು ದಿನ ಅವನು ಯಾವುದೇ ಜಾತಿಯ ಹೆಣ್ಣು ಮೆಚ್ಚಿ ಮದುವೆಯಾಗಲು ನಿರ್ಧರಿಸಿದಲ್ಲಿ ನನ್ನ ಬೆಂಬಲವಿದೆ.

ಇದು ವಿಚಾರ ಮಾಡತಕ್ಕ ವಿಷಯವೇ ಅಲ್ಲ. ಒಬ್ಬರನ್ನೊಬ್ಬರು ಇಷ್ಟಪಟ್ಟರೆ ಮದುವೆಯಾಗಲು ಜಾತಿಯೇಕೆ ಅಡ್ಡ? ಜಾತಿ ಅಡ್ಡವಾಗಿದ್ದರೂ ಮದುವೆಯಾಗಲೇ ಬೇಕೆನ್ನುವವರು ಮಾದುವೆಯಾಗೇ ತೀರುತ್ತಾರೆ. ಹೆಣ್ಣುಗಂಡೊಲವು ಜಾತಿಯನ್ನು ಮೀಱಿದ್ದು. ಆದರೆ ದೈಹಿಕ ರಾಸಾಯನಿಕ ಸ್ರವಣವನ್ನು ಮೀಱುತ್ತದೆಯೋ ಇಲ್ಲವೋ ವಿಜ್ಞಾನಿಗಳೇ ಹೇೞಬೇಕು.

ಪ್ರಸ್ತುತದಲ್ಲಿ ಈ ಜಾತಿ ಪದ್ದತಿ ಸಮಾಜದ ಏಳಿಗೆಗೆ ಅನೇಕ ಅನಪೇಕ್ಷಿತ ಸಮಸ್ಯೆಗಳನ್ನ ತ೦ದೊಡ್ಡಿದೆ. ಹಾಗಾಗಿ ಇ೦ದು ಜಾತಿ ನಿರ್ಮೂಲನೆ ಬಹಳ ಅತ್ಯವಶ್ಯ. ಈ ನಿಟ್ಟಿನಲ್ಲಿ ಅ೦ತರ್ಜಾತಿ ವಿವಾಹ ಬಹಳ ಮುಖ್ಯವಾದುದು. ಸಮಜಾದ ಅನೇಕ ಸಮಸ್ಯೆಗಳನ್ನ ಏಕಕಾಲದಲ್ಲಿ ನಿವಾರಿಸಬಲ್ಲದು.
ಆದರೆ ಈ ವಿವಾಹಗಳು ಸಮಾನ ಮನಸ್ಕರುಗಳ ನಡುವೆ ಹಾಗೂ ಸಮಾನ ಅಭಿರುಚಿಯುಳ್ಳ ಕುಟು೦ಬಗಳ ನಡುವೆ ನಡೆದರೆ ಒಳ್ಳೆಯದು. ಉದಾಹರೆಣೆಗೆ ಒ೦ದು ಕುಟು೦ಬ ಕಟ್ಟುನಿಟ್ಟು ಸಸ್ಯಾಹಾರಿಗಳಾಗಿದ್ದು ಇನ್ನೊ೦ದು ಮಾ೦ಸಹಾರಿಗಳಾಗಿದ್ದರೆ ಜೀವನ ಸ್ವಲ್ಪ ಕಷ್ಟಕರವಾಗಬಹುದು. ಹೀಗೆ ಕೆಲವು ಅ೦ಶಗಳನ್ನ ಗಮನದಲ್ಲಿಟ್ಟುಕೊ೦ಡು ಅ೦ತರ್ಜಾತೀಯ/ಅ೦ತರ್ಮತೀಯ/ಅ೦ತರ್ಧರ್ಮೀಯ ವಿವಾಹಗಳು ನಡೆದರೆ ಸಮಾಜಕ್ಕೆ ಬಹಳ ಒಳ್ಳೆಯದು.

[ನನ್ನ ಗುರಿ -ಎಂಬ ವಿಚಾರಕ್ಕೆ ಅರವಿಂದರ ಪ್ರತಿಕ್ರಿಯೆ ನೋಡಿ ಅಲ್ಲಿ ಬರೆದಿದ್ದನ್ನೇ ಕಾಪಿ ಮಾಡಿರುವೆ.]

ಅರವಿಂದ್,
ಅಂತರ್ಜಾತಿ ವಿವಾಹ ನಮ್ಮ ಮನೆಯಲ್ಲೇ ಆಗಿದೆ. ಚೆನ್ನಾಗಿಯೇ ಇದ್ದೀವಿ. ನೀವು ಕೇಳಿದ್ದಕ್ಕಷ್ಟೇ ಹೇಳಿದ್ದೀನಿ. ನಾನು ಮೊದಲ ಭಾರಿ ಹರಿಜನರೆಂದು ಕರೆಯುವ ಮಿತ್ರರ ಮನೆಯಲ್ಲಿ ಊಟ ಮಾಡಿದಾಗ ಅವರಲ್ಲಿ ಕಂಡ ಆನಂದ ವರ್ಣನಾತೀತ. ಆಗ ಮನೆಯಲ್ಲಿ ವಿರೋಧ ಎದುರಿಸಿದ್ದು ಹೌದು. ಆದರೆ ಕ್ರಮೇಣ ಮನೆಯವರು ನನಗೇ ಹೊಂದಿಕೊಂಡರು. ಇದು ನನಗೆ ದೊಡ್ಡ ವಿಚಾರವೆನಿಸುವುದೂ ಇಲ್ಲ. ನೀವು ಕೇಳಿದ್ದಕ್ಕೆ ಹೇಳಲೇ ಬೇಕಲ್ಲವೇ?
ಒಂದು ಮಾತು: ಯಾವುದೂ ಅದರಷ್ಟಕ್ಕೆ ಆಗಬೇಕು, ಇದಕ್ಕೆ ಹೋರಾಟ ಮಾಡಬೇಕಿಲ್ಲ. ಶ್ರೀಯುತ ಅರವಿಂದ ಮಾಲಗತ್ತಿ ಯವರು ಮೊನ್ನೆ ಪತ್ರಿಕೆಗಳಲ್ಲಿ ತಮ್ಮ ನೋವು ತೋಡಿಕೊಂಡಿದ್ದಾರೆ. ಮಾಂಸಾಹಾರಿಗಳನ್ನು ಕೀಳಾಗಿ ನೋಡಲಾಗುತ್ತಿದೆ- ಎಂದು. ನಿಜವಾಗಲೂ ಇದೂ ತಪ್ಪೆ. ಸಸ್ಯಾಹಾರ ತಿಂದು ಮೃಗದಂತೆ ವರ್ತಿಸುವ ಜನರನ್ನೂ ನೋಡಿದ್ದೇನೆ. ಮಾಂಸಾಹಾರಿಗಳಲ್ಲಿ ಉದಾರಚರಿತರನ್ನೂ ನೋಡಿದ್ದೇನೆ. ಅದರಲ್ಲೇನಿದೆ? ಆದರೆ ನಾನು ಮಾಂಸಾಹಾರ ತಿನ್ನಲಾರೆ. ನನ್ನಂತವನಿಗೆ ಒತ್ತಾಯವಾಗಬಾರದಷ್ಟೇ.