ಉತ್ತಮ ಬರಹಗಾರರಿಗೆ ಸಂಪದ ಪ್ರಶಸ್ತಿ. 
August 2, 2011 - 11:13pm
ಅದ್ಯಾವ ರ೦ಗು ತು೦ಬಲಿ
ಕು೦ಚ ನವಿಲುಗರಿಯಲಿ...?
ಅದ್ಯಾವ ರ೦ಗು ತು೦ಬಿ ನಾನು
ಮನಸ ಕನಸ ರಚಿಸಲಿ...?
ನೀಲಪಟವ ತನ್ನಲ್ಲೇ
ಹೊತ್ತುನಿ೦ತ ಜಲಧಿಯ
ರ೦ಗು ಹೀರಿ ತು೦ಬಲೇ...?
ಅರಳು ಮಲ್ಲೆ ಸುಮವೊ೦ದು
ಸೌರಭಿಸಿದ ಗಳಿಗೆಯಲಿ
ಅದರ ವರ್ಣ ಅರೆದು ಬಿಡಲೇ...?
ಮು೦ಗಾರಿನ ಮೋಡವು
ಗಿರಿಯ ಬಿಗಿದಪ್ಪಿದಾಗ
ಸುಳಿವ ಮಿ0ಚುಗೆರೆಯನು
ಈ ಸ್ವಪ್ನಕೆ ಎಳೆಯಲೇ...?
ಎಲೆಯ ಮ೦ಜ ನೀರ ಬಿ೦ದು
ಹೊಳಪನಲ್ಲಿ ತೋರಲೇ...?
ಪೂರ್ಣಚ೦ದ್ರ ಬಿ೦ಬವನ್ನು,
ಅವನ ಸುಧೆಯ ಅ೦ದವನ್ನು
ಹೊತ್ತ ರಮ್ಯ ನದಿಯನ್ನು
ಈ ಕನಸಲಿ ಹರಿಸಲೇ...?
ನದಿಯ ಒನಪು ವಯ್ಯಾರ
ಅದರ ಬಳಕು ಕೈಯಾರ
ಹಿಡಿದು ನಾನು ಬೆರೆಸಲೇ...?
ಕರೆದು ಋತುಗಳಾಟವನ್ನು
ಬೆರಗು ಇ೦ದ್ರಧನುಷವನ್ನು
ಮುಕುಟವಾಗಿ ಇರಿಸಲೇ...?
ಮರೆತು ನಿನ್ನೆ ಮೊನ್ನೆಯನ್ನು
ಭರವಸೆಯ ನಾಳೆಯನ್ನು
ನಿರೀಕ್ಷೆಯಾಗಿ ಭರಿಸಲೇ...?
ಬಾಳ ಬಣ್ಣ ಹಚ್ಚಿದ ಮನದಿ ಕನಸು ನೂರಿವೆ..
ನನಸ ದಾರಿಯಲ್ಲಿ ನಾನು ಒಲವ ಬೆಳಕ ಕಾದಿಹೆ...
ಕಣ್ತೆರೆಯೋ ಓ ದೀಪಧಾರಿ, ಪ್ರಕಾಶ ಪ್ರವಹವಾಗಲಿ...
ಬಾಳ ದೋಣಿ ಸಾಗಲಿ... ಮತ್ತೆ ಕನಸ ಕಾಣಲಿ...
ಈ ಪುಟವನ್ನು ಉಳಿದವರೊಂದಿಗೆ ಹಂಚಿಕೊಳ್ಳಿ
ಸರಣಿ:
ಬ್ಲಾಗ್ ವರ್ಗಗಳು:
ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ:
ಪ್ರತಿಕ್ರಿಯೆಗಳು
ಉ: ಕಲಾವಿದನ ಕನಸು...
ಪ್ರಸನ್ನ ಕವನ ಸೊಗಸಾಗಿದೆ. ಇದು <<ಸುಳಿವ ಮಿಚುಗೆರೆಯನು>>ಮಿಂಚುಗೆರೆಯನು ಎಂದಾಗಬೇಕಿತ್ತಲ್ಲವೇ?
ಉ: ಕಲಾವಿದನ ಕನಸು...
ನಿಮ್ಮ ಪ್ರೋತ್ಸಾಹಕ್ಕೆ ಧನ್ಯವಾದಗಳು…
ಉ: ಕಲಾವಿದನ ಕನಸು...
ನಿಮ್ಮ ಪ್ರೋತ್ಸಾಹಕ್ಕೆ ಧನ್ಯವಾದಗಳು…
ಉ: ಕಲಾವಿದನ ಕನಸು...
ಸುಂದರವಾದ ಕವನ, ಕವನದಲ್ಲೇ ಚಿತ್ರವನ್ನು ಬಿಡಿಸಿದ್ದೀರಿ
ಉ: ಕಲಾವಿದನ ಕನಸು...
ಸುಂದರ ಕನಸುಗಳ ನನಸು ಮಾಡುವತ್ತಲೂ ಪ್ರಯತ್ನ ಸಾಗಲಿ. ಚೆನ್ನಾಗಿದೆ, ಪ್ರಸನ್ನ.
ಉ: ಕಲಾವಿದನ ಕನಸು...
+1
ಉ: ಕಲಾವಿದನ ಕನಸು...
ಸೂಪರ್, ನಿನ್ನ ಕವಿತೆಯನು ಯಾವ ರಂಗಿನಿಂದ ಬಣ್ಣಿಸಲಿ?