ಕವಿತೆಗೆ ಹೆಸರು ಕೊಡಿ

July 3, 2008 - 6:14pm — ಕೇವೆಂ

ಬತ್ತಿಹೋಯಿತೇಕೋ ಸೆಲೆಯು
ಹೊಸತು ಹಾಡು ಬಾರದು
ಹಸಿವು ನುಂಗಿ ಕಾವು ಇಂಗಿ
ಬಸಿದ ಬಾಳು ಸೇರದು

ಮಸೆದ ಕತ್ತಿ ಅಂಚಿನಂತೆ
ನಾಳೆ ನಾಳು ತೂಗುತಿದೆ
ಕುಸಿದ ಜೀವ ನೂರು ನೋವ
ರಾಡಿಯಲ್ಲಿ ಹೆಣಗುತಿದೆ

ಇಲ್ಲಿ ನಾಳು= ದಿನವೂ . ಈ ಪದ ಪ್ರಯೋಗ ತಪ್ಪೋ ಸರಿಯೊ ತಿಳಿದವರು ಹೇಳಬೇಕು.

ಪ್ರತಿಕ್ರಿಯೆಗಳು

July 4, 2008 - 7:36am — lgnandan

ಇದಕ್ಕೆ ’ಬದುಕು’ ಎನ್ನಬಹುದೇ.....

- ನಂದನ್

July 4, 2008 - 8:53am — mahesha

ನಾಳು ಸರಿ...

ಚನ್ನಾಗಿದೆ..

ಇದಕ್ಕೆ ನನ್ನ ಹೆಸರು ’ಸೋತ ಸೆಲೆ’

=====================================
ಮಾಯ್ಸ!

July 4, 2008 - 9:22am — ವೈಭವ

'ಹೆಣಗು'
-
ಕನ್ನಡಕ್ಕೆ ಬೇಕು ಕನ್ನಡದೇ ಸೊಬಗು,ಸೊಗಡು

July 16, 2008 - 5:55pm — ಸಂಗನಗೌಡ

"ಅಜ್ಜಯ್ಯನ ಆಲಾಪ" Smiling
ಹಾಡು ಚೆನ್ನಾಗಿದೆ,.. ನಗೆ ಉಕ್ಕಲಿ ಅಂತ ಆ ತಲೆಬರಹ... Smiling

-------------------------------------------------------------

ದೇವರು ನಗುವದನ್ನು ನೋಡಲು ಅವನಿಗೆ ನಿಮ್ಮ ಯೋಜನೆಗಳ ಬಗ್ಗೆ ಹೇಳಿ.

July 17, 2008 - 5:32am — anivaasi

ಕೇವೆಂರವರೆ,
ನೀವು ಕೊಟ್ಟಿರವ ಹೆಸರೇ ತುಂಬಾ ಚೆನ್ನಾಗಿದೆ.
"ಕವಿತೆಗೆ ಹೆಸರು ಕೊಡಿ" - ಕವಿಯ ಭಾವವನ್ನು ಗುರುತಿಸಿ ಎಂದು ಹೇಳುತ್ತಿರುವಂತಿದೆ.

ದೋಹಿನಿ ಕುಂಡ್

ಬ್ರಜ್ ಫೌಂಡೇಶನ್ನಿನವರು ಹಲವು ಪುರಾತನ ನೀರ ಆಧಾರಗಳನ್ನು ಪುನಶ್ಚೇತನಗೊಳಿಸುವಲ್ಲಿ ಕೆಲಸ ಮಾಡಿದ್ದಾರೆ.

ಪುನಶ್ಚೇತನಗೊಳಿಸಿದ ದೋಹಿನಿ ಕುಂಡ್ ಮೇಲಿನ ಚಿತ್ರದಲ್ಲಿ.

ಚಿತ್ರ: ರಜನೀಶ್ ಬ್ರಜ್ (ಬ್ರಜ್ ಫೌಂಡೇಶನ್)