ನಗೆಹನಿಗಳು ( ಹೊಸವು ?) - 37 ನೇ ಕಂತು

ನಗೆಹನಿಗಳು ( ಹೊಸವು ?) - 37 ನೇ ಕಂತು

( ಇಂಗ್ಲೀಷ್ ನ ಜೋಕುಗಳ ಸಂಗ್ರಹವೊಂದನ್ನು ನಾನು ಈಗ ಓದುತ್ತಿದ್ದು ಅಲ್ಲಿ ನಾನು ಈ ತನಕ ಕೇಳಿರದ/ಓದಿರದ ಜೋಕುಗಳನ್ನು ನಿಮಗಾಗಿ ಕನ್ನಡಿಸುತ್ತಿದ್ದೇನೆ )
****
ಮನೆಗೆ ಕನ್ನ ಹಾಕಿದ ಆರೋಪದಿಂದ ಮುಕ್ತನಾದ ಅವನು ತನ್ನ ವಕೀಲರಿಗೆ ಹೇಳಿದ - ಒಳ್ಳೆಯದು, ಯಾವಾಗಲಾದರು ನಿಮ್ಮ ಮನೆಗೆ ಬರುತ್ತೇನೆ
ವಕೀಲರು ಹೇಳಿದರು - ಹಗಲು ಹೊತ್ತೇ ಬಾ.
****
ನ್ಯಾಯಾಧೀಶರು ಆರೋಪಿಗೆ ಹೇಳಿದರು - ನೀನು ಅಸಂಬದ್ಧವಾಗಿ ಸುಳ್ಳುಗಳನ್ನು ಹೇಳುತ್ತಿದ್ದೀಯ , ನೀನೇಕೆ ವಕೀಲರನ್ನು ಇಟ್ಟುಕೊಳ್ಳಬಾರದು ?
****
-ಈಗೀಗ ನನಗೆ ಮರೆವು ಕಾಡುತ್ತಿದೆ . ಅದಕ್ಕಾಗಿ ಡಾಕ್ಟರ್ ಹತ್ತಿರ ಹೋದೆ.
-ಅವರು ಏನಂದರು ?
-ಫೀಸನ್ನ ಮುಂಚಿತವಾಗಿ ಕೊಡಿ ಅಂದರು.
****
- ಡಾಕ್ಟರು ಹದಿನೈದು ದಿನಗಳಲ್ಲಿ ನಾನು ನಡೆದಾಡುವ ಹಾಗೆ ಮಾಡ್ತೀನಿ ಅಂದಿದ್ದರು .
- ಹಾಗೆಯೇ ಮಾಡಿದರು ತಾನೆ ?
- ಹೌದು , ಅವರ ಬಿಲ್ ಕೊಡಲು ನಾನು ನನ್ನ ಕಾರು ಮಾರಬೇಕಾಯಿತು.

Rating
No votes yet