ಯಡ್ಡಿಯಿಂದ "ಜೈಲುಭರೋ" ಚಳವಳಿಗೆ ಚಾಲನೆ!

ಯಾವುದೇ ದೇಶದಲ್ಲಿ, ಯಾವುದೇ ರಾಜ್ಯದಲ್ಲಿ ಇಂತಹ ಘಟನೆ ನಡೆದರೂ ಅದು ಅವಮಾನಕರವೇ! ಆದರೆ, ನಮ್ಮ ಕವಿರಾಜಮಾರ್ಗಕಾರ ಹೆಮ್ಮೆಯಿಂದ ಕೊಂಡಾಡುವ ಕನ್ನಡ ನಾಡಿನಲ್ಲಿ ಹೀಗಾಗಿರುವುದು ಮಾತ್ರ ಅತ್ಯಂತ ಅವಮಾನಕರ. ಇದು ಇಡೀ ಕನ್ನಡ ಸಮುದಾಯವೇ ತಲೆತಗ್ಗಿಸುವಂತಹ ವಿಶಯ. ಕೆಲವೇ ವರ್ಶಗಳ ಹಿಂದೆ ಅಭಿವೃದ್ಧಿಯಲ್ಲಿ ಇಡೀ ದೇಶದಲ್ಲಿ ನಂ.1 ಸ್ಥಾನದಲ್ಲಿದ್ದ ನಮ್ಮ ರಾಜ್ಯ, ಭ್ರಶ್ಟಾಚಾರದಲ್ಲಿ ನಂ.1 ಆದಾಗಲೇ ನಾವು ಎಚ್ಚೆತ್ತುಕೊಳ್ಳಬೇಕಿತ್ತು. ನಾವೆಲ್ಲರೂ ಅಲ್ಪತೃಪ್ತರು, ಸ್ವಾರ್ಥಿಗಳು. ಮೊನ್ನೆ ಸಂತೋಶ್ ಹೆಗ್ಡೆ ಕೂಡ ಅದನ್ನೇ ಹೇಳ್ತಿದ್ದರು. ಯಾವನೋ ಅಣ್ಣಾ ಹಜಾರೆ ಹೋರಾಡ್ತಾನೆ, ಯಾವನೋ ಸಂತೋಶ್ ಹೆಗ್ಡೆ ಹೋರಾಡ್ತಾನೆ ನಮಗ್ಯಾಕೆ ಇಲ್ಲದ ಉಸಾಬರಿ ಅಂತ ಮನೇಲಿ ಕೂರೋ ಮಂದಿ ಜಾಸ್ತಿ ಅಂತ. ರಾಜ್ಯದ ಜನತೆ ಈಗಲಾದರೂ ಎಚ್ಚೆತ್ತುಕೊಳ್ಳಬೇಕು. ಯಡ್ಡಿಗೆ ಏನೇ ಆದ್ರು ಬೀದಿಗೆ ಬಂದು ಕೂರುತ್ತಿದ್ದ ಮಠಾಧೀಶರು ಯಡ್ಡಿ ಹಾಗೂ ಇತರ ಭ್ರಶ್ಟಾಚಾರಿಗಳನ್ನು ವಿರೋಧಿಸಿ ಬೀದಿಗೆ ಯಾಕೆ ಬರೊಲ್ಲ... ಉತ್ತರ ಸ್ಪಶ್ಟವಾಗಿದೆ. ಮಠಾಧೀಶರು ಕೂಡ ಭ್ರಶ್ಟಾಚಾರಿಗಳೇ! ಸಣ್ಣಪುಟ್ಟ ಭ್ರಶ್ಟಾಚಾರದಿಂದ ಹಿಡಿದು ದೊಡ್ಡದೊಡ್ಡ ಭ್ರಶ್ಟಾಚಾರದವರೆಗೆ ಎಲ್ಲವನ್ನೂ ವಿರೋಧಿಸುತ್ತ, ಖಂಡಿಸುತ್ತ ಅವರಿಗೆ ಶಿಕ್ಶೆಯಾಗುವವರೆಗೂ ಹೋರಾಟ ನಡೆಸಿದಲ್ಲಿ ಮಾತ್ರ ನಮ್ಮ ಸಮಾಜ, ದೇಶ "ಭ್ರಶ್ಟಾಚಾರಮುಕ್ತ" ಆಗುವುದು...

"ಕೋರ್ಟಿನಿಂದ ವಾರೆಂಟ್ ಹಿಡಿದು ತಂದ ಉನ್ನತ ಪೊಲೀಸ್ ಅಧಿಕಾರಿಗಳು, ಫರಾರಿ ರೌಡಿಯೊಬ್ಬನನ್ನು ಬೇಟೆಯಾಡುವಂತೆ, ಮರ‍್ಯಾದಸ್ಥ ರಾಜಕಾರಣಿಯನ್ನು ಹಿಡಿಯಬೇಕಾಯಿತಲ್ಲಾ, ನಮ್ಮ ರಾಜಕಾರಣದ ಸನ್ನಿವೇಶದ ಬಗ್ಗೆಯೇ ಅಸಹ್ಯವೆನಿಸುವುದಿಲ್ಲವೇ?"
ಯಾರು ಸರ್, ಆ "ಮರ‍್ಯಾದಸ್ಥ ರಾಜಕಾರಣಿ"?! ನಮ್ಮ ದೇಶದಲ್ಲಿ ಇನ್ನೂ ಅಂತಹವರು ಉಳಿದುಕೊಂಡಿದ್ದಾರೆಯೇ? ಅಂತಹವರೇನಾದರು ನಿಜವಾಗಿಯೂ ಇದ್ದಲ್ಲಿ, ನಮ್ಮ ಜನಗಳೇ ಗೆಲ್ಸೊಲ್ಲ...ಅದಕ್ಕೆ ಸಾಕಶ್ಟು ನಿದರ್ಶನಗಳಿವೆ!

ಅಂತದೊಂದು ಕಾಲ ಬಂದ್ರೆ ಅಚ್ಚರಿಯೇನಿಲ್ಲ! ಆದ್ರೆ, ಸುಮ್ನೆ ರಾಜಕಾರಣಿಗಳನ್ನೆಲ್ಲ ಜೈಲಿಗೆ ತುಂಬ್ತಾ ಬಂದ್ರೆ, ನಮ್ಮ ದೇಶದ ಜೈಲುಗಳೆಲ್ಲ ತುಂಬಿ ತುಳುಕ್ತವೆ. ಆಗ ಪಾಪ, ಸಣ್ಣಪುಟ್ಟ ಕಳ್ತನ, ದರೋಡೆ ಅಂತ ಮಾಡೋ ಮಂದಿ ಎಲ್ಲಿಗೋಗ್ಬೇಕು? ಅದಕ್ಕೆ ಒಂದು ಆದೇಶ ಹೊರಡಿಸ್ಬೇಕು. ಇನ್ಮೇಲೆ ವಿಧಾನಸೌಧದಿಂದ ಯಾರನ್ನೂ ಜೈಲುಗಳಿಗೆ ಕರೆತರುವಂತಿಲ್ಲ, ವಿಧಾನಸೌಧವನ್ನೇ ಜೈಲನ್ನಾಗಿ ಮಾರ್ಪಡಿಸಲಾಗುತ್ತೆ ಅಥವಾ ಅಲ್ಲಿಯೇ ಎಲ್ಲರನ್ನೂ ತುಂಬಲಿಕ್ಕಾಗದಿದ್ದಲ್ಲಿ, ವಿಕಾಸಸೌಧದ ತರಹ "ಜೈಲುಸೌಧ" ಕಟ್ಟಿಸಲಾಗುತ್ತೆ ಅಂತ. ಆದರೆ, ರಾಜಕಾರಣಿಗಳೆಲ್ಲ ಸೇರಿ ಇನ್ನು ಸ್ವಲ್ಪ ದಿನ ಹೋದ್ರೆ ಎಲ್ಲಿ ನಮ್ಮ "ವಿಧಾನಸೌಧ"ವನ್ನೂ ಮಾರ್ಬಿಡ್ತಾರೋ ಅಥವಾ ಗುತ್ತಿಗೆ ಕೊಟ್ಟುಬಿಡ್ತಾರೋ ಅಂತ ಭಯ ಅಶ್ಟೆ!

ನಿಜ ಸರ್. "ಸಪ್ತಸಾಗರದಾಚೆಯೆಲ್ಲೋ ಸುಪ್ತ ಸಾಗರ ಕಾದಿದೆ..." ಎಂದು ಬರೆದು ಆ ಸುಪ್ತಸಾಗರಕ್ಕಾಗಿ ತವಕಿಸುತ್ತಿದ್ದವರವರು. "ಜ್ಞಾನಪೀಠ" ಇರಲಿ, ಒಬ್ಬ ಸಾಮಾನ್ಯ ಮನುಶ್ಯನಿಗೆ ಸಿಗಬೇಕಾಗಿದ್ದ ಸುಖ, ಶಾಂತಿ, ನೆಮ್ಮದಿಯನ್ನು ಅವರು ಅನುಭವಿಸಲಾಗಲಿಲ್ಲ ಎಂದು ಕೇಳಿದ್ದೇನೆ, ಓದಿದ್ದೇನೆ. ಆದರೇನಂತೆ, ಅವರು ಕಟ್ಟಿದ ಕಾವ್ಯವನ್ನು ಇಂದು ನಾವೆಲ್ಲರು ಸವಿಯುತ್ತಿದ್ದೇವೆ. ಇಂದಿಗೂ ಬೇಂದ್ರೆ ನಂತರದ ಕನ್ನಡದ ದೊಡ್ಡ ಕವಿ ಎಂಬ ಹೆಸರು ಅವರಿಗಿದೆ. ಬಹುಶಹ, ಒಬ್ಬ ದೊಡ್ಡ ವ್ಯಕ್ತಿ ಸಾಧನೆ ಇದೇ ಏನೋ! "ಶರಣರ ಬದುಕನ್ನು ಮರಣದಲ್ಲಿ ನೋಡು" ಅಂತಾರಲ್ಲ ಹಾಗೆ. ಅಂಬಾನಿ, ಮಲ್ಯರನ್ನ ಯಾರು ನೆನಸ್ತಾರೆ ಹೇಳಿ?

ಅಯ್ಯೋ ಸರ್! ಮಲ್ಯ, ಅಂಬಾನಿಗಳನ್ನು ಯಾರು ನೆನಸ್ತಾರೆ ಅಂತ ಹೇಳಿದ್ದು ಕಾರಂತರು, ಅಡಿಗರ ಹೆಸರು ಕೆಲಸಗಳು ಉಳಿದಿರೋ ಹಾಗೆ ಮಲ್ಯ, ಅಂಬಾನಿಗಳದ್ದು ಉಳಿಯುತ್ತದೆಯೇ? ಮನುಶ್ಯನಿಗೆ ಮೌಲ್ಯಗಳು ಬಹಳ ಮುಖ್ಯ. ಕಾರಂತರು, ಅಡಿಗರು ಹಣ ಸಂಪಾದಿಸದಿರಬಹುದು. ಆದರೆ, ಹೆಸರು ಕೀರ್ತಿ ಸಂಪಾದಿಸಿದ್ದಾರೆ. ಅದೇ ಒಂದು ರಾಜ್ಯವನೇ ಖರೀದಿಸುವಶ್ಟು ಹಣ ಹೊಂದಿರುವ ಮಲ್ಯ, ಅಂಬಾನಿಗಳು ತಮ್ಮೆಲ್ಲ ಹಣ ಕೊಟ್ಟರೂ ಅಂತಹ ಹೆಸರು, ಕೀರ್ತಿ ಸಂಪಾದಿಸಲಾಗದು ಎಂಬರ್ಥದಲ್ಲಿ.

ಸರ್, ಸಾಚಾ ಮನುಶ್ಯರೆಲ್ಲ ರಾಜಕೀಯವನ್ನು ದೂರ ಮಾಡ್ತಾ ಹೋದ್ರೆ ಆಮೇಲೆ ಈಗಿರುವ ನಮ್ಮ ಪುಢಾರಿಗಳು ನಮ್ಮ ದೇಶವನ್ನೇ ಲೂಟಿ ಹೊಡೆದ್ಬಿಡ್ತಾರೆ, ಇಲ್ಲ ಮಾರಿಬಿಡ್ತಾರೆ. ಕಡೇ ಪಕ್ಶ ಇಂತದನ್ನ ವಿರೋಧಿಸೋದಕ್ಕಾದ್ರೂ ಕೆಲವರಾದ್ರೂ ಸಾಚಾ ಮನುಶ್ಯರು ರಾಜಕೀಯ ಪ್ರವೇಶ ಮಾಡ್ಬೇಕು. ಮಹಾತ್ಮ ಗಾಂಧಿ ಕೂಡ ಮೊಟ್ಟ ಮೊದಲಿಗೆ ಒಬ್ಬ ರಾಜಕಾರಣಿ ತಾನೇ. ಆದರೆ, ಅವರ ರಾಜಕಾರಣ ಮೌಲ್ಯಾಧಾರಿತವಾದದ್ದಶ್ಟೆ. ಆ ಮಟ್ಟಕೇರಲಾಗದಿದ್ದರೂ ಕಡೇ ಪಕ್ಶ ನಡೆನುಡಿಯಲ್ಲಿ ಶುದ್ಧವಿರೋರು ಬೇಕು ನಮ್ಮ ದೇಶಕ್ಕೆ.