ಯು ಆರ್ ಅಮೂ....ನಿಮಗೆ ಸಲಾಮು - ಲಕ್ಷ್ಮೀಕಾಂತ ಇಟ್ನಾಳ

ಯು ಆರ್ ಅಮೂ....ನಿಮಗೆ ಸಲಾಮು
                                      
ಶತಮಾನಕ್ಕೊಮ್ಮೆ ಮನುಕುಲಕೆ ನಿನ್ನಂತಹವರ  ಆಗಮನವೇನೊ
ನಮಗಾಗಿ ನಮ್ಮೊಳಗೆ ಹುಟ್ಟಿದ್ದ ಗೆಲಿಲಿಯೋ ನೀನೇ ಏನೋ!

ನಡೆದ ಪ್ರತಿ ಹೆಜ್ಜೆಯಲೂ ಮಿಡಿಸಿದೆ ಕನ್ನಡದ ಛಾಪು
ಅತಿರಥಗಳ ಮಥನದಲಿ ಸಿಡಿಸಿದೆ ಹೇಷಾರವದ ಮತಾಪು

ತಪ್ಪಿದ ತಾಳಗಳ ಒಪ್ಪ ಓರಣಕೆ ಉಸಿರುಸಿರು ಹುರಿಗರೆದು
ಬಿತ್ತಿದೆ ಬಿಸಿಲನ್ನು ದೇಸಗತಿಯಲಿ ದಿಟದಕ್ಷರ ಬರೆಬರೆದು

ನಯವಂತಿಕೆಯ ಮುಖವಾಡಗಳ ನಿರ್ವಂಚನೆಯಿಂದ ಸುಲಿದಿಟ್ಟು
ಸೊಡರುಣಿಸಿ, ಕನ್ನಡ ಕಿಚ್ಚುಗಳ ಎದೆ ಎದೆಯಲೂ ಕಾಪಿಟ್ಟು

ಮನೆಯೆಲ್ಲಾ, ಮನವೆಲ್ಲಾ ಸೂತಕದ ಮೌನದಲೇ ಅದ್ದಿಹವು
ಎಲ್ಲೆಲ್ಲೂ ಕನ್ನಡದ ಕಂಗಳಲಿ ಕಂಬನಿಯ ಬುಗ್ಗೆಗಳೇ ಎದ್ದಿಹವು

                              (ಚಿತ್ರ ಕೃಪೆ : ಅಂತರ್ಜಾಲ)