ನಿಮಗೊಂದು ಹ್ಯಾಟ್ಸ್ ಆಫ಼್

-ನಂದನ್

ಥ್ಯಾಂಕ್ಸ್‌. ನಿಮ್ಮ ಹಾರೈಕೆಯಂತೆ ನಮ್ಮ ಮಗಳು ಬೇಗ ಪುನಶ್ಚೇತನಗೊಳ್ಳಲಿ. ಅವಳು ಗುಣವಾದಾಗ, ನಾನು ನೆನಪಿಸಿಕೊಳ್ಳುತ್ತೇನೆ, ನಿಮ್ಮ ಹಾರೈಕೆಯ ಒಂದು ಪಾಲು ನಮ್ಮ ಮಗಳು ಗುಣವಾಗಲು ಸಹಾಯ ಮಾಡಿದೆ ಅಂತ.

- ರೇಖಾ ಚಾಮರಾಜ

ಸುಶೀಲ್‌ ಅವರೇ, ನಿಮ್ಮ ಹಾರೈಕೆಯಂತೆ ನಮ್ಮ ಮಗಳು ಬೇಗ ಗುಣವಾಗಲಿ.

- ರೇಖಾ ಚಾಮರಾಜ

ಥ್ಯಾಂಕ್ಸ್‌ ಎಚ್‌.ಪಿ.ಎನ್‌. ಅವರೇ. ನಿಮ್ಮ ಅಭಿಪ್ರಾಯ ನಿಜ. ಬ್ಲ್ಯಾಕ್‌ನಲ್ಲಿ ತೋರಿಸಿದ್ದಕ್ಕಿಂತ ಮಿಗಿಲಾದ ಸಮಸ್ಯೆಗಳು ನಮ್ಮನ್ನು ಕಾಡುತ್ತವೆ. ಸಿನಿಮಾದಲ್ಲಿ ಒಂದು ಮಗುವಿಗೆ ಒಬ್ಬ ಟೀಚರ್‌ ಇರುವಂತೆ ತೋರಿಸಿದ್ದಾರೆ. ಆದರೆ ಅದು ಸ್ವಲ್ಪ ಕಷ್ಟ. ನೀವೇ ಹೇಳಿದಂತೆ, ಹಣ ಅದಕ್ಕೆ ಕಾರಣ.

- ರೇಖಾ ಚಾಮರಾಜ

ಯಾರು ಹೇಳಿದ್ದು ನಿಮ್ಮ ಮಗು ವಿಕಲಚೇತನ ಅಂತ....?

ಶ್ರೀದೇವಿಯವರೆ, ನಿನ್ನೆ ಇದನ್ನೇ ಬರೆಯೋಣ ಎಂದು ಹೊರಟವನು ಪದಗಳು ಸರಿಯಾಗಿ ಹೊಳೆಯದೆ ಆ ಭಾಗ ಕೊನೆಗೆ ತೆಗೆದು ಪೋಸ್ಟ್ ಮಾಡಿದೆ.
ಫಾರೆಸ್ಟ್ ಗಂಪ್ ಅನ್ನೋ ಒಂದು ಇಂಗ್ಲೀಷ್ ಚಿತ್ರದ ಕಥೆ ನೆನಪಾಗುತ್ತದೆ: ಪುಟ್ಟ ಹುಡುಗನನ್ನು ವಿಕಲಚೇತನ ಎಂದು ಕಡೆಗಣಿಸುತ್ತಿರುತ್ತಾರೆ. ಆದರೆ ಅವನ ತಾಯಿ "ನೋಡು ಫಾರೆಸ್ಟ್, ನೀನು ಯಾರಿಗಿಂತಲು ಕಡಿಮೆಯಿಲ್ಲ. ಅದನ್ನ ತಿಳಿ" ಅನ್ನುತ್ತಿರುತ್ತಾಳೆ. "ಲೈಫ್ ಇಸ್ ಲೈಕ್ ಅ ಬಾಕ್ಸ್ ಆಫ್ ಚಾಕೊಲೇಟ್ಸ್ - ಯು ನೆವರ್ ನೋ(know) ವಾಟ್ ಯುರ್ ಗಾನ ಗೆಟ್" ಎನ್ನುತ್ತಿರುತ್ತಾಳೆ.
ಫಾರೆಸ್ಟ್ ಗಂಪ್ ಎಲ್ಲರ ನಿರೀಕ್ಷೆಯನ್ನೂ ಮೀರಿ ಮುಂದಕ್ಕೆ ಬರುತ್ತಾನೆ.
--
ನನ್ನ ಬ್ಲಾಗ್:
ಪರಿವೇಶಣ | PariveshaNa

ನಿಜ ಗಣೇಶ್‌ ಅವರೇ, ಶಾಲೆ ಕಾಲೇಜುಗಳಲ್ಲಿ ಕಲಿಯುವುದೇ ಬೇರೆ. ಅದರಲ್ಲೂ ಸಣ್ಣ ಊರಲ್ಲಿ ಡಿಗ್ರಿ ಮುಗಿಸಿರುವ ನನಗೆ ಅಷ್ಟೊಂದು ಏನೂ ತಿಳಿದಿರಲಿಲ್ಲ. ಗೌರಿ ಹುಟ್ಟಿದ ಮೇಲೆ ಆಕೆ ಸಾಕಷ್ಟು ಕಲಿಸಿದ್ದಾಳೆ. ನಾನು ವಿಚಾರ ಮಾಡುವ ದಿಕ್ಕನ್ನೇ ಬದಲಾಯಿಸಿದ್ದಾಳೆ.

ಆದರೂ ಕೆಲವೊಮ್ಮೆ ತಾಳ್ಮೆ ಕಳೆದುಕೊಳ್ಳುತ್ತೇನೆ. ಅದಕ್ಕೇ ಈ ಬ್ಲಾಗ್‌ ಬರೀತಾ ಇದ್ದೇನೆ. ಈ ಮೂಲಕ ನನ್ನ ತಾಳ್ಮೆ ಮತ್ತು ಆತ್ಮವಿಶ್ವಾಸಗಳೆರಡನ್ನೂ ಹೆಚ್ಚಿಸಿಕೊಳ್ಳಬೇಕು, ಗೌರಿಯನ್ನು ವಿಶಿಷ್ಠ ರೀತಿಯಿಂದ ಬೆಳೆಸಬೇಕು.

- ರೇಖಾ ಚಾಮರಾಜ

ಖಂಡಿತ ಶ್ರೀನಿವಾಸ ಅವರೇ, ನನ್ನಲ್ಲಿ ಆ ಆತ್ಮವಿಶ್ವಾಸ ಬಂದಿದೆ. ಯಾವ ಡಾಕ್ಟರು ಏನೇ ಹೇಳಿದರೂ ನನ್ನ ಮಗಳು ಗುಣವಾಗುತ್ತಾಳೆ ಎಂಬ ನಂಬಿಕೆ ನನಗಿದೆ. ನೋಡ್ತಾ ಇರಿ, ಅವಳೂ ಮುಂದೊಮ್ಮೆ ಬ್ಲಾಗ್‌ನಲ್ಲಿ ಬರೆಯುವ ಹಾಗೆ ಆಗುತ್ತಾಳೆ. ಆ ದಿನಗಳೂ ದೂರವಿಲ್ಲ ಅಂತ ಅಂದುಕೊಂಡಿದ್ದೇನೆ.

- ರೇಖಾ ಚಾಮರಾಜ

ಹೌದು ರೂಪಾ ಅವರೇ, ಅಂತಹ ಬರಹಗಳನ್ನು ನಾನೂ ಓದಿದ್ದೇನೆ. ನನ್ನ ಗಂಡ ಪತ್ರಕರ್ತನಾಗಿರುವುದರಿಂದ, ಅಂತಹ ಬರವಣಿಗೆಗಳನ್ನು ಆಗಾಗ ತೋರಿಸುತ್ತಿರುತ್ತಾರೆ. ನಿಮ್ಮ ಸಲಹೆಗಳಿಗೆ ತುಂಬಾ ಥ್ಯಾಂಕ್ಸ್‌. ಗೌರಿಗೆ ಯಾವುದೇ ರೀತಿಯ ಕೀಳರಿಮೆ ಕಾಡದಂತೆ ನೋಡಿಕೊಳ್ಳಲು ಪ್ರಯತ್ನಿಸುತ್ತೇನೆ. ಅದೇ ರೀತಿ ಗೌರಿಯ ತಂಗಿ ನಿಧಿ ಕೂಡ ಆತ್ಮವಿಶ್ವಾಸ ರೂಢಿಸಿಕೊಂಡು ಬೆಳೆಯುವಂತೆ ಪ್ರಯತ್ನಿಸುತ್ತೇನೆ.

ಇಂತಹ ಸಲಹೆಗಳಿದ್ದರೆ ದಯವಿಟ್ಟು ಬರೆಯಿರಿ. ನನಗೂ ಆತ್ಮವಿಶ್ವಾಸ ಬೆಳೆಯುತ್ತದೆ.

- ರೇಖಾ ಚಾಮರಾಜ

ನಮಸ್ತೇ ಥ್ಯಾಂಕ್ಸ್. ನೀವು ಹೇಳಿದಂತೆ ನನಗೆ ಆ ಶಬ್ದ ಬರೆಯುವಾಗ ಅಳು ಬಂದಿತ್ತು. ಅದಕ್ಕೆಂದೇ, ನಿಮ್ಮ ಸಲಹೆಯ ಮೇರೆಗೆ ಅದನ್ನು ’ವಿಶಿಷ್ಠಚೇತನ’ ಎಂದು ಬದಲಿಸಿದ್ದೇನೆ. ಗಮನಿಸಿ. ಅದನ್ನು ಏಕೆ ಬರೆದೆನೆಂದರೆ, ಬ್ಲಾಗ್‌ ಬರೆಯುವ ಉದ್ದೇಶ ನನ್ನ ಗೌರಿಯ ಚಿಕಿತ್ಸೆಗೆ ಸಂಬಂಧಿಸಿದಂತೆ ಬಲ್ಲವರಿಂದ ಏನಾದರೂ ಮಾಹಿತಿ ಸಿಗಬಹುದು ಎಂಬ ಆಸೆಯಿಂದ. ಅದರಿಂದ ಮಗುವಿನ ಬೆಳವಣಿಗೆಗೆ ಏನಾದರೂ ಸಹಾಯವಾಗಬಹುದು ಎಂಬ ಬಯಕೆಯಿಂದ. ಯಾವುದೇ ವಿಷಯದ ಬಗ್ಗೆ ಮುಕ್ತ ಮನಸ್ಸಿನಿಂದ ಮಾತನಾಡಿದರೆ ಮಾತ್ರ ಹೊಸ ವಿಷಯಗಳು ಗೊತ್ತಾಗಬಹುದು ಎಂದು ನನ್ನ ಮನೆಯವರು ಹೇಳುತ್ತಿರುತ್ತಾರೆ. ಬ್ಲಾಗ್‌ ಶುರು ಮಾಡಿದ್ದೂ ಆ ಕಾರಣಕ್ಕೆ. ನಾವಂತೂ ಯಾರಿಂದಲೂ ಗೌರಿಯ ಸಮಸ್ಯೆ ಮುಚ್ಚಿಟ್ಟಿಲ್ಲ. ಯಾರಾದರೂ ಮನೆಗೆ ಬಂದರೆ ಮೊದಲು ಗೌರಿಯನ್ನು ಪರಿಚಯಿಸುತ್ತೇವೆ. ಇದರಿಂದ ನಮಗೆ ಸಾಕಷ್ಟು ಸಲ ಸಹಾಯವಾಗಿದೆ.

- ರೇಖಾ ಚಾಮರಾಜ

ನನ್ನ email ngnavil@gmail.com