02
September
2014

ಸಂಪದ - Sampada

'ಹೊಸ ಚಿಗುರು, ಹಳೆ ಬೇರು'

ವೀರಾಂಜನೇಯನಿಗೆ ನಮನ - 6 ಜೈ ಹನುಮಂತ

December 2, 2012 - 10:38pm
sada samartha
3

ವೀರಾಂಜನೇಯನಿಗೆ ನಮನ - 6

ಜೈ ಹನುಮಂತ

ವಾನರವೀರನೇ ಜೈ ಹನುಮಂತ |
ಭುವನಧೀರನೇ ಜೈ ಹನುಮಂತ ||ಪ||

ಸಾಗರವನು ಹಾರಿದ ಹನುಮಂತ |
ಜಾಂಬವ ಜೈ ಎನ್ನಲು ಬಲವರಿತ |
ಏರಿದ ಬಂಡೆಯ ಝಾಡಿಸಿ ನೆಗೆದ |

ರಾಮನ ನೆನೆದಾಗಸದಲಿ ಚಿಮ್ಮಿದ ||
ಅಡೆತಡೆ ಯಾವುದು ಗಣನೆಗೆ ಇಲ್ಲ |
ಶರಧಿಯ ದಾಟಿ ನೋಡಿದನೆಲ್ಲ |
ಸೂಕ್ಷ್ಮಾಕಾರವ ಧರಿಸಿದನಲ್ಲ |
ಬೇಕಾದೆಡೆ ಹಿರಿದಾಗಲು ಬಲ್ಲ || 1||

ಅರಮನೆ ನೆರಮನೆ ಎಲ್ಲವ ಹುಡುಕಿ |
ಸೀತಾದೇವಿಯ ಕಾಣದೆ ಬಳಲಿ |
ಉಪವನದಲ್ಲಿ ಅರಸಲು ತೆರಳಿ |
ಅಶೋಕವನದಲಿ ಕಂಡನು ಮಾರುತಿ ||
ರಾಮನ ಕಥೆ ಹೇಳುತ ಪರಿಚಯಿಸಿ |
ಸೀತೆಯ ಸಂದೇಹಗಳ ನಿವಾರಿಸಿ |
ಮದ್ರೆಯ ಉಂಗುರವನು ತಾ ನೀಡಿ |
ಚೂಡಾಮಣಿಯನು ಪಡೆದನು ಮುದದಿ ||2||

ಸುತ್ತಲ ವನವನು ಧ್ವಂಸ ಮಾಡಿದನು |
ಎದುರಿಸಿದಕ್ಷಕುಮಾರನ ಕೊಂದನು |
ರಾವಣನಿಗೆ ಬಲು ಹಿತೋಕ್ತಿ ನುಡಿದನು |
ಬಾಲಕೆ ಬೆಂಕಿಯ ಹಚ್ಚಲು ಬೆಳೆದನು ||
ಲಂಕಾದಹನದ ವೀರಾಂಜನೇಯ |
ಸೀತಾನ್ವೇಷಕ ವೀರಾಂಜನೇಯ ||
ರಾಘವಪ್ರೀಯನೆ ವೀರಾಂಜನೇಯ |
ಮುಖ್ಯಪ್ರಾಣನು ವೀರಾಂಜನೇಯ ||
ಜೈ ಜೈ ಜೈ ಜೈ ವೀರಾಂಜನೇಯ |
ಬಂಗಾರಮಕ್ಕಿಯ ವೀರಾಂಜನೇಯ ||3||

                                                                                   - ಸದಾನಂದ
ಬ್ಲಾಗ್ ವರ್ಗಗಳು: 
‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 3 (2 votes)
To prevent automated spam submissions leave this field empty.

ಟ್ವಿಟ್ಟರಿನಲ್ಲಿ ಸಂಪದ