ಹೆಗಲ ಮ್ಯಾಲೆ ನೇಗಿಲ ಹೊತ್ಕೊಂಡು
ಹೊಂಟ್ಯಾನ ಎನಗಂಡ ಹೊಲದೆಡೆಗೆ |
ಹೊತ್ತು ಮುಳುಗೋ ಮುಂದ ಬಾರಪ್ಪ ನೀ ಮನಿಯೊಳಗ     | ಹೆಂಡತಿ ಗಂಡನಿಗೆ|

ಹೊಲದಲ್ಲಿ ಸ್ಯಾನೆ ಗೇಮೆ ಅಯ್ತೆ ಕಣಮ್ಮಿ
ಆಳು ಕಾಳು ಕಡ್ಡಿಗಳನೆಲ್ಲ ಸಮಱಿಯಲು |
ಹೊತ್ತು ಮುಳುಗುವುದು ನಾ ಏನ ಮಾಡಲಿ ಎನ್ನೊಡತಿ  | ಗಂಡ ಹೆಂಡತಿಗೆ|

ಹೊತ್ತು ಮುಳುಗಿದೆ ಮ್ಯಾಲಿ ಗುಂಡಿಗಿ ನಡುಗತಯ್ತಿ
ನೀನಿಲ್ಲದ ಮನಿ ಹೂವಿಲ್ಲದ ಗಿಡದಾಂಗ|
ನಾನು ಸೊರಗಿಹೋಗುವೆ ದಿನವೂ     | ಹೆಂಡತಿ ಗಂಡನಿಗೆ|

ಆಡಾಕ ಆಡ್ಮರಿಗಳು, ನೋಡಾಕ ಹೂದೋಟ
ಕೂಡ ಮಾತಾಡಾಕ ನೆರೆಹೊರೆಯವರು|
ಹಂಗ್ಯಾಕ ಹಲುಬುತಿ ನೀ ನನಗಾಗಿ    | ಗಂಡ ಹೆಂಡತಿಗೆ|

ಸಂಪದಿಗರೆ,
   ಇದನ್ನ ಇನ್ನು ಚೆನ್ನಾಗಿ ಬರೆಯಲು ನನಗೆ ನೆರವು ನೀಡಿ.