ಸಂಡೇ ಸಮಸ್ಯೆ: ಜಮಾನಾದ ಜೋಕುಗಳು - ೮

ನಿಜ ರಾಮಮೋಹನ್ ಸರ್,
ಈಗ ಮಾಮೂಲಿ ಹೆರಿಗೆ ಮಾಡಿಸುವ ಸೂಲಗಿತ್ತಿಯರಿಗೆ ಕೆಲಸವೂ ಇಲ್ಲಾ :((

ಸಪ್ತಗಿರಿಯವರೇ,
ನನಗೆ ಮಧ್ಯ ಕರ್ನಾಟಕ(ಚಿತ್ರದುರ್ಗ), ದಕ್ಷಿಣ ಕರ್ನಾಟಕ (ಮೈಸೂರು) ಮತ್ತು ಉತ್ತರ ಕರ್ನಾಟಕ (ಧಾರವಾಡ) ಹೀಗೆ ಮೂರು ವಿಭಿನ್ನ ಪ್ರಾಂತಗಳಲ್ಲಿ ವಿದ್ಯಾಭ್ಯಾಸ ಮಾಡುವ ಅವಕಾಶ ಒದಗಿ ಬಂದಿತ್ತು. ಹಾಗಾಗಿ ಸಹಜವಾಗಿಯೇ ಕರ್ನಾಟಕದ ವಿವಿಧ ಪ್ರಾಂತಗಳ ಜನರ ಪರಿಚಯ ನನಗಾಯಿತು. ಹಾಗಾಗಿ ವಿವಿಧ ಪ್ರಾಂತದಲ್ಲಿ ಪ್ರಚಲಿತವಿರುವ ಹಲವಾರು ಸಂಗತಿಗಳ ಜೊತೆಗೆ ಗಾದೆ ಮಾತುಗಳು ಮತ್ತು ಹಾಸ್ಯ ಪ್ರಸಂಗಗಳನ್ನು ತಿಳಿದುಕೊಳ್ಳುವ ಸೌಭಾಗ್ಯ ನನಗೆ ಸಿಕ್ಕಿತು. ಆಸು ಹೆಗಡೆಯವರ ಅಪ್ಪಯ್ಯ ಹೇಳಿದ ಕಥೆಗಳನ್ನು ಓದುತ್ತಿದ್ದಾಗ ಥಟ್ಟನೆ ನಮ್ಮ ಜಮಾನದಲ್ಲಿ ಪ್ರಚಲಿತವಿದ್ದ ಜೋಕುಗಳನ್ನು ಏಕೆ ಸಂಪದದಲ್ಲಿ ಹಂಚಿಕೊಳ್ಳಬಾರದು ಎನ್ನುವ ಆಲೋಚನೆ ಬಂದದ್ದೇ ತಡ, ಅದನ್ನೇ ಕಾರ್ಯರೂಪಕ್ಕೆ ತಂದೆ. ಅದಕ್ಕೆ ನಿಮ್ಮಂತಹ ಕಿರಿಯರೂ ಮತ್ತು ಹಿರಿಯರಿಗೂ ಅವು ಮೆಚ್ಚುಗೆಯಾಗುತ್ತಿರುವುದಕ್ಕೆ ನನಗೂ ಸಂತಸವುಂಟಾಗಿದೆ. ಇದಕ್ಕೆ ತಕ್ಕಂತೆ ಜೂನ್ ಮತ್ತು ಜುಲೈ ತಿಂಗಳಿನಲ್ಲಿ ನನ್ನ ಕಕ್ಷಿದಾರರು ಬಿತ್ತನೆ ಮತ್ತು ಬೀಜ ಮಾರಾಟ ಕಾರ್ಯದಲ್ಲಿ ನಿರತರಾಗಿರುವುದರಿಂದ ನನಗೆ ಸಾಕಷ್ಟು ಬಿಡುವು ದೊರೆಯುತ್ತಿದೆ. ನನ್ನ ಬಹುತೇಕ ಕೆಲಸವೇನಿದ್ದರೂ ಬೆಳೆ ನಾಟಿ ಮಾಡಿದ ಒಂದರಿಂದ ಒಂದೂವರೆ ತಿಂಗಳಿಗೆ ಪ್ರಾರಂಭವಾಗುವುದರಿಂದ ಮತ್ತು ಮಳೆಯೂ ಈ ಬಾರಿ ತಡವಾಗಿ ಬೀಳುತ್ತಿರುವುದರಿಂದ ನಾನು ಸಂಪದದಲ್ಲಿ ಹೆಚ್ಚು ಸಕ್ರಿಯನಾಗಲಿಕ್ಕೆ ಸಾಧ್ಯವಾಯಿತು. (ಇದೇ ನನ್ನ ಒಳಗುಟ್ಟು, ಏಕೆಂದರೆ ನಾನು ನಿಮ್ಮನ್ನು ಭೇಟಿ ಮಾಡಿದ್ದು ಜೂನ್ ಮೊದಲವಾರದಲ್ಲಿ ‍...ನನ್ನ ಕೆಲಸದ ಒತ್ತಡ ಆಗ‌ ಬಹುತೇಕ ಮುಗಿದಿತ್ತು)

ಹೆಂಡತಿ ಹೆರಿಗೆಗೆ ಹೋದಾಗ ಗಡ್ಡ ಬಿಡುವುದೇಕೆ? ಅದಕ್ಕೆ ನನಗೂ ಉತ್ತರ ಗೊತ್ತಿಲ್ಲ. ಬಹುಶ: ಈಗ ನನ್ನನ್ನು ಯಾರೂ ಕೇಳುವವರಿಲ್ಲ ಆದ್ದರಿಂದ ನಾನು ಸಂನ್ಯಾಸಿಯಂತೆ ಜೀವಿಸುತ್ತಿದ್ದೇನೆ ಎಂದು ತೋರಿಸಲೋ ಗೊತ್ತಿಲ್ಲಾ :))

ನೀವು ಇತ್ತೀಚೆಗೆ ಸಂಪದದಲ್ಲಿ ಬರೆಯಲಾಗುತ್ತಿಲ್ಲ ಎಂದು ಪ್ರತಿಕ್ರಿಯೆಯೊಂದರಲ್ಲಿ ಹೇಳಿಕೊಂಡಿದ್ದೀರಿ. ಭರ್ಜರಿ ಊಟವಾದ ನಂತರ ಸ್ವಲ್ಪ ವಿರಾಮ ಕೊಡಬೇಕು ಇಲ್ಲದಿದ್ದರೆ ತಿಂದದ್ದು ಅಜೀರ್ಣವಾಗುತ್ತದಲ್ಲವೇ ಅದೇ ರೀತಿ ಸ್ವಲ್ಪ ಸಮಯದ ನಂತರ ಹೊಸ ವಿಷಯಗಳ ಕುರಿತು ಆಲೋಚಿಸಲು ನಿಮ್ಮ ಮನಸ್ಸಿನಲ್ಲಿ ಸ್ವಲ್ಪ ಸ್ಥಳಾವಕಾಶ ಮಾಡಿಕೊಳ್ಳಿ. ಮತ್ತೆ ನಿಮಗೆ ಹೊಸ ವಿಷ್ಯಗಳು ಖಂಡಿತಾ ಹೊಳೆಯುತ್ತವೆ ಆಗ ನಿಮ್ಮಿಂದ ಮತ್ತಷ್ಟು ಒಳ್ಳೆಯ ಬರಹಗಳು ಬರುತ್ತವೆ. ಆಲ್ ದ ಬೆಸ್ಟ್.