ಪ್ರಪಂಚ ಹೂವಿನ ಹಾಸಿಗೆ ಅಲ್ಲ ಇಲ್ಲಿ ಹೇಸಿಗೇನೂ ಇದೆ

ಕೆಲಸ ಅನ್ನೋದು ಒಂಥರಾ ಮರೀಚಿಕೆ ಇದ್ದ ಹಾಗೆ ಅನ್ಸುತ್ತೆ. ಒಂದ್ಕಡೆ ಕೆಲಸ ಸಿಕ್ತು ಆರಾಮಾವಾಗಿ ಇರೋಣ ಅಂತಿದ್ದ ಹಾಗೆ ಕೆಲಸ ಕಟ್ ಮಾಡಿದರು
ಟೆಕ್ಕಿಗಳಿಗಾದ್ರೆ ದುಡ್ಡು ಕೂಡು ಹಾಕ್ಕೊಂಡು ಇರೋದ್ರಿಂದ ಏನೂ ತೊಂದರೆ ಇಲ್ಲ. ಆದ್ರೆ ತೊಂದ್ರೆ ಆಗೋದೆಲ್ಲಾ ನಮ್ಮಂಥ ಆಫ್ ವರ್ಕರ್ಸ್‌ಗೆ . ಕೆಲಸ ಕಟ್ ಮಾಡ್ಬೇಕು ಅಂದ ತಕ್ಷಣ ಈ ಬಾಸ್‌ಗಳಿಗೆ ನೆನಪು ಬರೋದೆ ನಾವುಗಳು . ಅರ್ಧಂಬರ್ದ ಎಜುಕೇಶನ ಮಾಡಿರೋರು , ಹಾಗೆ ನನ್ನನ್ನ ಹಿಂದಿದ್ದ ಕೆಲಸದಿಂದ ತೆಗೆದುಬಿಟ್ರು
ನಂಗೆ ಬರೋದು ಕಂಪ್ಯೂಟರ್ ಮತ್ತೆ ಲೆಕ್ಕ . ಅನುಭವಾ ಇನ್ನೆಷ್ಟು ಇದ್ದೀತು . ಇಪ್ಪತ್ತೂ ಕಳೆಯದ ಡಿಗ್ರಿ ಆಗದ ನನ್ನಂತೋರ ಪಾಡು ತುಂಬಾ ಬೇಜಾರು
ಎಲ್ಲಿ ಇಂಟರ್‌ವ್ಯೂಗೆ ಹೋದ್ರೂ ಯಾಕೆ ಡಿಗ್ರಿ ಮಾಡಿಲ್ಲ, ಇನ್ನೊಂದು ವರ್ಷ ಅನುಭವ ಇರ್ಬೇಕಾಗಿತ್ತು. ಬರೀ ಇದೇ ಮಾತು . ಕೆಲವರಂತೂ ಇದೇ ಚಾನ್ಸ್ ಅಂತ
ತೀರ ಕಡಿಮೆ ಸಂಬಳ ಕೊಡ್ತೀವಿ ಅಂತಾರೆ. ಈ ಬೆಂಗಳೂರಲ್ಲಿ ಒಬ್ಬಳ ಸಂಬಳದಲ್ಲೇ ಮನೆ ಸಾಗಬೇಕು . ಬಾಡಿಗೇ ಇದೆಲ್ಲಾ ಹೇಗೆ ಸಾಧ್ಯಾ ಒಂದು ತಿಂಗಳು
ಸಕ್ಕತ್ ತೊಂದ್ರೆ ಆಯ್ತು. ಪ್ರಪಂಚ ನಾನಂದುಕೊಂಡ ಹಾಗೆ ಹೂವಿನ ಹಾಸಿಗೆ ಅಲ್ಲ ಇಲ್ಲಿ ಹೇಸಿಗೆನೂ ಇದೆ ಅಂತ ಅನ್ನಿಸಿದ್ಬಿಡ್ತು. ತೀರ ದೊಡ್ಡ ದೊಡ್ಡ ಕಂಅಪೆನೀಲಿ ಕ್ವಾಲಿಫಿಕೇಷನ್ ಕೇಳ್ತಾರೆ.
ಚಿಕ್ಕ ಕಂಪನೀ ಆದ್ರೆ ಸಂಬಳ ಕಡಿಮೆ. ಪ್ರೊಪ್ರೈಟರಿ ಕಂಪೆನೀಲಿ ಕೆಲವೆಡೆ ಕಣ್ಣು ಮೈಮೇಲೆಲ್ಲಾ ಇರುತ್ತೆ. ಮೈ ತುಂಬಾ ಉಟ್ಟಿರೋ ಉಡುಪೂ ಕೂಡ ಅವರ ಕಣ್ಣಿಗೆ ಪಾರದರ್ಶ್ಗಕವಾಗಿರುತ್ತೇನೋ.
ಮೊದಲ ಸಲ ನಂಗೆ ಇಷ್ಟೊಂದು ತೊಂದರೆ ಆಗಿರಲಿಲ್ಲ. ತುಂಬಾ ಬೇಗ ಸಿಕ್ತು. ಈ ಸಲ ಮಾತ್ರ ತುಂಬಾ ಆಟ ಆಡಿಸ್ತು. ನಾನು ಮೊದಲಿಂದಲೂ ತುಂಬಾ ಜಾಲಿ ಟೈಪ್ ಹುಡುಗಿ
ಈಗೀಗ ತುಂಬಾ ಗಂಭೀರ ಆಗ್ಬಿಡೋಣ ಅನ್ನಿಸುತ್ತೆ. ಆದರೆ ಆಗಲ್ಲ
ಹಂಗೂ ಕೆಲಸ ಸಿಕ್ತು . ಇಲ್ಲಿ ಚೆನ್ನಾಗಿದೆ ಮನೆಯಿಂದ ತುಂಬಾ ದೂರ ಇದ್ರೂ ಒಂಥರಾ ಚೆನ್ನಾಗಿದೆ. ಇಲ್ಲೇ ಹೀಗೆ ಒಬ್ಬರ ಕಣ್ಣು ನನ್ಕಣ್ಣ ಜೊತೆ ಬೆರೀತಿದೆ
ಮುಂದೆ ಏನಾಗುತ್ತೋ ಗೊತ್ತಿಲ್ಲ. ಅದರ ಬಗ್ಗೆ ಮುಂದೆ ಸಮಯ ಆದರೆ ಬರೀತೀನಿ.

• ವನಜಾ's blog
• Login or register to post comments
• 409 ಹಿಟ್ಸ್
• ಈ ಪುಟವನ್ನು ಇ-ಮೇಯ್ಲ್ ಮಾಡಿ
• Printer-friendly version
•