ಸ್ತ್ರೀ ಸಮಾನತೆ-ಸ್ವಾತಂತ್ರ್ಯ ಮತ್ತು ನನ್ನೊಳಗಷ್ಟು ಗೊಂದಲಗಳು:-

ಹೇಮಾ,
ನನ್ನ ತಾಯಿಯ ಹತ್ತಿರ ಈ ವಿಷಯದ ಬಗ್ಗೆ ಮಾತಾಡುತ್ತಿದ್ದಾಗ ಅವರು ಹೇಳಿದ ಮಾತಿದು ಹಿಂದೆಲ್ಲಾ ಸ್ತ್ರೀ-ಪುರುಷರ ನಡುವೆ ಸಮಾನತೆ ಎಂಬ ಘೋಷಣೆಗಳಿಲ್ಲದೆ ನಮ್ಮ ಸಮಾಜದಲ್ಲಿ ಸಮಾನತೆ ಹಾಸುಹೊಕ್ಕಾಗಿತ್ತು. ಎಷ್ಟೋ ಮಹಿಳೆಯರಿಗೆ ಆಗ ಉಪನಯನ ಕೂಡಾ ಆಗಿತ್ತಂತೆ (ಗಾರ್ಗಿ ಮುಂತಾದವರು) ಇನ್ನೊಮ್ಮೆ ಇದರ ಬಗ್ಗೆ ವಿವರವಾಗಿ ಬರೆಯುತ್ತೇನೆ. ಹಾಗಾಗಿ ಈ ಸ್ತ್ರೀ ಶೋಷಣೆ ಇವೆಲ್ಲ ಇತ್ತೀಚೆಗಷ್ಟೆ ಶುರುವಾಗಿರೋದು. ನಮ್ಮಲ್ಲಿ ಬಾಲ್ಯವಿವಾಹ, ವಿಧವೆಯರನ್ನು ಕುರೂಪಗೊಳಿಸುವುದು , ಮುಂತಾದವು ಶುರುವಾಗಿದ್ದು ನಮ್ಮ ದೇಶಕ್ಕೆ ಬೇರೆಯವರು ದಂಡೆತ್ತಿ ನಮ್ಮ ಹೆಂಗಸರನ್ನು ಎತ್ತೊಯ್ಯಲ್ಲಿಕ್ಕೆ ಶುರು ಮಾಡಿದ ಮೇಲಂತೆ. ನಮ್ಮ ಸ್ತ್ರೀಯರ ಸೌಂದರ್ಯ ಬಹಳ ಪ್ರಖ್ಯಾತಿಯಾದ ಕಾರಣ ನಮ್ಮ ಹೆಂಗಸರನ್ನು ನಮ್ಮ ನಾಡಿನಲ್ಲೇ ಉಳಿಸಿಕೊಳ್ಳಲು, ಮತ್ತು ನಮ್ಮ ಹೆಂಗಸರ ಗೌರವವನ್ನು ಕಾಪಾಡಿಕೊಳ್ಳಲು ಹೀಗೆಲ್ಲಾ ಶುರುವಾಗಿದ್ದು ಎಂಬುದು ಅವರ ಅನಿಸಿಕೆ.

ಇನ್ನು ವೇಶ್ಯಾವಾಟಿಕೆಯ ಕುರಿತು ಮಾತಾಡುವುದಾದರೆ ಹಿಂದೆಲ್ಲಾ ವೇಶ್ಯೆಯರನ್ನು ಬಹಳವಾಗಿ ಗೌರವಿಸುತ್ತಿದ್ದರು. ಯಾರೂ ಕೂಡ ಅದರ ಬಗ್ಗೆ ಚಕಾರವೆತ್ತುತ್ತಿರಲ್ಲ. ನಮ್ಮ ಸಮಾಜದ ಸ್ವಾಸ್ತಕ್ಕಾಗಿ ಈ ವೃತ್ತಿ ಎಂಬುದನ್ನು ಎಲ್ಲರು ನಂಬಿದ್ದರು. ಈ ವೇಶ್ಯೆಯರು ಕೂಡಾ ತಮ್ಮ ವೃತ್ತಿಯನ್ನು ಅಷ್ಟೇ ಪ್ರೀತಿಯಿಂದ, ಶ್ರದ್ಧೆಯಿಂದ ಮಾಡುತ್ತಿದ್ದರು. ಇವರ ಸ್ಪೂರ್ತಿಯಿಂದಾಗಿಯೇಎಷ್ಟೋ ಮಹಾಕಾವ್ಯಗಳ, ಸಾಹಿತ್ಯರಚನೆಗಳ ಸೃಷ್ಠಿಯಾಗಿವೆ. ಈ ವೇಶ್ಯೆಯರು ಕೂಡ ಅಷ್ಟೆ, ತಮ್ಮ ಸಂಪಾದನೆಯಲ್ಲಿ ಎಷ್ಟೋ ಕೆರೆಕಟ್ಟೆಗಳನ್ನು ಕಟ್ಟಿಸಿದ್ದಾರೆ, ದಾನಧರ್ಮಗಳನ್ನು ಮಾಡಿದ್ದಾರೆ.

ನನ್ನ ಅನಿಸಿಕೆಯ ಪ್ರಕಾರ ಯಾವ ವೃತ್ತಿಯೇ ಆಗಲಿ, ಅದು ಬಲವಂತದ್ದಾದರೆ ಅದು ತಪ್ಪೇ. ವೇಶ್ಯಾವಾಟಿಕೆಯಿಂದಾಗಿ ನಮ್ಮ ಸಮಾಜದ ಸ್ವಾಸ್ತ್ಯ ಅದು ಹೇಗೆ ಹಾಳಾಗುತ್ತದೆ ಅನ್ನುವುದು ನನ್ನ ಪ್ರಶ್ನೆ. ಎಷ್ಟೋ ಪಾಶ್ಚಾತ್ಯ ದೇಶಗಳಲ್ಲಿ ವೇಶ್ಯಾವಾಟಿಕೆಯನ್ನು ಕಾನೂನಿನ ಪ್ರಕಾರ ಮಾನ್ಯಗೊಳಿಸಲಾಗಿದೆ. ಆದರೆ ಆ ವೃತ್ತಿಗೆ ಬಲವಂತವಾಗಿ ಮಹಿಳೆಯರನ್ನು ಎಳೆತರುವುದು ಅಷ್ಟೇ ಹೇಯಕರ. ಇನ್ನು ಪುರುಷ ವೇಶ್ಯೆಯರ ಬಗ್ಗೆ ಮಾತಾಡುವುದಾದರೆ, ಹಿಂದೆಯೂ ರಾಜ ಮಹಾರಾಜರ ಕಾಲದಲ್ಲಿ ತಮ್ಮ ಪತಿಯರು ದಂಡ ಯಾತ್ರೆಗಳಿಗೆಲ್ಲಾ ಹೋದಾಗ ರಾಣಿಯರು ಪುರುಷ ವೇಶ್ಯೆಯರನ್ನು ಇಟ್ಟುಕೊಳ್ಳುತ್ತಿದ್ದರು. ಈಗಲೂ ಕೂಡ ನಮ್ಮ ಹಳ್ಳಿಗಳಲ್ಲಿ ಕೂಡಾವಳಿ ಪದ್ಧತಿಯಿದೆ. ಗಂಡ ಸತ್ತರೆ ಆತನ ಅಣ್ಣ ತಮ್ಮಂದಿರೊಡನೆ ಆ ಹೆಣ್ಣು ಕೂಡಾವಳಿ ಮಾಡಿಕೊಳ್ಳಬಹುದು. ಅದನ್ನು ಆ ಹೆಣ್ಣು(ಆತನ ಪತ್ನಿಯು ಕೂಡಾ) ಬಹಳ ಸಹಜವಾಗಿ ಒಪ್ಪಿಕೊಳ್ಳುತ್ತಾಳೆ (ಇದು ನಾನು ಕಣ್ಣಾರೆ ಕಂಡ ಫಟನೆ).

ನಮ್ಮ ಕುಟುಂಬ ವ್ಯವಸ್ಥೆ ನಿಜವಾಗಲೂ ನಮಗೆಲ್ಲಾ ಒಂದು ವರವೇ ಸರಿ. ಆದರೆ ನಮ್ಮಲ್ಲಿ ಹುಳುಕು ಇಲ್ಲವೆಂದಲ್ಲ. ಎಷ್ಟೋ ಅತ್ಯಾಚಾರಗಳು, ವೇಶ್ಯಾವಾಟಿಕೆಗಳಿಗೆ ನೂಕಲ್ಪಡುತ್ತಿರುವ ಹೆಂಗಸರು, ಇದೆಲ್ಲಾ ತಮ್ಮ ಕುಟುಂಬದವರಿಂದಾಗಿಯೇ ಎಂಬುದು ಕೂಡಾ
ಅಷ್ಟೆ ಕಟು ಸತ್ಯ

ದೀರ್ಘ ಪ್ರತಿಕ್ರಿಯೆ ನೀಡಿದಕ್ಕಾಗಿ ಕ್ಷಮಿಸಿ. ತಿಳಿದವರು ತಪ್ಪುಗಳಿದ್ದರೆ ತಿದ್ದಿ.

>>>ಒಬ್ಬ ಪುರುಷ ಅನೇಕ ಹೆಂಗಸರೊಂದಿಗಿದ್ದಾಗ್ಯೂ ಸ್ತ್ರೀ ಆತನನ್ನು ಒಪ್ಪುತ್ತಾಳೆಂದರೆ ಸ್ತ್ರೀಯ ಅದೇ ಪ್ರವೃತ್ತಿಯನ್ನು ಪುರುಷನ್ಯಾಕೆ ಕಡೆಗಣಿಸಬೇಕು ಎಂಬುದು ನನ್ನ ಬೇಸಿಕ್ ಪ್ರಶ್ನೆಯಾದರೂ<<
ಒಂದು ಹೆಣ್ಣು ಇದಕ್ಕೆ ಒಪ್ಪುತ್ತಾಳೆ ಅಂತ ಒಂದು ಹೆಣ್ಣಾಗಿ ಹೇಗೆ ಒಪ್ಪಿಕೊಳ್ಳುತ್ತಿರಾ ನೀವೂ,ಇದನ್ನು ಒಂದು ಹೆಣ್ಣೆ ಅಲ್ಲ ಗಂಡು ಕೂಡ ಒಪ್ಪೊಲ್ಲ ,ನಮ್ಮಲ್ಲಿ ಹೆಣ್ಣಾಗಲಿ ಅಥವಾ ಗಂಡಾಗಲಿ ವೆಶ್ಯೆ ವೃತ್ತಿಯಲ್ಲಿದ್ದಾರೆ ಅಂದರೆ ಯಾರೂ ಕೂಡ ಅವರಿಗೆ ಗೌರವ ಕೊಡಲ್ಲ ಮತ್ತು ಅದನ್ನೂ ಯಾರೂ ಒಪ್ಪಿಕೊಳ್ಳಲ್ಲ

>>ಸಮಾನತೆ ಅಂದರೆ ಸ್ತ್ರೀಯು ಪುರಷನಿಂದ ಸಾಧ್ಯವಾಗುವುದನ್ನೆಲ್ಲ ಮಾಡುವುದಷ್ಟೇ ಎಂದರ್ಥವೇ? ಅದೇ ನಿಜವಾದರೆ ಸ್ತ್ರೀ ಸ್ವಾತಂತ್ರ್ಯ ಎಂಬ ಪದಕ್ಕೆ ಅರ್ಥವೇನಿದೆ?<<
ನಿಮ್ಮ ಮಾತಿನ ಸ್ತ್ರೀಯ ನಿಜವಾದ ಸ್ವಾತಂತ್ರ್ಯ ಅಂದರೆ ಏನು ?

--ಗೌಡ್ರು

>>ಅದ್ಯಾಕೆ ಅಷ್ಟು ರೂಡ್ ಆಗಿ ಉತ್ತರಿಸಿದೀಯ. ಅವಳು ಹುಡುಗಿ ಗೊತ್ತಿಲ್ವ ನಿನಗೆ?...
ಹುಡುಗಿ ಎಂಬ ಕಾರಣಕ್ಕೆ ಒರಟಾಗಿ ಮಾತಾಡಬಾರದು ಎನ್ನುವುದು ಸಮಾನತೆಯ ದೃಷ್ಟಿಯಿಂದ ಸರಿಯಲ್ಲ ಎಂದು ನನ್ನ ಅಭಿಪ್ರಾಯವೂ ಹೌದು. ಆದರೆ ಒರಟು ಮಾತು ಶಿಷ್ಟಾಚಾರದ ದೃಷ್ಟಿಯಿಂದ, ಯಾರೊಂದಿಗೆ ಆಡಿದರೂ ತಪ್ಪೇ. ಆದರೆ ಅವಳು ಹುಡುಗಿ ಎಂಬ ಕಾರಣದಿಂದ ಅವಳೊಂದಿಗೆ ಒರಟಾಗಿ ಮಾತಾಡಿದ್ದಾದರೆ, ಅದು ಸಮಾನತೆಗೆ ವಿರುದ್ಧವಾಗುತ್ತದೆ.

>>ಸಮಾನತೆ ಅಂದರೆ ಸ್ತ್ರೀಯು ಪುರಷನಿಂದ ಸಾಧ್ಯವಾಗುವುದನ್ನೆಲ್ಲ ಮಾಡುವುದಷ್ಟೇ ಎಂದರ್ಥವೇ? ಅದೇ ನಿಜವಾದರೆ ಸ್ತ್ರೀ
ಸ್ವಾತಂತ್ರ್ಯ ಎಂಬ ಪದಕ್ಕೆ ಅರ್ಥವೇನಿದೆ?
ಸಮಾನತೆ ಅಂದರೆ ಸ್ತ್ರೀ-ಪುರುಷರು ಎಲ್ಲ ರೀತಿಯಲ್ಲೂ (ಉದಾ: ಸಾಮಾಜಿಕ, ಆರ್ಥಿಕ, ರಾಜಕೀಯ) ಸಮಾನರು. ಪುರುಷ ಪ್ರಧಾನ ಸಮಾಜದಲ್ಲಿ ಸಮಾನತೆಯನ್ನು ಸಾಧಿಸಲು ಸ್ತ್ರೀ ಸ್ವಾತಂತ್ರ್ಯ ಬೇಕಾಗುತ್ತದೆ.

ಉದಾಹರಣೆಗೆ, ವಿದ್ಯಾಭ್ಯಾಸ-ಉದ್ಯೋಗ: ಸಮಾನತೆ ಇಲ್ಲದಿದ್ದಾಗ, ಪುರುಷರಿಗೆ ವಿದ್ಯಾಭ್ಯಾಸಕ್ಕೆ ಯಾವ ಅಡೆತಡೆಯೂ ಇರುವುದಿಲ್ಲ, ಸ್ತ್ರೀಯರಿಗೆ ಅವಕಾಶಗಳು ಸೀಮಿತವಾಗಿರುತ್ತವೆ. ಸಮಾನತೆ ಸಾಧ್ಯವಾಗಿರುವ ಸಂದರ್ಭದಲ್ಲಿ ಸ್ತ್ರೀ-ಪುರುಷರಿಬ್ಬರಿಗೂ ವಿದ್ಯಾಭ್ಯಾಸಕ್ಕೆ ಸಮಾನ ಅವಕಾಶಗಳಿರುತ್ತವೆ. ನಾವಿರುವುದು ಇವೆರಡೂ ಅಲ್ಲದ ಸನ್ನಿವೇಶದಲ್ಲಿ: ಸಮಾನತೆ ಇಲ್ಲದ ಸ್ಥಿತಿಯಿಂದ ಸಮಾನತೆ ಇರುವ ಸ್ಥಿತಿಯ ಕಡೆ ಹೋಗುತ್ತಿದ್ದೇವೆ. ಪುರುಷರಿಗೆ ವಿದ್ಯಾಭ್ಯಾಸಕ್ಕೆ ಹೆಚ್ಚು ಅವಕಾಶಗಳಿದ್ದವು. ಈಗ ಸ್ತ್ರೀಯರಿಗೂ ಅವಕಾಶಗಳು ಲಭ್ಯವಿವೆ. ಸ್ತ್ರೀಯರು ವಿದ್ಯಾಭ್ಯಾಸ/ಉದ್ಯೋಗದ ಅವಕಾಶಗಳನ್ನು ಉಪಯೋಗಿಸಿಕೊಂಡಾಗ, ’ಮಕ್ಕಳನ್ನು/ಮನೆಯನ್ನು ನಿರ್ಲಕ್ಷಿಸುತ್ತಿದ್ದಾಳೆ, ತಾನೂ ಗಂಡಸು ಅಂದುಕೊಂಡಿದ್ದಾಳೆ, ಗಂಡಸಿನೊಂದಿಗೆ ಸ್ಪರ್ಧೆಗಿಳಿದಿದ್ದಾಳೆ”, ಇತ್ಯಾದಿ ಮಾತುಗಳು ಕೇಳಿಬರುತ್ತವೆ. ಈ ಸಂದರ್ಭದಲ್ಲಿ ಸ್ತ್ರೀ ಏನು ಮಾಡಬೇಕು? ನನ್ನ ಅಭಿಪ್ರಾಯದಲ್ಲಿ, ಸ್ತ್ರೀ ಇಂಥ ಸಾಮಾಜಿಕ ಅಡೆ-ತಡೆಗಳಿಗೆ ಬಗ್ಗದೆ, ತನಗೆ ಬೇಕಾದ ಹಾಗೆ ಬದುಕಬೇಕು.

ಈಗ ವಿದ್ಯಾಭ್ಯಾಸ/ಉದ್ಯೋಗದ ಜಾಗದಲ್ಲಿ ’ಕುಡಿತ’, ’ಲೈಂಗಿಕ ಸ್ವಾತಂತ್ರ್ಯ’ ಎಂದು ಓದಿಕೊಳ್ಳಿ :-).

>>ಅಮೆರಿಕದಂತಹ ಮುಂದುವರೆದ ದೇಶಗಳಲ್ಲಿ ತೀರ ಶಾಲೆಯ ಮಕ್ಕಳಿಗೆ ಊಟದಲ್ಲಿ Anti-pregnancy pill ಗಳನ್ನು ಹಾಕಿಕೊಡುತ್ತಾರೆಂದರೆ..

ಇದನ್ನು ನೀವೆಲ್ಲಿ ಕೇಳಿದಿರಿ/ಓದಿದಿರಿ? ವ್ಯಕ್ತಿ ಸ್ವಾತಂತ್ರ್ಯದ ಬಗ್ಗೆ ಅತೀವ ಕಾಳಜಿ ಇರುವ ಅಮೆರಿಕಾದಲ್ಲಿ ಇಂಥ ಘಟನೆ ನಡೆದಿದೆ ಎಂದು ನಂಬಲು ಕಷ್ಟ. ಇದು ಸರ್ವೇಸಾಮಾನ್ಯವಾದ ಆಚರಣೆಯಂತೂ ಖಂಡಿತ ಅಲ್ಲ.

>>ನಮ್ಮ ಕುಟುಂಬ ವ್ಯವಸ್ಥೆಯಿಂದ ಹಾಗು ಅದರಿಂದ ಉಳಿದಿರುವ ಸಮಾಜದ ಸ್ವಾಸ್ಥ್ಯದಿಂದ ನಮ್ಮ ಹಾಗೂ ನಮ್ಮ ಮುಂದಿನ
ಪೀಳಿಗೆಗೆ ಎಷ್ಟು ಅನುಕೂಲವಾಗುತ್ತಿದೆಯಲ್ಲವೇ?...

ನಮ್ಮ ಕುಟುಂಬ ವ್ಯವಸ್ಥೆ ಸ್ತ್ರೀಯರ ಸಾಮಾಜಿಕ, ಆರ್ಥಿಕ, ರಾಜಕೀಯ ಸ್ವಾತಂತ್ರ್ಯಗಳ ತ್ಯಾಗಗಳನ್ನು ಅವಲಂಬಿಸಿದೆ. ಇಂಥ ತ್ಯಾಗಗಳನ್ನು ಮಾಡಲು ಆಧುನಿಕ ಸ್ತ್ರೀ ಸಿದ್ಧಳಿಲ್ಲ. ಸ್ತ್ರೀಯಿಂದ ಇಂಥ ತ್ಯಾಗಗಳನ್ನು ಅಪೇಕ್ಷಿಸದ ಕುಟುಂಬ ವ್ಯವಸ್ಥೆಯನ್ನು ಕಟ್ಟುವುದು ಹೇಗೆ ಎನ್ನುವುದು ನಮ್ಮ ಹಾಗೂ ಮುಂದಿನ ಪೀಳಿಗೆಯ ಸ್ತ್ರೀ-ಪುರುಷರ ಮುಂದಿರುವ ಸವಾಲಾಗಿದೆ.