"ನೀವು ಲೋಕವನ್ನಾಗಲೋ, ಸಮಾಜವನ್ನಾಗಲೀ, ಪುರೋಹಿತಶಾಹಿಯನ್ನಾಗಲೀ ಬದಲಾಯಿಸಲು ಪ್ರಯತ್ನಿಸುವ ಅಗತ್ಯ ಖಂಡಿತ ಇಲ್ಲ. ನೀವು ಮತ್ತು ನಿಮ್ಮ ಮನಸ್ಸು ಪರಿವರ್ತನೆ ಆಗದೆ ಏನೂ ಬದಲಾಗುವುದಿಲ್ಲ"

— ಕುವೆಂಪು

ಸಂಪದ ಆರ್ಕೈವಿನಿಂದ

ದಾಯ್ ಜನ್ ಗುಮ್! - ಬೆನಕ - (5 ಪ್ರತಿಕ್ರಿಯೆ)

ಕಾಲ ಪ್ರಯಾಣ - ಭಾಗ ೧. - - (1 ಪ್ರತಿಕ್ರಿಯೆ)

ಬದುಕು ನನಗೇನು ಕಲಿಸಿದೆ ? - - (2 ಪ್ರತಿಕ್ರಿಯೆ)

ಸಾಮಿ ಎಂಬ ಕಂಪನಿ ಕೊಡುವ ವಾನ್ ಇಂಜನ್ - ಎಚ್.ಎ. ಅನಿಲ್ ಕುಮಾರ್ - (0 ಪ್ರತಿಕ್ರಿಯೆ)

ಬಿಲ್ಲುಗಾರ್ತಿಗೆ - ಹಂಸಾನಂದಿ - (3 ಪ್ರತಿಕ್ರಿಯೆ)

ತಾವರೆಯ ಗಿಡ ಹುಟ್ಟಿ...... - ಆರ್.ಶರ್ಮಾ.ತಲವಾಟ - (9 ಪ್ರತಿಕ್ರಿಯೆ)

ಉಪವಾಸ - ಗಣೇಶ - (7 ಪ್ರತಿಕ್ರಿಯೆ)

ಗೀತ ಗೋವಿಂದ - ಶ್ರೀನಿಧಿ ನರಸಿಂಹಾಚಾರ್ - (2 ಪ್ರತಿಕ್ರಿಯೆ)

ವಚನ ಚಿಂತನ: ಬಸವಣ್ಣ: ಬಿದಿರು ಆಗಬೇಕು - ಓ. ಎಲ್. ನಾಗಭೂಷಣ ಸ್ವಾಮಿ - (2 ಪ್ರತಿಕ್ರಿಯೆ)

ಚುರ್ಮುರಿ - ೨ - ಚೇತನ್ ಕೋಡುವಳ್ಳಿ - (0 ಪ್ರತಿಕ್ರಿಯೆ)

ಲೇಖಕರು

ಪೂರ್ಣ ಹೆಸರು
ಬರತ್ ಕುಮಾರ್

ಪರಿಚಯ

ನಾನು ಮಿನ್ಕೆ ಎಂಜಿನಿಯರ್ ಆಗಿ ಬೆಂಗಳೂರಿನಲ್ಲಿ ಕೆಲಸ ಮಾಡುತಿದ್ದೇನೆ. ಕನ್ನಡದ ಬಗ್ಗೆ ತುಂಬ ಹುರುಪಿದೆ.

ಸದಸ್ಯರ ಪೂರ್ಣ ಪ್ರೊಫೈಲ್ ವೀಕ್ಷಿಸಿ

ಕಂಸಾಳೆ - ಜನಪದ ಕಲೆಯ ಬಗ್ಗೆ

Submitted by ವೈಭವ on September 3, 2007 - 9:03am

ಕಂಸಾಳೆ ನಮ್ಮ ಜನಪದ ಕಲೆಗಳಲ್ಲಿ ತನ್ನದೇ ಆದ ಹಿರಿಮೆಯನ್ನು ಹೊಂದಿದೆ. ಬಹುಶಹ ಎಲ್ಲ ಕಂಸಾಳೆಯವರು ಹಾಡುವುದು ಮಾದೇಶ್ವರನನ್ನು ಕುರಿತೇ.
ಡಿಎಲೈನಲ್ಲಿ ಹುಡುಕಿದಾಗ ಈ ಹೊತ್ತಗೆ ಸಿಕ್ಕಿತು
http://www.new.dli.ernet.in/scripts/FullindexDefault.htm?path1=/data/upload/0028/112&first=1&last=395&barcode=2040100028107

ಕಂಸಾಳೆ ಕಲಾವಿದರು ಕಂಡುಬರುವುದು ಮೈಸೂರು, ಮಂಡ್ಯ, ಬೆಂಗಳೂರು(ಈಗ ರಾಮನಗರ ಜಿಲ್ಲೆ), ಚಾಮರಾಜನಗರ ಮತ್ತು ತುಮಕೂರು ಜಿಲ್ಲೆಗಳಲ್ಲಿ. ಕಂಸಾಳೆ ಎನ್ನುವುದು'ಕಾಂಸ್ಯತಾಳ' ಎಂಬುದರ ತದ್ಬವ. ಅಂದ್ರೆ ಕಂಚಿನ ತಾಳ.
ಈ ಕಂಸಾಳೆಯಲ್ಲಿ ತುಂಬ ನಿಮ್ಮನ್ನು ಸೆಳೆಯುವುದು ಬೀಸು ಕಂಸಾಳೆ.

ಇದನ್ನೇ ನಮ್ಮ ಸಿನಿಮಾದವರು ಬಳಸಿದ್ದಾರೆ. ನೀವು ಇದನ್ನು ಕೇಳಿರಬಹುದು.
"ಕೋಲುಮಂಡೆ ಜಂಗಮದೇವರು ಕ್ವಾರಣ್ಯಕ್ಕೆ ದಯ ಮಾಡವರೊ
ಕ್ವಾರಣ್ಯ ನೀಡಮ್ಮ ಕೋಡುಗಲ್ಲ ಮ್ಯಾಲೆ..."

ಇಲ್ಲಿ ಕ್ವಾರಣ್ಯ ಅಂದ್ರೆ ಕರುಣೆಯಿಂದ ನೀಡುವ ಭಿಕ್ಶೆ. ಇದಕ್ಕೆ 'ಕೋರನ್ನ' ಅಂತಾನೂ ಕರೆತಾರಂತೆ. (ಕೋರನ್ನ= ಕೋರಿ/ಬೇಡಿದವನಿಗೆ ನೀಡುವ ಅನ್ನ)

ಒಂದು ಮಾದರಿ ಕಂಸಾಳೆ ಹಾಡು:-
"ನೆನೆದವರ ಮನೆಯೊಳಗಿದ್ದು
ಮರೆತವರ ಮನೆಯ ಮುರುದು
ನಂಬಿದವರ ಮನೆಯಲಿ ಗುರುವೆ
ತುಂಬಿ ತುಳುಕಾಡುತವೆ."

ನುಡಿ/ಬಾಶೆಯ ಬಳಕೆ ನೋಟದಿಂದ ನೋಡಿದಾಗ ಈ ಕಂಸಾಳೆ ಪದಗಳಿಗೆ ತನ್ನದೇ ಆದ ಒಳನುಡಿ ಬಳಕೆ ಇರುವುದು ಗೊತ್ತಾಗುತ್ತದೆ. ಕೆಲವು ಮಾದರಿಗಳು

ಅಟ್ಟಿ(ಮನೆ)
ಅಮ್ಮಿ(ಪ್ರೀತಿಗೆ ಹೆಣ್ಣು ಮಕ್ಕಳನ್ನು ಕರೆಯುವುದು)
ಆತ್ರಿಸಿ( ಆತುರ-ಇಸು)
ಈರತ್ಕಟ್ಟೆ( ವಿರಕ್ತ ಕಟ್ಟೆ)
ಉರುಳಗ( ಊಳಿಗ)
ಊಬತ್ತಿ( ವಿಭೂತಿ)
ಐಲು( ಹುಚ್ಚು)
ಐಕ್ಳು( ಐಕಳು, ಮಕ್ಕಳು)
ಒಗ್ತಾನ(ಒಗೆತನ)
ಕುರ್ಜಿನ( ಕುರುಜು, ತೇರಿನ ಮಾಳ)
ಕೊಟಾರ( ಕಣ)
ಕೌದಿ(ಸಣ್ಣ ಸಣ್ಣ ಬಟ್ಟೆಯಿಂದ ಹೊಲಿದ ಹೊದಿಕೆ)
ಗುಳ್ಲು( ಗುಡಿಸಲು)
ಚಿಟುಗರು(ಶಿಷ್ಯರು)
ಚೊಳ್ಳೆಸಾರು( ನೀರಾದ ಸಾರು)
ಪಳ್ಳಿಮನೆ( ಪಾಠಶಾಲೆ)
ಬರಗ(ಬರ್ಗ, ವ್ಯಾಘ್ರ)
ಮಸದೀಪು( ಪಂಜು)
ಸೀತಾಳ ಚಪ್ಪರ( ಹೊಂಗೆ,ಬಸರಿ, ಮಾವಿನಸೊಪ್ಪಿನ ಚಪ್ಪರ, ಹಸಿರುವಾಣಿ ಚಪ್ಪರ)
ಹುಟ್ಟರೆಕಲ್ಲು( ಉದ್ಭವಿಸಿದ ಬಂಡೆ)
ಹಿಂಚರಿ ( ಹಿಂದುಗಡೆ)

ಮಲೆಯ ಮಾದೇಶ್ವರ ಕಂಸಾಳೆ ಕೋಲುಮಂಡೆ ಕೋಡುಗಲ್ಲ ಜನಪದ ಕಲೆ

ಪ್ರತಿಕ್ರಿಯೆಗಳು

ಉ: ಕಂಸಾಳೆ - ಜನಪದ ಕಲೆಯ ಬಗ್ಗೆ

Submitted by kalyanarajubs on September 4, 2007 - 8:26pm.

ನಿಮ್ಮ ಜಾನಪದ ಅರಿವಿಗೆ ನನ್ನ ವಂದನೆಗಳು. ಕಂಸಾಳೆ ಜಾನಪದ ಕಲೆಗಳಲ್ಲಿ ಒಂದು. ಬಹು ಇಂದಿನಿಂದಲೂ ನಮ್ಮ ಹಳ್ಳಿಗಳಲ್ಲಿ ಬಳಕೆಯಲ್ಲಿ ಇದ್ದಂತಹ ಒಂದು ನಂಬಿಕೆ. ಮಾದೇಶ್ವರನ ಒಕ್ಕಲುಗಳು ಈ ಕಲೆಯನ್ನು ಆಡುತ್ತಾರೆ. ಇವರಷ್ಟೆ ಅಲ್ಲದೆ ಬೇರೆ ಬುಡಕಟ್ಟುಗಳಲ್ಲಿ ಸಹ ಈ ಕಲೆ ಇದೆ. ಈ ಕಲೆಯ ಮುಖ್ಯ ಉದ್ದೇಶ ದೈವಿ ಕಲ್ಪನೆ ಒಂದಾದರೆ, ಬುಡಕಟ್ಟು ಸಂಸ್ಕೃತಿಯಲ್ಲಿ ತಮ್ಮ ಜೀವನದ ಒಂದು ಚಟುವಟಿಕೆಯಾಗಿ ಈ ಕಲೆ ಕಂಡು ಬರುತ್ತದೆ.