ಶಶಾಂಕ ಅವರೇ,

ಕ್ಷಮಿಸಿ, ಇದಕ್ಕೆ ಉತ್ತರ ನೀಡಲು ಬಹಳ ಸಮಯ ತೆಗೆದುಕೊಂಡೆ. ನೀವು ಮಾಡಿರುವ IndicBand 0.1 ಐ.ಎಮ್.ಇ ಅನ್ನು ಬಳಸಿ ನೋಡಿದೆ. ನೋಡಿದಾಗ ನಿಜಕ್ಕೂ ಬಳಕೆಗೆ ಬರುತ್ತದೆ ಎನಿಸಿತು.

ಎರಡು ವಿಷಯಗಳಲ್ಲಿ, ಈಗ ಎಷ್ಟೋ ಜನರು ಬಳಸುತ್ತಿರುವ ಬರಹ ಐ.ಎಮ್.ಇಗೆ ಪೈಪೋಟಿ ನೀಡುತ್ತದೆ ಎಂದೆನಿಸಿತು.
೧. ಇದರ ಗಾತ್ರ, IndicBand 0.1 ಐ.ಎಮ್.ಇ ಕೇವಲ ೧೫೯ ಕೆ.ಬಿ ಇದೆ. ಹಾಗಾಗಿ ಡಯಲ್ ಅಪ್ ಬಳಸುವ ಗೆಳೆಯರಿಗೆ ಕಳುಹಿಸಬಹುದು. ಬರಹದ ಗಾತ್ರ ಸದ್ಯಕ್ಕೆ ೧.೨ ಎಮ್.ಬಿ ಆಸುಪಾಸಿನಲ್ಲಿದೆ.

೨. ಇದರ ಬಲವಿರುವುದು INSCRIPTನಲ್ಲಿ. ಇದಕ್ಕಾಗಿ ಮತ್ತೊಮ್ಮೆ ಸವಿಯೊದಗು. ನಾನಂತೂ ಎಲ್ಲರೂ INSCRIPT ಬಳಸುವಂತಾಗಲಿ ಎಂದು ಆಶಿಸುತ್ತೇನೆ. ಬರಹ ಐ.ಎಮ್.ಇಯಲ್ಲಿ ಇದು ಇಲ್ಲ.

ಆದರೆ ಕೆಲವೊಂದು ಮಾತು.
೧. ಬರಹ ಐ.ಎಮ್.ಇಯನ್ನು ಯಾವ ಅಪ್ಲಿಕೇಶನ್ ಓಡಿಸುವಾಗಲೂ ಬಳಸಬಹುದು. ಹಾಗಾಗಿ IndicBand 0.1 ಐ.ಎಮ್.ಇ ಕೇವಲ ಇಂಟರ್ನೆಟ್ಟಿಗೆ ಮಾತ್ರ ಸೀಮಿತವಾಗುತ್ತದೆ.
೨. MSIE ಅಲ್ಲದೆ ವಿಶೇಷವಾಗಿ ಫೈರ್ಫಾಕ್ಸ್ ನಲ್ಲಿಯೂ ಬಳಸುವಂತಾದರೆ ಇನ್ನೂ ಚೆನ್ನಾಗಿರುತ್ತದೆ.

ಅಂದ ಹಾಗೆ, ನಾನು ಬಳಸಿದ್ದು ವಿಂಡೋಸ್ ಎಕ್ಸ್.ಪಿಯಲ್ಲಿ, ಯಾರಾದರು ೨೦೦೦ ಮತ್ತು ೯೮ರಲ್ಲಿ ಪರೀಕ್ಷಿಸಿದರೆ ಚೆನ್ನಾಗಿರುತ್ತದೆ.