ಟಿಕೆಎಸ್ ಭಟ್ಟರೇ,

ನಿಮ್ಮ ಅಮೂಲ್ಯ, ಪ್ರಚೋದನಾತ್ಮಕ ಅನಿಸಿಕೆಗೆ ಧನ್ಯವಾದಗಳು.

ನಿಮ್ಮ ಪ್ರತಿಕ್ರಿಯೆಯಲ್ಲಿ ವ್ಯಕ್ತಪಡಿಸಿರುವಂತೆ "ಗಲ್ಲು ಶಿಕ್ಷೆ ಬೇಕೆ ಬೇಡವೇ" ಎಂಬುದು ಪ್ರಸ್ತುತ ವಿಷಯವಲ್ಲ. ಆ ವಿಷಯವನ್ನು ಪ್ರತ್ಯೇಕವಾಗಿ ಇಟ್ಟುಕೊಳ್ಳೋಣ. ದೇಶದ ಸಂವಿಧಾನವೇ ಘೋರ ಪಾತಕ ಮಾಡಿದವರಿಗೆ ಮರಣ ದಂಡನೆಗೆ ಅವಕಾಶ ನೀಡಿದೆ. ಪ್ರತಿಯೊಂದು ವಿಷಯಕ್ಕೂ ಸಾಧಕ-ಬಾಧಕಗಳಿರುವಂತೆ ಇದಕ್ಕೂ ಇದೆ. ಅದು ಬೇರೆ ವಿಷಯ.

ಈಗ ನಮ್ಮ ಮುಂದಿರುವ ದುರಂತವೆಂದರೆ, ಓರ್ವ ದೇಶದ್ರೋಹಿಗೆ ನೀಡಿರುವ ಮರಣ ದಂಡನೆಯನ್ನು ನಾಚಿಕೆಯಿಲ್ಲದೇ ಬೆಂಬಲಿಸುತ್ತಿರುವ ಗಾಂಧಿವಾದಿಗಳದು. "ವಂದೇ ಮಾತರಂ" ಗೀತೆಯನ್ನು ಕೇವಲ ಒಂದು ಸಮುದಾಯಕ್ಕೆ ನೋವಾಗುತ್ತದೆ (ಹಾಗೆಂದು ಅವರಿಗಿಂತ ಮೊದಲು ಇವರೇ ಹೇಳುತ್ತಿದ್ದಾರೆ) ಎಂಬ ಕಾರಣಕ್ಕೆ ಅದನ್ನು ಹಾಡಬಾರದು ಎನ್ನುವ ಪಕ್ಷಗಳ ದುರಂಧರರು ಕಳೆದ ಒಂದೂವರೆ ದಶಕದಿಂದ ಉಗ್ರಗಾಮಿ ಚಟುವಟಿಕೆಯ ಹಿನ್ನೆಲೆಯಿರುವ ವ್ಯಕ್ತಿಗೆ ಬಹಿರಂಗ ಬೆಂಬಲ ನೀಡುತ್ತಿರುವುದು ಸರಿಯೇ ಎಂಬುದು ಈಗಿನ ಜ್ವಲಂತ ಪ್ರಶ್ನೆ. ಕೇವಲ ಓಟುಗಳಿಗಾಗಿ ದೇಶದ ಸರ್ವೋಚ್ಛ ನ್ಯಾಯಾಂಗ ವ್ಯವಸ್ಥೆ ಸುಪ್ರೀಂಕೋರ್ಟ್ ನೀಡಿರುವ ತೀರ್ಪಿನಲ್ಲಿ ಮೂಗು ತೂರಿಸಹೊರಟಿರುವುದು ಸರಿಯೇ?

ದೇಶಭಕ್ತರಾದ ವೀರ ಸಾವರ್ಕರ್, ಭಗತ್ ಸಿಂಗ್ ಅವರು ಸ್ವಾತಂತ್ರ್ಯ ಹೋರಾಟದಲ್ಲಿ ಬ್ರಿಟೀಶರ ವಿರುದ್ಧ ಹೋರಾಡಿ ನೇಣಿನ ಕುಣಿಕೆಗೆ ಗೋಣೊಡ್ಡಿದಾಗ ಅವರನ್ನು ಉಳಿಸುವ ಯಾವುದೇ ಗೋಜಿಗೆ ಹೋಗದೇ ಮೌನವಾಗಿದ್ದು ಉಭಯ ವೀರರಿಗೆ ಗಲ್ಲು ಶಿಕ್ಷೆಯಾಗಲು ಬ್ರಿಟೀಶರಿಗೆ ನೆರವಾದ- ನಾವೆಲ್ಲ "ಮಹಾತ್ಮಾ" ಎನ್ನುವ ಗಾಂಧೀಜಿ ಪಕ್ಷದ ಜನರೇ ಈಗ ದೇಶದ್ರೋಹಿಯೊಬ್ಬನನ್ನು ಹೀರೋ ಮಾಡಲು ಹೊರಟಿದ್ದಾರೆ. ಇಂಥವರನ್ನು ಇತಿಹಾಸ ಕ್ಷಮಿಸದು.

ಇನ್ನು, ಅಫ್ಜಲ್ ಗುರೂ‌ಗೆ ತನ್ನ ಮುಗ್ಧತೆ ಸಾಬೀತುಪಡಿಸಲು ಯಾವುದೇ ಅವಕಾಶ ನೀಡದೇ ಏಕಾಏಕಿ ಮರಣ ದಂಡನೆ ವಿಧಿಸಲಾಗಿದೆ ಎಂಬುದು ಕೆಲ ಕುಹಕಿಗಳ ವಿತಂಡವಾದ. ನಮ್ಮ ನ್ಯಾಯಾಂಗ ವ್ಯವಸ್ಥೆ ಎಷ್ಟು ಹಂತದಲ್ಲಿ ಫಿಲ್ಟರ್ ಆಗಿ ಬರುತ್ತದೆ. "ಒಬ್ಬ ಅಪರಾಧಿ ತಪ್ಪಿಸಿಕೊಂಡರೂ, ನಿರಪರಾಧಿಗೆ ಶಿಕ್ಷೆಯಾಗಬಾರದು" ಎಂಬ ನೀತಿಯಿಂದ ಅನೇಕ ಜನ ಕಾನೂನಿನ ಕಪಿಮುಷ್ಠಿಯಿಂದ ಜಾರಿಕೊಂಡು ಹೋಗಿಬಿಡುತ್ತಾರೆ. ಅಂಥದ್ದರಲ್ಲಿ ಅಫ್ಜಲ್‌ಗೆ ಮರಣ ದಂಡನೆ ವಿಧಿಸಲಾಗಿದೆ ಎಂದರೆ ಸುಪ್ರೀಂ ಕೋರ್ಟ್ ಬಳಿ ಬಲವಾದ ಸಾಕ್ಷ್ಯಗಳು ಇರಲೇಬೇಕು. ತಮ್ಮ ಅನುಕೂಲಕ್ಕೆ ತಕ್ಕಂತೆ ಸರ್ವೋಚ್ಚ ನ್ಯಾಯಾಲಯದ ತೀರ್ಪಿನ ಹಾದಿ ತಪ್ಪಿಸುವುವದು ಕ್ಷುಲ್ಲಕತನವಾದೀತು.

ಗೋಧ್ರಾ ನರಮೇಧಕ್ಕೆ ಕಾರಣರಾದವರಿಗೆ ನ್ಯಾಯಾಲಯ ಮರಣ ದಂಡನೆ ಶಿಕ್ಷೆ ನೀಡಬಾರದು ಎಂದು ಯಾರೂ ಎಲ್ಲಿಯೂ ಹೇಳಿಲ್ಲ. ಪ್ರಕರಣ ನ್ಯಾಯಾಲಯದಲ್ಲಿದೆ, ಅಲ್ಲಿ ಸಾಬೀತಾದರೆ ಶಿಕ್ಷೆ ಕೊಡುವುದು ಕೋರ್ಟ್ ವಿವೇಚನೆಗೆ ಬಿಟ್ಟಿದ್ದು. ಯಾರು ತಪ್ಪು ಮಾಡಿದರೂ ಅದು ತಪ್ಪೇ. ಸರಿಯಾಗಲು ಹೇಗೆ ಸಾಧ್ಯ- ಭಟ್ಟರೇ?

ಮರಣ ದಂಡನೆಯಂಥ ಕಠಿಣ ಶಿಕ್ಷೆಗಳಿಂದ ಅಪರಾಧಗಳ ಪ್ರಮಾಣ ಕಡಿಮೆಯಾಗುತ್ತದೆ ಎಂಬುದರಲ್ಲಿ ನಂಬಿಕೆಯಿಟ್ಟವನು ನಾನು. ಇದಕ್ಕೆ ಕೊಲ್ಲಿ ರಾಷ್ಟ್ರಗಳೇ ಉತ್ತಮ ಉದಾಹರಣೆ. ಅಲ್ಲಿ ಅಪರಾಧಗಳ ಪ್ರಮಾಣ ಇಲ್ಲ ಎನ್ನುವಷ್ಟು ಕಡಿಮೆ ಎಂಬ ಸತ್ಯ ನಿಮಗೂ ಗೊತ್ತಿದೆ.

ಇನ್ನು ನನ್ನ ಭಾವುಕತೆಗೆ ಸಂಬಂಧಿಸಿದಂತೆ ಸುಬ್ರಹ್ಮಣ್ಯ ಅವರಿಗೆ ಬರೆದ ಉತ್ತರದಲ್ಲಿ ತಿಳಿಸಿದ್ದೇನೆ.

ಮತ್ತೊಮ್ಮೆ ನಿಮ್ಮ ಅನಿಸಿಕೆಗೆ ಧನ್ಯವಾದಗಳು.

ನಮಸ್ಕಾರ,

-ವಿಶ್ವನಾಥ

ನೀವ್ ಹೇಳೋದು ಸರಿ ಸಾರ್. ಆದ್ರೆ ನಿಮ್ಗ್ ಗೊತ್ತಿಲ್ದೇ ಇರೋ ಎಷ್ಟೋ ವಿಷ್ಯ ಇರತ್ವೆ. ಅವ ಸತ್ರೆ ಹೋದ, ಅಷ್ಟೆ. ಅವ ಇದ್ರೆ ಏನೆಲ್ಲ ಬಾಯ್ಬಿಡುಸ್ಬೋದೊ!!!!

hmm...

ಓದಿ: ಸಂಪದದಲ್ಲಿ ಬರೆಯುವ ಮುನ್ನ

ನಿಮ್ಮ ಬರೆಹ ಅಥವಾ ಪ್ರತಿಕ್ರಿಯೆಗಳು ಹೊಸ ಸಂವಾದವನ್ನು ತೆರೆಯುವಂತಿರುವುದು ಉತ್ತಮ.
ಹಾಗೆಂದು ಈಗಾಗಲೇ ನಡೆಯುತ್ತಿರುವ ಚರ್ಚೆ ಸಂವಾದಗಳನ್ನು ದಾರಿ ತಪ್ಪಿಸುವಂತಿರಬಾರದು. ಹಾಗೆಯೇ
ಇದು ವೈಯಕ್ತಿಕ ಟೀಕೆಗಳು, ನಿರ್ದಿಷ್ಟ ಆಲೋಚನಾ ವಿಧಾನದ ಹೇರಿಕೆ ಆಗಬಾರದು.

ಸಂಪದವನ್ನು ವೈಯಕ್ತಿಕ ದೂಷಣೆಗಳಿಗೆ ಬಳಸಬೇಡಿ. (ಮೇಲಿನ ಎರಡು ಪ್ರತಿಕ್ರಿಯೆಗಳ ಕತೃಗಳಿಗೂ ಇದು ಅನ್ವಯಿಸುತ್ತದೆ).

--
Check my Blog
Kannada wikipedia

"ಹೊಸ ಚಿಗುರು, ಹಳೆ ಬೇರು"

ಮರಣದ ಸತ್ಯ ತಿಳಿಯದೆ, ನಾವು  ಮರಣ ದ೦ಡನೆಯನ್ನು ಕೊಡ ಬಾರದು. ಹಾಗೆ ಮಾಡಿದರೆ ಯಾರಿಗು ಹಿತವಿಲ್ಲಾ.  

ಅಡಿಗರ ಪದ್ಯ  "ಜೀವ ಜೀವದ ನ೦ಟು ಬ್ರಹ್ಮ ಗ೦ಟು."

ಬಾ೦ಧವ್ಯ
ಪ್ರತಿಯೊ೦ದು ಜೀವಕ್ಕೂ ಇನ್ನೊ೦ದು ಪೂರಕವಯ್ಯ
ಜೀವ ಜೀವದ ನ೦ಟು ಬ್ರಹ್ಮ ಗ೦ಟು.
ಇಲ್ಲಿನೀ ನೆಲ , ನೀರು, ಗಾಳಿ, ಭಾಗಿದ ಭಾನು
ಎಲ್ಲರಿಗು; ನಮಗೆ ನಿಮಗಷ್ಟೆ ಅಲ್ಲ.
ಒ೦ದೆ ಜೀವದ ಅನ೦ತ ರೂಪಾ೦ತರದ ವಿಲಾಸ,
ವಿಕಾಸಕ್ಕೆ ಏಕತೆಯ ಅರಿವಗತ್ಯ.
ನಾಯಿಗಳು, ಬೆಕ್ಕುಗಳು, ಅಳಿಲು, ಹಸು., ಕುರಿ, ಕುದುರೆ
ಹುಲಿ, ಸಿ೦ಹ , ನರಿ , ತೋಳ, ಹಾವು ಚೇಳು;
ತೆ೦ಗು ಹಲಸು ಮಾವು ಬೇಳು ತೊಣಚಿ ಜಾಲಿ
ನಮ್ಮೊಳಡಗಿರುವ ಬಾ೦ಧವರು.

ದ್ವೇಷ ಹಿ೦ಸೆ ಗಳಾಚೆ, ಭಯ ಸಹಾನು ಭೂತಿಗಳಾಚೆ
ಬಾ೦ಧ್ವ್ಯದರಿವು ಪಡಿ ಮೂಡಿದಾಗ
ಪರಿಪೂರ್ಣ ವಾಗಬಲ್ಲದು ಇಲ್ಲಿ ಬದುಕು
ಪ್ರೀತಿಸುವುದನ್ನು ತಿಳಿ, ಬದುಕಲು ಕಲಿ

ಕೊಲ್ಲುವುದು ಮನುಷ್ಯ ಲಕ್ಷಣವಲ್ಲ, ಹೆಚ್ಚಳವಲ್ಲವೇ ಅಲ್ಲ,
ಬದುಕುವುದು ಬದುಕು ಬಿಡುವುದು ಬೆಳೆವುದು
ಮಾನವತ್ವದ ಮಹತ್ವ ಇಲ್ಲಿ ಇದೆ ತಿಳಿಯೋಣ
ಒ೦ದು ಅಳಿದರೆ ಉಳಿದುದೆಲ್ಲ ಮುಕ್ಕು.
----ಅಡಿಗ.

ಯಾಮಿನಿಯವರು ಹಾವು ಹೊಡೆಯುವುದನ್ನು ಬಿಟ್ಟು ಬರೀ ಹುತ್ತವನ್ನೇ ಬಡಿದಿದ್ದಾರೆ!

ಮರಣ ದಂಡನೆ ನಾಗರಿಕ ಸಮಾಜ ಸ್ವೀಕರಿಸುವಂಥ ಶಿಕ್ಷೆಯೇ, ಗಲ್ಲುಶಿಕ್ಷೆಗೆ ಗುರಿಯಾದಾತ ಸತ್ತ ಬಳಿಕ ಹುತಾತ್ಮನಾಗುತ್ತಾನಾ, ಶಹೀದ್ ಆಗುತ್ತಾನಾ, ಜಗದೇಕವೀರನಾಗುತ್ತಾನಾ ಇಲ್ಲವೇ ಭೂತ-ಪ್ರೇತವಾಗಿ ಕಾಡುತ್ತಾನಾ ಎಂಬುದು ನಮ್ಮ ಮುಂದಿರುವ ಪ್ರಶ್ನೆಯಲ್ಲ. ಅಥವಾ ಗಲ್ಲುಶಿಕ್ಷೆಯಿದ್ದರೆ ದಯಾ ಮರಣದಂಥ ಸಾಫ್ಟ್ ಕಿಲಿಂಗ್ ಇರಬೇಕೆ ಇಲ್ಲವೇ ಅಪರಾಧಿಗೆ ಆತನ ಇರುವಿಕೆಯೆ ಬಗ್ಗೆ ತಿಳಿಯದಂತೆಯೇ ಇಲ್ಲವಾಗಿಸಬೇಕೆ ಎಂಬುದೂ ಅಲ್ಲ. ಈ ರೀತಿಯ ಚರ್ಚೆಯನ್ನು ಪ್ರತ್ಯೇಕವಾಗಿರಿಸಿಕೊಳ್ಳೋಣ.

ಅಫ್ಜಲ್ ಓರ್ವ ಕ್ರಿಮಿನಲ್ ಎಂದು ನಿರ್ಧರಿಸಿ ಸುಪ್ರೀಂಕೋರ್ಟೇ ಆತನಿಗೆ ಮರಣದಂಡನೆ ವಿಧಿಸಿರುವಾಗ ಹತ್ತಾರು ವಿತಂಡ ವಾದಗಳನ್ನು ಮಾಡುತ್ತ ನ್ಯಾಯಾಂಗದ ದಿಕ್ಕು ತಪ್ಪಿಸುವ ಕೆಲಸ ಏಕೆ ನಡೆಯುತ್ತಿದೆ ಎಂಬುದೇ ತಿಳಿಯುತ್ತಿಲ್ಲ.

ಯಾವ ಪಕ್ಷದ ಸರಕಾರ ದೇಶಭಕ್ತ, ಯಾವುದು ಗದ್ದಾರ್ ಎಂಬುದನ್ನು ನಿರ್ಧರಿಸುವುದು ಅವರವರ ಭಕುತಿಗೆ-ಭಾವಕ್ಕೆ ಬಿಟ್ಟದ್ದು!

ಅಫ್ಜಲ್ ಎಂಬ ಉಗ್ರಗಾಮಿ ಸಾಯಲಿದ್ದಾನೆ ಎಂಬುದೇ ತಡ ಮೈಕೊಡವಿಕೊಂಡು ಎದ್ದು ತಮ್ಮದು ರಾಷ್ಟ್ರೀಯ ಪಕ್ಷ ಎಂಬುದನ್ನೂ ಮರೆತು ಆತನನ್ನು ಶತಾಯಗತಾಯ ಉಳಿಸಬೇಕು ಎಂದು ಸಾರ್ವಜನಿಕವಾಗಿ ಬೊಬ್ಬೆಯಿಟ್ಟವರು ಯಾವ ಪಕ್ಷದವರು? ಉಗ್ರಗಾಮಿಗಳನ್ನು ಮಟ್ಟ ಹಾಕುವ ಪೋಟಾ ದಂಥ ನಿಷ್ಠುರ ಕಾನೂನನ್ನು ಕೇವಲ ಒಂದು ಸಮುದಾಯಕ್ಕೆ ನೋವಾಗುತ್ತದೆ (ಓಟ್ ಬ್ಯಾಂಕ್ ತಪ್ಪುತ್ತದೆ ಎಂದು ಓದಿಕೊಳ್ಳಿ) ಎಂಬ ಕಾರಣ ನೀಡಿ ಅದನ್ನು ನಿರ್ಮೂಲನೆ ಮಾಡಿದವರು ಯಾರು? ಸಮಾಜಕ್ಕೆ-ದೇಶಕ್ಕೆ ಎಂಥ ವಿಪತ್ತು ಬಂದರೂ ಸರಿ ತಮ್ಮ ಹೊಟ್ಟೆ ತುಂಬಿಕೊಳ್ಳುವ ಓಟ್ ಬ್ಯಾಂಕ್ ಮಾತ್ರ ತಪ್ಪಬಾರದು ಎಂಬುದು ಯಾರ ನೀತಿ?

ಇನ್ನು ನೀವೇ ಹೇಳಿದಂತೆ ದೇಶಭಕ್ತರ ಸರಕಾರ ಅಬು ಸಲೇಂನನ್ನು ಪೋರ್ಚುಗಲ್ ನಿಂದ ಬಿಡಿಸಿಕೊಂಡಿದ್ದರ ಬಗ್ಗೆ ಹೇಳುವುದಾದರೆ, ಅದು ಶಾಸಕಾಂಗದ ನಿರ್ಧಾರ. ಶಿಕ್ಷೆ ನೀಡುವುದು ನ್ಯಾಯಾಂಗ ಎಂಬುದು ನಿಮಗೆ ಗೊತ್ತಿರುವುದೇ ಇದೆ. ಸುಪ್ರೀಂಕೋರ್ಟಿನ ಯಾವ ಮುಖ್ಯನ್ಯಾಯಮೂರ್ತಿಯೂ ಪೋರ್ಚುಗಲ್ ಗೆ ಮುಚ್ಚಳಿಕೆ ಬರೆದುಕೊಟ್ಟಿಲ್ಲ. ಈ ಪ್ರಕರಣ ಇನ್ನೂ ವಿಚಾರಣೆಯಲ್ಲಿರುವಾಗಲೇ ಅಬು ಸಲೇಂಗೆ ಅತ್ಯುಗ್ರ ಶಿಕ್ಷೆ ಆಗದು ಎಂದು ಹೇಗೆ ಹೇಳುತ್ತೀರಿ. ಅಬು-ಅಫ್ಜಲ್ ಪ್ರಕರಣ ಹೋಲಿಕೆಯೇ ಅಲ್ಲ.

ಕಾಶ್ಮೀರದಲ್ಲಿ ಹಿಂದೂಗಳು ಅಲ್ಪಸಂಖ್ಯಾತರು. ಈವರೆಗೆ ಜಮ್ಮು-ಕಾಶ್ಮೀರದಲ್ಲಿ ಸತ್ತಿರುವ ಬಹುತೇಕರಲ್ಲಿ ಹಿಂದೂಗಳ ಸಂಖ್ಯೆಯೇ ಅಧಿಕ ಎಂಬುದನ್ನು ಗಮನಿಸಿದರೆ ಒಳ್ಳೆಯದು. ಭಯೋತ್ಪಾದನೆಯಿಂದ ಕಾಶ್ಮೀರದಲ್ಲಿ ಕೆಲ ಮುಸ್ಲೀಮರು ಬಲಿಯಾಗಿದ್ದಾರೆ ಎಂಬುದನ್ನು ನಾನು ಅಲ್ಲಗಳೆಯುವುದಿಲ್ಲ. ಆದರೆ ಸತ್ತವರ ಪೈಕಿ ಅನೇಕರು ಉಗ್ರರ ಹುಟ್ಟಡಗಿಸಲು ಭದ್ರತಾ ಪಡೆಗಳಿಗೆ ಮಾಹಿತಿದಾರರಾಗಿದ್ದವರು ಎಂಬುದು ಗಮನಾರ್ಹ. ತುಡುಗು ದನಗಳಂತೆ ರಾತ್ರಿ ಹೊತ್ತು ಹಳ್ಳಿಗಳಿಗೆ ನುಗ್ಗಿ, ನಿರ್ದಿಷ್ಟವಾಗಿ ಹಿಂದೂಗಳನ್ನು ಸಾಲು-ಸಾಲಾಗಿ ನಿಲ್ಲಿಸಿ ಹೆಂಗಸರು-ಮಕ್ಕಳೆನ್ನದೇ ಗುಂಡಿಕ್ಕಿ ಕೊಂದಾಗ ಕೇವಲ ಔಪಚಾರಿಕ ಖಂಡನೆಯ ಮಾತುಗಳನ್ನು ಉದುರಿಸುವ ಸೆಕ್ಯೂಲರ್‌ವಾದಿಗಳು, ಉಗ್ರಗಾಮಿಯೊಬ್ಬನಿಗೆ ಮರಣದಂಡನೆ ವಿಧಿಸಿದಾಗ ಕೊಡವಿಕೊಂಡು ಎದ್ದು ಪ್ರತಿಭಟಿಸುತ್ತಾರೆ ಎಂದರೆ ಇದ್ಯಾವ ನ್ಯಾಯ ಮೇಡಂ?