ಏಕೆ ಹೀಗೆ??

೧. ಹಿಂದಿಯಲ್ಲಿ ಸಂಧಿಗಳಿಲ್ಲ. ಇದ್ದರೂ ಅವು ಸಂಸ್ಕೃತದಿಂದ ಆದ ಸಂಧಿಗಳ ಮರುಬಳಕೆ.

ಮಾದರಿ: ನಇ + ಇಲಾಖಾ = ನಇ ಇಲಾಖಾ ಅಂತಲೇ ಬರೆಯುವುದು, ಸಂಧಿಯಿಲ್ಲ.

ಆದರೂ ಹೇಳುವುದು ’ನಯಿ ಯಿಲಾಖಾ’ ಎಂದೇ ತಾನೆ?

ಆದರೆ ಕನ್ನಡದಲ್ಲಿ ಮತ್ತು ಸಂಸ್ಕೃತದಲ್ಲಿ ಸಂಧಿ ಮಾಡದೇ ಇರುವ ಹಾಗಿಲ್ಲ. ಮಾಡದೇ ಇರುವ ಬಳಕೆಗಳು ಕೆಲವೇ ಕೆಲವು.

೨. ಅದೂ ಅಲ್ಲದೆ ಹಿಂದಿಯಲ್ಲಿ ಬರೆದಂತೆ ಯಾವಾಗಲು ಓದುವುದಿಲ್ಲ. ’ಬಹನ್’ ಎಂದು ಬರೆದು ’ಬೆಹೆನ್’ ಎನ್ನುವರು.

೩. ಹಿಂದಿಯಲ್ಲಿ ನೈ ಎಂದು ಬರೆದು ’ನೇ’ ಎಂದು ಉಲಿ. ನಇ ಎಂದು ಬರೆದು ’ನೈ’ ಎಂದು ಹೇಳುವರು.  ಇದು ಹಿಂದಿ ಮತ್ತು ಸಂಸ್ಕೃತದ ಬರೆವಣಿಗೆ ಮತ್ತು ಉಲಿಗೆ ಇರುವ ಅಂತರ.

ನಾನೊಮ್ಮೆ ನನ್ನ ಹಿಂದಿ ಗೆಳೆಯರನ್ನು ಕೇಳಿದ್ದುಂಟು. ಅವರು ಹಾಗೆ ಹೇಳಿದರು.

ನನಗೆ ಒಂದು ಗೊಂದಲ, ಎಲ್ಲಾ ಹಿಂದಿಗಳು ಹೀಗೆಯೇ? ಹಿಂದಿಯಲ್ಲಿ ಭೋಜಪುರಿ, ಮೈಥೀಲಿ ಮುಂತಾದವು ನಾವು ಕೇಳುವ ಮಾಮೂಲಿ ಹಿಂದಿಗಿಂತ ಬಹಳ ಬೇರೆ ತೆರದಲ್ಲಿವೆ.