ಸದ್ದಿಲ್ಲದ್ದೇ ಕಬಳಿಕೆಯಾಗುತ್ತಿದೆ ಕರುನಾಡು!!

ವಿಸಯಕ್ಕೆ

ಕಬಳಿಕೆ ನಿಲ್ಲಿಸೊದಕ್ಕೆ ಮೊದಲು ಆ ಆ ಊರೋರು ಎಚ್ಚೆತ್ತುಕೊಳ್ಳಬೇಕು. ಅದು ಬಡಗೋ, ತೆಂಕೂ, ಮೂಡೋ, ಪಡುವೋ, ಒಟ್ಟಿನಲ್ಲಿ, ನಾವು ಗಡಿಯನ್ನು ಹಿಡಿತದಲ್ಲಿ ಇಟ್ಟುಕೋಬೇಕು.

ಇದನ್ನ ನಾವು ಆಂದ್ರ, ತಮಿಳುನಾಡು, ಕೇರಳದೊರ ಜೊತೆ ಚನ್ನಾಗೇ ಹಿಡಿತದಲ್ಲಿ ಇಟ್ಟುಕೊಂಡಿದ್ದೇವೆ. ಗೊಡವೆ ಇರೊದು ಬರೀ ಬೆಳಗಾವಿ ಮತ್ತು ಕಾರವಾರದಲ್ಲಿ. ಇದು ಹಾಗೆ ನೋಡಿದ್ರೆ ಅಂತ ದೊಡ್ಡ ತೊಂದರೆ ಏನಲ್ಲ. ಅಲ್ಲಿನ ಕನ್ನಡದೊರು ಹಿಡಿತ ಬಿಗಿ ಮಾಡಬೇಕು ಅಸ್ಟೇ!

KGF ಅಲ್ಲಿ ತಮಿಳರು ಅದನ್ನು ತಮಿಳು ನಾಡಿಗೆ ಸೇರಿಸಿ ಅಂತ ಹೋರಾಟ ಮಾಡಿ ಮೂರು ಮಂದಿ ಸತ್ರು. ಆದ್ರೆ, ಕೋಲಾರದ ಮಂದಿ ತಮಿಳರನ್ನ ಸಕ್ಕತ್ತಾಗಿ ಬಗ್ಗ ಬಡಿದ್ರು. ಕೋಲಾರದಲ್ಲಿ ೩೦ ಏಡು ಆಯ್ತಂತೆ ಒಂದು ತಮಿಳು ಸಿನಿಮ ಸಿನಿಮನೆಯಲ್ಲಿ ತೋರಿಸಿ!| ಅಸ್ಟು ಹಿಡಿತದಲ್ಲಿ ಮಡಗವ್ರೆ!

ಮಹೇಶರೆ, ನಾನು ಬರೆದದ್ದನ್ನ ನೀವು ಸರಿಯಾಗಿ ಅರ್ಥ ಮಾಡಿಕೊಂಡಿಲ್ಲ. ನಾನು Big Pitcure ಬಗ್ಗೆ ಹೇಳ್ತಾ ಇದೀನಿ. ರೇವಣ್ಣ ಮತ್ತು ಶಂಕರಮೂರ್ತಿ ಯವರದ್ದು small examples ಮಾತ್ರ. ರೇವಣ್ಣ ಅವರೂರಿಗೆ ಏನಾದರೂ ಮಾಡ್ಲಿ ಆದರೆ ಬೇರೆಯೂರಿನ ಪ್ರಗತಿಗೆ ಅಡ್ಡಗಾಲೇಕೆ ಹಾಕಬೇಕು? ಟಾಟಾ ಕಂಪನಿಯ ಹೊಸ ಯೋಜನೆ ಬರ್ತಾ ಇದ್ದದ್ದು ಧಾರವಾಡಕ್ಕೆ, ಹೋಳೆನರಸೀಪುರಕ್ಕಲ್ಲ!! ಇದನ್ನೇ ನಾನು ಸಂಕುಚಿತ ಮನೋಭಾವ ಅಂತೀನಿ. ಇತ್ತೀಚೆಗೆ ವಿಧಾನಸಭೆಯಲ್ಲಿ "ಆಡು ಮುಟ್ಟದ ಸೊಪ್ಪಿಲ್ಲ ರೇವಣ್ಣ ಮುಟ್ಟದ ಇಲಾಖೆಯಿಲ್ಲ"!! ಎಂದು ಯಾರೋ ಹೇಳಿದ್ರು. ವಾಸ್ತವವಾಗಿ ಇಂತವರ ಸಂಖ್ಯೆ ಕಡಿಮೆಯಾಗ್ತಿದೆ. ಕಾವೇರಿ ವಿಷಯದಲ್ಲಿ ಅನ್ಯಾಯವದರೆ ಮಂಡ್ಯ/ಮೈಸೂರಿನವರಿಗೆ ಕೃಷ್ಣಾ ಕೊಳ್ಳದವರ ಬೆಂಬಲಿವಿರುತ್ತದೆ. MES ಮುಖಂಡನೊಬ್ಬ ನಿಪ್ಪಾಣಿಯಲ್ಲಿ ಗುಟುರಿಸಿದರೆ ಬೆಂಗಳೂರಿನಲ್ಲಿ ಗರ್ಜನೆ ಕೇಳಿಸುತ್ತದೆ. ನಿಧಾನ ಗತಿಯಲ್ಲಿ ರಾಜ್ಯದ ಎಲ್ಲಾ ಭಾಗಗಳು ಭಾವನಾತ್ಮಕವಾಗಿ ಹತ್ತಿರ ಬರುತ್ತಿವೆ. ಇದೆಲ್ಲಾ ಒಳ್ಳೆಯದು.

ಇನ್ನು Big Pitcure - ರಾಜಕೀಯ ಹಕ್ಕುಗಳು ಸಿಕ್ಕ ತಕ್ಷಣ ಹಕ್ಕುಗಳ ಬಗ್ಗೆ ಅರಿವು, ಪ್ರಭುದ್ದತೆ ಮತ್ತು ಕೆಲಸ ಮಾಡಿಕೊಳ್ಳುವ ಚಾಕಚಕ್ಯತೆ ಬರಬೇಕೆನ್ನುವುದು ಹಾಸ್ಯಾಸ್ಪದ. ನಮ್ಮ ದೇಶ ಹುಟ್ಟಿ ೬೦ ವರ್ಷಗಳಾದವು. ಪ್ರಜಾಪ್ರಭುತ್ವದ ವ್ಯವಸ್ಥೆ ಮತ್ತು ಹಕ್ಕುಗಳ ಬಗ್ಗೆ ನಮ್ಮಲ್ಲಿ ಅರಿವು ಇನ್ನೂ ಕಡಿಮೆ ಇದೆ. ಕಾಲ ಕಳೆದಂತೆ ಜನರಲ್ಲಿ ಹೆಚ್ಚುವ ರಾಜಕೀಯ ಅರಿವು ಮತ್ತು ಅನುಭವದಿಂದ ಪ್ರಭುದ್ಧತೆ ಮತ್ತು ಚಾಕಚಕ್ಯತೆ ಹೆಚ್ಚುತ್ತವೆ. ಅದೇ ರೀತಿ ಎಲ್ಲಾ ಸಮಸ್ಯೆಗಳನ್ನು ಸರ್ಕಾರವೇ ಬಗೆಹರಿಸಲಿ ಎನ್ನುವುದು ನುಣುಚಿಕೊಳ್ಳುವ ಉಪಾಯ. ಈ ನಿಟ್ಟಿನಲ್ಲಿ ಉತ್ತರ ಮತ್ತು ದಕ್ಷಿಣ ಒಳನಾಡಿನ ಜನ ಕರಾವಳಿಯ ಉದ್ಯಮಶೀಲ ಜನರಿಂದ ಕಲಿಯಬೇಕಾದದ್ದು ಸಾಕಷ್ಟಿದೆ.

ಪಟೇಲರಿದ್ದಾಗ ಅನೇಕ ಜಿಲ್ಲೆಗಳ ವಿಭಜನೆಯಾಯಿತು. ಜತ್ತಿ, ಕಂಠಿಯವರ ಕಾಲದಲ್ಲಾಗದ ಕೆಲಸಗಳು ಇಂದು ಧರಮ್ ಸಿಂಗ್ ಮತ್ತು ಖರ್ಗೆಯವರ ಕಾಲದಲ್ಲಿ ಕೃಷ್ಣಾ ನೀರಾವರಿ ಯೋಜನೆಯಡಿ ಆಗುತ್ತಿವೆ. ಬೊಮ್ಮಾಯಿಯವರು ಧಾರವಾಡಕ್ಕೆ ಟಾಟಾ ಕಂಪನಿ ತಂದರು (ಅದಕ್ಕೂ ಕೆಂದ್ರದ ಅಡ್ಡಗಾಲಿತ್ತು!!). ದೇಶಪಾಂಡೆಯವರು ತಮ್ಮ ಕ್ಷೇತ್ರಕ್ಕೆ ಹಲವಾರು ಕೆಲಸಗಳನ್ನು ಮಾಡಿದ್ದಾರೆ. ಇವೆಲ್ಲ ನಿಮಗೆ ಗೊತ್ತಿಲ್ಲದಿದ್ದರೆ ಆ ನಾಯಕರ ತಪ್ಪಲ್ಲ!! ಏಕೀಕರಣದ ನಂತರ ಕನ್ನಡ ಉ.ಕರ್ನಾಟಕದಲ್ಲಿ ಮತ್ತೆ ಗಟ್ಟಿಯಾಗುತ್ತಿದೆ. ಸರ್ಕಾರದ ಮೊರೆ ಹೋಗದೆ ಮಠಗಳು ಮತ್ತು ಸಾರ್ವಜನಿಕ ಸಂಘ/ಸಂಸ್ಥೆಗಳೇ ಸಾವಿರಾರು ಶಾಲೆ ಮತ್ತು ಕಾಲೇಜುಗಳನ್ನು ನಡೆಸುತ್ತಿವೆ. ಯಾವದೇ ರಾಜಕಾರಣಿಗೆ credit ಕೊಡಲಾಗದಂತಹ ನೂರಾರು ಅಭಿವೃದ್ಧಿ ಕಾರ್ಯಕ್ರಮಗಳು ನಡೆದಿವೆ. ಇನ್ನು ಮಾನವ ಅಭಿವೃದ್ಧಿ ಸೂಚ್ಯಂಕವನ್ನು (Human Development Index) ಅಳತೆಗೋಲಾಗೆ ನೋಡಿದರೆ, ಉ.ಕನ್ನಡ, ಬೆಳಗಾವಿ, ಧಾರವಾಡ ಜಿಲ್ಲೆಗಳು ಮೈಸೂರು, ಮಂಡ್ಯ, ಕೋಲಾರ ಮತ್ತು ಹಾಸನ ಜಿಲ್ಲೆಗಳಿಗಿಂತ ಉತ್ತಮ ಸ್ಥಿತಿಯಲ್ಲಿವೆ (http://planning.kar....).

ಚಾಮರಾಜ ನಗರ, ಬೀದರ, ಕೊಪ್ಪಳ, ಕೋಲಾರ, ರಾಯಚೂರು ಮತ್ತಿತರ ಜಿಲ್ಲೆಗಳು ಹಿಂದುಳಿಯುವುದಕ್ಕೆ ಹಲವಾರು ಕಾರಣಗಳಿವೆ. ಈ ಹಿಂದುಳಿದ ಜಿಲ್ಲೆಗಳು ಬೆಂಗಳೂರಿನಂತೆ ಲಕಲಕ ಹೊಳೆಯಲಿ ಎಂದು ಯಾರೂ ಕೇಳುತ್ತಿಲ್ಲ. ಆದರೆ ಪ್ರಗತಿಯ ಕಂದರ ಹೆಚ್ಚಾಗಬಾರದು. ಇದೇ ಸ್ಥಿತಿ ಮುಂದುವರಿದರೆ ನಮ್ಮ ನಾಡು ಹೋಳಾಗಲು ಹೊರಗಿನ ವೈರಿಗಳ ಸಹಾಯ ಬೇಕಿಲ್ಲ.

PS: "ಗಮನಿಸಿ: ಯಾವಾಗ್ಲು ಬಡಗಣದಿಂದಲೇ ಹೆಚ್ಚು ಮಂತ್ರಿಗಳು ಸಾಸಕರು ಬರೋದು!! ಆದ್ರೂ ಕೆಲಸ ಮಾಡಕ್ಕಿಲ್ಲ ಅಂದ್ರೆ ಅದು ರೇವಣ್ಣ-ಕುಮಾರಸ್ವಾಮಿ ತಪ್ಪಲ್ಲ!!" ತಪ್ಪು ತಪ್ಪು!! ಉ.ಕ ಜನಸಂಖ್ಯೆ ರಾಜ್ಯದ ಶೇ.೪೨ ಮಾತ್ರ. ಅದೇಗೆ ಹೆಚ್ಚಿನ ಸಂಖ್ಯೆಯಲ್ಲಿ ಶಾಸಕರು ಬರಲು ಸಾಧ್ಯ?