ಅಹೋರಾತ್ರ ಕವಿಗಳೇ,

ಕವನ ಭೇಷಾಗಿದೆ! ಲಯಕ್ಕೆ ಗಮನ ಹರಿಸಿರುವುದು ನಿಜಕ್ಕೂ ಸಂತಸದ ಸಂಗತಿ.
ಆದರೆ ಒಂದು ತಪ್ಪು ನುಸುಳಿಕೊಂಡು ಬಿಟ್ಟಿದೆ! ನೀವು ರಾಮನವಮಿಯಂದು ಕರೆಯುತ್ತಿರುವುದು ರಾಮನನ್ನು ಅಲ್ಲವೇ?
ಅಂದರೆ ಭರತಾನುಜನನ್ನಲ್ಲ; ಭರತಾಗ್ರಜನನ್ನು ! ಅನುಜ = ತಮ್ಮ ; ಅಗ್ರಜ = ಅಣ್ಣ .
ಸಂಸ್ಕೃತದಲ್ಲಿ :
ಅಗ್ರೇ ಜಾತ ಇತಿ ಅಗ್ರಜಃ = (ತನಗಿಂತ) ಮೊದಲು ಹುಟ್ಟಿದವನು = ಅಣ್ಣ
ಅನು(ಅನುಸೃತ್ಯ) ಜಾತ ಇತಿ ಅನುಜಃ = (ತನ್ನನ್ನು) ಅನುಸರಿಸಿ ಹುಟ್ಟಿದವನು = ತಮ್ಮ
ಎಂದರ್ಥ. ರಾಮನು ಭರತನಿಗೆ ಅಣ್ಣನಾದ್ದರಿಂದ ಅವನು ಭರತಾಗ್ರಜ; ಭರತಾನುಜನಲ್ಲ.
ಭಾವಾವೇಶದಲ್ಲಿ ಕವನ ಹೊರಹೊಮ್ಮುವಾಗ ಇವೆಲ್ಲ ಮೊದಮೊದಲು ಸರ್ವೇಸಾಮಾನ್ಯ;
ಎದೆಗುಂದದೆ ಮುಂದುವರೆಸಿ. ಭರತಾಗ್ರಜನು ನಿಮಗೆ ಅನುಗ್ರಹಿಸಲಿ.

ನಿಮ್ಮವ

ಬೆನಕ

ನನ್ನ ಅನಿಸಿಕೆಗಳನ್ನು ಬರೆದಿದ್ದೇನೆ.
ಬಲ್ಲವರು ಸರಿಪಡಿಸಿರಿ.

ತಪ್ಪು - ಸರಿ
ರಾಮನಾಮದಾ - ರಾಮನಾಮದ
ಭರತಖಂಡಕೇ - ಭರತಖಂಡಕೆ
ಭಾಗ್ಯವತಂದ - ಭಾಗ್ಯವ ತಂದ
ಭೂರಮೆಯಾ - ಭೂರಮೆಯ
ದಾಟಿದಸೀಮಪರಾಕ್ರಮಿ - ದಾಟಿದ ಸೀಮಪರಾಕ್ರಮಿ
ವಸುಮತಿಯಾಪತಿ - ವಸುಮತಿಯ ಪತಿ
ಜನರುಧ್ಧರಿಸುವ - ಜನರುದ್ಧರಿಸುವ