ಅನಿವಾಸಿ
*~*~*~*
ಸೂರ್ಯ ಕಾಲು
September 11, 2007 - 5:28pm — anivaasi
ನಡೀವಾಗ ಯಾರಾದರೂ ಜತೆಗೆ ಬೇಕು.
ಬೇರೇ ಬೇರೇ ಸೂರ್ಯನ ಬೆಳಕಿಗೆ ಮೈಕಾಯಿಸಿಕೊಂಡಿದ್ದರೂ ಪರವಾಗಿಲ್ಲ. ಜತೆಗಿರಬೇಕು. ಜತೆಗಿರೋ ಮನಸ್ಸಿದ್ದರೂ ಸುಲಭ ಅಲ್ಲ. ಒಬ್ಬೊಬ್ಬರಿಗೆ ಒಂದೊಂದು ನಮೂನೆ ಕಾಲು. ಆನೆ ಕಾಲು, ಕುದುರೆ ಕಾಲು, ಇಲಿ ಕಾಲು. ಕೆಲವರಿಗೆ ಹಕ್ಕಿ ಕಾಲು. ಇನ್ನು ಕೆಲವರಿಗೆ ಕಾಲಿಲ್ಲದೇನೂ ಹೋಗತೀನಿ ಅನ್ನೋ ಹಾವಿನ ಛಲವೇ ಕಾಲು.
ತುಂಬಾ ದೂರದ ದಾರಿ;
ಏರು ಪೇರು;
ಹಳ್ಳ ಕೊಳ್ಳ;
ಬೆಟ್ಟ ಕಣಿವೆ;
ಟ್ರಾಫಿಕ್ಕು ಹೊಗೆ;
ತುಂಬಾ ಗೋಜಲಿನ ದಾರಿ;
ಸುಸ್ತಾದರೆ ಏನು ಮಾಡೋದು? ಕೇಳೋದು ಏನು ಬಂತು? ಜೇಬಿಂದ ಒಂದು ಮರ ತೆಗೆದು ನೆಟ್ಟುಕೊಂಡು, ಅದರ ನೆರಳಲ್ಲಿ ಕೂರೋದು. ಸೂರ್ಯನ ಝಳ ಜಾಸ್ತಿ ಆಯ್ತ? ಅವನನ್ನ ಸಮುದ್ರದಲ್ಲಿ ಮುಳುಗಿಸೋದು. ಜೋಳಿಗೆಯಿಂದ ಒಂದು ತುಂಡು ಚಂದ್ರನ್ನ ತೆಗೆದು ಮೋಡದ ಹಿಂದೆ ನೇತು ಹಾಕೋದು.
ರಸಿಕತೆ ಉಕ್ಕಿದರೆ ಇದ್ದೇ ಇದೆ;
ಹಾಡು ಪಾಡು;
ಜಗಳ ಪ್ರೀತಿ;
ಫೋಟೋ ಫಿಲ್ಮು;
ಕತೆ ಕಾವ್ಯ;
ರಸಿಕತೆ ಉಕ್ಕಿದರೆ ತಪ್ಪದೆ.
ಸೂರ್ಯ ಯಾವುದಾದರೇನು? ಕಾಲು ಯಾವುದಾದರೇನು?
ಜೇಬಲ್ಲಿ ಮರ ಇರಬೇಕು.
ಜೋಳಿಗೇಲಿ ಚಂದ್ರ ಇರಬೇಕು.
ನಡೀವಾಗ ಯಾರಾದರೂ ಜತೆ ಇರಬೇಕು.
- anivaasi ರವರ ಬ್ಲಾಗ್
- Login or register to post comments
- 457 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS:
ಪ್ರತಿಕ್ರಿಯೆಗಳು
ಉ: ಸೂರ್ಯ ಕಾಲು
ತುಂಬ ಖುಷಿ ಕೊಟ್ಟ ಬರಹ. ಹೊಸ ಹುರುಪು ಬಂತು.
ಕೇಶವ
Visit my blog:
http://kannada-nudi.blogspot.com
ಉ: ಸೂರ್ಯ ಕಾಲು
ನನ್ನ ಸ್ವಗತ ಮತ್ತೊಬ್ಬರಿಗೆ ಹುರುಪು ತಂದಿದ್ದು ಅನಿರೀಕ್ಷಿತ ಆನಂದ!
ಆಗಾಗ ನಮಗೆ ನಾವೇ ಹೀಗೆ ಹೇಳಿಕೊಳ್ಳಬೇಕಾಗತ್ತೆ ಅಲ್ಲವೆ?
ಥ್ಯಾಂಕ್ಸ್.
ಉ: ಸೂರ್ಯ ಕಾಲು
ನಾನೂ ಒಮ್ಮೆ ಹೀಗೆಯೇ ಒಬ್ಬನೇ ಹೋಗುತ್ತಿದ್ದೆ. ಆಗ ನನಗೆ ತುಂಬಾ ದೊಡ್ಡಗಡ್ಡಬಿಟ್ಟವರೊಬ್ಬರು ಸಿಕ್ಕಿದರು. ಅಂದಿನಿಂದ ಮನಸ್ಸು ಮಾಡಿದೆ. ನಾನು ಒಂಟಿಯಾಗಿ ಎಲ್ಲಿಯೂ ಹೋಗುತ್ತಿಲ್ಲ. ಎಲ್ಲಿಯೇ ಹೋದರೂ ಬಾಚಣಿಗೆ ಎಂಬ ಗೆಳೆಯನನ್ನೂ ಕರೆದುಕೊಂಡು ಹೋಗುತ್ತೀನಿ.
ಈ ಮಾತು ನನಗೆ ಈ ಹಾಡನ್ನು ನೆನಪಿಸಿತು. "ಕೋಡಗನ ಕೋಳಿ ನುಂಗಿತ್ತಾ, ನೋಡವ್ವಾ ತಂಗಿ."
ಅಂದಹಾಗೆ ಅನಿವಾಸಿಗಳೆ, ನಡೀವಾಗೇನೋ ಯಾರಾದ್ರು ಜೊತೆಗಿರಬೇಕು, ಓಡುವಾಗ ಏನಿರಬೇಕು ?
ನಿದ್ದೆ : ಕನಸು :: ಎದ್ದೆ : ಕಣಸು ಅಂತ ರೇಶಿಯೋ ಪ್ರಪೋರ್ಶನ್ ಹಾಕಬಹುದಲ್ವೇ ?
ಎದ್ದೆ(ನಾ) - ಎದೆ, ಛಲ,
ಹಾಗೆಯೇ ಸೂರ್ಯ ಪ್ರಕಾಶ ಅಂತ ಹೇಳತ್ತೆ ಈ ನಿಘಂಟು
ಉ: ಸೂರ್ಯ ಕಾಲು
ಬಾಚಣಿಗೆ ಗೆಳೆಯರೆ,
ಸೂರ್ಯ, ಚಂದ್ರ, ಮರ, ನೆರಳು, ಜೇಬು, ಜೋಳಿಗೆ: ಆಧ್ಯಾತ್ಮದ ಹಾಡು ನೆನಪಿಸ್ತ?!
~~ ಓಡುವಾಗ ಏನಿರಬೇಕು?
ಓಡುವಾಗ ಏನಿದ್ರೆ ಚಂದ ಅಂತ ನೀವು ಬರೀರಿ...
ಇಲ್ಲಿ ಕನ್ನಡದ "ಎದೆ = ಸೂರ್ಯ ಪ್ರಕಾಶ" ನನ್ನ ಕಣ್ಣಿಗೆ ಬೀಳಲಿಲ್ಲ!
869 Ta. eṉṟu
869 Ta. eṉṟu sun; eṉṟ ūr̤ sunshine, sun, summer. ? To. eṟ sun, in song unit; eṟ oṭ ṇelp ground cool in the sun [during the rainy season] (interpretation doubtful, but a parallel unit has n&odieresisside;ṟ 'sun', for which see 2910). Te. eṇḍa sunshine, sun, heat of the sun; eṇḍu to be heated by exposure to the sun, dry up, evaporate; eṇḍugulu grain exposed to the sun for being dried. Nk. (Ch.) edde sunshine. Pa. nendi, (NE.) nenḍi heat of the sun. Go. (A. D. MuE. Ma. S.) eddi, (G. M. Ko.) ed id.; (SR.) yaddi hot, sunlight; (Tr. Ph.) addī, (W.) adī, (Ch. MuW.) addi heat of the sun (Voc. 342). Cf. 829 Ta. el and 861 Ta. eṟi. DED(S) 738.
ಥ್ಯಾಂಕ್ಸ್
ಉ: ಸೂರ್ಯ ಕಾಲು
ಸಕ್ಕತ್ !!!!
---
ಕನ್ನಡಕ್ಕೆ ಬೇಕು ಕನ್ನಡದೇ ಸೊಬಗು,ಸೊಗಡು
ಉ: ಸೂರ್ಯ ಕಾಲು
ಅನಿವಾಸಿಗಳೆ,
ತುಂಬಾ ಚೆನ್ನಾಗಿದೆ ನಿಮ್ಮ ಬರಹ..
ವೈಭವರೆ..
ಕನ್ನಡಕ್ಕೆ ಆಗಲೆ ಇದೆ... ಕನ್ನಡದೇ ಆದ ಸೊಬಗು, ಸೊಗಡು, ನಡಾವಳಿ ಅಲ್ಲವೆ..
ಉ: ಸೂರ್ಯ ಕಾಲು
ಥ್ಯಾಂಕ್ಸು ವೈಭವರಿಗೆ.
ಖವಿಯವರೆ - ವೈಭವರ "ಬೇಕು" -- "ಅಡಗಿರುವುದು ಗೊತ್ತಾಗಬೇಕು" ಅಂತ ನನಗೆ ತೋರತ್ತೆ. ಥ್ಯಾಂಕ್ಸ್
ಉ: ಸೂರ್ಯ ಕಾಲು
ಅನಿವಾಸಿಗಳೆ,
ನನ್ನಿ
----
ಕನ್ನಡಕ್ಕೆ ಬೇಕು ಕನ್ನಡದೇ ಸೊಬಗು,ಸೊಗಡು
ಉ: ಸೂರ್ಯ ಕಾಲು
ಬೊಂಬಾಟ್....
ತಲೆ ಅಂದ್ರೆ ಇದಪ್ಪ.. ನಾನು ಹೊಗಳಿದ್ರೆ, ಚಿಳ್ಳೆಪಿಳ್ಳೆಗಳು ಹೊಗಳಿದಂತೆ ನಿಮಗೆ.. ಅದಕ್ಕೆ ಇಲ್ಲಿ ಹೊಗಳಲ್ಲ..
"ಜೇಬಲ್ಲಿ ಮರ ಇರಬೇಕು.
ಜೋಳಿಗೇಲಿ ಚಂದ್ರ ಇರಬೇಕು.
ನಡೀವಾಗ ಯಾರಾದರೂ ಜತೆ ಇರಬೇಕು."
ಕಿಸೆಯಲ್ಲಿ ಮಡಗಿಕೊಳ್ಳೊಂತ ಮರ, ಚಂದ್ರ ಎಲ್ಲಿ ಸಿಗ್ತದ? ಒಂದೆರಡು ಕಳ್ಸಿ..
ನಿಮ್ಮ ಬಳಿಯಂತೂ ತುಂಬುಗುಡಾಣ ಇವೆ, ಈ ಕಿಸೆಯ ಮರ, ಚಂದ್ರಗಳು..
, ಅದೃಸ್ಟವಂತ್ರೂ ನೀವು..
ಉ: ಸೂರ್ಯ ಕಾಲು
ರೀ ಮಹೇಶರೆ,
ಚಿಳ್ಳೆಪಿಳ್ಳೆಗಳು ಯಾರೂ ಇಲ್ಲ ಕಣ್ರಿ... ಒಳ್ಳೆ ಕತೆ ನಿಮ್ಮದು.
ನಿಮ್ಮ ಕಿಸೆವೊಳಗೆ ಇನ್ನೂ ಸರಿಯಾಗಿ ಹುಡುಕಿಕೊಳ್ಳಿ ನೀವು... ಸಿಕ್ಕೇ ಸಿಗ್ತದೆ. ಮರ, ಚಂದ್ರ ಅಲ್ಲದಿದ್ದರೂ ಅಚ್ಚರಿ ಹುಟ್ಟಿಸೋಂತಾದ್ದು ಇದ್ದೇ ಇರುತವೆ.
ಅದೃಸ್ಟ ಯಾರ ಸ್ವತ್ತೂ ಅಲ್ಲ!