ಅಯ್ಯೋ, ಏನ್ರೀ ಅನಿವಾಸಿ, ಅಲ್ಲ, ಅಷ್ಟೆಲ್ಲ ಬಾಯ್ತುಂಬ "ನೀಲು", "ನೀಲು" ಅನ್ನುತ್ತಿದ್ದವರು ಈಗ ಮತ್ತೆ ಅದದೇ "ಆಕ್ರಮಣ, ಮೂಲಭೂತವಾದ, ಜನಪದ, ವೇದ" ಎನ್ನುತ್ತಾ "ಅದದೇ ಸಂವೇದನೆಯ ಚೌಕಟ್ಟಿನ" ಜಾಡಿಗೆ ಜೋತುಬಿದ್ದಿರಲ್ಲಾ!!!!!

ಯಾಕೋ ನಮ್ಮ ಅನಿವಾಸಿಗಳು, "ಉದ್ದುದ್ದು ಬರೆದರೆ ಗದ್ಯ, ಅಡ್ಡಡ್ಡ ಬರೆದರೆ ಪದ್ಯ" ಎಂಬುದನ್ನು ನಿಜಮಾಡಲು ಹೊರಟಿರುವಂತಿದೆ

ನೀವೆನ್ನುವಂತೆ ಆಕ್ರಮಿಸುವವು ಬಂಡೆಗಳು...ಅಂತಾದರೆ ನಿಶ್ಚಲವಾದ ಬಂಡೆಗಳು ಆಕ್ರಮಿಸುತ್ತವೆ. ನೀರು ಹರಿಯುತ್ತದೆ ಮತ್ತು ಮಟ್ಟವನ್ನು ಹುಡುಕುತ್ತ ಹರಿಯುತ್ತದೆ. ನಾನು ತಿಳಿದಂತೆ ನೀರು ತಗ್ಗನ್ನು ಹುಡುಕುತ್ತ ಹರಿಯುತ್ತದೆ. ಮಟ್ಟದಲ್ಲಿದ್ದರೆ ನೀರು ಹರಿಯುವುದಿಲ್ಲ.
_______________________
ಮುಟ್ಟುತಲೆ ಗುರಿ ತಾನ್ ದೂರವಾಗುತಿರಲಿ!
ಕೆಪಿ ಬೊಳುಂಬು

ಈ ಆಕ್ರಮಣದ ಯುಗದಲ್ಲಿ ತಾನು ಮಾತ್ರ ಯಾವ ಗುತ್ತಿಗೆಯೂ ಹಿಡಿದಿಲ್ಲ ಎಂದು ರಾಜಾರೋಷವಾಗಿ ಮೊದಲ ಪ್ಯಾರ ಸಾರುತ್ತದೆಯಾದರೂ, ಕಲ್ಲುಬಂಡೆಗಳನ್ನು ತನ್ನ ಸ್ವಾರ್ಥಕ್ಕೆ ಬಳಸಿಕೊಳ್ಳುವ ನದಿಯು ಜನಪದ, ವಿದ್ಯೆ, ಆರೋಗ್ಯ ಹಾಗು ಅವಕಾಶಗಳ ಹಂಬಲವನ್ನು(ಅದೂ ಒಂದು ರೀತಿಯ ಕನಸೇ) ಇಟ್ಟುಕೊಳ್ಳುವ ಎರಡನೆಯ ಪ್ಯಾರಾ (ಉಂಡುಪವಾಸಿ, ಬಳಸಿ ಬ್ರಹ್ಮಚಾರಿ, ಸವಿದು ಸನ್ಯಾಸಿಯ ಹಾಗೆ) ಅದೇ ಮಾರ್ಕೆಟ್ಟಿನ ಮೂಲಭೂತವಾದಿತನವನ್ನೇ ಎತ್ತಿ ನಿಲ್ಲಿಸುತ್ತದೆ.

"ಧಾರ್ಮಿಕ, ಭಾಷಾ, ಮಾರ್ಕೆಟ್, ಜನಪ್ರಿಯತೆಯ ಗುತ್ತಿಗೆ", ಈ ಜಗತ್ತಿಗೆ ಎಷ್ಟು ಅಪಾಯವೋ ಹಾಗೆಯೇ, "ಈ ಜಗತ್ತು ಚೆನ್ನಾಗಿಲ್ಲ, ತಾನು ಮಾತ್ರವೇ ಚೆನ್ನಾಗಿರೋದು", ಎಂಬ ನಿಲುವೂ ಕೂಡ ಅತ್ಯುಗ್ರ ಮೂಲಭೂತವಾದಿಯ ಅತ್ಯಂತ ಅಪಾಯಕಾರಿ ಮನಸ್ಥಿತಿ.

ನನ್ನಿಗಳೇ, ಹರಿವ ನೀರು, ಕೇವಲ ತನ್ನ ಮಟ್ಟವನ್ನು ಹುಡುಕುವುದಿಲ್ಲ. ಅದು
೧. ತನ್ನ ಸುತ್ತಲಿರುವ ಕಲ್ಲುಬಂಡೆಗಳಲ್ಲಿ ಕಲೆಯನ್ನು ರೂಪಿಸುತ್ತದೆ. ಆದರೆ ಮೇಲಿನ ಪದ್ಯದ ಎರಡನೆಯ ಪ್ಯಾರಾ ಅವುಗಳಲ್ಲಿ ಬರೀ ಕಪಟ ಪ್ರೀತಿ ತೋರ್ಪಡಿಸಿ ತನ್ನ ಸ್ವಾರ್ಥಕ್ಕೆ ಬಳಸಿಕೊಳ್ಳುತ್ತದೆ.
೨. ತನ್ನ ಹರಿವಿನುದ್ದಕ್ಕೂ ತನ್ನ ಒಡಲಲ್ಲಿರುವ ಸಕಲ ಜೀವಿಗಳಿಗೂ ಉಣಬಡಿಸಿ, ಅವುಗಳನ್ನೂ ಪೋಷಿಸುತ್ತದೆ. ಸಿಂಬಯಾಸಿಸ್. ಹಾಗೆಯೇ ನಾವು ಕೂಡ ಜನಪದ, ವಿದ್ಯೆ, ನುಡಿ, ಕಲೆ ಇವುಗಳನ್ನು ಬರೀ ಬಳಸುವುದಷ್ಟೇ ಅಲ್ಲ ಗುರು, ಅವುಗಳನ್ನು ಬೆಳೆಸಲೂ ಬೇಕು. ಜನ ಬರೀ ತಮ್ಮ ಸ್ವಾರ್ಥಕ್ಕೆ ಅವುಗಳನ್ನು ಬಳಸುತ್ತಾ, ಬೆಳೆಸುವ ಇತರರನ್ನು "ಗುತ್ತಿಗೆ ಹಿಡಿದಿರುವವರು" ಅಂತ ಕರೆಯುವುದು ಅತ್ಯಂತ ಸಂಕುಚಿತ ಸಮಾಜದ, ಮುಚ್ಚುಮನಸ್ಥಿತಿಯ ಪ್ರತೀಕ. ಇದು ಬೆಳದಿಂಗಳ ಬಾಲೆಯ ೩ನೇ ಹಂತ.
೩. ತನ್ನ ಹರಿವಿಗೆ ಹೊರತಾದ ಕೃಷಿ, ಮೀನುಗಾರಿಕೆ ಮುಂತಾದವನ್ನೂ ಪೋಷಿಸುತ್ತದೆ. ಹಾಗೆಯೇ, ನಾವುಗಳು ನಮ್ಮ ಸಮಾಜದ ನುಡಿ, ಕಲೆಗಳನ್ನಷ್ಟೇ ಅಲ್ಲದೆ ಬೇರೆ ಸಮಾಜ, ಸಂಸ್ಕೃತಿಯನ್ನೂ ಗೌರವಿಸಬೇಕು ಎಂದರ್ಥ. ಆದರೆ ಇದನ್ನು ಅರ್ಥಮಾಡಿಕೊಳ್ಳದೆ ಬಾಯಿಮಾತಿಗೆ ಮಾತ್ರ "ಬೇರೆಯವರು ಗುತ್ತಿಗೆ ಪಡಿದಿದ್ದಾರೆ", ಎಂದು ಹೇಳುತ್ತಾ, ಕೇವಲ "ತನ್ನ" ಜನಪದ, ವಿದ್ಯೆ, ಆರೋಗ್ಯ ಹಾಗು ಅವಕಾಶಗಳ ಹಂಬಲವನ್ನು ಇಟ್ಟುಕೊಂಡು ಹರಿಯುವ ಮನಸ್ಥಿತಿಯೇ ಮುಂದೆ ಅತ್ಯುಗ್ರ ಮೂಲಭೂತವಾದಿಯಾಗಿ ಮತ್ತೊಂದು ರೀತಿಯ "ಧಾರ್ಮಿಕ, ಭಾಷಾ, ಮಾರ್ಕೆಟ್, ಜನಪ್ರಿಯತೆಯ ಗುತ್ತಿಗೆಯನ್ನು" ಬೇರೊಂದು ಹಾದಿಯ ಮೂಲಕ ಗಟ್ಟಿಯಾಗಿ ಹಿಡಿದುಕೊಳ್ಳುತ್ತದೆ.

ನನ್ನ ಮಾತು, "ಕಡ್ಡಾಯವಾಗಿ ಬುದ್ಧಿವಂತರಿಗೆ ಮಾತ್ರ", ಎನ್ನುವಂತೆ ಕಂಡರೆ, ಮನ್ನಿಸಿ. ವಿಮರ್ಶೆ ನನ್ನ ಉದ್ದೇಶವಲ್ಲ.