ಈ ಬ್ಯಾಂಕ್ ವಿಶ್ಯ ಬಂದದ್ದಕ್ಕೆ ಹೇಳ್ತಾ ಇದ್ದೀನಿ. ಮೊನ್ನೆ ಎಚ್.ಎಡಿ.ಎಪ್.ಸಿಗೆ ಕರೆ ಮಾಡಿದ್ದೆ. ಅವರ ಫೋನ್ ಬ್ಯಾಂಕಿಂಗ್ ಸೇವೆ ಕನ್ನಡದಲ್ಲಿ ಸಿಗುತ್ತದೆ. ಕನ್ನಡಕ್ಕಾಗಿ -- ಒತ್ತಿರಿ, ಅಂತ ಹೇಳಿತ್ತು. ನಾನೂ ಹಾಗೆ ಮುಂದುವರಿಸಿಕೊಂಡು ಹೋದಾಗ, ಆಕಡೆ ಬಂದ ದನಿ ಕನ್ನಡದಲ್ಲಿಯೇ ಇತ್ತು. ಆಮೇಲೆ ಆಕೆ ನನಗೆ ಬೇಕಿದ್ದ ಕೆಲಸಗಳನ್ನೆಲ್ಲ ಮಾಡಿಕೊಟ್ಟು, ಧನ್ಯವಾದ ಹೇಳಿದಳು. ನಾನು "ನನ್ನಿ" ಹೇಳಿ ಫೋನ್ ಕೆಳಗಿಟ್ಟೆ. ನನಗೆ ತುಂಬಾ ಸಂತೋಷವಾಗಿತ್ತು.

ಅನುಪ್, ಆ ಚೆಕ್ಕನ್ನು + ಬ್ಯಾಂಕಿನ ಉತ್ತರವನ್ನು ಸೀದಾ ಹತ್ತಿರದ ಕ.ರ.ವೇ ಕಛೇರಿಗೋ ಅಥವಾ ಕನ್ನಡ ಪ್ರಾಧಿಕಾರ (ಚಂದ್ರು) ಅವರಿಗೆ ತಲುಪಿಸಿ.

ಒಳ್ಳೆಯ ಉಪಾಯ.

ಅನೊಪ್ ರವರೆ, ನನಗೆ ತು೦ಬಾ ದಿನದಿ೦ದ ಕನ್ನಡದಲ್ಲಿ ಚೆಕ್ಕಕ್ಕನ್ನು ತು೦ಬುವ ಆಸೆ ಇತ್ತು, ಆದರೆ ಒ೦ದು ರೀತಿಯ ಮುಜುಗರ. ನಿಮ್ಮ ಬರಹ ಮತ್ತು ಜನರ ಪ್ರತಿಕ್ರಿಯೆಗಳೆಲ್ಲಾ ನೋಡಿ ಈಗ ನನ್ನಲ್ಲೊ ರಕ್ತ ಕುದಿಯಕ್ಕೆ ಶುರುಆಗಿದೆ. ನಮ್ಮೊರಲ್ಲಿ ಬೇರೆಯವರು ಬ೦ದು ನಮ್ಮ ಕೆಲಸ ಕಸಿಯುತ್ತಿದ್ದಾರೆ ಅ೦ತಿವಲ್ಲಾ, ಈ ನಮ್ಮ ಸ್ಥಿತಿಗೆ ನಾವೇ ಹೊಣೆ.

ಇನ್ನುಮು೦ದೆ ಬ್ಯಾ೦ಕಿನೊಡನೆ ಪತ್ರವ್ಯವಹಾರ, ಚೆಕ್ಕು ತು೦ಬುವುದು, ಎಲ್ಲಾನೊ ಕನ್ನಡದಲ್ಲೇ. ಆದರೆ, ನನ್ನ ಸಹಿ ಮಾತ್ರ ಆ೦ಗ್ಲ ಭಾಷೆಯಲ್ಲೇ ಇರಬೇಕಾಗತ್ತೋ ಎನೊ!!!! ನನ್ನಲ್ಲಿ ಹೊಸಾ ಹುರುಪು ತು೦ಬಿದ್ದಕ್ಕೆ ಧನ್ಯವಾದಗಳು.

ನಲ್ಮೆಯ ಸ್ನೇಹಿತರಾದ ಕಲ್ಯಾಣ್ ಅವರು ಈ ಬಗ್ಗೆ ಬರೆದಿರುವ ಉತ್ತರ ಇಲ್ಲಿದೆ:

http://i522.photobucket.com/albums/w344/kannadiga/BankBasheneetiVK061220...

ಕರ್ನಾಟಕದಲ್ಲಿರುವ ಯಾವುದೇ ರೀತಿಯ ಬ್ಯಾಂಕು [ಸರ್ಕಾರಿ-ಸಹಕಾರಿ-ಸಾರ್ವಜನಿಕ-ಖಾಸಗಿ]ಸಾರ್ವಜನಿಕರೊಂದಿಗೆ ಕನ್ನಡದಲ್ಲೇ ವ್ಯವಹರಿಸಬೇಕೆಂಬುದು ನಿರ್ವಾವಾದ [ಲಗತ್ತಿಸಿರುವ RBI_kannada.pdf ನಿಯಮ ೨.೧.೧ / Fair_Practices_Code.pdf page 2, 2a para / bank code.pdf item 2 ನೋಡಿ]. ಯಾವುದೋ ಒಂದು ಖಾಸಗಿ ಬ್ಯಾಂಕು ಅಥವ ಅದರ ಶಾಖೆ ಇದಕ್ಕೆ ಹೊರತಾಗಲು ಸಾಧ್ಯವೇ ಇಲ್ಲ.

ಕರ್ನಾಟಕದ ಯಾವುದೇ ಬ್ಯಾಂಕಿನ ಶಾಖಾ ವಿವರಗಳು, ಸೂಚನಾ ಫಲಕಗಳು, ಕನ್ನಡದಲ್ಲಿ ವ್ಯವಹಾರ ಮಾಡ ಬಯಸುವ ಗ್ರಾಹಕರಿಗೆ ಅಲ್ಲಿನ ಅರ್ಜಿ,ನಮೂನೆ ಕನ್ನಡದಲ್ಲಿ ದೊರಕಿಸಿಕೊಡಬೇಕು ಎಂಬ ನಿಯಮವಿದೆ. ಆದರೆ ಸಮಸ್ಯೆಯ ಮೂಲ ಇರುವುದು ನಮ್ಮಲ್ಲೇ! ಕನ್ನಡ ಗ್ರಾಹಕರಾಗಿ ನಾವು ಬ್ಯಾಂಕಿನಲ್ಲಿ ವ್ಯವಹರಿಸದೇ ಇರುವುದು! ಇದನ್ನು ದುರುಪಯೋಗ ಮಾಡಿಕೊಂಡು ಖಾಸಗಿ ಹಾಗು ಎಲ್ಲಾ ಬ್ಯಾಂಕುಗಳು ಕನ್ನಡದ ಬಗ್ಗೆ ಅಸಡ್ಡೆ ದೋರಣೆ ತಳೆದಿವೆ. ನಾವು [ಕನ್ನಡ ಗ್ರಾಹಕನಾಗಿ]ಎಚ್ಚೆತ್ತುಕೊಂಡು ಮುಂದೆ ನಾವು [ಕನ್ನಡ ಗ್ರಾಹಕನಾಗಿ]ಯಾವುದೇ ಬ್ಯಾಂಕಿನಲ್ಲಿ ಯಾವುದೇ ರೀತಿಯ ವ್ಯವಹಾರ ಮಾಡುವಾಗ ಕನಿಷ್ಟ ಕೆಳಗಿನ ವಿಷಯ ನೆನಪಿಟ್ಟುಕೊಂಡು ಆಚರಣೆಗೆ ತಂದರೆ - ನಮ್ಮ ಸತತ [ಕನ್ನಡ ಗ್ರಾಹಕರ] ಒತ್ತಾಯದಿಂದಾಗಿ ಕನ್ನಡಕ್ಕೆ ಮನ್ನಣೆ ದೊರಕುವುದರಲ್ಲಿ / ಬ್ಯಾಂಕುಗಳು ಕನ್ನಡಮಯವಾಗುವುದರಲ್ಲಿ ಸಂದೇಹವೇ ಇಲ್ಲ. ನಾವು [ಗ್ರಾಹಕರು]ಜಾಗೃತರಾಗಬೇಕು ಮತ್ತು ನಮ್ಮ [ಕನ್ನಡ ಗ್ರಾಹಕನ] ಹಕ್ಕಿಗೆ ಒತ್ತಾಯ ಮಾಡಬೇಕಿದೆ.

೧] ಯಾವುದೇ ಬ್ಯಾಂಕಿನಿಂದ ನಿಮಗೆ ದೂರವಾಣಿ ಕರೆ ಬಂದಲ್ಲಿ ಅವರು ಕನ್ನಡದಲ್ಲಿ ಮಾತನಾಡಲು ತಿಳಿಸಿ.
೨] ಯಾವುದೇ ಬ್ಯಾಂಕಿಗೆ ನೀವು ಕರೆ ಮಾಡಬೇಕಾಗಿ ಬಂದಲ್ಲಿ ಕನ್ನಡ ಮಾತನಾಡುವ ಅಧಿಕಾರಿಗಾಗಿ ಭೇಡಿಕೆ ಸಲ್ಲಿಸಿ
೩] ಕರೆ ಕೇಂದ್ರಗಳಿಂದ ಮಾತನಾಡಬಯಸುವ ಅಧಿಕಾರಿಗಳಿಗೆ ಕನ್ನಡ ಮಾತನಾಡಲು ತಾಕೀತು ಮಾಡಿ.
೪] ಬ್ಯಾಂಕಿನಲ್ಲಿ ಖಾತೆ ತೆರೆಯಬೇಕಾದಾಗ ಕನ್ನಡದ ಅರ್ಜಿ ಬೇಕೆನ್ನಿ. ಅರ್ಜಿಯನ್ನು ಕನ್ನಡದಲ್ಲೇ ಭರ್ತಿ ಮಾಡಿ
೫] ಬ್ಯಾಂಕಿನ ಯಾವುದೇ ವ್ಯವಹಾರವಿರಲಿ [ಹೊಸ ಖಾತೆ ತೆರೆಯುವುದು, ಕ್ರೆಡಿಟ್ ಕಾರ್ಡಿಗೆ ಅರ್ಜಿ ಬರೆಯುವುದು, ಮನೆ ಸಾಲ, ವಾಹನ ಸಾಲ, ದುರಸ್ತಿ ಸಾಲ, ಪೀಠೋಪಕರಣ ಸಾಲ]ಅರ್ಜಿ ಕನ್ನಡದಲ್ಲೇ ಬರೆಯಿರಿ, ಸಹಿ ಕನ್ನಡದಲ್ಲಿ ಮಾಡಿ. ಸಂಬಂಧ ಪಟ್ಟ ಅಧಿಕಾರಿಯೊಡನೆ ಕನ್ನಡದಲ್ಲೇ ಮಾತನಾಡಿ
೬] ಬ್ಯಾಂಕಿಗೆ ಹಣ ತುಂಬುವ-ಹಣ ತೆಗೆಯುವ ಚಲನ್ನು [ನಮೂನೆ] ಕನ್ನಡದಲ್ಲೇ ಬರೆಯಿರಿ [ಅಂಕಿ ಸಮೇತ]
೭] ಚೆಕ್ಕುಗಳನ್ನು ಕನ್ನಡದಲ್ಲೇ ಬರೆದು ವಿತರಿಸಿ
೮] ಸ್ವಹನೀಯ [ಸ್ವಯಂಚಾಲಿತ ಹಣ ನೀಡುವ ಯಂತ್ರ] ಏಟಿಎಂ ಉಪಯೋಗಿಸುವಾಗ ಕನ್ನಡ ಭಾಷೆಯನ್ನು ಆಯ್ಕೆ ಮಾಡಿಕೊಳ್ಳಿ
೯] ಬ್ಯಾಂಕಿಗೆ ನೀವು ನೀಡುವ ಯಾವುದೇ ದೂರು-ಸಲಹೆಗಳನ್ನು ಕನ್ನಡದಲ್ಲೇ ಬರೆದು ಕೊಡಿ.
೧೦] ನಮಗೆ ಇಂಗ್ಲೀಷ್ ಬರಲ್ಲ ಎನ್ನ ಬೇಕಾಗಿಲ್ಲ! ನಾವು ಕನ್ನಡದಲ್ಲಿ ವ್ಯವಹರಿಸಬಯಸುವೆವೆಂದು ಮನವರಿಕೆ ಮಾಡಿ.

ನಿಮ್ಮ ಪೂರಕ ಓದಿಗಾಗಿ ಕೆಲವು ದಾಖಲೆಗಳನ್ನು ಲಗತ್ತಿಸಿದ್ದೇನೆ.

ಸಮಯಕೊಟ್ಟು ಓದಿ.

ಕನ್ನಡ ಗ್ರಾಹಕನ ಹಕ್ಕಿಗಾಗಿ ನಿಮ್ಮದೂ ಧನಿ ಸೇರಿಸಿ..........ಸೇವೆ ನಿರಾಕರಿಸಿದವರ ವಿರುದ್ಧ ಪ್ರತಿಭಟಿಸಿ, ಸಂಬಧ ಪಟ್ಟ ಇಲಾಖೆ, ಅಧಿಕಾರಿಗಳಿಗೆ ದೂರು ಸಲ್ಲಿಸಿ........

ಇದನ್ನು ಇತರ ಗುಂಪುಗಳಿಗೂ ರವಾನಿಸಿ.

ಚಂ.ಶೇ. ಕಲ್ಯಾಣ ರಾಮನ್,
ಬೆಂಗಳೂರು

-
ವಸಂತ