ಬರವಣಿಗೆ ಕುರಿತಂತೆ ನಿಮ್ಮ ಅಭಿಪ್ರಾಯಕ್ಕೆ ನನ್ನ ಸಮ್ಮತಿ ಇದೆ. ಒಂದು ಬರಹವನ್ನು ನಾವು ಓದುವುದು ಅದರ ಧ್ವನಿಗೆ. ಅದು ಯಾವ ಧ್ವನಿ ಹೊಂದಿರುತ್ತದೆ ಎಂಬುದರ ಮೇಲೆ ಓದುವಿಕೆ ನಿರ್ಧಾರವಾಗುತ್ತದೆ. ಹೀಗಾಗಿ, ಬರವಣಿಗೆಗೂ ವ್ಯಾಕರಣಕ್ಕೂ ಯಾವಾಗಲೂ ಜಗಳ. ವ್ಯಾಕರಣಬದ್ಧವಾಗಿ ಬರೆದರೆ ಅದು ವ್ಯಾಕರಣಗ್ರಂಥಕ್ಕೆ ಆಕರವಾಗಬಹುದೇ ಹೊರತು ಜೀವಂತ ಬರವಣಿಗೆ ಆಗದು. ದುರಂತವೆಂದರೆ, ಮಾಧ್ಯಮದ ಹುದ್ದೆಗಳಿಗೆ ನಡೆಯುವ ಸಂದರ್ಶನ/ಲಿಖಿತ ಪರೀಕ್ಷೆ ಪ್ರೂಫ್‌ರೀಡರ್‌ಗೆ ಇರುವಂಥದು. ವಿಷಯ ಪ್ರಸ್ತುತಿಗಿಂತ ಭಾಷಾ ಶುದ್ಧಿಗೇ ಒತ್ತು ನೀಡಲಾಗುತ್ತದೆ.

ಹೀಗಾಗಿ, ಉತ್ತಮ ಅಭಿವ್ಯಕ್ತಿ ಹೊಂದಿದ್ದರೂ ಎಷ್ಟೋ ಜನ ಕೆಲಸ ಸಿಗದೇ ವಾಪಸಾಗಿದ್ದಾರೆ. ಚೆನ್ನಾಗಿ ಹಾಡಬಲ್ಲವನಾಗಿದ್ದರೂ ಸಂಗೀತ ಅಭ್ಯಾಸ ಆಗಿಲ್ಲ ಎಂಬ ಕಾರಣಕ್ಕೆ ಅವಕಾಶ ನಿರಾಕರಿಸಿದಂತಿದೆ ಇದು. ಇದನ್ನೆಲ್ಲ ನೋಡಿದರೆ, ಮನಮೋಹನ್‌ ಸಿಂಗ್‌ರಂತೆ ನಾವೂ ಚಂದ್ರನತ್ತ ಪರಾರಿಯಾಗುವ ಮನಸ್ಸು ಬರುತ್ತದೆ.

ಒಳ್ಳೆಯ ಕೊಂಡಿ ಕೊಟ್ಟಿದ್ದೀರಿ, ಧನ್ಯವಾದ.

- ಚಾಮರಾಜ ಸವಡಿ
http://chamarajsavadi@blogspot.com