ವಿಂಡೋಸ್ ಸ್ಟಾರ್ಟರ್ ಎಡಿಶನ್ ಕನ್ನಡಕ್ಕೂ ಬರಲಿದೆ. ಇತರೆ ಎಲ್ಲ ಭಾರತೀಯ ಭಾಷೆಗಳಿಗೂ ಬರಲಿದೆ. ಎಲ್ಲರೂ ಮಾಡುವಂತೆ ಮೈಕ್ರೋಸಾಫ್ಟ್‌ನವರು ಕೂಡ ಹಿಂದಿ ನಂತರ ತಮಿಳು ಭಾಷೆಯಿಂದ ಪ್ರಾರಂಭಿಸಿದ್ದಾರೆ ಅಷ್ಟೆ.

ಮೈಕ್ರೋಸಾಫ್ಟ್‌ನಲ್ಲಿ ಕನ್ನಡದ ಕಾರ್ಯಕ್ರಮಗಳು ಹಿಂದೆ ಬೀಳಲು ಸ್ವಲ್ಪ ಮಟ್ಟಿಗೆ ಕನ್ನಡಿಗರು ಮತ್ತು ಕರ್ನಾಟಕ ಸರಕಾರವೇ ಕಾರಣ. ಹಿಂದೊಮ್ಮೆ ಮೈಕ್ರೋಸಾಫ್ಟ್‌ನವರು ಸಮುದಾಯ ಪದಕೋಶ ಮಾಡಿದಾಗ ಕೆಲವೇ ಕೆಲವು ಕನ್ನಡಿಗರು ಅದರಲ್ಲಿ ಭಾಗವಹಿಸಿದ್ದರು. ಮೈಕ್ರೋಸಾಫ್ಟ್‌ನವರು ಸಮುದಾಯ ಪದಕೋಶವನ್ನು ಇತರೆ ಭಾರತೀಯ ಭಾಷೆಗಳಿಗಿಂತ ಮೊದಲು ಕನ್ನಡದಲ್ಲೇ ಪ್ರಾರಂಭಿಸಿದ್ದರು. ಆದರೆ ಕನ್ನಡಿಗರು ಅದರ ಬಗ್ಗೆ ಉದಾಸೀನರಾಗಿದ್ದರು. ಕರ್ನಾಟಕ ಸರಕಾರವು ಮೈಸೂರಿನಲ್ಲಿ ಕುವೆಂಪು ಕನ್ನಡ ತಂತ್ರಾಂಶ ಕೇಂದ್ರ ಸ್ಥಾಪಿಸಿರುವುದಾಗಿ ಘೋಷಿಸಿ ತಮಗೆ ಬೇಕಾದ ಎಲ್ಲ ತಂತ್ರಾಂಶಗಳನ್ನು ಇಲ್ಲೇ ತಯಾರಿಸುವುದಾಗಿ ಘೋಷಿಸಿದರು. ಅದು ಇನ್ನೂ ಕಾಗದದಲ್ಲೇ ನಿದ್ರಿಸುತ್ತಿದೆ. ಮೈಕ್ರೋಸಾಫ್ಟನ್ನು ದೂರ ಇಡಬೇಕೆಂದು ಹಲವರು ಕೂಗು ಎಬ್ಬಿಸಿದರು. ಸದನದಲ್ಲೂ ಅದು ಪ್ರತಿಧ್ವನಿಸಿತು. ಹೀಗಾಗಿ ಮೈಕ್ರೋಸಾಫ್ಟ್‌ನವರೂ ಕನ್ನಡವನ್ನು ಇತರೆ ಭಾರತೀಯ ಭಾಷೆಗಳ ಪಟ್ಟಿಯಲ್ಲಿ ಹಿಂದಕ್ಕೆ ತಳ್ಳಿದ್ದಾರೆ. ಸರಾಕರದ ಕುವೆಂಪು ಕೇಂದ್ರವಂತು ಏನನ್ನೂ ಮಾಡಿಲ್ಲ. ಕನ್ನಡ ತಂತ್ರಾಶ ತಯಾರಿ, ಸೇವೆ ಮೂಲಕ ಬದುಕಬೇಕೆಂದುಕೊಂಡವರು ನೇಣು ಹಾಕಿಕೊಳ್ಳಬೇಕಷ್ಟೆ (ಸಿರಿಗನ್ನಡಂ ಗಲ್ಗೆ, ಗೆಲ್ಗೆ ಅಲ್ಲ ;-( )

ಅಂತೂ ಇಂತೂ ಕನ್ನಡ ಭಾಷೆ ಬಡವಾಗಿಯೇ ಉಳಿಯಿತು.

ಸಿಗೋಣ,
ಪವನಜ
-----------
Vishva Kannada
Think globally, Act locally