ಕರ್ನಾಟಕಕ್ಕೆ ಐ ಐ ಟಿ ಇಲ್ಲ?

ನಮ್ಮ ಕರ್ನಾಟಕ್ಕೆ ಒಂದು ಐ ಐ ಟಿ ಕೊಡಿ ಅಂತ ಕೇಂದ್ರವನ್ನ ಸುಮಾರು ವರ್ಷಗಳಿಂದ ನಮ್ಮ ರಾಜ್ಯ ಸರಕಾರ ಬಾಯಿ ಬಡ್ಕೊತಿದ್ರು ಕೇಂದ್ರ ಮಾತ್ರ ತಣ್ಣಗೆ ನಗುತ್ತಾ ಕೂತಿದೆ.
ಇವತ್ತು ನಮ್ಮ ಭಾರತ ಶೈಕ್ಷಣಿಕ ಕ್ಷೇತ್ರದಲ್ಲಿ ಐ ಐ ಟಿ ಗೆ ತನ್ನದೇ ಆದ ಒಂದು ಸ್ಥಾನವಿದೆ.
ಐ ಐ ಟಿ ಅಂದ್ರೆ ಏನು?
ಇಂಡಿಯನ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನೋಲೋಜಿ (ಐಐಟಿ) ಅನ್ನೋದು ನಮ್ಮ ದೇಶದಲ್ಲಿರೋ ೧೩ ಶಿಕ್ಷಣ ಸಂಸ್ಥೆಗಳ ಒಂದು ಸಮೂಹ. ಇವುಗಳನ್ನ ನಮ್ಮ ಪಾರ್ಲಿಮೆಂಟ್, ದೇಶದ "ಮಹತ್ವದ ಶಿಕ್ಷಣ ಸಂಸ್ಥೆಗಳು" ಎಂದು ಘೋಷಿಸಿದೆ. ಐಐಟಿ ಸ್ಥಾಪನೆಯ ಮೂಲ ಉದ್ದೇಶ ದೇಶದ ಆರ್ಥಿಕ ಮತ್ತು ಸಾಮಾಜಿಕ ಏಳಿಗೆಯನ್ನು ಬಲಪಡಿಸಲು ಬೇಕಾಗಿರುವ ವಿಜ್ಞಾನಿಗಳು ಮತ್ತು ಎಂಜಿನೀಯರಗಳನ್ನು ತಯಾರು ಮಾಡುವುದು.
ಇವತ್ತು ಒಬ್ಬ ವ್ಯಕ್ತಿ ಐಐಟಿ ಯಲ್ಲಿ ಓದಿದಾನೆ ಅಂದ್ರೆ ಬಹಳಷ್ಟು ಜನ ಹೆಮ್ಮೆ ಪಡ್ತಾರೆ.

ಇಂತಹ ಸಂಸ್ಥೆಗಳು ನಮ್ಮ ರಾಜ್ಯದಲ್ಲೂ ಇರೋದು ಬೇಡವೇ? ಇಂತಹುದೇ ಅರ್ಜಿಯೊಂದಿಗೆ ನಮ್ಮ ಶಿಕ್ಷಣ ಸಚಿವರು ಕೇಂದ್ರಕ್ಕೆ ಪತ್ರ ಬರೆದರೆ ಅದರ ಉತ್ತರ: ಕರ್ನಾಟಕದಲ್ಲಿ ಈಗಾಗಲೇ ಐ ಐ ಎಸ್ ಸಿ ಮತ್ತು ಐಐಎಮ ತರಹದ ಸಂಸ್ಥೆಗಳಿವೆ ಹಾಗಾಗಿ ಐಐಟಿ ಮಂಜೂರು ಮಾಡಲು ಸಾಧ್ಯವಿಲ್ಲ ಅಂತ ತಳ್ಳಿ ಹಾಕಿವೆ.

ಒಮ್ಮೆ ಯೋಚಿಸಿ ಇವತ್ತು ಪ್ರಪಂಚದೆಲ್ಲೆಡೆ ಕರ್ನಾಟಕ ಅಂದ್ರೆ ಮಾಹಿತಿ ತಂತ್ರಜ್ಞಾನದ ರಾಜಧಾನಿ ಅಂತಾನೆ ಕರಿತಾರೆ ಇಲ್ಲೂ ಒಂದು ಐಐಟಿ ಯಂತಹ ಶಿಕ್ಷಣ ಸಂಸ್ಥೆ ಬೇಕು ಅಂತ ಅನ್ನಿಸೋಲ್ವಾ? ಸ್ವತಃ ವಿಜ್ಞಾನಿ ಯು.ಆರ್. ರಾವ್ ಕೇಂದ್ರದ ಜೊತೆ ಮಾತಾಡಿದ್ರು ಸಹ ಕೇಂದ್ರಕ್ಕೆ ಇದು ಅರ್ಥ ಆಗ್ತಿಲ್ಲ. ಅಥವಾ ಅರ್ಥ ಆದರು ಯಾಕೆ ಬೇಕು ಅನ್ನೋ ಉದಾಸಿನತೆಯೋ?

ಹಾಗೆ ನೋಡಿದ್ರೆ ಐ ಐ ಎಸ್ ಸಿ ಏನು ಕೇಂದ್ರ ಸರಕಾರ ನೋಡ್ಕೊಳ್ಳಲ್ಲ, ಅದು ಟಾಟಾ ಅವರ ಸ್ವತ್ತು ಮತ್ತು ಅವರ ಆಡಳಿತದಲ್ಲಿ ನಡೆಯುತ್ತದೆ. ಕೇಂದ್ರ ಸರಕಾರ ಕರ್ನಾಟಕಕ್ಕೆ ಅಂತ ಕೊಟ್ಟಿರೋದು ಐಐಎಮ ಮಾತ್ರ.
ಕೇಂದ್ರ ಸರ್ಕಾರದ ಮಲತಾಯಿ ಧೋರಣೆ ಮುಂದುವರಿಯುತ್ತಲೇ ಇದೆ. ಆದ್ರೆ ಕೇಳೋಕೆ ನಮ್ಮ ಸಂಸದರಿಗೆ ಸಮಯ ಇಲ್ಲ, ಇದ್ದೋರಿಗೆ ಈ ಐಐಟಿ ಅಂದ್ರೆ ಏನು ಅಂತ ಗೊತ್ತಿರಲ್ಲ.

ಇದಕ್ಕೂ ಒಂದು ದೊಡ್ಡ ಹೋರಾಟ ಮಾಡೋ ತನಕ ಕೇಂದ್ರ ನಮಗೆ ನೀಡಲ್ಲ ಅಂತ ಅನ್ನಿಸುತ್ತೆ. ಏನಂತೀರ?

• Chetan.Jeeral's blog
• Login or register to post comments
• 397 ಹಿಟ್ಸ್
• ಈ ಪುಟವನ್ನು ಇ-ಮೇಯ್ಲ್ ಮಾಡಿ
• Printer-friendly version
•