ಸಾಹಿತ್ಯ ಕತೆ ಕವನವೂ ಕೂಡ ಬರಹಗಾರನ ಒಳತೋಟಿಯ ಅಭಿವ್ಯಕ್ತಿಯಲ್ಲವೇ. ಆ ಒಳತೋಟಿ ಅವನ ವೈಯಕ್ತಿಕ ಸಮಸ್ಯೆಗಳದ್ದಿರಬಹುದು, ಸಾರ್ವಜನಿಕ ಸಮಸ್ಯೆಗಳದ್ದೂ ಇರಬಹುದು.

> . ಆದ್ರೆ ಕರ್ನಾಟಕ, ಕನ್ನಡಕ್ಕೆ ಸಂಭಂದಿಸಿದಂತೆ ಇಲ್ಲಿ ಯಾವತ್ತು ಒಂದು ಬಿಸಿಯಾದ ಅಥವಾ ಸತ್ವಯುತ ಚರ್ಚೆಯನ್ನು ನಾನು ಸಂಪದ ಓದಲು
> ಶುರು ಮಾಡಿದಾಗಿನಿಂದಲೂ ನಡೆದಿಲ್ಲ.

ನಮ್ಮ ನಮ್ಮಲ್ಲೆ ಬಿಸಿ ಮಾತೇಕೆ? ಬಿಸಿ ತಾಕಬೇಕಾದವರಿಗೆ ತಾಕಿದರೆ ಸಾಕು...

--ಶ್ರೀ

ಸಂಪದ ಬ್ಲಾಗ್ ಅಲ್ಲ. ಸಂಪದ ಒಂದು ಸಮುದಾಯ. ಇದರಲ್ಲಿ ಹಲವು ಬ್ಲಾಗುಗಳಿವೆ.

ವಿ.ಕ.ದಲ್ಲಿ ಬಂದ ಲೇಖನವನ್ನು ನಿಮ್ಮಂತೆಯೇ ಒಬ್ಬರು ನನಗೂ ತೋರಿಸಿದರು. ನಾನೂ ಓದಿದೆ. ಅದರ ಲೇಖಕರು blogspot ನಿಂದ ಹೊರಗೆ ಇರುವ ಯಾವುದೇ ವೆಬ್ಸೈಟಾಗಲಿ, ಬ್ಲಾಗುಗಳನ್ನಾಗಲಿ ನೋಡಿರಲಿಕ್ಕಿಲ್ಲ. ಅವರು ಖಂಡಿತ ಸಂಪದ ನೋಡಿರಲಿಕ್ಕಿಲ್ಲ.

"ಸಂಪದ ಬ್ಲಾಗ್ ನಿಂದ ಕರ್ನಾಟಕಕ್ಕೆ ಏನು ಉಪಯೋಗ?" - ಎಂದು ಇರುವ ಶೀರ್ಷಿಕೆಯೇ Gray ಅನ್ನಿಸುತ್ತಿದೆ. ಸಂಪದಕ್ಕೆ ಎಷ್ಟು ದಿನಗಳಿಂದ ಭೇಟಿಕೊಡುತ್ತಿದ್ದೀರ? ಹೀಗ್ಯಾಕೆ ಬರೆದಿರಿ? ನಿಮ್ಮ ಉದ್ದೇಶ ಏನು?

(ನಿಮ್ಮ ಪ್ರೊಫೈಲ್ ನೋಡಿದರೆ ಉದ್ದಕ್ಕೂ ಇದೇ ರೀತಿಯ ಲೇಖನಗಳನ್ನು ಬರೆದ ಹಾಗಿದೆ)
--
ನನ್ನ ಬ್ಲಾಗ್:
ಪರಿವೇಶಣ | PariveshaNa

ಬ್ಲಾಗ ಬರೆಯೋದು, ಅವರವರ ಹವ್ಯಾಸ, ಇಶ್ಟದ ಸಂಗತಿ. ಬರೆಯೋರು ಏನಾರ ಬರ್ಕಬೌದು.....

ಇನ್ನು "ಸಂಪದ" ದಲ್ಲಿ ಬರಿಯೋದು-ಓದೋದರಿಂದ ಏಶ್ಟೋ ವಿಶ್ಯಗಳನ್ನ ಹಂಚ್ಕಬೌದು, ತಿಳ್ಕಾಬೌದು ಅಂತ ನನ್ನ ಅನಿಸಿಕೆ.. (ಇಂತದು ನನಗಿನ್ನೊಂದು ಗೊತ್ತಿಲ್ಲಾ....)

ಎಲ್ಲಾ ಕೆಲ್ಸದಾಗ ಉಪಯೋಗ ಹುಡುಕೋದು ದಡ್ಡತನ...

"ಇಷ್ಟು ಜನ ಇದ್ರೂ ನಮ್ಮ ನಾಡು ಕಟ್ಟಲು ಸಹಾಯಕ ವಾಗುವಂತಹ ಯಾವುದೇ ನಡೆಗಳಿಲ್ಲ ಅಂದ್ರೆ ಮನಸ್ಸಿಗೆ ಬೇಜಾರಾಗುತ್ತೆ."

ಹೇಳ್ರೀ, ನಾಡು ಕಟ್ಟಲು ತಾವು ಎಲ್ಲೆಲ್ಲಿ - ಎಶ್ಟೆಟ್ಟು, ತಮ್ಮ ರಕ್ತ-ಬೆವರು ಅದು-ಇದು ಸುರಿಸ್ತಾ ಇದೀರಿ ಅಂತಾ..?

ಚೇತನ್,
ಬಹುಷಃ ನೀವು ಇತ್ತೀಚಿಗೆ ನಡೆದ ಗ್ನೂ/ಲಿನಕ್ಸ್ ಹಬ್ಬದ ಯಶಸ್ಸಿನ ಬಗ್ಗೆ ಕೇಳಿರಬಹುದು. ಇದು ಸಾಧ್ಯವಾಗಿದ್ದು ಕೇವಲ ಸಂಪದ ಎಂಬ ಈ ಸಮುದಾಯದಿಂದಲೆ ಹಾಗು ಇದರ ಹೆಚ್ಚಿನ ಪ್ರಯೋಜನ ಪಡೆದವರು ಕನ್ನಡದವರು. ಗಣಕದಲ್ಲಿ ಕನ್ನಡವನ್ನು ಹೇಗೆ ಬಳಸಬೇಕು ಮತ್ತು ಅಲ್ಲಿ ಎದುರಾಗುವ ತೊಂದರೆಗಳಿಗೆ ಪರಿಹಾರ ಹೇಗೆ ಹುಡುಕಬೇಕು ಎಂಬೆಲ್ಲಾ ಪ್ರಶ್ನೆಗೆ ಈ ಹಬ್ಬದ ಮಂದಿ ಉತ್ತರ ಒದಗಿಸಿದ್ದಾರೆ. ಕೇಳಿದವರಿಗೆಲ್ಲ ಉಚಿತವಾಗಿ ಲಿನಕ್ಸಿನ ಸೀಡಿಯನ್ನು ಒದಗಿಸಿದ್ದಾರೆ. ಬಹುಷಃ ಸಂಪದಂತಹ ವೇದಿಕೆ ಇಲ್ಲದೆ ಹೋಗಿದ್ದಲ್ಲಿ ಇದು ಸಾಧ್ಯವಾಗುತ್ತಿರಲಿಲ್ಲವೇನೋ!.
ಅಶೋಕ್ ಅವರು ಬರೆಯುವ ತಂತ್ರಜ್ಞಾನ ಸಂಬಂಧಿ ಲೇಖನಗಳಿಂದ, ಓಂ ಶಿವು, ಅರವಿಂದರ ಓಪನ್‌ಸೋರ್ಸ್ ತಂತ್ರಾಂಶ ಸಂಬಂಧಿತ ಲೇಖನಗಳಿಂದಅಲ್ಲದೆ ಸದ್ಯದಲ್ಲೆ ಆರಂಭಗೊಳ್ಳಲಿರುವ ಟೆಕ್‌ಸಂಪದದಿಂದ ಕನ್ನಡಿಗರಿಗೆ ತಾನೆ ಪ್ರಯೋಜನವಾಗುವುದು!?
ಇಂಗ್ಲೀಷಿನಲ್ಲಿದ್ದ ಫೈರ್ಫಾರ್ಕ್ಸ್, ಲಿನಕ್ಸಿನಂತಹ ಓಪನ್ ಸೋರ್ಸ್ ತಂತ್ರಾಂಶಗಳು ಕನ್ನಡಕ್ಕೆ ಅನುವಾದಗೊಳ್ಳಲೂ ಸಹ ಸಂಪದದ ಕಾಣಿಕೆ ಇದೆ.
ಬ್ಲಾಗುಗಳು ನಮ್ಮ ಒಳಗಿನ ಭಾವನೆಗಳನ್ನು ಅಭಿವ್ಯಕ್ತಿಗಳ ಹೊರ ಹರಿವಿಗೆ ಮಾರ್ಗವಾಗಿದೆ ಅಷ್ಟೆ. ಅದು ಒಂದು ಮನರಂಜನೆಯ ವಿಧ ಅಷ್ಟೆ.
ಅಂದ ಹಾಗೆ ನೀವು ಹೇಳುವಂತೆ ಕೇವಲ ಕಿಡಿಯುಗುಳುವ ಚರ್ಚೆಗಳಿಂದ ಏನೂ ಸಹ ಆಗುವುದಿಲ್ಲ. ಬದಲಿಗೆ ಸರಿಯಾದ ದಿಕ್ಕಿನಲ್ಲಿ ಎಲ್ಲರೂ ಒಟ್ಟಿಗೆ ಕಾರ್ಯಪ್ರವೃತ್ತರಾಗಬೇಕಿಷ್ಟೆ.

ನಮಸ್ಕಾರ ಚೇತನ್,

ನಿಮ್ಮ ಬರಹದಲ್ಲಿ ನಾನು ಕಂಡಿದ್ದು, ಸಂಪದದಲ್ಲಿರುವ ಕನ್ನಡದ ಯುವ ಶಕ್ತಿ ಕಲೆ, ಸಾಹಿತ್ಯದ ಜೊತೆ ನಾಡಿನ ಅಭಿವ್ರುದ್ಧಿಯಲ್ಲಿ ಇನ್ನಷ್ಟು ಕೆಲಸ ಮಾಡಬೇಕು ಅನ್ನೊ ಭಾವನೆ. ತಪ್ಪಿಲ್ಲ. ಸಮಾಜದಲ್ಲಿ ಬುದ್ಧಿವಂತರು, ದೇಶ ವಿದೇಶ ಸುತ್ತಿರೊರು ಅನ್ನಿಸ್ಕೊಂಡಿರೊ ಕನ್ನಡಿಗರು ಸಂಪದದಲ್ಲಿ ತುಂಬಾ ಜನ ಇದ್ದಾರೆ, ಅವರಿಂದ ಸಾಹಿತ್ಯ, ಸಂಗೀತದ ಜೊತೆ ಈ ನಾಡು ಸಾಗಬೇಕಾದ ಹಾದಿಲಿ ಇನ್ನಷ್ಟು ಇನವಾಲ್ವ್ ಆಗಬೇಕು ಅನ್ನೊದು ನಿಮ್ಮ ಅನಿಸಿಕೆ ಅಂತ ನನಗನಿಸಿತು.

ಸಂಪದ ದಲ್ಲಿ ಆಗ್ತಿರೋ ಕೆಲ್ಸದ ಬಗ್ಗೆನೂ ಇಲ್ಲಿ ಹೇಳಲೇಬೇಕು. ಮೊದಲಿಗೆ,, ಅಂತರ್ಜಾಲದಲ್ಲಿ ಕನ್ನಡದ ಬಳಕೆ ಹೆಚ್ಚೊಕ್ಕೆ ಸಂಪದದ ಕೊಡುಗೆ ಕಮ್ಮಿ ಇಲ್ಲ. ಅದು ವಿಕಿಪಿಡಿಯಾ ಇರಲಿ, ಗೂಗಲ್, ಫೈರಫಾಕ್ಸ್ ಬ್ರೌಸರ್ ಕನ್ನಡದಲ್ಲಿ ತಂದಿದ್ದು ಇರಲಿ,, ಇಲ್ಲ ಲಿನಕ್ಸ್, ಲಿನಕ್ಸ್ ನಲ್ಲಿ ಕನ್ನಡದ ಬಳಕೆ ಬಗ್ಗೆ ಜಾಗ್ರುತಿ ತರೋದು ಇರಲಿ,, ಸಂಪದ ಮುಂಚುಣಿಯಲ್ಲಿ ನಿಂತು ಕೆಲ್ಸ ಮಾಡಿದೆ. ಇಲ್ಲಿರುವ ಉತ್ಸಾಹಿ ಟೆಕ್ಕಿಗಳಿಂದಲೇ ನಾಳೆ ದಿನ ಕನ್ನಡ ಒಂದು ಅನ್ನ ಕೊಡೊ ಭಾಷೆ ಆಗಿ ಬದಲಾಗೋ ದಿನ ಬರಬಹುದು.

ಚರ್ಚೆ, ಲೇಖನ, ಬ್ಲಾಗ್ ಹೀಗೆ ಪ್ರತಿಯೊಂದನ್ನು ಒಂದೇ ಸೂರಿನಡಿ ಕೊಡೊ ಮುಲಕ ಸಂಪದ ಮಾಡಿರೋ ಕೆಲ್ಸ ತುಂಬಾ ದೊಡ್ಡ ಕೆಲ್ಸ ಅನ್ನೋದ್ರ ಬಗ್ಗೆ ಯಾವ ಸಂಶಯಾನು ಇಲ್ಲ. ಅಕ್ಷರದಿಂದ ವಿಮುಖನಾಗ್ತಿದ್ದ ಐ.ಟಿ ಕನ್ನಡಿಗನಿಗೆ ಮತ್ತೆ ಕನ್ನಡ ಓದೋ, ಬರೆಯೋ ಗೀಳು ಹಚ್ಚಿರೋದ್ರಲ್ಲಿ ಸಂಪದದ ಕೊಡುಗೆಯು ತುಂಬಾ ಇದೆ.

ಸಂಪದ ಹೀಗೆ ಮುಂದುವರಿಲಿ,, ಉತ್ಸಾಹಿ, ಸ್ವಾಭಿಮಾನಿ ಕನ್ನಡಿಗರು ಇನ್ನಷ್ಟು ಇಲ್ಲಿ ಬರಲಿ,, ಎಲ್ಲ ಸೇರಿ ಕನ್ನಡ ಒಂದು ಅನ್ನ ಕೊಡೊ ಭಾಷೆಯತ್ತ ಕೆಲ್ಸ ಮಾಡೋಣ.

ನನ್ನಿ
-
ವಸಂತ