ಭೈರಪ್ಪ, ಚಂಪಾ, ಎಲ್.ಎಸ್.ಎಸ್, ವಿಜಯ ಕರ್ನಾಟಕ, ಸಂಘ ಪರಿವಾರ, ಚಿದಾನಂದಮೂರ್ತಿ, ಬದ್ಧ ಓದುಗ ವರ್ಗ, ಇಸ್ಲಾಂ ಮೂಲಭೂತವಾದಿ, ಸಂಘ ಪರಿವಾರದ ಶಾಖೆಗಳ ಸಹಕಾರ, ಸಾಂಸ್ಕೃತಿಕ ರಾಜಕೀಯ ಮತ್ತು..ಮತ್ತು...ಮತ್ತು.... ಅಬ್ಬಬ್ಬಾ ..ಇಷ್ಟೇ ಸಾಕಾ ಅಥವಾ ಇನ್ನೂ ಬೇಕಾ? ಒಂದೆ ಕಲ್ಲಿನಿಂದ ತಾವು ಎಷ್ಟೊಂದು ಹಕ್ಕಿಗಳನ್ನು ಹೊಡೆಯಬೇಕಂತಿದ್ದೀರಿ? ಯಾಕೋ ನೀವು ಏನು ಹೇಳಬೇಕಂತಿದ್ದಿರೋ ಅದನ್ನ ಸ್ವಲ್ಪ ಚುಟುಕಾಗಿ ಹೇಳಿದ್ರೆ ಓದುಗರಿಗೆ confuse ಅಗ್ತೀರಲಿಲ್ಲ ಅನ್ಸುತ್ತೆ.

quote ಹಿಂದೂಗಳಲ್ಲಿ ವೀರ್ಯವಂತಿಕೆಯನ್ನು ಸಾಧಿಸಲು 'ಅಶ್ವಮೇಧ ಯಾಗ'ವೊಂದು ಜರೂರಾಗಿ ನಡೆಯಬೇಕಿದೆ. ಅದರ ಪೂರ್ವ ಸಿದ್ಧತೆಗಳಾಗಿ ಈ 'ಸಾರ್ಥ' ಈ 'ಆವರಣ' ಇತ್ಯಾದಿ ವೀರ್ಯಪ್ರಚೋದಕಗಳು! quote

ಸ್ವಾಮಿ, ತಮಗೆ ಆವರಣದ ಮೇಲೆ ಮತ್ತು ಭೈರಪ್ಪನವರ ಮೇಲೆ ಅಗಾಧವಾದ ಸಿಟ್ಟಿದೆ ಅಂದು ಒಪ್ಪಿದೆ. ಅದು ಲೇಖನದಲ್ಲಿ ಪ್ರತಿ ಸಾಲಿನಲ್ಲಿ ವ್ಯಕ್ತವಾಗಿದೆ. ಆದರೆ ತಾವು ಉಪಯೋಗಿಸಿದ ಭಾಷೆಯ ಬಗ್ಗೆ ಸ್ವಲ್ಪ ಗಮನ ಹರಿಸಬೇಕು ಅನ್ನಿಸೋದಿಲ್ವಾ?

ಕೆಲವು ದಿನಗಳ ಹಿಂದೆ, ಸಂಪದದಲ್ಲಿ ಟ್ಯಾಬ್ಲಾಯ್ಡ್ ಪತ್ರಿಕೋದ್ಯಮದ ಬಗ್ಗೆ ಚರ್ಚಿಸಿದ್ದೆವು. ಈ ಲೇಖನ ಟ್ಯಾಬ್ಲಾಯ್ಡಗಳಿಗೆ ಹೇಳಿ ಬರೆಸಿದಂತಿದೆ ಎಂದು ನನ್ನ ಅಭಿಪ್ರಾಯ!

ಸತ್ಯ ಯಾವಾಗಲು ಕಹಿಯಾಗಿರುತ್ತ೦ತೆ. ಇಷ್ಟೇ ಸಾಕು ಈ ಬರಹಕ್ಕೆ ಪ್ರತಿಕ್ರಿಯೆ.
ಇವತ್ತು ಸತ್ಯವನ್ನ ಹೇಳಿದ್ದಕ್ಕೆ ನಮ್ಮ ರಾಷ್ಟ್ರಪತಿ ಸ್ಥಾನದ ಆಕಾ೦ಕ್ಷಿ ಪ್ರತಿಬಾ ಪಾಟೀಲರ ಗತಿಯೂ ಬೈರಪ್ಪನವರ ಸ್ಥಿತಿಯ೦ತಾಗಿದೆ. ಈ ವಾರ್ತೆ ಲೇಖನಕ್ಕೆ ಈ ಕೊ೦ಡಿಯಲ್ಲಿ ಓದಿ ನೋಡಿ.
http://www.ibnlive.com/news/india/06_2007/patil-veiled-under-a-controver...

ಬಹುಶಃ ಆವರಣ ಕುರಿತಂತೆ ಆರೋಗ್ಯಪೂರ್ಣ ಚರ್ಚೆ ಇನ್ನುಮುಂದೆ ಅಸಾಧ್ಯವೇನೋ ಎನಿಸುತ್ತಿದೆ. ಅನಂತಮೂರ್ತಿ ಅವರಾಗಲಿ, ಡಿ.ಎಸ್. ನಾಗಭೂಷಣ ಅವರಾಗಲಿ ನೇರವಾಗಿ ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ. ಅದಕ್ಕೆ ಪ್ರತಿಕ್ರಿಯೆ ನೀಡುವ ಮುಖರಹಿತರ ಮಾತುಗಳನ್ನು, ನಂಜಿನ ಪ್ರತಿಕ್ರಿಯೆಗಳನ್ನು ಹೇಗೆ ಸ್ವೀಕರಿಸಬೇಕೋ ತಿಳಿಯುತ್ತಿಲ್ಲ.
ಭೈರಪ್ಪನವರ ಕಸುಬುದಾರಿಕೆಯನ್ನು ಮೆಚ್ಚುವವರು, ಅನಂತಮೂರ್ತಿಯವರ ಕಥೆಗಾರಿಕೆಯನ್ನು ಇಷ್ಟಪಡುವವರು ಒಬ್ಬರಲ್ಲೇ ಇರಲು ಸಾಧ್ಯವಿಲ್ಲ ಎಂಬ ಪರಿಸ್ಥಿತಿ ಉಂಟಾಗಿದೆ.
ಒಂದೊಂದೆ ಪದ-ವಾಕ್ಯ ಹಿಡಿದು ಜಗ್ಗಾಡಿ, ಅದಕ್ಕೆ ಪೂರಕವಾಗಿರುವ ಅಕ್ಕಪಕ್ಕದ ವಾಕ್ಯಗಳನ್ನು ಬಿಟ್ಟು ಟೀಕಿಸುವ ಮಾದರಿ ಯಾರಿಗೆ ಸರಿ?
ಸ್ವತಃ ಅನಂತಮೂರ್ತಿ ಅವರೇ ಗೃಹಭಂಗ ಕಾದಂಬರಿ ಮೆಚ್ಚಿದ್ದರು. ಸಾರ್ಥ, ಅವರಣವನ್ನು ಟೀಕಿಸಿದ್ದರು. ಭೈರಪ್ಪ ಅವರನ್ನು ಸಿದ್ಧಾಂತಗಳನ್ನು ಇಷ್ಟಪಡದ ಎಷ್ಟೋ ಜನರಿಗೆ ಈ ಟೀವಿಯಲ್ಲಿ ಬಂದ ಗೃಹಭಂಗ ಧಾರವಾಹಿ ಇಷ್ಟವಾಗದೆ ಉಳಿಯಲಿಲ್ಲ.
ಅನಂತಮೂರ್ತಿ ಅವರ ಬರಹಕ್ಕೂ ಸಾವಿರ ಟೀಕೆಗಳು ಬಂದಿವೆ. ಆದರೆ ಅವರ ಸೂರ್ಯನ ಕುದುರೆ ಕಥೆಯನ್ನು ಇಷ್ಟಪಡದವರು ಯಾರಾದರೂ ಇದ್ದರೆ ಹೇಳಿ?
ಇಂಥ ಸೂಕ್ಷ್ಮತೆಗಳು ಅರಿವಿಗೆ ಬರಬೇಕು. ಇಲ್ಲದಿದ್ದರೆ ಬದುಕು ದ್ವೇಷದ ಗೂಡಾಗುತ್ತದೆ.
ನಮ್ಮ ಅಭಿಪ್ರಾಯಗಳು ಏನೇ ಇರಲಿ. ಬೇರೆಯವರ ಅಭಿಪ್ರಾಯವನ್ನು ಗೌರವಿಸುವ ಸೌಜನ್ಯ ಈಗ ಹೊರಟುಹೋಗಿದೆ.
ಸಂಪದ ಬಳಗದ ಸದಸ್ಯರಲ್ಲಿ ಒಂದು ಮನವಿ......
ಇನ್ನು ಮುಂದೆ ಸಂಪದದಲ್ಲಿ ಆವರಣದ ಬಗ್ಗೆ ಬರಹಗಳು ಬಾರದಿರಲಿ. ನಂಜಿನ ಪ್ರತಿಕ್ರಿಯೆ ವ್ಯಕ್ತಪಡಿಸುವವರಿಗೆ ಮತ್ತೊಂದು ಅವಕಾಶ ದೊರೆಯದಿರಲಿ.

ಹೊನ್ನಾಳಿ ಚಂದ್ರಶೇಖರ್

ನಾಗಭೂಷಣರವರೇ,
"ಆವರಣ " ಕಾದಂಬರಿ ರಾಜಕೀಯ ಕಾರ್ಯಕ್ರಮ ಮಾಡಬಯಸುವವರಿಗೊಂದು ಚಾರ್ಚಾವೇದಿಕೆಯಾಗಿದೆ ಎಂಬುದನ್ನಂತೂ ಸರಿಯಾಗಿಯೆ ಗುರುತಿಸಿದ್ದೀರಿ. ವಸ್ತು ನಿಷ್ಠೆಯುಳ್ಳ ವಿಮರ್ಶೆಗೆ ಬದಲು ವ್ಯಕ್ತಿಗತ ಪರ- ವಿರೋಧ ಪಕ್ಷಗಳ ರಾಜಕೀಯ ಕನ್ನಡ ಸಾರಸ್ವತ ಲೋಕದಲ್ಲಿ ನಡೆಯುತ್ತಿರುವುದನ್ನು ಕಾಣುತ್ತಿರುವುದು ಕನ್ನಡಿಗರ ದುರಾದೃಷ್ಟವೆಂದೇ ಹೇಳಬೇಕು.

ವರದಿಗಾರರು ಯಾರೇ ಇರಲಿ ಸ್ವಾಮಿ, ಜವಾಬ್ದಾರಿಯುತ ಸ್ಥಾನದಲ್ಲಿರುವಂಥವರು ವೇದಿಕೆಯಲ್ಲಿ ಹೇಳಿದುದನ್ನಷ್ಟೇ ಅವರು ವರದಿ ಮಾಡುತ್ತಾರೆ. ತರಬೇತಿ ಇಲ್ಲದ ಹೊಸ ವರದಿಗಾರಂತೂ ಗಣ್ಯಾತಿಗಣ್ಯರೆನಿಸಿಕೊಂಡವರು ವೇದಿಕೆಯಲ್ಲಿ ಹೇಳಿದುದನ್ನು ತಿರುಚಿ ಬರೆಯಲಿಕ್ಕೆ ಖಂಡಿತ ಹೋಗಲಾರರಲ್ಲ.

ಭೈರಪ್ಪನವರು ಬರೆದಿರುವ "ಆವರಣ" ಕಾದಂಬರಿಯೇ ಅಲ್ಲ ಅಂತ ಅನಂತ ಮೂರ್ತಿಯವರಿಗೆ ಅನ್ನಿಸಿದ್ದರೆ, 'ಆವರಣ ಎಂಬದದೊಂದು ಕಾದಂಬರಿಯೇ ಅಲ್ಲ' ಎನ್ನುವುದಕ್ಕೂ ಅವರು ಕಾದಂಬರಿಕಾರರೇ ಅಲ್ಲ ಅಥವಾ ಅವರಿಗೆ ಕಾದಂಬರಿ ಬರೆಯಲ್ಲು ಗೊತ್ತಿಲ್ಲ ಎನ್ನುವುದಕ್ಕೂ ಬಹಳ ಅಂತರವಿದೆ ಎಂಬುದು ನಿಮಗೇಕೇ ಹೊಳೆಯಲಿಲ್ಲವೋ...

-ಎಂದಿದ್ದೀರಿ. ನನಗನ್ನಿಸುತ್ತಿದೆ. ಅನಂತ ಮೂರ್ತಿ, ಬಂಜೆಗೆರೆ ಜೈಪ್ರಕಾಶ್ ಇಂಥವರ ಅಪಾಯಕಾರಿ ಹೇಳಿಕೆಗಳನ್ನೂ ನೋಡಿದರೆ,ನಮ್ಮ ಧರ್ಮವೇ ಬೇರೆಲ್ಲ ಧರ್ಮಗಳಿಗಿಂತ ಒಳಗೊಳಗೇ ಸಿಕ್ಕಿ ಇಂಥವರ ವಿಪರೀತಾರ್ಥವಾದ ವಿರೋಧಾಭಾಸವಾದ ಹೇಳಿಕೆಗಳಲ್ಲಿ ನಮ್ಮನಮ್ಮೊಳಗೇ ವಿಷ ಬೀಜ ಬಿತ್ತುವಂತಾಗಿದೆ ಎನಿಸುತ್ತದೆಯಲ್ಲ...!
ನಿಮ್ಮ ಮಾತುಗಳಲ್ಲೇ ಹೇಳಬೇಕೆಂದರೆ- ಸೂಕ್ಷ್ಮ ಸಾಹಿತ್ಯ ಚಿಂತನೆ ಅಥವಾ ಚರ್ಚೆಗೆ ಚಾಲನೆ ನೀಡುವ ಮುನ್ನ ಎರಡು ಬಾರಿ ಯೋಚಿಸಿ ಮಾತುಗಳನ್ನಾಡುವುದನ್ನು ಅತ್ಯುನ್ನತ ಜವಾಬ್ದಾರಿಯುತ ಸ್ಥಾನದಲ್ಲಿರುವವರು ಮಾತುಗಳನ್ನಾಡುವ ಮುನ್ನ ಇತರರಿಗಿಂತಲೂ ಹೆಚ್ಚು ಎಚ್ಚರದಿಂದ ಇರಬೇಕಾಗುತ್ತದಲ್ಲವೇ.... ಯಾಕೆಂದರೆ,ನಮ್ಮ ಧರ್ಮ ಮತ್ತು ಸಂಸ್ಕೃತಿಯ ಬಗ್ಗೆಯಾಗಲಿ, ಸಾಹಿತ್ಯದ ಬಗ್ಗೆಯಾಗಲಿ ಅನಂತಮೂರ್ತಿಯವರ ಹೇಳಿಕೆಗಳು ಯಾವಾಗಲೂ ವಿವೇಕಯುತವಲ್ಲದೇ ವಿವಾದಾಸ್ಪದವಾಗಿಯೆ ಇರುತ್ತವೆಂಬುದನ್ನು ಬಹಳ ಹಿಂದಿನಿಂದಲೂ ಗಮನಿಸಿದ್ದೇನೆ. ಇದಕ್ಕೆ ಪುರಾವೆ ಬೇಕೆಂದರೆ-
ನನ್ನ ಲೇಖನ ಇಲ್ಲಿದೆ ನೋಡಿಇದೇ ನಮ್ಮ ನಾಡು..ಇವೇನಮ್ಮನುಡಿಗಳು....?!!

ಇನ್ನು ವಸ್ತುನಿಷ್ಠೆಗಿಂತಲೂ ಕನ್ನಡ ಸಾರಸ್ವತಲೋಕದಲ್ಲಿ ರಾಜಕೀಯ, ಗುಂಪುಗಾರಿಕೆ ಬೆಳೆಯುತ್ತಿರುವುದು ಹಿತಕರವಲ್ಲವೆಂಬುದನ್ನು ಎಲ್ಲರೂ ಗಾಢವಾಗಿ ಚಿಂತಿಸಬೇಕಿದೆ. ಅಂತಹ ವಸ್ತು ನಿಷ್ಠಚಿಂತನೆಗೆ ಕಾಲವಿದಾಗಿದೆ ಎಂಬುದನ್ನಂತೂ ತಿಳಿಸಿಕೊಟ್ಟಿರುವ ಕಾದಂಬರಿ "ಆವರಣ". ಅದು ಈ ರೀತಿಯಾಗಿ ಎಲ್ಲರ ಒಳ ಹೊರಗನ್ನು ಅನಾವರಣ ಮಾಡುತ್ತಿರುವುದಂತೂ ಖಂಡಿತ ಸ್ವಾಗತಾರ್ಹವೇ ಸರಿ.

-ಎಚ್.ಶಿವರಾಂ