ನೆನಪಿನ ಬುತ್ತಿಯಿಂದ ಒಂದಷ್ಟು-೨ :)

ರಾತ್ರಿ ಊಟಕ್ಕೆ ಅದೇ ಮಾಡಿದ್ರೋ ಹೇಗೆ ಅಕ್ಕ :D :D

ಚೆನ್ನಾಗಿದೆ ಜಿರ್ಲೆ ಪುರಾಣ,, ನಮಗೆ ಜಿರಳೆ, ಕಪ್ಪೆ ಯಾವ್ದೂ ಕತ್ತರಿಸಲಿಕ್ಕೆ ಹೇಳಲಿಲ್ಲ..
ಆದ್ರೆ ಚಿಕ್ಕವನಿರ್ಬೇಕಾದ್ರೆ ನಾನೇ ಬೇಕಾದಷ್ಟು ಕತ್ತರಿಸಿದೀನಿ.. ಅದ್ರ ಸ್ಕೆಲಿಟನ್ ಹೆಂಗಿರತ್ತೆ ನೋಡೋಣ ಅಂತ,, ಅದೂ ಅಲ್ದೇ ಕೊಂದು, ಹೂತು ವಾರ ವಾರ ನೋಡ್ತಾ ಇದ್ದೆ ಅಸ್ತಿಪಂಜರ ಕಾಣಿಸುತ್ತಾ ಅಂತ. ಹೈಸ್ಕೂಲಿಗೆ ಹೋದಮೇಲೆ ಗೊತ್ತಾಯ್ತು ಅದಕ್ಕೆ ಸ್ಕೆಲಿಟನ್ ಹೊರಗಡೆ ಇರೋದು ಅಂತ :)

ಇಂದು ಮಧ್ಯಾಹ್ನ ಮನೆಯ ಕಾಂಪೌಂಡ್ ಗೋಡೆಯ ಮೇಲೆ ಒಂದು ಪುಟ್ಟ ಜಿರಳೆ ಕಾಣಿಸಿತು.
ತಕ್ಷಣ ಕೋಣೆಯಿಂದ ಕ್ಯಾಮೆರಾ ತೆಗೆದುಕೊಂಡು ಬಂದು ಜಿರಳೆಯ ಚಿತ್ರಗಳನ್ನು ಸೆರೆಹಿಡಿದೆ.
ಒಂದು ಚಿತ್ರ ಇಲ್ಲಿದೆ.

ಅಂದಹಾಗೆ, ಜಿರಳೆ ಪುರಾಣ ಚೆನ್ನಾಗಿದೆ.

-ಅನಿಲ್

ಅಪ್ಜಿರ್ಳೆ: (ಮರಿಜಿರ್ಳೆಗೆ) ಏಯ್, ಎಲ್ಲಿಗ್ ಹೊರ್ಟೆ?
ಮರಿಜಿರ್ಳೆ: ಇಲ್ಲೇ, ಬಾತ್ರೂಮ್ಕಡೆಗೆ. ಟೂತ್ಬ್ರಶಿನ್ಸಂದಿಲಿ ಇರೋದನ್ನ ತಿಂದ್ಬರ್ತೀನಿ.
ಅಮ್ಜಿರ್ಳೆ: ಏನೂ ಬೇಡ. ತೆಪ್ಗಿರು. ಕತ್ಲೆ ಆಯ್ತು. ಮೊದ್ಲೇ ಜನ ಸರಿ ಇಲ್ಲ ಈಗ. ಏನೇನೋ ಬಳ್ಸ್ತಾರೆ ಬೇಗಾನು/ಮಾರ್ಟೀನು ಅಂತ.
ತಮ್ಜಿರ್ಳೆ: ಅಣ್ಣಾ ಅಣ್ಣ ನಾನೂ ಬರ್ತೀನಿ.
ಮರಿಜಿರ್ಳೆ: ಏನಿಂದೊಳ್ಳೆ. ಸುಮ್ನಿರು. ನಂಗೇ ಹೋಗೋಕ್ಬಿಡ್ತಿಲ್ಲಾ ನೀನ್ಬೇರೆ. ಮಲ್ಕಾಹೋಗ್ಸಾಕ್ ...

ಮರಿಜಿರ್ಳೆ ಮುಂಡೇದು ಭಾಳ ಅಡ್ವೆಂಚರಸ್ಜೀವ. ಏನ್ಹೇಳ್ದ್ರೂ ಕೇಳ್ಲಿಲ್ಲಾ. ನೋಡ್ತು ಅಪ್ಜಿರ್ಳೆ,ಅಮ್ಜಿರ್ಳೆ,ತಮ್ಜಿರ್ಳೆ ಎಲ್ಲಾ ಸೌಂಡ್ಸ್ಲೀಪಲ್ಲಿದಾವೆ /* ಜಿರ್ಳೆ ಗೊರ್ಕೆ ಹೆಂಗೆ ಹೊಡ್ಯೋದು :) */ ಸರಿ ಹೊರ್ಡ್ತು.
(ಮರಿಜಿರ್ಳೆ ತಲೇಲಿ ಬರ್ತಿರೋ ಯೋಚ್ನೆಗ್ಳು): {ಸಂದಿ ಮೂಲೆ, ಎರ್ಡ್ಲೆಫ್ಟು ಒಂದ್ರೈಟು ಸ್ವಲ್ಪ ಮುಂದೆ ಪೈಪಿಂದ ಹೊರ್ಗೆ. ಬಂತು. ಟಡಾ! ಬಚ್ಲುಮನೇ! ಸರ್ಚ್ಮೋಡ್ ಆನ್, ಎಲ್ಲಿ ಬ್ರಷ್ಷು ಎಲ್ಲಿ ... ಹ್ಮ್ಮ್ ... ಅಯ್ಯ್ ಏನಿನ್ನೂ ಬೆಳ್ಕಿದೆ! ಅಯ್ಯೋ ,, ಯಾರೋ ಇದಾರೆ! ಎಸ್ಕೇಪೋಯೆಸ್ಕೇಪ್! ಓಡುಮಗಾಓಡು!‌ಭಾಗೋ! ರನ್ಫಾರ್ಯುವರ್ಲೈಫು! ಊಹೂ! ಏನೂ ಪ್ರಯೋಜ್ನ ಇಲ್ಲ. ಕವರಲ್ಲಾಕ್ಬುಟ್ರು. ಸಿಗಾಕ್ಕಂಡೆ, ಛೆ! ಹೆಂಗ್ತಪ್ಸ್ಕೊಳೋದು? ಏನ್ಕರ್ಮಾನೋ , ಎಲ್ಲಾ ಬಿಟ್ಟು ಈ ಮಾರಾಯ್ತಿ ನನ್ಹಿಡ್ಕೊಂಡ್ಬಿಟ್ಲಲ್ಲಾ!‌ನಾನೇ ಸಿಗ್ಬೇಕಿತ್ತಾ ಇವ್ಳ್ಕೈಗೆ! ಏನ್ಮಾಡ್ತಾರೋ ನಂಗೆ! ಹಾಳಾಘೋಗ್ಲಿ, ಈಗ್ಸದ್ಯಕ್ಕೆ ನಿದ್ದೆ ಮಾಡಣ.} /* ಮಲ್ಕೊತು ಮರಿಜಿರ್ಳೆ */

/* ವೇಕಿ ವೇಕಿ , ರೈಸೆಂಡ್ಶೈನಿಂಗ್! ಮರಿಜಿರ್ಳೆ ಕಣ್ಬಿಡ್ತು */ ಇನ್ನೂ ಆ ಟೆಂಟಲ್ಲೇ ಇದೀನಿ. ಏನಾದ್ರು ಎಸ್ಕೇಪ್ದಾರಿ ಇದ್ಯಾ ನೋಡಣ.
/* ಅಲ್ಲಿ ಇಲ್ಲಿ ಸ್ವಲ್ಪ ಓಡಾಡ್ತು. */

ಥೋಪೇಕ್! ಠಪಾಕ್! ಥಪಿಲ್! ಥಿಪ್ಥಪ್ಥಪಾಶ್! ಧಪ್ಧಡಪ್ಧಡೂಪ್!
ಮರಿಜಿರ್ಳೆ: ಅಯ್! ಇದೊಳ್ಳೇ ! ಸುಮ್ಸುಮ್ನೇ ಚಚ್ತಾರಲ್ಲಪ್ಪಾ ಏನ್ಕತೆ! ಅಯ್ಯ್ ಅಮ್ಮ! ಓಯ್! ಏನಕ್ಕೆ ಅಂತ ಹೇಳಾದ್ರು ಹೊಡ್ಯಮ್ಮಾ! ಅದೂ ಆ ಪರ್ಕೇಲಿ ಹೊಡೀತೀರಾ! ಅಯ್ಯೋ! ಕಾಲು! ಅಯ್ ಮೀಸೆ! /* ಬಿತ್ತು ನೋಡಿ ತಲೆಮೇಲೊಂದು ಸರ್ಯಾಗಿ, ಮರಿಜಿರ್ಳೆ ಅಲ್ಲೇ ಮಟಾಶ್! */

ಇಲ್ಲಿ ಅಪ್ಜಿರ್ಳೆ ಮತ್ತೆ ಅಮ್ಜಿರ್ಳೆ ತಮ್ಜಿರ್ಳೆಗೆ ಹೇಳ್ತಿದ್ವು. "ನೋಡು, ಹೇಳಿದ್ರೆ ಕೇಳ್ಲಿಲ್ಲಾ ಹೋದ ಅವ್ನು ಹೊಗೆ ಹಾಕ್ಸ್ಕಂಡ! ಹೇಳೋ ಮಾತೇ ಕೇಳೋಲ್ಲಾ ಈಗಿನ್ಮಕ್ಳು.! ಈಗ್ಲಾದ್ರೂ ದೊಡ್ಡೋರು ಹೇಳೋದನ್ನಾ ಕೇಳು.' ತಮ್ಜಿರ್ಳೇ ತಲೆ ಅಲ್ಲಾಡ್ಸಿದ್ದೇ ಬಂತು.

ಮಾರಲ್ಲಾಫ್ದಿಸ್ಟೋರಿ: ದೊಡ್ಡೋರು ಹೇಳೋದನ್ನಾ ಕೇಳ್ಬೇಕು (ಎಲ್ಲಾ ಟೈಮಲ್ಲಾಂದ್ರೂ). ಇಲ್ಲಾಂದ್ರೆ ಕಷ್ಟ.

:D
:D
:D

ಅಂದ ಹಾಗೆ, ನಿಮ್ನೆನ್ಪಿನ್ಬುತ್ತಿ ಕತೆಗ್ಳು ಚೆನ್ನಾಗಿವೆ! :P

ನಾನು ಜಿರಲೆ dissect ಮಾಡಿದ್ದು ನೆನಪಾಯ್ತು...ಜಿರಲೆಯನ್ನ ಮೇಣದ ಹಲಗೆಗೆ ಸಿಕ್ಕಿಸುವುದು ಹೇಗೆ ಅಂತ ತೋರಿಸಿಕೋಡೋಕೆ ಹೋಗಿ ನಮ್ಮ ಲೆಕ್ಚರರ್ ಪಾಪ ನನಗೆ ಕೊಟ್ಟಿದ್ದ ಆ ಜಿರಲೆ ತಲೆ ಕಿತ್ತು ಹಾಕುವುದರೊಂದಿಗೆ dissection ಶುರು ಆಯ್ತು...ಜಿರಲೆ ಮುಟ್ಟೋಕು ಹೆದರ್ತಾ ಇದ್ದು ಒಂದು ಘಂಟೆ ಬರಿ ಸುಜಿಯಿಂದಾ ಜಿರಲೆಯನ್ನು ಆ ಕಡೆ ಈ ಕಡೆ ತಿರುಗಿಸ್ತಾ ಇದ್ದ ನನ್ನ್ ಸ್ನೇಹಿತೆ ಜ್ಯೋತಿ ಕೊನೆಗೂ ಧೈರ್ಯ ಮಾಡಿ ಜಿರಲೆಯನ್ನು ಮೇಣದ ಹಲಗೆಗೆ ಚುಚ್ಚಿ dissect ಮಾಡಿದಳು.. ಅವಳ ಜಿರಲೆಯ ಎಲ್ಲಾ ಅಂಗಾಂಗಗಳು ಸ್ಪಷ್ಟವಾಗಿ ಗೋಚರಿಸುತ್ತಿತ್ತು... ನಮಗೆ ಕಾಲೇಜಿಂದಾನೆ ಜಿರಲೆ ಕೊಟ್ಟಿದ್ರು ನಾವು ಮನೆಯಿಂದ ತಗೊಂಡು ಹೊಗಿರಲಿಲ್ಲ.....

ಈಗ ಇವಕ್ಕೆಲ್ಲಾ ಕಡಿವಾಣ ಹಾಕಿದ್ದಾರಂತೆ.
ಪ್ರಾಣಿಹಿಂಸೆ ಮಾಡುವಂತಿಲ್ಲ. ನನ್ನ ಮಗಳು ಹೇಳಿದ ನೆನಪು.
ಆಕೆಯ ಪದವಿ ಪೂರ್ವ ತರಗತಿಗಳಲ್ಲಿ ಜೀವಶಾಸ್ತ್ರದ ಯಾವ ಪ್ರಯೋಗವನ್ನೂ ಮಾಡಿಸಿಲ್ಲ.