ಅಂದು ಅತ್ತಿಂದಿತ್ತ ಇತ್ತಿಂದತ್ತ ಓಲಾಡುತಿತ್ತು
ಹುಡುಗಿಯರ ಬೆನ್ನ ಹಿಂದೆ
ಉದ್ದನೆಯ ಜಡೆ!!
ಇಂದು ಅತ್ತಿಂದಿತ್ತ ಇತ್ತಿಂದತ್ತ
ಓಲಾಡುತ್ತಿರುತ್ತೆ ಹುಡುಗಿಯರ ಮುಂದೆ
ಐಟಿ ಕಂಪನಿಯ ಐಡಿ ಕಾರ್ಡ್ ಟ್ಯಾಗ್!!

ಅಂದು ಕಟ್ಟು-ಪಾಡು ಸಂಪ್ರದಾಯ!
ಇಂದು ಕಟ್ಟು, ಬಾಬ್-ಕಟ್ಟು ಸಮ್-ಆದಾಯ!!

ಜನಪದ, ಗೀಯಪದ, ಹಾಡು-ಹಸೆ
ಜಾವ, ಸ್ಯಾಪ್, ಚಾಟ್, ಎಸ್ಸೆಮ್ಮೆಸ್ಸೆ!!

ಸೀರೆ, ದಾವಣಿ, ಕಾಲುಗೆಜ್ಜೆ, ಥಯ್ ಥಕ!
ಇವೆಲ್ಲ ವೇಷ ಫ್ಯಾನ್ಸಿ ಶೋ ಕಂಟೆಸ್ಟಿಗೆ!!
ಬಹುಮಾನಕ್ಕೆ! ಬಿಗುಮಾನಕ್ಕೆ!!

ಸಂಕೇತ್ ಗುರುದತ್ತ, ಹೈದರಾಬಾದ್