H.S.R ಅವ್ರೆ,

ನಾನು ಇವತ್ತು ನಿಮ್ಮ ಒಂದು ಪ್ರಶ್ಣೆ ಮಾತ್ರ ಉತ್ತರಿಸೋಕೆ ಪ್ರಯತ್ನ ಪಡ್ತಿನಿ.

ಆಲೋಚನೆ ಮತ್ತು ಭಾವನೆ ಇವೆರಡೂ ಒಟ್ಟಿಗೆ ಇರಲು ಸಾಧ್ಯವೇ ?

ನನ್ನ ಉತ್ತರ "ಹೌದು". ಆಲೋಚನೆ ಮತ್ತು ಭಾವನೆ ಇವೆರ್ಡೂ ಯಾವಾಗ್ಲೂ ಒಟ್ಟಿಗೆ ಇರುತ್ತೆ. ನಮ್ಮ ಮೆದುಳು ಯಾವುದೇ ವಿಷಯನ Store ಮಾಡ್ಬೇಕಾದ್ರೆ, ಆ ವಿಷಯದ ಜೊತೆಗಿರೋ ಭಾವನೆನೂ Store ಮಾಡುತ್ತೆ. ಇದನ್ನ ಎಲ್ಲೋ ಓದಿದ್ದೆ. ಉದಹರಣೆ : ನಾವು OOTYಗೆ ಹೋಗಿರ್ತೀವಿ, ಅಲ್ಲಿ ಏನೋ ದುರಂತ ನೆಡೆದಿರುತ್ತೆ. ಮತ್ತೆ ನಾವು OOTY ಆಲೋಚಿಸಿದಾಗ, ಅದೇ ದುಃಖದ ಬಾವನೆ ಬರುತ್ತೆ.

ಸಂಪದ ಬಳಗಕ್ಕೆ ಎಚ್.ಎಸ್.ಆರ್. ಅವರಿಗೆ ಸ್ವಾಗತ. ನಿಮ್ಮ ಬರಹದಿಂದ ಸಂಪದದ ಆಳ, ಘನತೆ ಹೆಚ್ಚುತ್ತದೆ.
ನೀವು ಎತ್ತಿರುವ ಪ್ರಶ್ನೆ ಬಲು ದೊಡ್ಡದು. ಹೀಗೂ ಆಗಬಹುದಲ್ಲವೆ? ಭಾಷೆಯ ಹಂಗಿಲ್ಲದೆ ವಾಸ್ತವ ಕೂಡ ಇಲ್ಲ. ನಾವು ಯಾವುದನ್ನು ವಾಸ್ತವ ಅನ್ನುತ್ತೇವೋ ಅದು ಭಾಷೆಯಲ್ಲಿ ನಾವು ಕಟ್ಟಿಕೊಂಡದ್ದೇ ಅಲ್ಲವೇ? ತೆಂಗಿನ ಮರಕ್ಕೆ ತಾನು ತೆಂಗಿನ ಮರ ಅಂತ ಗೊತ್ತೇ ಇಲ್ಲ. ಮನುಷ್ಯರು, ಕನ್ನಡ ಮಾತಾಡುವ ಮನುಷ್ಯರು, ಅದಕ್ಕೆ ತಮ್ಮ ಭಾಷೆಯಲ್ಲಿ ತೆಂಗಿನ ಮರ ಎಂದು ಹೆಸರಿಟ್ಟು ತಮ್ಮ ವಾಸ್ತವದ ಭಾಗ ಮಾಡಿಕೊಂಡಿದ್ದಾರೆ. ವಾಸ್ತವ ಅನ್ನುವುದು ಸಂಪೂರ್ಣವಾಗಿ ಭಾಷೆಯದೇ ಸೃಷ್ಟಿ. ಭಾಷೆಯ ಹಂಗಿಲ್ಲದೆ ನೋಡಲು ಅನುಭವಿಸಲು ಸಾಧ್ಯವೇ ಅನ್ನುವುದು ಮನುಷ್ಯನ ದೀರ್ಘ ಕಾಲದ ಹುಡುಕಾಟ. ಹಾಗಾದರೆ ವಾಸ್ತವವೇ ಭಾಷೆಯ ಪ್ರತಿಬಿಂಬ, ವಾಸ್ತವವೇ ಕಲ್ಪನೆ! ಅಲ್ಲವೆ!?