ಸಹವಾಸ ದೋಷ

ಏಳನೆಯ ಕ್ಲಾಸಿನಲ್ಲಿ ಒಂದು "ಏಕ್ ಬೂಂದ್ " ಎಂಬ ಪದ್ಯವಿತ್ತು!
ನೆನಪಾಯಿತು!

ಪದ್ಯ ಮತ್ತು ಅನುವಾದಗಳೆರಡೂ ಚೆನ್ನಾಗಿವೆ, ಹಂಸಾನಂದಿಯವರೆ. ಈ ಪದ್ಯದ ಸ್ವಾರಸ್ಯ - ನಾ ಕಂಡ ಹಾಗೆ - ಏನೆಂದರೆ ನೀರ ಹನಿ ಮುತ್ತಾಗುವುದನ್ನು ಅಧಮದಶೆ ಎನ್ನುವುದು; ಅದಲ್ಲದೆ ಕಾದ ಹೆಂಚಿನಮೇಲೆ ಬಿದ್ದು ಹೆಸರಿಲ್ಲದಂತಾಗುವದನ್ನು ಉತ್ತಮದಶೆ ಎನ್ನವುದು. ಇದನ್ನು ಯಾರೋ ಮುಮುಕ್ಷುವು ಕಟ್ಟಿರಬೇಕು.

ಒಂದು ಸಣ್ಣ ವಿಚಾರ - ಕನ್ನಡದ 'ದೆಸೆ'ಯೂ ಸಂಸ್ಕೃತದ 'ದಶಾ'ವೂ ಸಂವಾದಿಗಳಲ್ಲ. ದೆಸೆಯು 'ದಿಶಾ'ದ ತದ್ಭವ.

- ವೆಂ.

ಕಾದ ಕಾವಲಿಯಲಿ ಹೇಳ ಹೆಸರಿಲ್ಲದಂತಳಿಪುದು
ಕಮಲದೆಲೆಯಲದುವೆ ಸ್ವಯಂ ರಾಜಿಪುದು
ಚಿಪ್ಪೋಳಗಿಳಿದ ಸ್ವಾತಿಹನಿ ಮುತ್ತಪ್ಪುದು
ಮೇಲು ಕೀಳೆಮ್ಬುತನಗಳನು ಗೆಳೆತನವೆ ತರುವುದು

ಕಾದ ಕಬ್ಬಿಣದ ಮೇಲೆ
ಹೆಸರಿಲ್ಲದೆ ಮರೆಯಾಗುವ ಲೀಲೆ.
ಬಿದ್ದರದು ಕಮಲೆದೆಲೆ ಮೇಲೆ
ಹೊಳೆಯುವುದಲ್ಲಿ ಮುತ್ತಿನ ಮಾಲೆ.
ಸ್ವಾತಿ ಮಳೆಯ ನೀರಹನಿಯು
ತಾನೇ ಮುತ್ತಾಗುವುದು ಕಪ್ಪೆಚಿಪ್ಪಿನಲೆ
ಅಧಮ,ಮಧ್ಯಮನೋ ಮೇಣ್
ಉತ್ತಮನೋ , ಸಖರೊಡನಾಟವದೇ
ನಮ್ಮ ಸ್ಥಿತಿಗತಿಗೆ ಕಾರಣವು ತಾನೆ.

(ಸುಮ್ಮನೇ ಪ್ರಯತ್ನಿಸಿದ್ದು.. ತಪ್ಪುಗಳಿದ್ದರೆ ತೋರಿಸಿಕೊಡಿ.. ತಿದ್ದಿಕೊಳ್ಳಲು ಪ್ರಯತ್ನಿಸುವೆ.)

ಪ್ರಿಯ ಹಂಸಾನಂದಿ,

ಅನುವಾದ ಚೆನ್ನಾಗಿದೆ. ನಾನು ಕೇಳಿದ ಇನ್ನೊಂದು ಪಾಠ ಹೀಗಿದೆ:
...
...
...
ಪ್ರಾಯೇಣಾಧಮಮಧ್ಯಮೋತ್ತಮಗುಣಾಸ್ಸಂಸರ್ಗತೋ ಜಾಯತೇ||
- - - ,೦ ೦ - ,೦ - ೦ ,೦ ೦ - ,- - ೦ ,- - ೦, -

ಛಂದಸ್ಸು - ಮಾತ್ರಾಗಣಾದಿಗಳಲ್ಲಿ ಬದಲಿಲ್ಲವಾದರೂ, "ವೆಂ" ಹಾಗೂ ಬಲಗಂಚಿಯವರ ಅನಿಸಿಕೆಗೆ ಸಂಬಂಧಿಸಿದೆ.
ಇಲ್ಲಿ ಅಧಮ-ಮಧ್ಯಮ-ಉತ್ತಮ ಗುಣ ಎಂದಿರುವುದರಿಂದ ವಿರಕ್ತಿಪರವಾಗಿರದೆ, "ಮುತ್ತು" ಉತ್ತಮ ಎನ್ನುತ್ತಾ ಐಹಿಕಗುಣಪರ ಎನ್ನುವಂತಿದೆ.
ಬಹುಶಃ ಇದನ್ನೇ ರಮೇಶ್ ಬಲಗಂಚಿಯವರು ಹೇಳಿದ್ದು. ನೀವು ಅನುವಾದಿಸಿರುವ ಪಾಠ "ವೆಂ" ಅವರ ವಿರಕ್ತಿಪರ ವಾದಕ್ಕೆ ಸರಿಯಾಗಿದೆ.

ನಿಮ್ಮವ
ಬೆನಕ