ಇಂದು ಬರುವಾಗ ಎನ್.ಪಿ.ಆರ್ (www.npr.org) ರೇಡಿಯೋನಲ್ಲಿ The World ಕಾರ್ಯಕ್ರಮವನ್ನು ಕೇಳುತ್ತಿದ್ದೆ. ಅಲ್ಲಿ ಬರುವ ದೈನಂದಿನ ರಸಪ್ರಶ್ನೆ (Geo Quiz) ಇದ್ದದ್ದು ಹೀಗೆ:

"This state in south India is bordered by the Arabian sea on the west, and the state of Andhra pradesh on the east. It's capital is the high-tech city of Bengalooru. Besides 50 million people, it is also home to about about 2000 tigers"

ಇದಕ್ಕೆ ಉತ್ತರವನ್ನೇನೂ ನಾನು ಕೊಡಬೇಕಿಲ್ಲ. ಆದರೆ ಇಲ್ಲಿ ಗಮನಿಸಬೇಕಾದ ಅಂಶವೇನೆಂದರೆ, npr ನವರು ಕರ್ನಾಟಕವನ್ನು ಕರ್ನಾಟಕವೆಂದೇ, ಬೆಂಗಳೂರನ್ನು ಬೆಂಗಳೂರು ಎಂದೇ ( ಅವರಿಗೆ ಸಾಧ್ಯವಾಗುವಷ್ಟು ಮಟ್ಟಿಗೆ) ಕರೆಯುತ್ತಿದ್ದಾರೆ. ಇದಕ್ಕೆ ಕಾರಣ, ಬರವಣಿಗೆಯಲ್ಲಿ ಅದು Bengalooru ಎಂದು ಬರೆದಿರುವುದೇ ಆಗಿದೆ. ಅದು Bangalore ಎಂದಿದ್ದರೆ, ನಮ್ಮಜ್ಜನಾಣೆ npr ನವರಿಗೇ ಆಗಲಿ, ಇನ್ನಾವ ಬೇರೆ ದೇಶದವರಿಗೇ ಆಗಲಿ, ಅದನ್ನು ಬೆಂಗಳೂರು ಎಂಬ ಸರಿಯಾದ ಹೆಸರಿಂದ ಕರೆಯಲು ಸಾಧ್ಯವಾಗುತ್ತಿರಲಿಲ್ಲ. ಅಲ್ಲವೇ?

ಆದರೆ, ನಮ್ಮವರಿಗೇ ಕೆಲವರಿಗೆ ಬೆಂಗಳೂರಿಗೆ Bengalooru ಎಂದು ಬರೆದರೆ ಪಥ್ಯವಾಗುತ್ತಿಲ್ಲವಲ್ಲ? ಇನ್ನು ಕೆಲವರಂತೂ, ಕನ್ನಡ ಮಾತಾಡುವಾಗಲೂ Bangalore ಅಂತಲೇ ಅನ್ನುತ್ತಾರಲ್ಲ! ಇದೇನು ವಿಪರ್ಯಾಸ ಅನ್ನೋಣ?

-ಹಂಸಾನಂದಿ