ಹಂಸಾನಂದಿ, ನಿಮ್ಮ ಪ್ರತಿ ಬರಹದಲ್ಲಿಯೂ ಹೊಸ ವಿಷಯಗಳ ದಾಳ(ಪಾಯಿಂಟರ್) ಕೊಡುತ್ತಲೇ ಇದ್ದೀರಿ. ನಿಮ್ಮ ಪ್ರಯತ್ನಕ್ಕೆ ತುಂಬು ನನ್ನಿ. ಈ ಮೇಲಿನ ಕನ್ನಡಿಕೆ ಹುರುಪಿನಿಂದ ಕೂಡಿದೆ. ಒಂದೇ ಒಂದು ಮಾತೆಂದರೆ ಈ ಕೆಳಗಿನ ವಾಕ್ಯವನ್ನು ಬರಮಾಡಿಕೊಳ್ಳಲು ಮನಸ್ಸು ಹಿಂಜರಿಯುತ್ತಿದೆ.

ರೂಪ ಹೆಚ್ಚಾಗಿ ಕೆಟ್ಟಳು ಸೀತೆ

ಇಲ್ಲಿ, ಸೀತೆ ಅಂತಲ್ಲ, ಯಾವುದೇ ಹೆಣ್ಣಿದ್ದರೂ ಈ ವಾಕ್ಯವನ್ನು ಕನ್ನಡದಲ್ಲಿ ಓದುವುದಕ್ಕೆ ತುಸು ಹಿಂಜರಿಕೆ.

ಒಂದು ಮಾತು, ನೈನ್ ಪರ್ಲ್ ದಾಳ ತುಂಬಾ ಉಪಯೋಗಕ್ಕೆ ಬಂತು

ಹಂಸಾನಂದಿ,

"ಹತ್ತಿದರೊಂದು ಒಣಮರಸುಟ್ಟುಹೋಗದೇ ಪೂರ್ತಿ ವನ?ಕೆಟ್ಟ ಮಗನು ಒಬ್ಬನಿರಲು ಸುಡನೇ ಅವನು ಮನೆತನ?" ಇದು ಬಲು ಚೆನ್ನಾಗಿ ಪೋಣಿಸಿದ್ದೀರಿ.

ಸಕ್ಕದದಲ್ಲಿರುವುದು ತಲೆ-ಬುಡ ಅರ್ತ ಆಗಲಿಲ್ಲ ಆದರೆ ಕನ್ನಡದಲ್ಲಿರುವುದು ತಿಳಿಯಾಗಿ ತಲೆಗಿಳಿಯಿತು.

ಪರಿಮಳ = ಕಂಪು ಆಗಬಹುದು ಅಲ್ವೆ ?
ವನ = ಬನ ಆಗಬಹುದು ಅಲ್ವೆ ?

ಪ್ರಿಯ ಹಂಸಾನಂದಿ,

ಪದಂ ತುಷಾರ ಸೃತಿಧೌತರಕ್ತಂ ಯಸ್ಮಿನ್ ಅದೃಷ್ಟ್ವಾಪಿ ಹತದ್ವಿಪಾನಾಮ್ /
ವಿದಂತಿ ಮಾರ್ಗಂ ನಖರಂಧ್ರಮುಕ್ತೈಃ ಮುಕ್ತಾಫಲೈಃ ಕೇಸರೀಣಾಂ ಕಿರಾತಾಃ // (ಕುಮಾರಸಂಭವಂ ೧-೬)

ತಾ|| ಕೊಂದ ಆನೆಗಳ ನೆತ್ತರಿನಿಂದ ತೋಯ್ದ ಸಿಂಹದ ಪಾದಗಳ ಹೆಜ್ಜೆ ಗುರುತುಗಳು ಸುರಿವ ಹಿಮದಿಂದಳಿಸಿ ಹೋಗಿ ಕಾಣದಾಗಿದ್ದರೂ,
ಕುಂಭಸ್ಥಳವನ್ನು ಸೀಳಿದ ಸಿಂಹದ ಉಗುರುಗಳಿಂದ ಉರುಳಿದ ಮುತ್ತುಗಳಿಂದ ಬೇಟೆಗಾರರು ಸಿಂಹದ ಜಾಡು ಹಿಡಿಯುತ್ತಾರೆ.

ಎಂಥ ಅದ್ಭುತ ವರ್ಣನೆ! ಕಾಳಿದಾಸನಿಗೆ ಕಾಳಿದಾಸನೇ ಸಾಟಿ! ಕುಮಾರಸಂಭವದ ಮೊದಲ ಸರ್ಗದ ಹಿಮಾಲಯವರ್ಣನೆಯಲ್ಲಿ ಬರುವ ಪದ್ಯವಿದು.
ಆನೆಯ ಕುಂಭಸ್ಥಳದಲ್ಲಿ ಮುತ್ತುಗಳಿರುತ್ತವೆ ಎಂದು ಇದರಿಂದ ವ್ಯಕ್ತವಾಗುತ್ತದೆ. ಗಜಮುಕ್ತಾ ಎಂದರೆ ಇದೇ. ವೈಜ್ಞಾನಿಕವಾಗಿ, ಇದು ದೇಹದಲ್ಲಿನ ಲೋಹಗಳ ಸಂಯುಕ್ತವಸ್ತು ಎನ್ನುತ್ತಾರೆ. ಮಾನವರಿಗೆ ಮೂತ್ರಪಿಂಡದಲ್ಲಿ ಕಲ್ಲು ಇರುವಂತೆ (ಕಿಡ್ನಿ ಸ್ಟೋನ್ - ಕ್ಯಾಲ್ಸಿಯಂ ಆಕ್ಸಲೇಟ್) ನಾಗಗಳಿಗೂ, ಆನೆಗೂ, ಬೇರೆ ಬೇರೆ ಪ್ರಾಣಿಗಳಿಗೂ ಬೇರೆ ಬೇರೆ ಅಂಗಗಳಲ್ಲಿ ಇವೆ. ಇವನ್ನು ಸಾಣೆಹಿಡಿದು ರತ್ನವನ್ನಾಗಿ ಮಾರುವವರೂ ಇದ್ದಾರೆ. ನಾಗಮಣಿ ಎಂಬ ಹೆಸರು ಜನಜನಿತ!

(ಏಕೋ ಅಣ್ಣಯ್ಯ ಚಿತ್ರದಲ್ಲಿ ನಾಗಮಣೀ... ಎನ್ನುವ ಧೀರೇಂದ್ರ ಗೋಪಾಲ್ ನೆನಪಾಯಿತು!!! )

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.