ಅಮ್ಮನ ಕೈತುತ್ತಿನ ನೆನಪಲ್ಲಿ

ಹರೀಶ್,
ನಿಜವಾಗಲೂ ನಮ್ಮಮ್ಮನ ಹೆಚ್ಚು ನೆನಪು ಮಾಡಿದ್ದು ನೀವು ಎಣ್ಣೆ ನೀರು ನೆನಪು ಮಾಡಿದಮೇಲೆ. ಶಾಂಪೋ ತಿಕ್ಕಿಕೊಂಡು,ಬಾಯ್ಲರ್ ನೀರು ಹುಯ್ಕೊಂಡು ತಲೆಗೆ ಸ್ನಾನ ಮಾಡುವ ಇಂದಿನ ಕಾಟಾಚಾರದ ಸ್ನಾನಕ್ಕೂ ಅಂದು ತಲೆಗೆ, ಮೈ ಕೈ ಗೆ ಹರಳೆಣ್ಣೆ ಹಚ್ಚಿಸಿಕೊಂಡು ಚೆನ್ನಾಗಿ ನೆಂದು, ಆಮೆಲೆ ಅಮ್ಮನ ಕೈನ ಬಿಸಿ ಬಿಸಿ ನೀರು ಹಂಡೆಯಿಂದ ತಲೆ, ಮೈ ಕೈ ಮೇಲೆ ಬೀಳುತ್ತಿದ್ದರೆ ಅದೆಂತಾ ಹಿತ! ನಮ್ಮಮ್ಮ ಕೊನೆಗೆ " ನಂಜುಂಡೇಶ್ವರನ ಪಾದ ತೀರ್ಥ, ಸುಬ್ರಹ್ಮಣ್ಯೇಶ್ವರನ ಪಾದತೀರ್ಥ.... ಎಂದಾಗ ಗೋವಿಂದಾ.....ಎನ್ನುತ್ತಿದ್ದುದನ್ನು ಮತ್ತೆ ನೆನಪಿಸಿ ಬಿಟ್ಟಿರಲ್ಲಾ!!

ಯಾವ ಎಳೆಯಲ್ಲದರೂ ಚರ್ಚೆಗೆ ಬರುವ ನಿಮ್ಮ ಕುತೂಹಲಕ್ಕೆ ನನ್ನಿ. ಈಶ್ವರ ಲಿಂಗರೂಪಿಯೂ ಅಲ್ಲ. ಅವನು ನಿರಾಕಾರಿ. ಅವನಿಗೆ ಅಂಗಾಂಗಗಳನ್ನೆಲ್ಲಾ ಕೊಟ್ಟವರು ನಾವೇ. ಸರ್ವ ವ್ಯಾಪಿಯಾದ ಅವನಿಗೆ ಗುಡಿಯಲ್ಲಿ ಬಂಧಿಸಿದವರೂ ನಾವೇ. ಅವನಿಗೆ ಪರಾಕು ಹೇಳುವವರೂ ನಾವೇ.
ಅದೊಟ್ಟಿಗಿರಲಿ
"ಅಮ್ಮನಾ ಕೈ ತುತ್ತಿನಾ ಮುಂದೆ ಎಲ್ಲವೂ ಸಪ್ಪೆ" ಈ ಮಾತು ಹಿತವಾಯ್ತೆ?