ಫೈರ್ಫಾಕ್ಸ್ 3 ಗಿನ್ನೆಸ್ ದಾಖಲೆ ಪ್ರಯತ್ನ
ನಾನು ತುಂಬಾ ದಿನಗಳಿಂದ ಕಾಯುತ್ತಿರುವ ಫೈರ್ಫಾಕ್ಸ್ 3 ನಾಳೆಯೇ ಸಿಗಲಿದೆ. ಇಷ್ಟು ದಿನಗಳಿಂದ ಫೈರ್ಫಾಕ್ಸ್ 2 ಬಳಸಿರುವ ಜನರಿಗೆ ಬರುವ ಹೊಸ ಆವೃತ್ತಿಯಲ್ಲಿ ಅನೇಕ ಸುಧಾರಣೆಗಳು ಸಿಗಲಿವೆ. ನಾಳೆ ಇದನ್ನು ಪ್ರಯತ್ನಿಸಿ
http://getfirefox.com/
ಅವರು ಹೊಸ ಗಿನ್ನೆಸ್ ದಾಖಲೆ ಸ್ಥಾಪಿಸುವ ಪ್ರಯತ್ನದಲ್ಲಿದ್ದಾರೆ - "ಒಂದೇ ದಿನದಲ್ಲಿ ಅತಿ ಹೆಚ್ಚು ಬಾರಿ ಡೌನ್ಲೋಡ್ ಮಾಡಲಾಗುವ ತಂತ್ರಾಂಶ".
ನೀವೂ ಇದರಲ್ಲಿ ಪಾಲ್ಗೊಳ್ಳಬಹುದು. ಹಳೆಯ ಫೈರ್ಫಾಕ್ಸ್ ಬಳಸುತ್ತಿದ್ದಲ್ಲಿ, ಹೊಸದು ಡೌನ್ಲೋಡ್ ಮಾಡಿಕೊಳ್ಳಿ. ಇಲ್ಲಿಯವರೆಗೆ ಫೈರ್ಫಾಕ್ಸ್ ಬಳಸಿಲ್ಲವಾದರೆ ಒಮ್ಮೆ ಅದನ್ನು ಪ್ರಯತ್ನಿಸಿ ನೋಡಿ. ನೀವು ನಾಳೆಯೇ ಫೈರ್ಫಾಕ್ಸ್ ಮಾಡಿದರೆ, ಗಿನ್ನೆಸ್ ದಾಖಲೆಗೆ ಎಣಿಕೆ ಹೆಚ್ಚಾಗುತ್ತದೆ.
ನೀವು ಡೌನ್ಲೋಡ್ ಮಾಡಿಕೊಳ್ಳುವ ಇರಾದೆ ಇದ್ದಲ್ಲಿ, ನಿಮ್ಮ ಅನುಮೋದನೆ ಇಲ್ಲಿ ಸೂಚಿಸಬಹುದು. ಈಗಾಗಲೇ ಭಾರತದಿಂದ ಸುಮಾರು 26 ಸಾವಿರ ಜನ ಡೌನ್ಲೋಡ್ ಮಾಡಲು ಒಪ್ಪಿದ್ದಾರೆ.
http://www.spreadfirefox.com/en-US/worldrecord
ನಾನು ಕೆಲವು ದಿನಗಳಿಂದ ಫೈರ್ಫಾಕ್ಸ್ 3 ಬೀಟ ಉಪಯೋಗಿಸುತ್ತಿದ್ದೇನೆ. ನಾನು ಕಂಡ ಕೆಲ ಮಹತ್ವದ ಅಂಶಗಳು ಹೀಗಿವೆ:
1. ಹಳೆಯ ಆವೃತ್ತಿಗಿಂತ ತುಂಬಾ ಫಾಸ್ಟ್. ಮೆಮೊರಿ ಬಳಕೆ ತುಂಬಾ ಕಡಿಮೆ. 10 ಟ್ಯಾಬಗಳನ್ನು ಒಮ್ಮೆಲೆ ತೆರೆದರೂ ಏನೂ ತೊಂದರೆ ಕಾಣಲಿಲ್ಲ.
2. ಬುಕ್ ಮಾರ್ಕ್ ಗಳನ್ನು ಉಳಿಸುವಾಗ ಟ್ಯಾಗ್ ಸೇರಿಸಬಹುದು. ದಿನಕ್ಕೆ ಹತ್ತಾರು ಬುಕ್ ಮಾರ್ಕ್ ಉಳಿಸುವ ನನಗೆ ಬೇಕಾದ ಪುಟ ಹುಡುಕಲು ತುಂಬಾ ಸರಳ.

- honnung ರವರ ಬ್ಲಾಗ್
- Login or register to post comments
- 419 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ



- ನಿರ್ವಾಹಕರ ಗಮನಕ್ಕೆ ತನ್ನಿ

RSS:
ಪ್ರತಿಕ್ರಿಯೆಗಳು
ಉ: ಫೈರ್ಫಾಕ್ಸ್ 3 ಗಿನ್ನೆಸ್ ದಾಖಲೆ ಪ್ರಯತ್ನ
ಕನ್ನಡದ ಮಟ್ಟಿಗೆ ಸುಮಾರು ಸುಧಾರಣೆ ಮಾಡಿದ್ದಾರೆ ಮಾರಾಯ.
ನಾಳೆ ಸಂಪದದಲ್ಲೂ ಒಂದು ಬಟನ್ ಹಾಕಿದರೆ ಹೇಗೆ?
ಫೈರ್ ಫಾಕ್ಸ್ ೩ ರಲ್ಲಿ Address Barನಲ್ಲೂ ಕನ್ನಡ ಕಾಣುತ್ತದೆ! (ಇದುವರೆಗೂ ಸಫಾರಿ ಬಿಟ್ಟರೆ ಇನ್ನುಳಿದ ಯಾವ ಬ್ರೌಸರಿನಲ್ಲೂ ಹೀಗಿಲ್ಲ). ಇದು ಕನ್ನಡದ ಮಟ್ಟಿಗೆ ಬಹುಮುಖ್ಯ ಫೀಚರ್
--
ನನ್ನ ಬ್ಲಾಗ್:
ಪರಿವೇಶಣ | PariveshaNa
ಉ: ಫೈರ್ಫಾಕ್ಸ್ 3 ಗಿನ್ನೆಸ್ ದಾಖಲೆ ಪ್ರಯತ್ನ
ಹೌದಲ್ವೆ! ನೋಡೇ ಇರಲಿಲ್ಲ. ನಾನು ನೋಡಿದ್ದು ಕನ್ನಡ ವಿಕಿಪಿಡಿಯದ ಮುಖ ಪುಟ. ಫೈರ್ಫಾಕ್ಸ್ 3 ರಲ್ಲಿ ಒಮ್ಮೆ ಪ್ರಯತ್ನಿಸಿ ನೋಡಿ.
ಉ: ಫೈರ್ಫಾಕ್ಸ್ 3 ಗಿನ್ನೆಸ್ ದಾಖಲೆ ಪ್ರಯತ್ನ
ನಾನು ಈಗ ತಾನೆ ಆ ಲಿಂಕ್ ನೋಡಿದೆ. ಇನ್ನೂ ಲಭ್ಯವಿಲ್ಲ.
ಬೇರೆ ಟೈಮ್ ಝೋನ್ ಪ್ರಕಾರ ಅದು ಇವತ್ತು ರಾತ್ರಿಯಿಂದ ನಮಗೆ ಸಿಗಬಹುದೇನೋ? ನೋಡೋಣ, ನಾಳೆಯವರೆಗೆ ಕಾಯುತ್ತೇನೆ.
ಉ: ಫೈರ್ಫಾಕ್ಸ್ 3 ಗಿನ್ನೆಸ್ ದಾಖಲೆ ಪ್ರಯತ್ನ
ಇದನ್ನು ಹೊಸ ಫೈರ್ಫಾಕ್ಸ್ ಬಳಸಿ ಓದಿ/ಬರೆಯುತ್ತಿದ್ದೇನೆ.

ಈಗ್ಗೆ ಸುಮಾರು ದಿನಗಳಿಂದ ಬೀಟ ಮತ್ತು ರಿಲೀಸ್ ಕ್ಯಾಂಡಿಡೇಟ್ ೩ ಬಳಸುತ್ತಿದ್ದೆ. ಆದರೂ ಯಾಕೋ ಈ ರಿಲೀಸ್ ತುಸು ಚುರುಕು ಅನಿಸಿತು... ಅಥವಾ ಅದು ನನ್ನ ತಲೆಯಲ್ಲಿರಬಹುದು!
ಐಇ ಗಿಂತ ಸೆಕ್ಯುರಿಟಿ ಬಲವಾಗಿದೆ ಎಂಬುದರ ಬಗ್ಗೆ ನನಗೆ ಹೆಚ್ಚು ತಿಳಿದಿಲ್ಲ. ಹೌದಾದರೆ, ಇದನ್ನೇ ಬಳಸುವುದು ಒಳ್ಳೆಯದೇ...
ಅಂದ ಹಾಗೆ, ನನ್ನ ಕೆಲಸದಲ್ಲಿ ಒಂದಿಷ್ಟು ಗಲಾಟೆ ಮಾಡಿ, ಫೈರ್ಫಾಕ್ಸ್ ಬೇಕೇ ಬೇಕು ಎಂದು ಚಂಡಿ ಹಿಡಿದೆ. ಈಗ ಆಯಿತೆಂದು ಒಪ್ಪಿದ್ದಾರೆ!
ಉ: ಫೈರ್ಫಾಕ್ಸ್ 3 ಗಿನ್ನೆಸ್ ದಾಖಲೆ ಪ್ರಯತ್ನ
ಈಗಲೇ ಇಳಿಸಿಕೊಳ್ಳುವೆ.
ನಿಮ್ಮವ,
ಗಿರೀಶ ರಾಜನಾಳ
ಉಡಾಳ ಓಣಿ ಕೆಡಸಿದರ...ಸಂಭಾವಿತ ಊರನ್ನೇ ಕೆಡಸಿದನಂತೆ....!!!