ಪರಿವೇಶಣ
'ಸಂಪದ'ದಲ್ಲಿ ಹರಿ ಪ್ರಸಾದ್ ನಾಡಿಗ್ ಬರೆಯುವ ಬ್ಲಾಗ್.
ಬದಲಾಗಲಿದೆ 'ಸಂಪದ' - ನಿಮ್ಮ ಸಲಹೆಗಳನ್ನಾಧರಿಸಿ!
March 2, 2006 - 9:00pm — hpn
ಸಂಪದದಲ್ಲಿ ಸದ್ಯದಲ್ಲೇ ಸಾಕಷ್ಟು ಬದಲಾವಣೆಗಳು ಆಗಬೇಕಿವೆಯೆಂದು ನಿರ್ಧರಿಸಿ ಕಾರ್ಯ ಕೈಗೆತ್ತಿಕೊಂಡಿದ್ದೇವೆ. ಸಂಪದದ ಹೊಸ ಆವೃತ್ತಿ ಸದ್ಯದಲ್ಲೇ - ಇನ್ನಷ್ಟು ಚೊಕ್ಕವಾಗಿರುವ ಇಂಟರ್ಫೇಸ್ ನೊಂದಿಗೆ, ಬಳಕೆಗೆ ಇನ್ನಷ್ಟು ಸುಲಭವಾಗಿರುವಂತೆ ಹೊಸ ಆಕರದೊಂದಿಗೆ ಲಭ್ಯವಾಗಲಿದೆ. ಈ ಮಾರ್ಪಾಡುಗಳನ್ನು ಮಾಡುವಾಗ ಸಂಪದದ ಎಲ್ಲ ಸದಸ್ಯರಿಂದಲೂ ಒಂದಷ್ಟು feedback ಬರಲಿ ಅಂತ ಇಲ್ಲಿ ಬರೆಯುತ್ತಿದ್ದೇನೆ.
ಸಂಪದದಲ್ಲಿ ಏನೆಲ್ಲ ಮಾರ್ಪಾಡುಗಳು ಬಯಸುವಿರಿ, ಏನೇನು ಹೊಸ ಫೀಚರ್ ಗಳನ್ನ ಕಾಣಲು ಬಯಸುತ್ತೀರಿ ಎಂಬುದನ್ನ ಚಿಕ್ಕದಾಗಿ ಚೊಕ್ಕವಾಗಿ ಒಂದೆರಡು ಲೈನುಗಳಲ್ಲಿರಿಸಿ ತಪ್ಪದೆ ಕಾಮೆಂಟ್ ಹಾಕಿ. ಎಲ್ಲರಿಗೂ ಒಪ್ಪಿಗೆಯಾಗುವ ಹೊಸ ಸವಲತ್ತುಗಳನ್ನ ಸಂಪದದಲ್ಲಿ ಅಳವಡಿಸೋದಕ್ಕೆ ಪ್ರಯತ್ನ ಮಾಡುವೆವು.
ಸದ್ಯಕ್ಕೆ ಬಂದಿರುವ ಕೆಲವು ಸಲಹೆಗಳು ಇಂತಿವೆ:
೧) ಇಂಟರ್ಫೇಸ್ ಆಕಾ ಡಿಸೈನ್ ಸುಂದರಗೊಳಿಸಿ, ಕಲರ್ ಪುಲ್ ಮಾಡಿ ಅಂತ ಬಹಳ ಜನರಿಂದ ಅಹವಾಲು ಬಂದಿತ್ತು.
೨) ಬ್ಲಾಗುಗಳನ್ನ ಹೆಚ್ಚು individualistic ಮಾಡಿ ಅಂತ ಕೆಲವರು ಕೇಳಿಕೊಂಡಿದ್ದರು. ಸ್ವಂತದ ಬ್ಲಾಗಿನಂತೆ ಮಾಡಿಕೊಡಿ ಎಂದು ವಿಜ್ಞಾಪನೆಯಾಗಿತ್ತು.
೩) ಬರಹ ಎನ್ಕೋಡಿಂಗ್ ನಲ್ಲೂ ಸಂಪದವನ್ನು ಹಾಕಿ. ಹಳೆಯ ಕಾಲದ ಆಪರೇಟಿಂಗ್ ಸಿಸ್ಟಮ್ ಇಟ್ಟುಕೊಂಡವರಿಗೆ ಓದುವ ಅವಕಾಶ ಮಾಡಿಕೊಡಿ ಎಂದು ಕೆಲವರು ಕೇಳಿದ್ದರು.
ನಿಮ್ಮ ಸಲಹೆಗಳು ಬರಲಿ, ಕಾಮೆಂಟ್ಸ್ ಕುಟ್ಟಿ(ಟೈಪಿಸಿ)! 
- hpn ರವರ ಬ್ಲಾಗ್
- Login or register to post comments
- 1049 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS:
ಪ್ರತಿಕ್ರಿಯೆಗಳು
ಸ್ಪೆಲ್ ಚೆಕ್ ಅಳವಡಿಸಬಹುದೆ?
ಈಗಾಗಲೇ ಒಮ್ಮೆ ನಿಷ್ಕರ್ಷಿಸಿದಂತೆ (http://sampada.net/node/1222), ಸಂಪದದ ಪುಟಗಳಲ್ಲಿ (online) ಸ್ಪೆಲ್ ಚೆಕ್ ಅಳವಡಿಸಬಹುದೆ?
ಬಹುಶಃ ಇದನ್ನು ಬೇಗನೆ ಅಳವಡಿಸಲು ಸಾಧ್ಯವಾಗದಿರಬಹುದು, ಆದರೆ ಇದನ್ನೊಂದು ದೂರಾಲೋಚನೆಯಾಗಿಟ್ಟುಕೊಳ್ಳಬಹುದಲ್ಲವೆ?
ಕನ್ನಡ ಕಲಿ ತಾಣ
ಅನ್ಯ ಭಾಷಿಕರು ಕನ್ನಡ ಕಲಿಯಲು ಒಂದು ಜಾಗ.
ಕನ್ನಡ ಬಲ್ಲವರು ಕನ್ನಡ ಬಲ್ಮೆಯನ್ನು ಹೆಚ್ಚಿಸಿಕೊಳ್ಳಲು ಒಂದು ಜಾಗ.
ಉ: ಕನ್ನಡ ಕಲಿ ತಾಣ
ಈಗಾಗಲೇ ಸಂಪದದಲ್ಲೇ ಲರ್ನಿಂಗ್ ಸೆಂಟರ್ ಒಂದಿದೆ. ಜಗತ್ತಿನ ಹಲವಾರು ದೇಶಗಳ ನೂರಾರು ಜನ ಆಗಲೇ ಇದಕ್ಕೆ ಸದಸ್ಯರಾಗಿ ನೊಂದಾಯಿಸಿದ್ದರೂ ಅದರಲ್ಲಿ ಕನ್ನಡ ಹೇಳಿಕೊಡುವವರ ಕೊರತೆಯಿಂದ ಅದು ಹೇಗಿತ್ತೋ ಹಾಗೆಯೇ ಇದೆ.
ಸಾಧ್ಯವಾದಲ್ಲಿ ಈ ಸರ್ತಿ ಸಂಪದ ಲಾಗಿನ್ ಮತ್ತು ಲರ್ನಿಂಗ್ ಸೆಂಟರ್ ಲಾಗಿನ್ ಮಾಹಿತಿ ಸಿಂಕ್ ಮಾಡಲು ಪ್ರಯತ್ನ ಮಾಡಬಹುದು.
--
Check my Blog
Kannada wikipedia
"ಹೊಸ ಚಿಗುರು, ಹಳೆ ಬೇರು"
ಕನ್ನಡ ಹೇಳಿಕೊಡುವವರ ಕೊರತೆ.
ಈ ವಿಷಯವಾಗಿ ನಾನೇನಾದರು ಸಹಾಯ ಮಾಡಬಹುದೆ?
ಪೋಸ್ಟುಗಳನ್ನು save ಮಾಡಲಾಗುವಂತೆ ಮಾಡಬಹುದೆ?
Save ಮಾಡಬಹುದಾದರೆ ಒಮ್ಮೆಗೇ ಬರೆದು ಮುಗಿಸಬೇಕಾದ ಪ್ರಸಂಗವಿರುವುದಿಲ್ಲ.
ಇನ್ನಷ್ಟು ಸಲಹೆಗಳು ಬರಲಿ
ತಕ್ಷಣ ಸ್ಪಂದಿಸಿ ಸಲಹೆಗಳನ್ನು ಮುಂದಿಟ್ಟ ಭಟ್, ಜಿವೆಂ ಹಾಗೂ ಸ್ಮಿತಾ - ಎಲ್ಲರಿಗೂ ಧನ್ಯವಾದಗಳು.
ಇನ್ನಷ್ಟು ಸಲಹೆಗಳು ಬರಲಿ
--
Check my Blog
Kannada wikipedia
"ಹೊಸ ಚಿಗುರು, ಹಳೆ ಬೇರು"
buddy list
ನನಗರಿವಿಲ್ಲದೆಯೆ ಕೆಲವು ಮಂದಿಗೆ ನಾನು "Buddy" ಆಗಿದ್ದೇನೆ. ಇದರ ಬದಲಿಗೆ ನನ್ನ ಒಪ್ಪಿಗೆಯ ನಂತರ ಹಾಗಾಗುವಂತಿದ್ದರೆ ಚೆನ್ನಾಗಿರುವುದು.
ಇದೇ ಚೆನ್ನಾಗಿದೆ
ಬ್ಲಾಗ್ಗಳನ್ನು ಬ್ಲಾಗರ್.ಕಾಂ ನಂತೆ ಮಾಡಬಹುದು ಅನ್ಸತ್ತೆ. ಆದ್ರೆ ಸಂಪದ ಮಾತ್ರ ಹೀಗೆಯೇ ಇರಲಿ. ಸಂಪದ ಬೇರೆ ತಾಣಗಳಂತಿಲ್ಲ. ಇದರ ಸ್ಟೈಲೇ ಬೇರೆ ಅಲ್ವೇ?
ವಂದನೆಗಳೊಂದಿಗೆ
---
ತವಿಶ್ರೀನಿವಾಸ
http://asraya.net
ಗಿಫ್ಟ್ ಕೊಡೋಣ
ಶ್ರೀನಿವಾಸ್ ಅವರು ಬಹಳ ಕ್ರಿಯಾಶೀಲರಾಗಿರುವ ಸಂಪದ ಸದಸ್ಯರು. ಅವರು ಗಳಿಸಿರುವ ಪಾಯಿಂಟ್ಸ್ ಈ ಅಭಿಪ್ರಾಯಕ್ಕೆ ಅಡಿಗೆರೆ ಹಾಕುತ್ತಿವೆ. 500 ಪಾಯಿಂಟ್ಸ್ ಗಳಿಸಿದ ತವಿಶ್ರೀನಿವಾಸ್ ಅವರಿಗೆ ನನ್ನ ಅಭಿನಂದನೆಗಳು. ಅವರಿಗೊಂದು ಗಿಫ್ಟ್ ಕೊಟ್ಟರೆ ಹೇಗೆ?
ಟಿಪ್ಪಣಿ ಬಿಡುವಾಗ ಯೂನಿಕೋಡ್ ಕನ್ವರ್ಟರ್
ಟಿಪ್ಪಣಿ ಬಿಡುವಾಗ ಯೂನಿಕೋಡ್ ಕನ್ವರ್ಟರ್ ಅಲ್ಲಿಯೇ ಲಭ್ಯವಿದ್ದರೆ ಸಹಾಯವಾಗುತ್ತದೆ.
ವಂದನೆಗಳೊಂದಿಗೆ,
ವಿ.ವಿ.
ನನ್ನ ಬ್ಲಾಗ್: ಮಜಾವಾಣಿ
ಧನ್ಯವಾದಗಳು
ಖಂಡಿತ. ಬೇಕಾದವರಿಗೆ ಮಾತ್ರ ಪ್ರೊಫೈಲಿನಲ್ಲಿ ಎನೇಬಲ್ ಮಾಡಲಾಗುವಂತೆ ಒಂದು ಜಾವಾಸ್ಕ್ರಿಪ್ಟ್ ಕೀಬೋರ್ಡ್ ಈಗಾಗಲೇ ಬರೆಯಲ್ಪಟ್ಟಿದೆ (ಸದ್ಯಕ್ಕೆ ಎನೇಬಲ್ ಮಾಡಿಲ್ಲ). ಕನ್ವರ್ಟರ್ ಕೂಡ ಫಾರ್ಮುಗಳಿರುವ ಕಡೆ ಬರುವಂತೆ ನೋಡಿಕೊಳ್ಳಬಹುದು.
ಧನ್ಯವಾದಗಳು, ವಿ ವಿ ರವರೆ.
--
Check my Blog
Kannada wikipedia
"ಹೊಸ ಚಿಗುರು, ಹಳೆ ಬೇರು"
ಖಾಸಗಿ ಮೆಸೇಜುಗಳು
ಒಂದೇ ವಿ - ಟಪಾಲಿನಿಂದ ಒಟ್ಟಿಗೆ ಒಬ್ಬರಿಗಿಂತ ಹೆಚ್ಚಿನವರಿಗೆ ವಿ - ಮೆಸೇಜು ಕಳುಹಿಸುವ ಅವಕಾಶ ಇದ್ದರೆ ಚೆನ್ನಾಗಿರುತ್ತದೆ. ಇದು ನಿರ್ವಾಹಕರಿಗೆ ಅನುಕೂಲವಾಗಿ ಪರಿಣಮಿಸುತ್ತದೆ.
ಉದಾ :
Send Private Message ನ
To ಎಂಬಲ್ಲಿ,
kannadanadu, hpn, tvs, sunil ಹೀಗೆ?
ನನ್ನ ಸಲಹೆಗಳು
ಮೊದಲಿಗೆ ನಿಮ್ಮ ಈ ಉತ್ತಮ ಪ್ರಯತ್ನಕ್ಕೆ ನಾವೆಲ್ಲ ಚಿರಋಣಿಗಳು.
ನಾನಿನ್ನೂ ಸಂಪದಕ್ಕೆ ಬಹಳ ಹೊಸಬ. ನನ್ನ ಸಲಹೆಗಳಲ್ಲಿ ಎಷ್ಟು ಸ್ವೀಕರಿಸಬೇಕೆಂಬುದು ನಿಮಗೆ ಬಿಟ್ಟದ್ದು.
- ಈ ತಾಣದ ವೇಗ - ನನಗೆ ನಿಧಾನವೆನಿಸುತ್ತಿದೆ - ಇದು ಈ ತಾಣದ ಮೂಲಸೌಕರ್ಯಗಳ ಕಾರಣದಿಂದ ಇದ್ದರೂ ಇರಬಹುದು - ಸಾಧ್ಯವಾದರೆ ಸಂಪದ ತಾಣದ ಪ್ರತಿಕ್ರಿಯೆಯ ವೇಗವನ್ನು ಹೆಚ್ಚಿಸಿ.
- ಇಂಟರ್ಫೇಸ್ ಬಗ್ಗೆ ನನ್ನ ಸಲಹೆಗಳೇನು ಇಲ್ಲ - ಹೀಗೆ ನಡೆಸಬಹುದು
- ಲೇಖನಗಳ ೨೫ ಪದಗಳ ಕನಿಷ್ಠಮಿತಿ ನನ್ನ ಹನಿಗವನಗಳಿಗೆ ತೊಂದರೆ ಕೊಟ್ಟಿದೆ - ಸಾಧ್ಯವಿದ್ದರೆ - ಕವನಗಳಿಗೆ ಮಾತ್ರ ವಿನಾಯತಿ ಕೊಡಿ. ಇಲ್ಲದಿದ್ದರೆ ಲೇಖನದಲ್ಲಿ ಎಷ್ಟು ಪದಗಳಿವೆ ಎಂಬುದನ್ನಾದರೂ ತೋರಿಸಿ.
- ಲೇಖನಗಳನ್ನು - ಆಗಾಗ ಉಳಿಸುವ ಸಾಧನ ವಿದ್ದರೆ ಬಹಳ ಸಹಾಯವಾಗುತ್ತದೆ.
- ಲೇಖನಗಳಿಗೆ ಪ್ರತಿಕ್ರಿಯೆ ವ್ಯಕ್ತಪಡಿಸುವಾಗ ಅದರ ಮೂಲ ಶೀರ್ಷಿಕೆ ತನಗೆ ತಾನೆ ಉತ್ತರದ ಶೀರ್ಷಿಕೆಯೊಳಗೆ ಬಂದರೆ ಬಹಳ ಉತ್ತಮ.
- ಲೇಖಕರು ತಾವು ಸಲ್ಲಿಸಿದ ಎಲ್ಲಾ ಲೇಖನಗಳನ್ನೂ ಒಂದೆಡೆ ನೋಡಬಹುದಾದರೆ ಚೆನ್ನಾಗಿರುತ್ತದೆ. ಈಗಾಗಲೇ ಆ ವ್ಯವಸ್ಟೆ ಇದ್ದರೂ ಇರಬಹುದು.
ಮತ್ತೊಮ್ಮೆ ಅಭಿನಂದನೆಗಳು, ಧನ್ಯವಾದಗಳು.
-ಸುಚರ