ಇದಕ್ಕೆ ಪರಿಹಾರವೊಂದೇ. ತಪ್ಪು ಕಲ್ಪನೆಗಳನ್ನ ಹೋಗಲಾಡಿಸುವುದು. ಎಲ್ಲೆಲ್ಲಿ ಸಾಧ್ಯವೋ ಅಲ್ಲಲ್ಲಿ ಇದ್ದವರಿಗೆ ಗಣಕಯಂತ್ರದಲ್ಲಿ ಕನ್ನಡ ಉಪಯೋಗಿಸಬಹುದು ಎಂದು ಪ್ರಚುರಪಡಿಸುವುದು. ಇಂಗ್ಲೀಷನ್ನು ಎಷ್ಟು ಸಲೀಸಾಗಿ ಟೈಪಿಸಬಹುದೋ ಹಾಗೆಯೇ ಕನ್ನಡವನ್ನೂ ಅಷ್ಚೇ ಸುಲಭವಾಗಿ ಉಪಯೋಗಿಸಬಹುದು. ಸಾಧ್ಯವಾದಷ್ಟು ಮಟ್ಟಿಗೆ ಯೂನಿಕೋಡ್ ಎನೇಬಲ್ಡ್ ಮೇಲ್ ಕ್ಲಯಂಟ್ನಿಂದ ಕನ್ನಡದ ಮೇಲ್ ಕಳುಹಿಸುವುದು.

ಕೇವಲ ಹಲೋ ಮೇಯ್ಲ್ ನಿಂದಲೇ ಕನ್ನಡದಲ್ಲಿ ಮೇಯ್ಲ್ ಕಳುಹಿಸಬಹುದು, ಚಾಟ್ ಮಾಡಬಹುದು ಎಂದು ಬಹಳ ಜನಗಳಿಗೆ ತಿಳಿ ಹೇಳಿದ್ದೇನೆ. ಆದರೂ ಏನು ಮಾಡುವುದು. ನಾವಿರೋದೇ ಹಾಗೆ, ಯಾರಾದರೂ ತಿಳಿಸಿಕೊಡಲಿ ಅಂತಲೇ ಕಾಯ್ತಿರ್ತೀವಿ. ಸುಲಭವಾಗಿ ಕಂಗ್ಲೀಷ್ ಟೈಪಿಸಿಬಿಡುತ್ತೇವೆ. ಅದರ ಜೊತೆಗೆ, ಕೆಟ್ಟ ಪತ್ರಿಕಾ ಲೇಖನಗಳೂ ಬೇರೆ.

ಉದಾ: ಇತ್ತೀಚಿನ ಪ್ರಜಾವಾಣಿಯ ಒಂದು ಲೇಖನ.

ಪವನಜರು ಅದಕ್ಕೆ ಖಾರವಾಗಿ ಪ್ರತಿಕ್ರಿಯಿಸಿದ್ದರು ಕೂಡ ಸರಿಯಾಗಿಯೇ ಇದೆ..  http://sampada.net/node/808

ಆ ಲೇಖನ ಪ್ರಕಟವಾದ ದಿನ ನಮ್ಮ ಮನೇಲೂ ಚರ್ಚೆ ನಡೀತು. ನಾನು ನಮ್ಮ ತಂದೆಗೆ ಇದು ಎಷ್ಟು ಸುಳ್ಳು ಎಂದು ತೋರಿಸಿಕೊಟ್ಟೆ.

ಯಾವಾಗ ಜನರಿಗೆ (ಇಲ್ಲಿ ಜನ ಎಂದರೆ ಎಲ್ಲರೂ, ಕೇವಲ ತಾಂತ್ರಿಕ ಮಂದಿಯಲ್ಲ) ಕನ್ನಡ ಟೈಪಿಸುವುದು ಸುಲಭ ಎಂದು ಮನವರಿಕೆ ಯಾಗುವುದೋ ಅಂದೇ ಅವರು ವಿಷಯ ತಿಳಿಯಲು ತವಕಪಡುತ್ತಾರೆ.

ಉದಾ: ಪವನಜರೇ ಅನೇಕ ಲೇಖನ ಬರೆದಿದ್ದಾರೆ. ಆದರೆ ಅದನ್ನು ಎಷ್ಟು ಮಂದಿ ಓದಿದ್ದಾರೋ ಕಾಣೆ. ಇದಕ್ಕೆ ಕಾರಣ, ಅನೇಕ ವೇಳೆ ಇಂತಹ ಲೇಖನಗಳು ವಾರದ ಪುರವಣೆಗಳಾಗುತ್ತವೆ. ಬಹಳ ಮಂದಿಗೆ ಮುಖ್ಯ ಸಮಾಚಾರಗಳು ಮಾತ್ರ ಬೇಕಿರುತ್ತವೆ. ಪುರವಣೆಗಳನ್ನು ಓದುವವರು ಕಡಿಮೆ. ನಮ್ಮ ಪತ್ರಿಕಾ ವಲಯಕ್ಕೆ ಈ ಸುದ್ದಿಗಳು ಪ್ರಮುಖವೆನಿಸುವುದಿಲ್ಲ. ಅವಕ್ಕೆ ಕೇವಲ ಜಗಳ, ಯುದ್ಧ, ಕೊಲೆ, ಪಕ್ಷಾಂತರ ಇಂತಹ ಸುದ್ದಿಗಳೇ ಬೇಕಿರುತ್ತವೆ.

ಏನು ಮಾಡುವುದು ...ದೊಡ್ಡ ?????

ಈಗಿನ ಪರಿಸ್ಥಿತಿ ಮೊದಲ ಹಲ್ಲು ಬರುವಾಗ ನವೆ ಇರುವ ಹಾಗೆ ಇದೆ. ಇಂತಹ ಅಂತರ್ಜಾಲ ತಾಣ ಮತ್ತೊಂದಿಲ್ಲದಿರುವುದರಿಂದ ಮತ್ತು ಎಲ್ಲರಿಗೂ ಉತ್ತರಿಸುವುದರಿಂದ ಬರ್ತಾರೆ, ಕೇಳ್ತಾರೆ. ನನಗೆ ಇದುವರೆವಿಗೂ ಯಾರೂ ಜಾಸ್ತಿಯಾಗಿ ಅಂಚೆ ಕಳುಹಿಸಿಲ್ಲ. ಆದ್ದರಿಂದ ನಿಮ್ಮಲ್ಲಿಗೆ ಬರುವ ಒಂದಷ್ಟು ಅಂಚೆಗಳನ್ನು ನನಗೆ ರವಾನಿಸಿ. ನನಗೂ ಸ್ವಲ್ಲ್ಪ ತಲೆಕೆಡಲಿ.

ಅಂತರ್ಜಾಲ ತಾಣದಲ್ಲಿ ಕನ್ನಡ ಬಳಕೆ ೧೦೦% ಆಗುವವರೆವಿಗೂ ನಾವು ತಾಳ್ಮೆ ತಳೆಯಬೇಕು. ನೀವೇ ನೋಡಿದ್ದೀರಲ್ಲ - ಬೇರೆ ತಾಣಗಳಲ್ಲಿ ಇನ್ನೂ ಕಂಗ್ಲೀಷಿನಿಂದ ಮುಂದಕ್ಕೆ ಹೋಗೇ ಇಲ್ಲ. ಜನರನ್ನು ಬದಲಿಸೋಕ್ಕಾಗೋಲ್ಲ. ನಾವೇ ಬದಲಾಗೋಣ.

ಅಂಚೆಗಳನ್ನು ನನಗೆ ಕಳುಹಿಸಿ - ನಿಮ್ಮ ಕೆಲಸದ ಕಡೆ ಹೆಚ್ಚಿನ ಗಮನ ಕೊಡಿ ಎಂದು ಕೋರುವೆ. ನಿಮ್ಮ ಆ ಕೆಲಸ ಬಹಳ ಮುಖ್ಯ. ಅದರ ಅರಿವು ಇಂದು ನಮಗಾಗದು - ಮುಂದೆ ಅದರ ಫಲ ಅನುಭವಿಸುವಾಗ ಆಗುವುದು.

ವಂದನೆಗಳೊಂದಿಗೆ
---
ತವಿಶ್ರೀನಿವಾಸ
http://asraya.net