~
ಪರಿವೇಶಣ
'ಸಂಪದ'ದಲ್ಲಿ ಹರಿ ಪ್ರಸಾದ್ ನಾಡಿಗ್ ಬರೆಯುವ ಬ್ಲಾಗ್.
ವಿಂಡೋಸ್ ಒಳಗೇ ಲಿನಕ್ಸ್ ಹಾಕಿಕೊಳ್ಳಬಹುದು!
May 16, 2008 - 6:16am — hpn
ತಮಾಷೆ ಕೇಳಿ. ನೀವು ನಿಮ್ಮ ಕಂಪ್ಯೂಟರಿನಲ್ಲಿ ಆಗಲೇ ವಿಂಡೋಸ್ ಹಾಕಿಕೊಂಡು ಬಳಸುತ್ತಿದ್ದು ಲಿನಕ್ಸ್ ಹಾಕಿಕೊಳ್ಳೋದಕ್ಕೆ ಹೊರಟಾಗ ಅಂಜಿಕೆಯೋ, ಹಿಂಜರಿಕೆಯೋ ಆದರೆ ನೇರ ವಿಂಡೋಸ್ ಒಳಗೇ ಇದನ್ನು ಹಾಕಿಕೊಂಡುಬಿಡಬಹುದು (ಇದಕ್ಕೆ ಮತ್ತೆ ಸ್ವಲ್ಪ ಜಾಗ ಖಾಲಿ ಮಾಡಿಕೊಂಡು ಒಂದು ಪಾರ್ಟಿಶನ್ ಹಾಕಿಕೊಳ್ಳೋದು, ಫಾರ್ಮ್ಯಾಟ್ ಮಾಡೋದು ಇವೆಲ್ಲ ಬೇಕೇ ಆಗಿಲ್ಲ).
ಹೇಗೆ ಕೆಲಸ ಮಾಡುತ್ತೆ ಇದು? ವಿಂಡೋಸ್ ನಲ್ಲಿ "Add/Remove Programs" ಅಡಿ ಇದರ ಒಂದು entry ಸೇರಿಕೊಳ್ಳುತ್ತದೆ. ನಿಮಗೆ ಲಿನಕ್ಸ್ ಬೇಡ ಎನಿಸಿದಾಗ ಅಲ್ಲಿ ಹೋಗಿ ಪ್ರೋಗ್ರಾಮ್ ತೆಗೆದುಹಾಕಿದರಾಯಿತು! ಸುಲಭ ಅಲ್ವ? ಗ್ನು/ಲಿನಕ್ಸ್ ಬಳಸುವುದನ್ನು ಹೊಸತಾಗಿ ಪ್ರಾರಂಭಿಸಿದವರಿಗೆ ಇದು ಬಹಳ ಉಪಯುಕ್ತವಾಗಬಹುದು.
ಹೆಚ್ಚಿನ ಮಾಹಿತಿಗೆ ನೋಡಿ:
http://wubi-installer.org/
- hpn ರವರ ಬ್ಲಾಗ್
- Login or register to post comments
- 956 hits
ಈ ಪುಟವನ್ನು ಇ-ಮೇಯ್ಲ್ ಮಾಡಿ
Printer-friendly version- ನಿರ್ವಾಹಕರ ಗಮನಕ್ಕೆ ತನ್ನಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS:
ಪ್ರತಿಕ್ರಿಯೆಗಳು
ಉ: ವಿಂಡೋಸ್ ಒಳಗೇ ಲಿನಕ್ಸ್ ಹಾಕಿಕೊಳ್ಳಬಹುದು!
ಒಳ್ಳೆ ವಿಶಯ..ನನ್ನಿ. ಇದೇನು ವಿ ಎನ್ ಸಿ ಕ್ಲಯಂಟೋ ತರನೊ(vnc - www.realvnc.com) ಅತವ ವಿಂಡೋಸ್ ಅಪ್ಲಿಕೇಶನ್ನೊ ಗೊತ್ತಾಗ್ಲಿಲ್ಲ.
--
ಕನ್ನಡಕ್ಕೆ ಬೇಕು ಕನ್ನಡದೇ ಸೊಬಗು,ಸೊಗಡು
ಉ: ವಿಂಡೋಸ್ ಒಳಗೇ ಲಿನಕ್ಸ್ ಹಾಕಿಕೊಳ್ಳಬಹುದು!
ನಮಸ್ಕಾರ,
ವರ್ಚುವಲ್ ಬಾಕ್ಸ್ ಎಂಬ ಒಂದು ತಂತ್ರಾಂಶ ಬಳಸಿ ಕೂಡ ವಿಂಡೋಸ್ ಒಳಗಿಂದ ಲಿನಕ್ಸ್ ಉಪಯೋಗಿಸಬಹುದು. ನಾನು ಸುಮಾರು ೧ ತಿಂಗಳಿಂದ ಅದನ್ನು ಉಪಯೋಗಿಸುತ್ತಾ ಇದ್ದೇನೆ.
ವಿವರಗಳಿಗೆ : http://www.virtualbox.org/ ಕೊಂಡಿ ನೋಡಿ.
ಕೇಶವ ಮುರಳಿ
ಉ: ವಿಂಡೋಸ್ ಒಳಗೇ ಲಿನಕ್ಸ್ ಹಾಕಿಕೊಳ್ಳಬಹುದು!
ವಿಷಯ ತಿಳಿಸಿದ್ದಕ್ಕೆ ಬಹಳ ಧನ್ಯವಾದಗಳು ಹರಿಪ್ರಸಾದ್!
ಇನ್ಸ್ಟಾಲ್ ಆರಂಭಿಸಿರುವೆ
-ಹಂಸಾನಂದಿ
ನನ್ನ (mostly) ಇಂಗ್ಲಿಷ್ ಬ್ಲಾಗ್ - ಅಲ್ಲಿದೆ ನಮ್ಮ ಮನೆ:- http://neelanjana.wordpress.com/
ನನ್ನ ಪಾಡ್ ಕಾಸ್ಟ್ ಗಳು :- http://hamsanandi.mypodcast.com/
ಉ: ವಿಂಡೋಸ್ ಒಳಗೇ ಲಿನಕ್ಸ್ ಹಾಕಿಕೊಳ್ಳಬಹುದು!
ಇದು ಉಬುಂಟು ೮.೦೪ ನಲ್ಲಿ ಕೂಡ ಸಿಗುತ್ತದೆ.
ಆದರೆ ಒಂದು ಮಾತು ಬೇರೆಯೇ ಪಾರ್ಟಿಶನ್ ಮಾಡಿ ಹಾಕಿಕೊಂಡರೆ performance ಚೆನ್ನಾಗಿರುತ್ತದೆ.
ಸಿರಿಗನ್ನಡಂ ಗೆಲ್ಗೆ, ಸಿರಿಗನ್ನಡಂ ಬಾಳ್ಗೆ
ಉ: ವಿಂಡೋಸ್ ಒಳಗೇ ಲಿನಕ್ಸ್ ಹಾಕಿಕೊಳ್ಳಬಹುದು!
ಈ ಮೇಲಿನ ತಂತ್ರಜ್ನಾನವನ್ನು Virtualization ಅನ್ನುತ್ತಾರೆ. ನಾನು ಅದೇ ವಿಭಾಗದಲ್ಲಿ ಕೆಲಸಮಾದುತ್ತಿದ್ದೇನೆ. ನಮ್ಮ ಕಂಪನಿಯೂ ಏ ತರಹದ Software ತಯಾರು ಮಾಡುತ್ತದೆ. ಮನೆಯಲ್ಲಿ ನಾನೂಕೂಡ ಹೀಗೇನೇ Linux ಬಳಸೋದು.
ನಮ್ಮ ಕಂಪನಿ ತಂತ್ರಾಂಶ ಡೌನಲೋಡ ಮಡಿಕೊಳ್ಳಲು ಈ ಕೊಂಡಿ ನೋಡಿ
http://www.vmware.com/download/ws/
ಇದು ಉಚಿತವಲ್ಲ ಆದರೆ 30 ದಿನಗಳ ಪ್ರಾಯೋಗಿಕ ಆವ್ರುತ್ತಿ ಪಡೆಯಬಹುದು.
ವಿನಾಯಕ ಮುತಾಲಿಕ ದೇಸಾಯಿ
ಉ: ವಿಂಡೋಸ್ ಒಳಗೇ ಲಿನಕ್ಸ್ ಹಾಕಿಕೊಳ್ಳಬಹುದು!
ವುಬಿ (WUBI) ಉಪಯೋಗಿಸುವುದು virtualizationನಲ್ಲ. ವಿಂಡೋಸನ NTFS/FAT32 ಫೈಲ್ ಸಿಸ್ಟಮಗಳ ಮೇಲೆ ಒಂದು ಫೈಲನ್ನು ಸೃಷ್ಟಿಸಿ ಅದನ್ನು loopback mount ಮಾಡುತ್ತೆ. ಆ ಫೈಲು mount ಆಗಿರೋ ಅಷ್ಟು ಹೊತ್ತು ಯಾವುದೋ ಲಿನಕ್ಸಿನ ಫೈಲ್ ಸಿಸ್ಟಮ್ ಥರಾನೆ ಕಾಣುತ್ತೆ. ಅದರಲ್ಲಿ ಲಿನಕ್ಸನ್ನು ಸ್ಥಾಪಿಸತ್ತೆ. ಇದಾದ ಮೇಲೆ ಅದರದ್ದೆ ಆದ ರೀತಿಯನ್ನು ಉಪಯೋಗಿಸಿ ಬೂಟ್ ಲೋಡರನ್ನು ಸ್ಥಾಪಿಸುತ್ತೆ.
ವರ್ಷಗಳಿಂದ ಈ ತರಹದ ಪ್ರಯತ್ನಗಳು ನಡೆಯುತ್ತಲೇ ಇವೆ. ಆಗ UMSDOS ಎಂಬ ಫೈಲ್ ಸಿಸ್ಟಮನ್ನು ಉಪಯೋಗಿಸುತ್ತಿದ್ದರು. ಈಗ ಇದು. ಅಷ್ಟೇ.
ಉ: ವಿಂಡೋಸ್ ಒಳಗೇ ಲಿನಕ್ಸ್ ಹಾಕಿಕೊಳ್ಳಬಹುದು!
ಹರಿಪ್ರಸಾದರಿಗೆ,
ಈ ಮಾಹಿತಿ ಹಾಕಿದ್ದಕ್ಕೆ ಧನ್ಯವಾದಗಳು. ನನ್ನ ಲ್ಯಾಪ್-ಟಾಪಿಗೆ ಉಬಂಟು ಹಾಕಿಕೊಂಡು ಅದರಿಂದ ಪ್ರತಿಕ್ರಯಿಸುತ್ತಿದ್ದೇನೆ.
ಅನಿಲ
ಉ: ವಿಂಡೋಸ್ ಒಳಗೇ ಲಿನಕ್ಸ್ ಹಾಕಿಕೊಳ್ಳಬಹುದು!
ವಿಂಡೋಸ್ನಿಂದ ಇನ್ಸ್ಟಾಲ್ ಮಾಡುವಾಗ
ಇನ್ಸ್ತಾಲ್ ಮಾಡುವಾಗ ಮೆಮೊರಿ 512 ಎಮ್ .ಬಿ ಇದ್ದರೂ memory insufficient requires 512 mb of Ram ಅಂತ ಬರುತ್ತೆ.
ನಾನು ೧ ಜಿ.ಬಿ ಮೆಮೊರಿನಲ್ಲೆ ಇನ್ಸ್ಟಾಲ್ ಮಾಡಿದ್ದು
http://thereda-mana.blogspot.com/
ರೂಪ
ಉ: ವಿಂಡೋಸ್ ಒಳಗೇ ಲಿನಕ್ಸ್ ಹಾಕಿಕೊಳ್ಳಬಹುದು!
ಎಲ್ಲೋ bug ಇರಬೇಕು ಅನ್ನಿಸುತ್ತದೆ. ಈ ಕೊಂಡಿ ನೋಡಿ. ಇದು ಕೆಲಸ ಮಾಡಬಹುದು
https://wiki.ubuntu.com/WubiGuide#head-3b62d195ae4508cbc9cda21f715c53063...
ಸಿರಿಗನ್ನಡಂ ಗೆಲ್ಗೆ, ಸಿರಿಗನ್ನಡಂ ಬಾಳ್ಗೆ