ಚೆನ್ನಾಗಿದೆ ಹರಿಪ್ರಸಾದ್ ಅವರೆ!

ಮಾಡುವ ವಿಧಾನ : ಇದು ನನ್ನ ಊಹೆ ಮಾತ್ರ. ರುಚಿಯಿಂದ reverse engineer ಮಾಡಿ ಬರೆದಿದ್ದೇನೆ ಅಷ್ಟೇ!

ಒಂದು ಅಳತೆ ತೊಗರಿಬೇಳೆ, ಒಂದು ಅಳತೆ ಕಡಲೆ ಬೇಳೆ ಎರಡನ್ನೂ ಸೇರಿಸಿ ಮಿಕ್ಗಿಯಲ್ಲಿ ನುಚ್ಚು ಮಾಡಿಕೊಳ್ಳಿ. ಬಹಳ ಸಣ್ಣಗೆ ಆಗಬಾರದು.
ಎರಡುಗಂಟೆ ನೆನೆಸಿಡಿ. ನಂತರ ೮-೧೦ ಹಸಿಮೆಣಸಿನಕಾಯಿ (ನಿಮ್ಮ ಖಾರದ ಮಟ್ಟಕ್ಕೆ ತಕ್ಕಷ್ಟು), ಅರ್ಧ ಕಟ್ಟು ಕೊತ್ತಂಬರಿ, ಒಂದು ಸಣ್ಣ ಹಸಿಶುಂಠಿಯ ಚೂರನ್ನು ಮಿಕ್ಸಿಯಲ್ಲಿ ನುಣ್ಣಗೆ ತಿರುವಿಕೊಳ್ಳಿ (ಇಷ್ಟವಿದ್ದವರು, ಒಂದು ಚಮಚ ಜೀರಿಗೆ, ೪-೬ ಕಾಳುಮೆಣಸನ್ನೂ ಹಾಕಬಹುದು) . ನೆನೆಸಿದ ಬೇಳೆಯ ಮಿಶ್ರಣದಲ್ಲಿ ನೀರನ್ನೆಲ್ಲ ಸೋಸಿಬಿಡಿ, ಅದಕ್ಕೆ ತಿರುವಿದ ಮಿಶ್ರಣವನ್ನು ಹಾಕಿ ಕಲೆಸಿ. ಇಷ್ಟವಿದ್ದರೆ, ಒಂದು ಈರುಳ್ಳಿಯನ್ನು ಸಣ್ಣಗೆ ಹೆಚ್ಚಿ ಹಾಕಿ. ಮೇಲೆ ನೀರು ಹಾಕದೆ ಕಲೆಸಿ. ಇದು ಅಕ್ಕಿರೊಟ್ಟಿ ಹಿಟ್ಟಿನ ಹದ (ಅಥವ ಅದಕ್ಕಿಂತ ಸ್ವಲ್ಪ ಗಟ್ಟಿ) ಇದ್ದರೆ ಸರಿ. ಚಿತ್ರದಲ್ಲಿರುವಂತೆ ಕೈಯಲ್ಲಿ ಸಣ್ಣ ಸಣ್ಣ ಉಂಡೆಗಳಾಗಿ ಮಾಡಿ, ಪಾತ್ರೆಯಲ್ಲಿಟ್ಟು ಪ್ರೆಶರ್ ಕುಕರ್ ನಲ್ಲಿಡಿ. ಹಬೆ ಬಂದ ಮೇಲೆ, weight ಇಡದೆ, ೮-೧೦ ನಿಮಿಷ ಬೇಯಿಸಿ.

ರುಚಿರುಚಿಯಾದ, ನುಚ್ಚಿನುಂಡೆ ತಯಾರ್! ಬೇಕಿದ್ದರೆ ಪುದಿನ ಚಟ್ನೆ, ಅಥವ ಬೇರೆ ಚಟ್ಣಿ ಪುಡಿಯ ಜೊತೆ ತಿನ್ನಿ. ಹಾಗೇ ತಿನ್ನಲೂ ಬಲು ಸೊಗಸಾಗಿರುವುದು.

-ಹಂಸಾನಂದಿ

ಸೂ: ನಾಡಿಗರೆ, ನಿಮ್ಮ ತಾಯಿಯವರ ವಿವರಣೆ ಇದಕ್ಕಿಂತ ಎಷ್ಟು ಬೇರೆಯಾಗಿದೆ ಅನ್ನೋದನ್ನ ತಿಳಿಸಲು ಮರೀಬೇಡಿ!