ಕಲ್ಪನಾಲೋಕ
ದೂರದಿಂದ ಬಂದವರೆ, ಬಾಗಿಲಲಿ ನಿಂದವರೆ,
ಸ್ವಾಗತ, ಸುಸ್ವಾಗತ...
ಅಂತು ಇಂತು
March 29, 2008 - 11:17pm — kalpana
ಫ್ಲೂ ಬಂ...ತು
ಒಂದು ಬೇಡಾದ ಅತಿಥೇಯನಂತೆ
ಸುಸ್ತಾದೆ, ಸೊರಗ್ ಹೋದೆ,
ಯಪ್ಪಾ ಬೇಡಪ್ಪ ಸಾಕಪ್ಪ ಬೇ..ನೆ (ಗೊತ್ತಾಗ್ಲಿಲ್ಲ ಅಂದ್ರೆ ಇದು ಮಿಲನ ಚಿತ್ರದ ಹಾಡಿನ ಪ್ಯಾರೊಡಿ 
)
ಫ್ಲೂ ಸೀಸನ್ ಅಮೇರಿಕದಲ್ಲಿ ಶುರುವಾದೊಡನೆ ಆಸ್ಪತ್ರೆಗೆ ಓಡಿ ಚುಚ್ಚುಮದ್ದು ತೊಗೊಂಡೆ, ಅದು ಬರ್ದೆ ಇರ್ಲಿ ಅಂತ. ಏನೊಂಚೂರು ಮುಟ್ಟಿದರೂ ಕೈ ತೊಳ್ದಿದ್ದೇ ತೊಳ್ದಿದ್ದು! ಹೊಸದೊಂದು ೯೯.೯% ವೈರಸ್ ಸಾಯಿಸುವ spray ಕಂಡೋಡನೆ ಕೊಂಡು, ಮನೆಯೆಲ್ಲ spray ಮಾಡಿ ಒರೆಸಿದ್ದೇ ಒರೆಸಿದ್ದು! ಕೊನೆಯಲ್ಲಿ ಈ ಸ್ಟ್ರೆಸ್ ತಡೀಲಾರ್ದೆ ಉಡುಪಿ ಹೋಟೆಲಿನಲ್ಲಿ ಬಫೆ ಜಡಾಯಿಸಿ ತಿಂದೆ ನೋಡಿ, ಅಲ್ಲಿ ಯಾರು ಯಾವ ಪಲ್ಯದ ಮೇಲೆ ಕೆಮ್ಮಿದ್ರೋ ಏನೋ, ನನಗೆ ಫ್ಲೂ ವಕ್ರಿಸಿತು
ಈಗ ಬರೀ ಕಷಾಯ, ಕಟ್ಟಿನ ಸಾರು, ಬೆಚ್ಚನೆ ಹೊದ್ದು ಮಲಗೋದು.. ಅಯ್ಯೋ ಅದೆಲ್ಲ ಭಾರತದಲ್ಲಿ ನಮ್ಮ ತಾಯಿ ಮಾಡ್ತಾ ಇದ್ದ ಆರೈಕೆ ಬಿಡಿ. ಈಗ ಇಲ್ಲಿ, ನಾನು ಔಷಧಿ ನುಂಗಿ ಮತ್ತದೇ ಚಕ್ರದ ಬದುಕಿಗೆ ವಾಪಸ್ಸು...
- kalpana ರವರ ಬ್ಲಾಗ್
- Login or register to post comments
- 275 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS:
ಪ್ರತಿಕ್ರಿಯೆಗಳು
ಉ: ಅಂತು ಇಂತು
ಕಿವಿಮಾತೊಂದ ಹೇಳಲೆ ನಾನಿಂದು
ಹೋಟೆಲ್ನಲ್ಲಿ ತಿನ್ವಾಗ ಹುಶಾರಿರಬೇಕೆಂದು
ಹಾಗೂ ಹೀಗೂ ಸರಿ ಹೋದಿರಲ್ಲಾ ಬಹಳಾ ಸಂತೋಷ
ರೂಪ
ಉ: ಅಂತು ಇಂತು
ಬಫೆ ಮೆದ್ದು ಹೋದಮೇಲೆ, ಅಕ್ಷಿಯೊಂದು ಕಾಡಿದೆ.
ಮನೆಗೆಲ್ಲ ಬಂದ ಮೇಲೆ, ನೆಗ್ಡಿಯೊಂದು ಮೂಡಿದೆ
ಕಶಾಯವೇ ಗತಿ ಈಗಲಾಗಿದೆ.
ಬೇಗ ಬೇಗ ಹುಶಾರಾಗಿ. ಪೂರ್ತಿ ಹುಶಾರಾದ ಮೇಲೆ ಹೇ ಹೇ ಹೇ ಆ ಹಾ ಹಾ ತಾ ನಾ ನ ತನ ನಾನ, ನಾನಾನ ನಾ. ಅಂತ ಇನ್ನೊಂದು ಪ್ಯಾರೊಡಿ ಬಿಡಿ ಹಾಗೆ.
ಉ: ಅಂತು ಇಂತು
ನಿಮ್ಮ ಪ್ರತಿಕ್ರಿಯೆಗಳನ್ನು ಓದಿಯೇ ಫ್ಲೂ ಗುಣವಾಗಿರುತ್ತದೆ.
ಉ: ಅಂತು ಇಂತು
ನಿಮ್ಮಿಂದಲೇ ನಿಮ್ಮಿಂದಲೇ
ಫ್ಲೂ ಇಂದು ಹಾಳಾಗಿದೆ
ನಿಮ್ಮಿಂದಲೇ ನಿಮ್ಮಿಂದಲೇ
ಮನಸಿಂದು ಮುದಗೊಂಡಿದೆ
ನಿಮ್ಮ ಹಾರೈಕೆ ನನಗಿಂದು ಖುಷಿ ತಂದಿದೆ
ನಾ ಕೂತಲ್ಲೆ ಕುಣಿದೆದ್ದೆ ನಿಮ್ಮಿಂದಲೇ....
ನಿಮ್ಮಿಂದಲೇ....
ನಿಜಕ್ಕೂ ನಿಮ್ಮ ಪ್ರತಿಕ್ರಿಯೆ ಮನಸ್ಸಿಗೆ ಬಹಳ ಹರುಷ ತಂದಿತು. ಸ್ನೇಹಿತರೆಂದರೆ ಹೀಗಿರಬೇಕು, ಅಯ್ಯೋ ಪಾಪ ಎನಲು ಒಂದು ಕೀಲಿಮಣೆಯೇ ಸಾಕು
ಧನ್ಯವಾದಗಳು!