ಆಹ ಎಂತ ಮಧುರ ಯಾತನೆ ....
January 4, 2007 - 1:27am — kannadiga_1956
ಅನಿಸುತಿದೆ ಯಾಕೋ ಇಂದು, ನೀನೇನೆ ನನ್ನವಳೆಂದು.. ಮಾಯದಾ ಲೋಕದಿಂದ, ನನಗಾಗೆ ಬಂದವಳೆಂದು...
ಆಹ ಎಂತ ಮಧುರ ಯಾತನೆ SS....ಕೊಲ್ಲು ಹುಡುಗಿ ಒಮ್ಮೆ ನನ್ನಾ sss... ಹಾಗೆ ಸುಮ್ಮನೆ ..ಎss
ಮುಂಗಾರು ಮಳೆ ಚಿತ್ರದ ಈ ಹಾಡು ನನ್ನಲ್ಲೂ ಅದೇ ಮಧುರವಾದ ಯಾತನೆನ ಹಾಡು ಕೇಳ್ದಾಗ್ಲೆಲ್ಲಾ ತರಿಸ್ತಾ ಇದೆ. ಆ ತರ ಭಾವನೆಗಳು ಟೀನೇಜ್ ಹೋಗ್ತಾ ಹೋಗ್ತಾ ಸತ್ತೋಗತ್ತೆ ಅಂತ ತಿಳ್ದಿದ್ದೆ. ಬಹಳ ವರ್ಷದಿಂದ ತುಂಬಾ Practical ಆಗಿದ್ದಿನಿ, ಈ ರೀತಿಯ Sentiments ಎಲ್ಲಾ ಬರೋಕೆ ಸಾದ್ಯನೇ ಇಲ್ಲ ಅಂತ ಅಂದ್ಕೊಂಡಿದ್ದೆ. ಆದ್ರೆ ಈ ಚಿತ್ರ ಅದೇಗೋ ಅದೇ ಭಾವನೆಗಳನ್ನ ಬರೋ ಹಾಗೆ ಮಾಡ್ತಾ ಇದೆ. ಏಷ್ಟೋ ಪ್ರೇಮ ಕಥೆ ಇರೋ ಚಿತ್ರ ನೋಡಿದ್ದೀನಿ - ಹಿಂದಿ, ಇಂಗ್ಲೀಷ್ - ಯಾವ್ದೂ ಇಷ್ಟು ಮನಸ್ಸಿಗೆ ಅತ್ರ ಆಗಿರ್ಲಿಲ್ಲ. "ದಿಲ್ವಾಲೆ ದುಲ್ಹನಿಯ ಲೇ ಜಾಯೆಂಗೆ" ಚಿತ್ರದಿಂದ ಬಹಳಷ್ಟು ಜನ ಹುಡುಗಿರು ತಮ್ಮ ತಮ್ಮನ್ನೇ ಆ ಚಿತ್ರದಲ್ಲಿ ಕಂಡುಕೊಂಡಿದ್ರು.. ಹುಡುಗಿಯರಿಗೆ ಆ ಚಿತ್ರ ಹೇಗೋ 'ಮುಂಗಾರು ಮಳೆ" ಹುಡುಗರಿಗೆ ಅನ್ಸುತ್ತೆ. ಹುಡುಗಿರು ಬರಿ ಚೆನ್ನಾಗಿದೆ ಅಂದಷ್ಟೇ ಹೇಳ್ತಾರೆ ಈ ಚಿತ್ರದ ಬಗ್ಗೆ. ಹುಡುಗರನ್ನ ಕೇಳಿದ್ರೆ - ಅವರ ಮುಖದ Expressionನೇ ಬದಲಾಗೊದನ್ನ ನೋಡಿದ್ದಿನಿ.
ಮಳೆಗೂ , ನೋವಿಗೂ , ಪ್ರೇಮಕ್ಕೂ ಅದೇನು ನಂಟೋ ? ಪ್ರೇಮ ಮಳೆಯಲ್ಲಿ ನೆಂದಾಗ ಇನ್ನೂ ಪ್ರೇಮಮಯವಾಗಿ ಕಾಣುತ್ತೆ, ನೋವು ಮಳೆಯಲ್ಲಿ ನೆಂದಾಗ ಇನ್ನೂ ಹೆಚ್ಚ್ಹು ನೋವಾಗಿರೋ ಹಾಗೆ ಕಾಣುತ್ತೆ. ಒಟ್ನಲ್ಲಿ ಈ ಮೂವರನ್ನೂ ಸೇರ್ಸಿ ಇಷ್ಟು ಒಳ್ಳೆ ಚಿತ್ರ ಕೊಟ್ಟಿದ್ದಕ್ಕೆ ಇಡೀ ಚಿತ್ರ ತಂಡಕ್ಕೆ ತುಂಬಾ ತುಂಬಾ ಧನ್ಯವಾದಗಳು.
- kannadiga_1956 ರವರ ಬ್ಲಾಗ್
- Login or register to post comments
- 829 hits
- ಈ ಪುಟವನ್ನು ಇ-ಮೇಯ್ಲ್ ಮಾಡಿ
ಮೇಲಿನ ಪುಟವನ್ನು ಹೋಲುವ ಪುಟಗಳು - 'ಸಂಪದ' ಆರ್ಕೈವಿನಿಂದ
RSS:
ಪ್ರತಿಕ್ರಿಯೆಗಳು
Re: ಆಹ ಎಂತ ಮಧುರ ಯಾತನೆ ....
ನೀವ್ ಇದನ್ನು ಬರೆಯೋವಾಗ ತುಂಬಾ feel ಮಾಡಿಕೊಂಡು ಬರೆದಿದ್ದೀರ? ಆ ಸಿನಿಮಾ ನೋಡುವ ಆಸೆ ಬಂದಿದೆ, ವಾರದ ಕೊನೇಲಿ ಏನಾಗುತ್ತೋ ನೋಡೋಣ.
Re: ಆಹ ಎಂತ ಮಧುರ ಯಾತನೆ ....
ಮುಂಗಾರಿನ ಮಳೆ ಈ ವಾರ ನೋಡಬೇಕು..ಹಾಡುಗಳು ಮತ್ತು ಅದರ ಚಿತ್ರೀಕರಣ ಸೊಗಸಾಗಿದೆ..
Re: ಆಹ ಎಂತ ಮಧುರ ಯಾತನೆ ....
ಅನಿಸುತಿದೆ ಯಾಕೋ ಇಂದು, ನೀನೇನೆ ನನ್ನವಳೆಂದು - ಈ ಹಾಡು ನನಗೂ ಇಷ್ಟವಾಯಿತು. ಇದರಲ್ಲಿ ಹೊಸತನವಿದೆ ಎಂದು ಅನ್ನಿಸಿತು. ಹಾಗೆಯೆ "ಕಲ್ಲರಳಿ ಹೂವಾಗಿ, ಹೂವರಳಿ" ಹಾಡಿನ ಸಾಹಿತ್ಯ ಕೂಡ ಹೊಸತನದಿಂದ ಕೂಡಿದೆ.
ಇಂತಹ ಇನ್ನಷ್ಟು ಹಾಡುಗಳು ಬರಲಿ....
Re: ಆಹ ಎಂತ ಮಧುರ ಯಾತನೆ ....
ಸ್ವಲ್ಪ feel ಮಾಡ್ಕೊಂಡು ಬರ್ದಿದ್ದೆ ;-) ಈ ಚಿತ್ರನ ದಯವಿಟ್ಟು ನೋಡಿ, ನಂತರ ನಿಮ್ಮ ಅನಿಸಿಕೆನ ಇಲ್ಲಿ ಬರೆಯೋದು ಮಾತ್ರ ಮರೀಬೇಡಿ.
ಉ: ಆಹ ಎಂತ ಮಧುರ ಯಾತನೆ ....
ಮುಂಗಾರು ಮಳೆಯೇ ಏನು ನಿನ್ನ ಹನಿಗಳ ಲೀಲೆ.
ಬೆಂಗಳೂರಿನಲ್ಲಿ ಹೇಳಬೇಕೆಂದರೆ, ಈಶ್ವರಿಯಲ್ಲಿ ಓಡ್ತಾ ಇದೆ. ಮುಂಚೆ ಬರೀ ಬೇರೆ ಭಾಷೆಯ ಚಿತ್ರಗಳನ್ನು ಪ್ರದರ್ಶಿಸುತ್ತಿದ್ದ ಈಶ್ವರೀ ಥಿಯೇಟರ್, ಕಳೆದ ಒಂದೂವರೆ ವರ್ಷದಿಂದ ಕನ್ನಡ ಚಿತ್ರವನ್ನು ಹಾಕಿಯೇ ಹಾಕುತ್ತಿದ್ದಾರೆ.
ಇಂದೋ ನಾಳೆಯೋ, ರಾತ್ರಿ ಷೋಗೆ ಹೋಗಿ ನೋಡಬೇಕು.
Re: ಉ: ಆಹ ಎಂತ ಮಧುರ ಯಾತನೆ ....
ನಾನು ಈ ಚಿತ್ರದ ಬಗ್ಗೆ ಮತ್ತೆ ಇಲ್ಲಿ ಬರೆಯುವುದಿಲ್ಲ. ಏಕೆಂದರೆ 'ಮುಂಗಾರು ಮಳೆ ' ಎಂಬ ಎಳೆಯಲ್ಲೇ ಇದರ ಬಗ್ಗೆ ಬರೆದಿದ್ದೇನೆ.
ನಿಜವಾಗಲೂ ಆಹ ಎಂಥ..............................................ಸೊಗಸಾದ ಹಾಡು.
ಮನೋ ಮೂರ್ತಿ ಅದ್ಭುತ ಸಂಗೀತ ನೀಡಿದ್ದಾರೆ. ನಾನು ಕಳೆದ ಡಿಸೆಂಬರ್ ಕೊನೆಯ ವಾರದಿಂದ ಇಂದಿನವರೆಗೆ ಪ್ರತಿದಿನ ಕನ್ನಡಆಡಿಯೊ.ಕಾಮ್ನಲ್ಲಿ ಈ ಹಾಡು ಕೇಳಿದ್ದೇನೆ.ಇನ್ನೂ ಎಷ್ಟು ದಿವಸ ಕೇಳುತ್ತೇನೊ ಗೊತ್ತಿಲ್ಲ ಏಕೆಂದರೆ ಹುಚ್ಚು ಹಿಡಿಸಿದೆ ಈ ಹಾಡು ನನಗೆ.
ಇನ್ನೂ ಚಿತ್ರ ನೋಡದವರು ಬೇಗ ನೋಡಿ.
ನನಗಂತೂ ಈ ಚಿತ್ರದ ಒಂದು ದೃಶ್ಯದಲ್ಲಿ ಮೊಲ ಸಾಯುವಾಗ, ಕಣ್ಣೀರು ಬಂದುಬಿಟ್ಟಿತು.
ಭಗ್ನ ಪ್ರೇಮಿಗಳು ಈ ಚಿತ್ರ ನೋಡಿದರೆ ಕೊನೆಯಲ್ಲಿ ಗಳ ಗಳ ಅಳುವುದಂತೂ ಖಚಿತ.
ನಿಜವಾಗಿ ಅದ್ಭುತವಾದ ಚಿತ್ರ ಮುಂಗಾರು ಮಳೆ.
ತುಂಬಾ ನೋಯುತ್ತೆರೀ, ಆದ್ರೂ ಬಹಳ ಹಿತವಾದ ನೋವಿದು.
ಅನಿಸುತಿದೆ ಯಾಕೋ ಇಂದು... ಹಾಡಿನಲ್ಲಿ ಗಿಟಾರನ್ನು ಬಳಸಿಕೊಂಡಿರೋ ರೀತಿ ತುಂಬಾ ಚೆನ್ನ.
ಸಿನಿಮಾ ಕತೆ ಮತ್ತು ಅದು ಬಿಚ್ಚಿಕೊಳ್ಳುತ್ತಾ ಹೋಗುವ ರೀತಿ ಚೆನ್ನ.
ಕೆಮರಾ ಕೆಲಸ ಚೆನ್ನ.
ಒಟ್ಟಿನಲ್ಲಿ ಎಲ್ಲರೂ ತಪ್ಪದೇ ನೋಡಬೇಕಾದ ಸಿನಿಮಾ.
ಅಂದ ಹಾಗೆ ಮೇಲಿನದು, ಒಂದು ತುಂಬಾ touching ಸೀನ್ ಒಂದರಲ್ಲಿ ಬರುವ ಮಾತು.
ಕೊರಲು: ಪಿಟೀಲೂ ಇದೆ
ಅಯ್ಯೋ ಸಂಗನರೇ, ಇದರಲ್ಲಿ ನನ್ನ(
ಕಣ್ಣು ಹೊಡೆಯುತ್ತಾ) ಪಿಟೀಲೂ ಇದೆ ಕಣ್ರೀ...