"ಯಥಾಃ" ಅನ್ನೋದು ತಪ್ಪು.. ಯಥಾ ಸರಿ ಅನ್ನಿಸ್ತದೆ....

ಯಥಾ/ತಥಾ ಅವ್ಯಯ!

ತಾವು ಕೇಳಬೇಕೆಂದುಕೊಂಡಿದ್ದು ಬಹುಶಃ ಇದಲ್ಲವೇ:

"ಜನ್ಮಾದ್ಯಸ್ಯ ಯತಃ"

ಇದು ಬಾದರಾಯಣರ ಬ್ರಹ್ಮಸೂತ್ರದ ಸಮನ್ವಯಾಧ್ಯಾಯದಲ್ಲಿನ ಎರಡನೇ ಸೂತ್ರ(ಜನ್ಮಾದ್ಯಧಿಕರಣ ಎಂದೂ ಹೇಳುತ್ತಾರೆ).
ಮೊದಲನೆಯ ಸೂತ್ರವಾದ "ಅಥಾತೋ ಬ್ರಹ್ಮಜಿಜ್ಞಾಸಾ" ಎಂಬುದಕ್ಕೆ ಉತ್ತರವಾಗುವುದೇ ಈ ಸೂತ್ರ. ಇವಕ್ಕೆ ಭಾಷ್ಯ ಬರೆಯುವ ಶಕ್ತಿ
ನನಗಿಲ್ಲವಾದರೂ, ಸಣ್ಣದಾಗಿ ಅರ್ಥ ಹೇಳಿದರೆ ಹೀಗಾಗುತ್ತದೆ:

ಅಥಾತೋ ಬ್ರಹ್ಮಜಿಜ್ಞಾಸಾ => ಅಥ ಅತಃ ಬ್ರಹ್ಮಜಿಜ್ಞಾಸಾ = ಆದ್ದರಿಂದಲೇ ಈಗ ಬ್ರಹ್ಮವನ್ನು ತಿಳಿಯಬೇಕಿದೆ.
ಜನ್ಮಾದ್ಯಸ್ಯ ಯತಃ => ಜನ್ಮಾದಿ ಅಸ್ಯ ಯತಃ = ಯಾವನಿಂದ ಇದರ ಹುಟ್ಟೋ = ಯಾವನಿಂದ ಈ ವಿಶ್ವದ ಹುಟ್ಟು,ಇರುವಿಕೆ,ಸಾವುಗಳೋ ಅವನು (ಬ್ರಹ್ಮ ಯಾರೆಂಬ ಮೊದಲ ಸೂತ್ರಕ್ಕೆ ಉತ್ತರ).

ಇತ್ಯಾದಿ...
ಕುತೂಹಲಿಗಳು ವೇದಾಂತಸೂತ್ರದ ಶಂಕರ,ರಾಮಾನುಜ,ಮಧ್ವ,ನಿಂಬಾರ್ಕ,ವಲ್ಲಭ ಆಚಾರ್ಯರುಗಳ ಭಾಷ್ಯವನ್ನು ಓದಿ ನೋಡಿ.

ನಿಮ್ಮವ

ಬೆನಕ

ಕನ್ನಡಪುಟ.ಬ್ಲಾಗ್‍ಸ್ಪಾಟ್.ಕಾಂ.