ಮಾಧವರೇ , ನನಗೆ ತಿಳಿದಷ್ಟು ಹೇಳುತ್ತೇನೆ.
ಇದಕ್ಕಿಂತ ಒಳ್ಳೆಯ ಉತ್ತರ ಯಾರಾದರೂ ಕೊಡದೇ ಇದ್ದಲ್ಲಿ ಇದನ್ನೇ ಇಟ್ಟುಕೊಳ್ಳಿ .

ನವೋದಯ ಅನ್ನೋದು ಇಪ್ಪತ್ತನೇ ಶತಮಾನದ ಆರಂಭದಲ್ಲಿ ಹೊಸಗನ್ನಡದಲ್ಲಿ ಭಾವಗೀತೆಗಳು ,ಕತೆಗಳು ಬಂದಕಾಲ . ಬಿ.ಎಂ.ಶ್ರೀ ಮುಂತಾದವರಿಂದ ಹಿಡಿದು ಬೇಂದ್ರೆ ಕುವೆಂಪು ಮಾಸ್ತಿ ಮುಂತಾದವರ ಬರವಣಿಗೆ . ಆ ಮೊದಲು ಕನ್ನಡದಲ್ಲಿ ಭಾವಗೀತೆಗಳಾಗಲೀ , ಸಣ್ಣ ಕತೆಗಳಾಗಲೀ ಇರಲೇ ಇಲ್ಲ .

ನವ್ಯ ಅಂದರೆ ಪ್ರಾಸ, ಛಂದಸ್ಸು , ಲಘು ಗುರು ಗಣ ಇತ್ಯಾದಿಗಳನ್ನು ಕೈ ಬಿಟ್ಟ ಕಾವ್ಯದ ಕಾಲ . ಗೋಪಾಲಕೃಷ್ಣ ಅಡಿಗರಿಂದ ಶುರುವಾದ ಕಾವ್ಯ ಅಂತ ಕಾಣುತ್ತದೆ.

ಬಂಡಾಯ ಇದು ಹೂ , ಹೆಣ್ಣು , ಹಣ್ಣು , ಚಂದ್ರ , ತಾರೆ ಇತ್ಯಾದಿ ರಮ್ಯತೆಯಿಂದ ವಾಸ್ತವಿಕತೆಗೆ ಹೊರಳಿದ ಸಾಹಿತ್ಯ , ದೀನ ದಲಿತ ಕಾರ್ಮಿಕ ಪರ, ಶೋಷಣೆಯ ವಿರುದ್ಧ ಸಾಹಿತ್ಯ . ಚಂ.ಪಾ. ಕೂಡ ಒಂದು ಕಾಲಕ್ಕೆ ಬಂಡಾಯ ಕವಿ. ’ಎಲ್ಲೋ ಹುಟ್ಟಿ ಎಲ್ಲೋ ಬೆಳೆದು .... ಶಾಲ್ಮಲಾ’ ಹಾಡನ್ನು ನೀವು ಕೇಳಿರಬಹುದು , ಸಿ. ಅಶ್ವತ್ಥರ ದನಿಯಲ್ಲಿ. ಅದು ಇವರೇ ಬರೆದ ರೋಮ್ಯಾಂಟಿಕ್ ಕವಿತೆ. ಪಿ.ಲಂಕೇಶರು ಬಂಡಾಯವನ್ನು ಡಂಬಾಯ ಅಂತ ತಮಾಷೆ ಮಾದ್ತಿದ್ರು.

ನನಗೆ ತಿಳಿದ ಹಾಗೆ ತಿಳ್ಸಿದ್ದೀನಿ. ಅಲ್ಪ ಸೊಲ್ಪ ತಪ್ಪಿದ್ದರೂ ಇರಬಹುದು.

"ಕನ್ನಡದ ಪುಲ್ಲೆನಗೆ ಪರಮ ಪಾವನ ತುಳಸಿ"