ಹೌದೇನು? ಪರಿಸ್ಥಿತಿ ಅಷ್ಟು ವಿಪರೀತಕ್ಕೆ ಹೋಗಿದೆಯೇ? ನಾನೂ ಏಳರತನಕ ಕನ್ನಡದಲ್ಲೇ ಓದಿದವನು. ಆಗ ಅಷ್ಟು ವಿಚಿತ್ರವಾಗಿರಲಿಲ್ಲ ಅನ್ನಿಸುತ್ತೆ. ಈಗಿನ ಯಾವ ಪುಸ್ತಕಗಳನ್ನೂ ನಾನು ನೋಡಿಲ್ಲ. ಹಾಗಾಗಿ, ಅದರ ಬಗ್ಗೆ ಮಾತಾಡಲಾರೆ.

ಎರಡೂ ಕಡೆಯ ವಿಪರೀತ (extrimism) ಒಳ್ಳೇದಲ್ಲ. ಹೇಗೆ ಸಿದ್ಧಸ್ಮೃತಿಕೋಶ, ಯಾದೃಚ್ಚಿಕ, ಕುಕ್ಕುಟ ಉದ್ಯಮ, ಧೂಮ್ರಶಕಟವಾಹನ ಮೊದಲಾದವು ನನಗೆ ತೀರಾ ಅಸಂಬದ್ಧವಾಗಿ ತೋರುತ್ತೋ ಹಾಗೇ ಒರೆಗಂಟು, ಒಡರ್ಚು, ಮಾರುಲಿ, ಏಡು ಮೊದಲಾದ ಪದಗಳೂ (ಇವುಗಳ ಅರ್ಥ ತಿಳಿಯಲಿಕ್ಕೂ ಹಲವರು ಒರೆಗಂಟು = dictionary = ಪದಕೋಶವನ್ನೇ ನೋಡಬೇಕಾಗುತ್ತೆ!) ಕನ್ನಡದವೇ ಆದರೂ ಅಷ್ಟೇ ದೂರವಾಗಿ ಕಾಣುತ್ತವೆ! ಅದೇನೇ ಇರಲಿ, ಇದು ನನ್ನ ವೈಯಕ್ತಿಕ ಅಭಿಪ್ರಾಯ.

ಹೊಸ ಪಾರಿಭಾಷಿಕ ಪದಗಳನ್ನು ಹುಟ್ಟಿಸುವಾಗ ಕನ್ನಡದ ಹಳೆಯ ಪದಗಳನ್ನು ಹೆಕ್ಕಿತೆಗೆದರೆ ಅದು ಒಳಿತೇ. ಆದರೆ, ದಿನನಿತ್ಯದ ಆಡುಮಾತಿನ ಉಪಯೋಗಿಸುವ ಪದಗಳನ್ನೂ ನಾವು ಪಂಪ ರನ್ನರ ಕಾಲದ ಪದಗಳಿಂದಲೇ, ಅಥವ University of Chicago ನ ದ್ರಾವಿಡ ಭಾಷಾ "ಒರೆಗಂಟ"ನ್ನು ಹುಡುಕಿ, ಬದಲಾಯಿಸಿಕೊಳ್ಳುವಂತಹ ಕೆಲಸ ನಾನು ಮಾಡಲಾರೆ. ನನಗೆ ಮಾತಾಡುವಾಗ ಸಂಸ್ಕೃತದ್ದೇ ಆಗಿದ್ದರೂ, ಸೂರ್ಯನೇ ನೇಸರಿಗಿಂತ ಹತ್ತಿರ! ನನಗೆ ನೇಸರು ಏನಿದ್ದರೂ ಕವಿತೆಯಲ್ಲಿ ಚಂದ ಕಾಣುತ್ತೆ.

-ಹಂಸಾನಂದಿ

ಸುನಿಲ,

ಹಳೆ-ಕೆಲ-ನೆಪ್ಪುಗಳು ಬಂದುವು.

ನನ್ನ ಗೆರೆ ಅದೇನು ಚನ್ನಿತ್ತೋ, ನಮ್ಮ ತಾತ(ಅಜ್ಜಿ+ಅಮ್ಮ) ಪಟ್ಟು ಹಿಡಿದು ನಮ್ಮ ಮನೆಗೆ ದೂರವಾದ ಇಂಗ್ಲೀಸ್ ಸ್ಕೂಲಿಗೆ ಕೆಜಿ ಮಟ್ಟದಿಂದ ನನ್ನ ಸೇರಿಸಿದರು. ನಮ್ಮಪ್ಪ ಆಗ 'ಕಸಾಪ'ದಲ್ಲಿ ಇದ್ರು. ಅವರಿಗೆ ನಮ್ಮಜ್ಜನ ಮೇಲೆ ಕೆಂಡಂತೆ ಸಿಟ್ಟು ಬಂದಿತ್ತಂತೆ.

ನಂಗೆ ಕನ್ನಡದಲ್ಲಿ ಕಡಮೆ ಎಣಿಕೆ ಬಂದ್ರೇ ಆಯ್ತು, ನಮ್ಮಪ್ಪ ಸ್ಯಾನೆ ಸಿಡಿಮಿಡಿ ಮಾಡಿತಿದ್ರು. ಅದಕ್ಕೆ ನಾನು ಯಾವಾಗಲು ಕನ್ನಡದಲ್ಲಿ out of out ತೆಗೆಬೇಕಂತ, ಕನ್ನಡದ textbook ಪಾಠ ಪಾಠ ಉರು ಹೊಡೀತಿದ್ದೆ. ಹಂಗಿಂದ ಹಂಗೆ text bookಇಂದ ನೇರ answer sheetಗೆ ಇಳಿಸ್ತಿದ್ದೆ. ಆಹಾ ಹಳೇ ನೆನೆಪು!!

ಆ ಮೇಲೆ ನನ್ ತಮ್ಮನ್ನ ನಮ್ಮ ತಗೊಂಡು ಹೋಗಿ ಕನ್ನಡ ಮೀಡಿಯಂ ಹಾಕಿದ್ರು. ಅವನಿಗೆ ಹೈಸ್ಕೂಲಲ್ಲಿ ನಾನು science, maths ಹೇಳಿಕೊಡಬೇಕಾಗಿ ಬಂತು.

ಅವರ ಪತ್ರಹರಿತು( ಎಲೆಹಸಿರು, Chlorophyll)[ಪತ್ರ ಹರಿದು ಹೋಯ್ತು ಅಂತ ಅಂದುಕೊಂಡ್ರು ತಪ್ಪಲ್ಲ ], ವಕ್ರೀಭವನ( ಬೆಳಕುಬಾಗು, refraction ), ಪ್ರತಿಫಲನ( ಕನ್ನಡಿತನ reflection ) ಇವೆಲ್ಲ ನನಗೆ ಹೇಳಕ್ಕೆ ಆಗದೇ ನಗೆ ಬರುತ್ತಿತ್ತು. ಕೊನೆಗೆ ಇದರಿಂದ ಬಿಡುಗಡೆಗಾಗಿ ನಾನು ತಲೆಯೋಡಿಸಿದ್ದು ಬೇರೆ ವಿಸಯ ಬಿಡು.

ನನ್ ತಮ್ಮ ದೊಡ್ಡದಾಗಿ ೧೦ನೇ ತನಕ ಕನ್ನಡಸೇವೆ ಮಾಡಿ ಬಂದು, ೧ puc science(PCMB) ಇಂಗ್ಲೀಸು ಮೀಡಿಯಂ ತಗೊಂಡ. ಅವನ ಹತ್ರ ಇದ್ದ ಪತ್ರಹರಿತು, ವಕ್ಕರಿಸಿದ್ದ ವಕ್ರೀಭವನ, ಪಕ್ಕದ ಪ್ರತಿಫಲನ ಮಂಗಮಾಯ!! ಅವನಿಗೆ ಸಲೀಸಾಗಲೀ ಅಂತ ನಾನು ಅವನ ಹೈಸ್ಕೂಲ್ science, maths ಹೊತ್ತಗೆಗಳನ್ನೆಲ್ಲ ಜಾಲಾಡಿ, ಒಂದು ಒರೆಗಂಟು ಮಾಡಿಕೊಟ್ಟಿದ್ದೆನು. ಅದರೆ ಅದೂ ಅವನಿಗೆ ಹೆಚ್ಚು ನೆರವಾಗದಿದ್ದು ನನಗೊಂದು ನೋವೇ

ಈಗ 'ದೊಡ್ಡಿ'ಯಲ್ಲಿ ಡಿಪ್ಲೊಮೊ ದಂಡಯಾತ್ರೆಯಲ್ಲಿ ತೊಡಗಿದ್ದಾನೆ .
======================================
ಕನ್ನಡ ಮೀಡಿಯಮ್ಮಲ್ಲಿ ಓದೋರೆಲ್ಲ, ಮುಂದುವರಿಯಲ್ಲ ಅಂತ ಅಲ್ಲ. ಆದರೆ ಇಂಗ್ಲೀಸು ಮೀಡಿಯಮ್ಮವರು ಪಾಟಿ ಬರಲ್ಲ, ಬರಕ್ಕಾಗಲ್ಲ, ಅಂತ statistics ಹೇಳುತ್ತದೆ.

ಇಲ್ಲಿ "ಮುಂದುವರಿ" ಅಂದರೆ number people graduation in science or professional courses ಅಂತ ಇಟ್ಟುಕೊಳ್ಳೋಣ.

ನನ್ನ ಒಳನಿಸಿಕೆ "ಇಂದು ಮಕ್ಕಳು ಕನ್ನಡ ಮೀಡಿಯಂ ಅಂತ ಹೆಸರಿನ ಸಕ್ಕದ ಮೀಡಿಯಮ್ಮಲ್ಲೇ ವಿಗ್ನಾನ, ಗಣಿತ ಓದ್ತಾ ಇರೋದು, ದಿಟವಾದ ಕನ್ನಡ ಮೀಡಿಯಮ್ಮಲ್ಲಿ ಇನ್ನೂ ಸರಕಾರ ಕಲಿಸಕ್ಕೆ ತೊಡಗೇ ಇಲ್ಲ"

ಸರಕಾರದ 'ಪಠ್ಯಪುಸ್ತಕ'ಗಳು ಇಂಟರ್ನೆಟ್ಟಲ್ಲೇ ಸಿಗುವುದು. ಹುಡುಕಿ ಓದಬೋದು. ನಾನು ಈಗಿನ ಹತ್ತನೇ ಕ್ಲಾಸಿನ ಕನ್ನಡ ಓದ್ತಾ ಇದ್ದೀನಿ. ಮೊದಲನೇ ಪಾಠ ನೋಡಿ ಚೆನ್ನಾಗಿದೆ. ನಯಸೇನ ಅಂಡಯ್ಯ ಎಲ್ಲ ಬತ್ತಾರೆ!

ಹೌದು; ಹೈಸ್ಕೂಲಲ್ಲಿ ಒಳ್ಳೆಯ ಅಂಕಗಳೇ ಬಂದಿದ್ದವು. ಸುಮಾರು 80 ಶೇಕಡಾ. ಆದರೆ ಮೊದಲ ವರ್ಷದ ಪಿ .ಯು .ಸಿ . ಯಲ್ಲಿ ಇಂಗ್ಲಿಷ್ ನಲ್ಲಿ ಫಿಸಿಕ್ಸ್, ಕೆಮಿಸ್ಟ್ರಿ ಇತ್ಯಾದಿ ಓದುವಾಗ ನನಗೆ ಹಿಂದೆ ಓದಿದ್ದ ಯಾವುದೇ ವಿಷಯಗಳನ್ನೂ ಹೊಸ ವಿಷಯಗಳ ಜೊತೆಗೆ relate ಮಾಡಲಾಗಲಿಲ್ಲ. ಹಾಗಾಗಿ ಒಂದು ಅರ್ಥದಲ್ಲಿ ಇನ್ನೊಮ್ಮೆ ಅದೇ ಹಳೆಯ ವಸ್ತುವನ್ನು ಇಂಗ್ಲಿಷ್ ನಲ್ಲಿ ಓದಬೇಕಾಗಿ ಬಂತು. ಮತ್ತೆ ಹೊಸ ವಿಷಯಗಳನ್ನು ಓದುವುದೆಲ್ಲಿ? ಬಹುಶಃ ಆಗ ನನ್ನ ಜೊತೆಗಿದ್ದ ಅನೇಕರ ಗೋಳು ಕೂಡ ಇದೇ ಆಗಿತ್ತು.

ಶಾಲೆ / ಹೈಸ್ಕೂಲಿನಲ್ಲಿ ಕನ್ನಡ ಪಠ್ಯಪುಸ್ತಕಗಳಲ್ಲಿ ಪಾರಿಭಾಷಿಕ (?) (technical) ಶಬ್ದಗಳ ಬಳಕೆ, definitions ಎಲ್ಲ ತುಂಬ ಗೊಂದಲಮಯವಾಗಿದ್ದವು. ಉದಾಹರಣೆಗೆ ’ಬಲ”ಅಂದರೆ force; ’ಶಕ್ತಿ”ಅಂದರೆ energy ಅಂತ ಬರೆದಿರುತ್ತಿತ್ತು. ಅವೆರಡೂ ಅಚೀಚೆ ಯಾಕಾಗಬಾರದು ಎನ್ನುವುದಕ್ಕೆ ಉತ್ತರ ಇರಲಿಲ್ಲ. ಸಂಸ್ಕೃತದಲ್ಲಿ ’ಬಲ’ ಮತ್ತು”ಶಕ್ತಿ ’ಹೆಚ್ಚು ಕಡಿಮೆ ಒಂದರ ಬದಲಿಗೆ ಇನ್ನೊಂದು substitute ಮಾಡಬಹುದಾದ ಶಬ್ದಗಳು. ಹಾಗಾಗಿ ನಮಗೆ force ಮತ್ತು energy - ಎರಡೂ ಸರಿಯಾಗಿ ಅರ್ಥ ಆಗಲಿಲ್ಲ.

ನಿಮ್ಮ ಒಳ ಅನಿಸಿಕೆ ಸರಿ ಇದೆ.
ನೀವು ಕಿಟೆಲ್ ಎರಡನೆ ಹುಟ್ಟು. ನಗೆಚಟಾಕಿಗೆ ಅಂದೆ ದೊರೆ, ತಪ್ಪು ತಿಳಿಬೇಡಿರಿ.

ಮಹೇಶ,

..."ಅಡಿಯಡಿಗೆ ಅರಸರಸಿ ಕಾಯಲು ತಾವೇನು ಅರಸರೇ?"...

ಇದು ನಿನ್ನ ಹುಡುಕೇ? ಓದಿದಾಗ ನನಗೆ ಬಬ್ರುವಾಹನದ ಹಾಡು ನೆನೆಪಾಯಿತು

'..ಬಡ ಬಡ ಶಿಖಂಡಿಯೆಂದಡಿಗಡಿಗೆ ನುಡಿಯಬೇಡಲೋ ಮೂಡ..."