!!೧೫ ಮಾತ್ರೆಗಳು!!

ಅರಳಿಸೆ ಹೂಗಳ ಕೆಂಪನೆ ತರಣಿ
ಮೂಡಿ ಬಾನಲಿ ಬಾನಾಡಿ ಸರಣಿ
ಮುಡಿದಿರೆ ಮಲ್ಲಿಗೆ ಬುವಿಯದು ತರುಣಿ
ಸೂಸಿತು ಕಂಪನು ಚೆಲುವಿನ ಧರಣಿ

ತುಂಬಿ ತಿಳಿಬೆಳಗು ತಂದಿತು ಸೊಬಗು
ನೋಡೀ ಮೋಡಿ ಜಗವೆಲ್ಲ ಬೆರಗು
ಕೇಳಲು ಚಿಲಿಪಿಲಿ ಹಕ್ಕಿಯ ನಲಿವು
ಬಂದಿದೆ ಮೆಲ್ಲನೆ ಬುವಿಗಾ ಸೊಗವು

ನೋಡಿರೆ ಅರಳಿದ ಹೂಗಳ ದುಂಬಿ
ಹಿಂಡಲಿ ಹಾಯಿತು ಕುಡಿಯಲು ಉಮ್ಮಿ
ದುಂಬಿಯು ಉಲಿಯುವ ಗುಂಯ್ ಗುಂಯ್ ದನಿಯು
ಗೊಲ್ಲನ ಕೊಳಲಿಗೆ ಆಯಿತು ಶೃತಿಯು

ಕೊಳಲಿನ ಇಂಪಿಗೆ ಬಂದಿತು ತುರುವು
ಹಸಳೆಯ ಕಂಡೊಡೆ ನಲಿಯಿತು ಕರುವು
ಗೊಲ್ಲನ ಹಾಡಿಗೆ ತಲೆಯನು ತೂಗಿ
ಹುಲ್ಲನು ಮೇಯಿತು ಕೊರಳನು ಬಾಗಿ

.
.
.
====================
ಸುನಿಲ ನೆರವಿಗೆ ನನ್ನಿ!

ಉಮ್ಮಿ = ಮುತ್ತು ಕೊಟ್ಟು
ಹಸಳೆ = ಹುಲ್ಲುಗಾವಲು
ಸರಣಿ = series,row
ಹಾಯಿತು = rush in haste
======================