HPN,
ನೀವು ಕಶ್ಟ ಅನ್ನುವುದಕ್ಕೆ ಓಸುಗರ/ಕಾರಣ ನಿಮ್ಮ ಇಂಗಲೀಸ್ ನುಡಿಯ/ಭಾಶೆಯ ಅರಿವು. ನೀವು ಈಗಾಗಲೆ ಇಂಗಲೀಸ್ನಲ್ಲಿ ಈಗಾಗಲೇ ಈ ಒರೆ/ಪದಗಳನ್ನು ಹಲವು ದಿನಗಳಿಂದ ಬಳಸುತ್ತಿದ್ದೀರ. ಅದಕ್ಕೆ ಅದು ತಮಗೆ ಸಲೀಸು ಅಲ್ಲವೇ?

ನಮ್ಮಲ್ಲಿ ಹೆಚ್ಚು ಜನರಿಗೆ ಸಕ್ಕದ , ಇಂಗಲೀಸ್ ಸರಿಯಾಗಿ ಬರಲ್ಲ. ಅವರು ಹೆಂಗೆ ಈ ಎಣಿ/ಕಂಪೂಟರ್ ಬಗ್ಗೆ ಕಲಿಯುವುದು ?
ಅವರಿಗೆ ಇಂಗ್ಲೀಸ್ ಕಶ್ಟ, ಸಕ್ಕದ ಇನ್ನು ಕಶ್ಟ

ಇಲ್ಲಿ ನಮ್ಮ - ನಿಮ್ಮ ಕಸ್ಟ ಲೆಕ್ಕಕ್ಕೆ ಬರೋಲ್ಲ.. ಈ ಒರೆಗಳನ್ನು( ಮೇಲೆ ಮಹೇಶ ಹೇಳಿರುವ) ನಾವು ನಿಜವಾಗಲೂ ಸಾಮಾನ್ಯ ಮಂದಿಗೆ(ಇಂಗಲೀಸ್, ಸಕ್ಕದ ಸರಿಯಾಗಿ ಗೊತ್ತಿರದ ಮತ್ತು ಬರೀ ಕನ್ನಡ ಗೊತ್ತಿರುವ/ಕಲಿತಿರುವ ) ತೋರಿಸಿ ಅವರ ನಿಲುವು ತಿಳಿದುಕೊಳ್ಳಬೇಕು.

ನಾವು ನಮ್ಮ ಬೇಕು ಬೇಡಗಳನ್ನು ಬದಿಗಿಟ್ಟು ಒಬ್ಬ ಸಾಮಾನ್ಯ ಇಂಗಲೀಸ್, ಸಕ್ಕದ ಸರಿಯಾಗಿ ಗೊತ್ತಿರದ, ಬರೀ ಕನ್ನಡವನ್ನು ಕಲಿತಿರುವವರಿಗೆ ಬಗ್ಗೆ ನಾವು ಉಂಕಿಸ/ಚಿಂತಿಸ ಬೇಕಾಗುತ್ತದೆ.

ವಿಷಯ ಚನ್ನಾಗಿದೆ, ನೀವು ಹೇಳಿದ ತೋರು ಮತ್ತು ಕುರೆ*ಗಳ ವ್ಯತ್ಯಾಸ ಸರಿಯೇ, ಆದರೆ, ನನಗೆ ತಿಳಿದ ಮಟ್ಟಿಗೆ ತೋರುವನ್ನು ಎರಡೂ ರೀತಿ ಬಳಸಬಹುದು. ಉದಾ: ನಾನು ದಾರಿ ತಪ್ಪಿದಾಗ ಒಬ್ಬ ಮಹಾನ್ ವ್ಯಕ್ತಿ ಸರಿಯಾದ ಮಾರ್ಗವನ್ನು ತೋರಿಸಿದನು. ಇದನ್ನು ಆಂಗ್ಲದಲ್ಲಿ ಎರಡು ಬಗೆ ಹೇಳಬಹುದು: When I was lost a wise man showed me the way ಅಥವ When I was lost a wise man pointed to the right direction and helped me. ತೋರು ಎನ್ನುವ ಪದವನ್ನು ಭಾವರ್ಥವಾಗಿ ಅಥವ ಅಕ್ಷರಶಃ ಉಪಯೋಗಿಸಬಹುದು. ನಾವೇಕೆ ಈ ಪದದ ಭಾವಾರ್ಥವನ್ನು ಬಳಸಬಾರದು?

ಅದಿರಲಿ, ನಾನು ಅದೇ ಪದವನ್ನು ಏಕೆ ಬಳಸಿದೆ ಅಂದರೆ, ಆಂಗ್ಲದಲ್ಲಿ Mouseಗೆ ಅಥವ ಅದರ ಜಾತಿಗೆ ಸೇರಿದ ಯಾವುದೇ ಉಪಕರಣಕ್ಕೆ Pointing Device ಎಂದು ಕರೆಯುತ್ತಾರೆ. Mouse ಎನ್ನುವುದು ಆಡುಭಾಶೆ, ಆದರೆ ಇದರ ಸರಿಯಾದ ಹೆಸರು Pointing Device. ಕ್ರಮೇಣ ಆಡುಭಾಶೆಯೇ ಚಾಲತಿಯಲ್ಲಿ ಬಂದು ಇಂದು ನಾವು ಇಲಿಯನ್ನೂ Mouse ಎಂದು, ಕೆಲೆಸಕ್ಕೆ ಬಳಸುವ ಇಲಿಚಪ್ಪನನ್ನೂ Mouse ಎಂದು ಕರೆಯುತ್ತೇವೆ.

ಮಹೇಶ,
ಎಲ್ಲ ಚೆನ್ನಗಿವೆ..

ನಮ್ಮ ಮನೇಲಿ ನಾನು ಹೊಸದಾಗಿ ಎಣೆ(computer) ತಂದಾಗ, ತಮಾಷೆಗೆ ಮೌಸ್ ಗೆ ಗುಣಿ ಅಂತ ಅಂದೆ. ಅಂದಿನಿಂದ ನಮ್ಮ ಮನೇಲಿ ಚಿಕ್ಕ ಮಕ್ಕಳೆಲ್ಲ ಗುಣಿ ಅಂತಾರೆ... ನಮ್ಮ ಪಕ್ಕದ ಮನೆ ಮಗು ಇದಕ್ಕೆ ಚಿಣಿಮಿಣಿ ಅನ್ತಿತ್ತು..

ನಮ್ಮ ಕಡೆ ಬಟ್ಟೆ ನೇಯುವ ಕಸುಬು ಜಾಸ್ತಿ, ಅಲ್ಲಿ ಬಟ್ಟೆ ಮಗ್ಗದಲ್ಲಿ ದಾರ/ನೂಲಿನ ಗುಣಿ ಅಂತ ಬಳಕೆ ಇದೆ... ಗುಣಿಯ ಒಳಗೆ ದಾರ ಸುತ್ತಿರುತ್ತೆ, ಅಲ್ಲದೆ ಅದು ದಾರವನ್ನು ನೇರವಾಗಿ ಗುರಿಇಟ್ಟು ಸೀರೆಯ ಉದ್ದಗೆರೆಗೆ ಅಡ್ಡವಾಗಿ ಓಡಾಡುತ್ತಿರುತ್ತೆ, ಹಾಗೆ ಓಡಾಡುವಾಗ ಒಂದು ಅಡ್ಡ ಎಳೆಯನ್ನು ಬಿಡುತ್ತದೆ. ಆಗ ಸೀರೆಯಾಗಿ ನೇಯುವದು.

ಅದಕ್ಕಾಗಿ ಇದಕ್ಕೆ ಗುಣಿ ಇಲ್ಲ "ಗುರಿಣಿ" ಇಲ್ಲ ಒಟ್ಟಿಗೆ ಸೇರಿಸಿ ಗುರ್ಣಿ ಅಂತ ಏಕೆ ಕರೀಬಾರದು.. ಇದು ಚಿಕ್ಕದಾಗಿದೆ ಅಲ್ಲವೆ.