ನೆನ್ನೆ ನಾನು ಮತ್ತು ಸಹಕಕ್ಷಕ ಕದಳಿಭಕ್ಷಣೆಗೆಂದು ಒಂದು ವಿಪಣಕ್ಕೆ ಗಮಿಸಿದೆವು. ಅತ್ರ ಕನ್ನಡ ಭಾಷೆಯ ಬಹು ವಿಧದ ಪುಸ್ತಕಗಳನ್ನು ತೋರಣದಂತೆ ವಿಪಣದ ಅಗ್ರದಲ್ಲಿ ಕಟ್ಟಿದ್ದರು. ನಾವು ಕದಳಿಭಕ್ಷಣನಿರತಾಗಿದ್ದಾಲೇ ನಮ್ಮ ನೇತ್ರಗಳ ದೃಷ್ಟಿ ಅಲ್ಲಿದ್ದ ಪುಸ್ತಕೈಕದ ಮೇಲೆ ಬಿದ್ದಿತು. ನನ್ನ ಸಹಕಕ್ಷಕ ಅದರ ನಾಮಧೇಯ "ಆದರ್ಶ ದಂಪತಿ" ಎಂದು ಕನ್ನಡದಲ್ಲಿ ಇರುವದನ್ನು ಕಂಡು ಇಂತು ಸಂಭಾಷಿಸಿದನು..

ಸಹಕಕ್ಷಕ : "ಏಲೈ ಸಹಕಕ್ಷಕ, ಅಕೋ ವೀಕ್ಷಿಸು, ಆ ಕನ್ನಡಪುಸ್ತಕವನ್ನು. ವಿವಾಹಸನ್ನಿಹಿತಸನ್ನಿವೇಶಿಯಾದ ನಿನಗೆ ದಾಂಪತ್ಯಮಾರ್ಗದರ್ಶಿಯಾಗಬಹುದು. ಕ್ರಯಿಸಿ ಪಠಿಸಿ ಜ್ಞಾನಭಾಗ್ಯವನ್ನು ಲಭಿಸಿಕೋ"
ಅಹಂ : "ಭಲೇ ಸಹಕಕ್ಷಕ, ಈಗಲೇ ಕ್ರಯಿಸಿ ಗೃಹಕ್ಕೆ ಒಯ್ಯೋಣ. ತಥಾಸ್ತು" ಎಂದೆನು

ಸಹಕಕ್ಷಕನ ಚತುರಮತಿಯನ್ನು ಪ್ರಶಂಸಿಸುತ್ತಾ ಪುಸ್ತಕವಿಶೇಷದ ಸಹ ನಮ್ಮ ಸದನಕ್ಕೆ ಆಗಮಿಸಿ ವಿಶ್ರಮಿಸ ಹತ್ತಿದೆವು.

ಪುಸ್ತಕಕೊಂಡದ್ದು ಎನಗಾದರೂ ಅದನ್ನು ಓದಲು ಉಪಕ್ರಮಿಸಿದ್ದು ಮಾತ್ರ ನನ್ನ ಸಹಕಕ್ಷಕ. ಎರಡು ಪುಟಗಳನ್ನು ಪಠಿಸಿ ತ್ರಾತನಾಗಿ "ನನಗೆ ತಿಳಿಯುತ್ತಿಲ್ಲ.. ನಿದ್ರಾಕರ್ಷಣನಾಗುತ್ತಿಹೆನು.. ಇಕೋ, ಪಠಿಸಿಕೋ" ಎಂದು ಪುಸ್ತಕಪ್ರದಾನಮಾಡಿ ಶಯನಗೈದನು.

ಇತ್ತ ಪುಸ್ತಕಪ್ರಾಪ್ತಭಾಗ್ಯನಾಗಿ ಓದಹತ್ತಿದೆನು. ಸತ್ಯವಾಗಲೂ ಒಳ್ಳೆಯ ಪುಸ್ತಕ. ದಾಂಪತ್ಯಕ್ಕೆ ಅಗತ್ಯವಾದ ವಿಚಾರ ವಿವರಣಾ ವರ್ಣನೆಗಳನ್ನು ಸುಲಲಿತವಾಗಿ ಉನ್ನತವಾಗಿ ಬರೆದಿದ್ದಾರೆ. ಗರ್ಭನಿರೋಧಕ ವಿಧಾನದಿಂದ ಗರ್ಭಹರಣದ ವರೆಗೂ ಕೊಟ್ಟಿರುವ ಮಾಹಿತಿ ಉಪಯುಕ್ತವಾಗಿದೆ.

ಆದರೆ ಸರ್ವಾಧ್ಯಾಯಗಳಿಗಿಂತ ನನಗೆ ಆಪ್ಯಾಯಮಾನವಾದುದು "ಚುಂಬನ-ಚಂದನ" ಅಧ್ಯಾಯ. ಇದರಲ್ಲಿ ಶ್ರೇಷ್ಠಸಂಸ್ಕೃತಕಾವ್ಯೈಕವಾದ ವಾತ್ಸಾಯನರ್ಷಿಯ ಕಾಮಸೂತ್ರದಿಂದ ಬಹುವಿಧದ ಚುಂಬನಗಳನ್ನು ವರ್ಣಿಸಿದ್ದಾರೆ. ನನಗೆ ಆಕರ್ಷಣೀವೆನಿಸಿದ ಒಂದನ್ನು ಹೇಳುವೆನು

ಛಾಯಾಚುಂಬನ : ಪತಿಯು ದರ್ಪಣವನ್ನು ನೋಡಿಕೊಂಡು ತನ್ನ ದಾಡಿಗಡ್ಡವನ್ನೂ ಮೀಸೆಯನ್ನೋ ಅಲಂಕರಿಸಿಕೊಳ್ಳುತ್ತಿರುತ್ತಾನೆ, ಆಗ ಸತಿಯು ಬಂದುದು ಆ ದರ್ಪಣದಿಂದ ದರ್ಶನವಾಗುತ್ತದೆ. ಆಗ ವಲ್ಲಭನು ಆ ದರ್ಪಣದ ಬಿಂಬಕ್ಕೆ ಛಾಯೆಗೆ ಚುಂಬಿಸುವನು. ಇದನ್ನು ಛಾಯಾಚುಂಬನವೆನ್ನುವರು.

ಎಷ್ಟು ಮನೋಹರವಾಗಿದೆ ಅಲ್ಲವೇ? .............

ನಮ್ಮ ಸಾಹಿತ್ಯದಲ್ಲಿ ಎಂಥೆಂಥಾ ಅಮೂಲ್ಯರತ್ನಗಳಿವೆಯೋ.. !!