ಮೊನ್ನೆ ಏನಾಯ್ತು ಗೊತ್ತಾ!?

ನಾವಯ್ವರು( ಯಾರೀ ಅಯ್ವರು.. ಅದು ಬೇಡ ) ಅಂಕಿತ ಹೊತ್ತಗೆಯಂಗಡಿಗೆ ಹೊಕ್ಕು, ಹಲಹೊತ್ತಗೆಗಳನ್ನು ಕೊಂಡೆವು. ಅದರಲ್ಲಿ ನಾ, ನನ್ನ ಮೆಚ್ಚುಬರಹಗಾರ ಶಂಕರ ಬಟ್ರ "ಕನ್ನಡ ನುಡಿ ನಡೆದು ಬಂದ ದಾರಿ" ಎಂಬ ಹೊತ್ತಗೆ ಕೊಂಡೆಂ. ಅದರ ಕೂಡೇ ಮತ್ತೊಂದು ಹೊತ್ತಗೆಯನ್ನೂ ಕೊಂಡೆನು...

ಆದ್ರೀಗಿಲ್ಲಿ "ಕನ್ನಡ ನುಡಿ ನಡೆದು ಬಂದ ದಾರಿ" ಈ ಹೊತ್ತಗೆ ಬಗ್ಗೆ ತುಸು ಹೇಳ್ತಿನಿ. ಅದನ್ನಿನೊದಿ ಮುಗಿಸಿಲ್ಲ. ಆದ್ರೆ ಮೊದಲೆರಡು ಅದ್ಯಾಯಗಳಲ್ಲೇ ಹಲ-ಹಲವು ಸೋಜಿಗದ ಸಂಗತಿಗಳ ಬಂದು ಹೋದವು.

ಅವಗಳಲ್ಲಿ

೧) ಮುಗಿತಾಯ ಅಂದ್ರೆ ಮುಗಿಯುವಿಕೆ.. ಇದೇ ಮುಕ್ತಾಯವಾಗಿದೆಯೇ ಎಂಬ ಹುಳ ನನ್ನ ತಲೆ ಹತ್ತಿದೆ.
ಹಾಗೇ ಮುಗಿ/ಮುಕಿ( ದ್ರಾವಿಡ ) ಬೇರಿನಿಂದಲೇ ಮುಕ್ತಿಯೂ ಬಂದಿದೆಯೇ ಅನ್ನಿಸುತ್ತಿದೆ.

ನೋಡಿ.. ಮುಗಿ ಅನ್ನೋ ಕನ್ನಡ ಬೇರು( ಇದ್ದು ಕನ್ನಡದ್ದೇ ಅನ್ನೋದಕ್ಕೆ ಯಾವ ಐಬಿಲ್ಲ ) ಬಲು ಮಾಮೂಲಿಯಾದುದು ನಮಗೆ. ಆದ್ರಿದು ಸಕ್ಕದದಕ್ಕೆ ಹೋಗೊಂದು ದೊಡ್ಡ ಅರಿತ ಪಡೆದಿದೆಯೆಂದು ನನ್ನ ಲೆಕ್ಕ.( ನೋಡಿ, ಹೀಗೇನೇನೇಯ ನಮ್ಮ ಕನ್ನಡದಲ್ಲೂ ಆಗವೆ. ಸಕ್ಕದದ 'ಆಂದೋಲನ'(ಬೀಸುವುದು, ತೂಗುವುದು), ನಮ್ಮ ಕನ್ನಡದಲ್ಲಿ ಬಲು ದೊಡ್ಡ ಅರಿತ ಪಡೆದಿದೆ )

೨) ಮಾಯ( ಮಾಸ್/ಮಾಯಿ )
ಕನ್ನಡದಲ್ಲಿ ಮಾಸು/ಮಾಯಿ ಅಂದ್ರೇನು? ಮಾಯವಾಗು, ಕಾಣೆಯಾಗು, ಇಲ್ಲದೇ ಹೋಗು....
( ಮಾಯ್ ದ್ರಾವಿಡ ಬೇರು?, ತಮಿಳಲ್ಲಿ ಉಯಿರು, ಕನ್ನಡದಲ್ಲಿ ಉಸಿರು; ತಮಿಳಲ್ಲಿ ವಯಿರು, ಕನ್ನಡದಲ್ಲಿ ಬಸಿರು ),

ಮಾದರಿ, ಗಾಯ-ಮಾಯಿ/ಮಾಸು ಅಂದ್ರೆ ಗಾಯವು ವಾಸಿಯಾಗಿ, ಅದರ ಕಲೆಹೋಗು.

ಮಾಯ್/ಮಾಸ್ ಸಕ್ಕದಕ್ಕೆ ಹೋಗಿ "ಮಾಯ" ಎಂಬ ದೊಡ್ಡ ಅರಿತ ಪಡೆದಿದೆ. ( ನೋಡಿ, "ಮಾಯ"ದ ಬಗ್ಗೆ ಸಿಕ್ಕಾಪಟ್ಟೆ ಬರೆದವರು ನಮ್ಮ ತೆಂಕಣ(ದ್ರಾವಿಡ ನುಡಿಯ) ಶಂಕರಾಚಾರ್ಯರು ಅನ್ನೋದು ಕಾಗೆಲೆಕ್ಕ(ಕಾಕತಾಳೀಯ) ಇರಬೋದು ).

ಅದೂ ಅಲ್ಲದೇ ನಮ್ಮ ತೆಂಕಣರು ಮಾಯಮಂತ್ರದಲ್ಲಿ ಎತ್ತಿದಗೈ. ( ಕನ್ನಡಿಗರನ್ನು ಬಲು ಮಾಯಮಂತ್ರದವರು, ಕನ್ನಡ ಅಂದ್ರೆ ಕಪ್ಪುನುಡಿ, ಮಾಯಮಂತ್ರ ಬಾಶೆ ಅಂತ ನಂಬಿಕೆ ಇದೆಯಂತೆ )

ದಯವಿಟ್ಟು ಗಮನಿಸಿ.. ( ಮುಕ್ತಿ, ಮಾಯ ಇವು ಸಕ್ಕದದ್ದು ಅಲ್ಲವೇ ಅಲ್ಲ.. ಎಂದು ಹೇಳ್ತಿಲ್ಲ.. ಕನ್ನಡ/ದ್ರಾವಿಡದಿಂದ ಹೋಗಿರಲಿಕ್ಕೂ ಸಾಕು )

೩) ಕನ್ನಡಲ್ಲಿ ಎರಡು 'ಅ'ಗಳಿವೆ, ಮೂರು 'ಎ'ಗಳಿವೆ.
ಏನಂಗಂದ್ರೆ?

ತುಸು ನೀವೇ ಓದಿ ನೋಡಿ..

ಗುಲಬರ್ಗದವರು ಕತ್ತಿ ಅಂದ್ರೆ
೧) ಕತ್ತಿ, ಬಾಳ್, ಚಾಕು
೨) ಕತ್ತೆ

ಎಂಬೆರಡೆರಡರಿತಗಳ ಬರುವುವಂತೆ. ಆದ್ರವರು ಇವೆರಡನ್ನು ಬೇರೆಬೇರಾಗುಲಿದು ಬೇರೆತನಗಳಂನು ತೋರುವರಂತೆ.

ಕತ್ತಿ(ಚಾಕು) ಅಂದಾಗ 'ಕ'ಅಲ್ಲಿರುವ 'ಅ' ಬೇರೆ, ಕತ್ತಿ(ಕತ್ತೆ) ಅಂದಾಗ 'ಕ' ಅಲ್ಲಿರುವ 'ಅ' ಬೇರೆ.

ಹಾಗೆ ಬಡಗಗನ್ನಡದಲ್ಲಿ ಮೂರು 'ಎ'ಗಳಿವೆಯಂತೆ. 'ಬೇ' ಎಂಬೊರೆಗೆ, ಅದರಲ್ಲಿ ಬರುವ ಯಾವ 'ಎ' ಎಂಬುದರ ಮೇಲೆ ಬೇರೆ ಬೇರೆ ಅರಿತಗಳಿವೆಯಂತೆ.

ಇನ್ನೋ ಸಕ್ಕತಾದ ಸಂಗತಿಗಳವೆ.. ಹುರುಪಿರೋರು ಓದ್ರಿ... ವಿಶೇಶಗಳನ್ನು ನಮಗೂ ಹೇಳ್ರಿ.

ಸರಿ.., ಮಿಕ್ಕಿದ್ದು, ಮುಂದೆ...

ನನ್ನಿ!